السجلات التجارية

[جيمس بوند]

عندي سؤال بخصوص السجلات التجارية الموقوفة ؟؟
ماهي الانشطة اللي وقفوها ؟!

ياليت الرد يكون على الخاص

ودمتم بود

[جيمس بوند]

كالعادة ، مشاهدات بدون مشاركات

[شموخ دائم]

,

,


مرحبا


اخوي الكريم

لان سؤالك صعب على الاعضاء وما بتلاقي اجابه هنا لسؤالك

انت طلبت كل الانشطه ( الموقوفه ) وهذا يحتاج موظف في الرخص يجاوب عليه
لانها لسته طويله ولها اشتراطات متنوعه ويطول الحديث فيها

كان ممكن تسئل عن النشاط الي انت مهتم فيه وبتلاقي اجابه ان شاء الله

وبتلاقي من يجاوبك باذن الله


:)

وسع صدرك ترى التجاره كلها ( ابواب مغلقه ) وتحتاج وسيع صدر لاقتحامها

التجاره كلها اهم مافيها واغلى مافيها

( المعلومه )

اتعب فيها

واسمك

جمس بوند

يعني لازم اسم على مسمى فتش عن المعلومه
:)

50 ريال حق ( التي بوي ) يعطيك صوره من الكشف كامل
هههههه

موفق يارب

,

,


اخوك


شموخ دائم

[رحال الدوحه]

عندي سؤال بخصوص السجلات التجارية الموقوفة ؟؟
ماهي الانشطة اللي وقفوها ؟!

ياليت الرد يكون على الخاص

ودمتم بود


السلام عليكم ورحمة الله وبركاته ،،

يعطيكم العافيه كلكم ويمسيكم بالخير اخواني وخواتي الكرام .

بخصوص سؤالك اخوي ، حسب علمي ما في نشاط معين موقف
اللهم ان بعض الاجراءات والاشتراطات واللوائح ومتطلبات
النشاط التجاري هي اللي تصعب الترخيص حسب المتطلبات
من الجهات المعنيه .

وأغلب الناس من صعوبة الاجراءات ( تستصعب ) الترخيص
وهالشئ ينتشر بسرعه بينهم ويصير النشاط الفلاني موقف .

ولا تهون حدد نشاطك وراح نشوف شنهي اجرائته وأفيدك
بالمعلومات .

[New Vision]

وايد نشاطات موقوفة وخصوصا الي فيها ربح

[captin]

مرحبا أخوي

عندك إدارة التسجيل التاجري بوزارة الاقتصاد والتجارة
روح واسأل عن النشاط اللي تبيه وهم بيقولون لك اجراءات استخراج
أي نشاط لأن بعض الانشطة تتطلب موافقة الجهات ذات العلاقة
سواء الداخلية او مصرف قطر المركزي او المجلس الاعلى للتعليم الخ.

وعندك في المنتدى الأخ رحال الدوحة هو المرجع الاول لمثل هاذي الأمور

بالتوفيق ان شاء الله

[ميلاف]

,

,


مرحبا


اخوي الكريم

لان سؤالك صعب على الاعضاء وما بتلاقي اجابه هنا لسؤالك

انت طلبت كل الانشطه ( الموقوفه ) وهذا يحتاج موظف في الرخص يجاوب عليه
لانها لسته طويله ولها اشتراطات متنوعه ويطول الحديث فيها

كان ممكن تسئل عن النشاط الي انت مهتم فيه وبتلاقي اجابه ان شاء الله

وبتلاقي من يجاوبك باذن الله


:)

وسع صدرك ترى التجاره كلها ( ابواب مغلقه ) وتحتاج وسيع صدر لاقتحامها

التجاره كلها اهم مافيها واغلى مافيها

( المعلومه )

اتعب فيها

واسمك

جمس بوند

يعني لازم اسم على مسمى فتش عن المعلومه
:)

50 ريال حق ( التي بوي ) يعطيك صوره من الكشف كامل
هههههه

موفق يارب

,

,


اخوك


شموخ دائم

حلو كلامك شموخ ومقنع بس الوزاره خسرانه تتطبع لسته وتخليهااا للجمهور او على الاقل في موقعهم على النت يحطون الانشطه الموقوفه مؤقتا والتي بوي هو الان مخلص في بعض الوزارت من بعض الاجراءات البيرواقرطيه