من هو الصديق الحقيقي وقت الضيق ؟!

[مشاكل]

قيل في الامثال : ( الصديق وقت الضيق )

اذاً الصداقة الحقيقيّة تقاس وقت الشدّة ،،،

ووقت الشدة مالك الا اثنين بعد الله سبحانه وتعالى :

( صاحبك أو فلوسك )

ياترى ،،، من هو الصديق الحقيقي فيهم من وجهة نظرك في هذا الزمن ؟

صاحبك أو فلوسك ؟!

[New Vision]

الصديق الحقيقي هي الواسطه لانها تاتي بكل شي

[مشاكل]

الصديق الحقيقي هي الواسطه لانها تاتي بكل شي

وغالباً المال والنفوذ هما من يأتيان بالواسطة
اذاً ،،، الى حدٍ ما ،،، يمكننا ان نستخلص من ذلك انك الفلوس هي الصاحب الحقيقي وقت الشدّة ؟

[New Vision]

وغالباً المال والنفوذ هما من يأتيان بالواسطة
اذاً ،،، الى حدٍ ما ،،، يمكننا ان نستخلص من ذلك انك الفلوس هي الصاحب الحقيقي وقت الشدّة ؟

لالا اخوي الفلوس بدون واسطه ماتنفعك بالعكس ممكن تضرك ولاكن الواسطه بدون فلوس يتجيبلك كل ماتبيه سواء افلوس او غيره فالصديق الحقيق في نظري هو فتامين واااااااااو:)

[مشاكل]

لالا اخوي الفلوس بدون واسطه ماتنفعك بالعكس ممكن تضرك ولاكن الواسطه بدون فلوس يتجيبلك كل ماتبيه سواء افلوس او غيره فالصديق الحقيق في نظري هو فتامين واااااااااو:)
اتفق معاك يالغالي
بس اخوي الواسطة تحتاج الى وسيط ،،، والوسيط غالباً مايكون صاحب او قريب ،،، يعني الفضل بعد الله سبحانه وتعالى يرجع للصاحب او القريب ،،، اذاً الصديق الحقيقي من وجهة نظرك هو الصاحب ؟

[New Vision]

اتفق معاك يالغالي
بس اخوي الواسطة تحتاج الى وسيط ،،، والوسيط غالباً مايكون صاحب او قريب ،،، يعني الفضل بعد الله سبحانه وتعالى يرجع للصاحب او القريب ،،، اذاً الصديق الحقيقي من وجهة نظرك هو الصاحب ؟

بالعكس اخوي عمر الصديق مايجيبلك الواسطة التي تبيها في نظري القريب هو من ياتي بها:)

[لاجل QT]

بوووو يامشاكل انشهد انك جيت على جرح عميق جدا مايبرى:(...هالدنيا كل شي فيها بمبقابل مافي شي بلاش>>>الصديق الحقيقي والواقعي في هالزمن قرشك للفقراء هو اللى يعينك ويعزك....وللاغنياء السلطة والمكانة

[مشاكل]

بالعكس اخوي عمر الصديق مايجيبلك الواسطة التي تبيها في نظري القريب هو من ياتي بها:)

يعني الكلام بمجمله وخلاصة القول وخاصة لو ازلنا الحواجز بين الصاحب والقريب تحت بند الصديق تجنباً للإشتباه واللبس بينهما ،،، نجد أن الصاحب اياً كان موقفه من الاعراب قريب ام صديق اياً كانت علاقته بك هو الصديق الحقيقي وقت الضيق

عموما اخوي العزيز ،،، وللأسف أنه غالباً ماتبنى الواسطة على المصلحة مصداقاً لقول المثل المعروف شيلني وشيلك ،،، ولولا المصلحة محد بيتوسط لك الا من رحم ربي

كل الشكر لك يالغالي على التفاعل

[أبو نجد]

يقول الخليفه : الرابع علي بن ابي طالب رضي الله عنه

ان اخاك الصدق من كان معك

ومن يضر نفسه ليجمعك

ومن اذا ريب الزمان صدعك

شتت نفسه فيك ليجمعك

[مشاكل]

بوووو يامشاكل انشهد انك جيت على جرح عميق جدا مايبرى:(...هالدنيا كل شي فيها بمبقابل مافي شي بلاش>>>الصديق الحقيقي والواقعي في هالزمن قرشك للفقراء هو اللى يعينك ويعزك....وللاغنياء السلطة والمكانة
أدري والله أدري اختي لاجل أن الموضوع يلامس الجرح بل الجروح ،،، والكثير الكثير منّا عانا ويعاني ،،، الله لايحوجنا لحد ولايحطنا في ضيقة والله يغنينا بفضله عمن سواه
أعرف واحد اختي لاجل ،،، الله يستر عليه ويشفيه ويزيل همه ،،، يوم كبر فالسن وطاح مريض ،،، اول ايام العالم هبت تزوره وتسأل عنه ،،، عقبها تم مدّه فالمستشفى بين اربع طوف حتى عياله مااسألوا عنه ،،، مع انه يوم كان في صحته ،،، ربعه من كثرهم ماتعدينهم ،،، وعياله كان مدلعهم دلع لابعد الحدود ،،، والحين ،،، قسم بالله ان عياله وزوجته مايدرون عنه ،،، والحين يوم طلع من المستشفى وهو حالياً مقعد ،،، محد واقف معاه بعد الله سبحانه وتعالى الا الخدم ويسافر بين فتره والثانيه التشيك فترة نقاهة ويرد
شفتي شلون بالاخير مانفعته بعد الله سبحانه وتعالى الا فلوسة !!! للأسف

[مشاكل]

يقول الخليفه : الرابع علي بن ابي طالب رضي الله عنه

ان اخاك الصدق من كان معك

ومن يضر نفسه ليجمعك

ومن اذا ريب الزمان صدعك

شتت نفسه فيك ليجمعك

اشكرك اخي العزيز ابانجد على الابيات الرائعة والتي قلما تجد من يحمل تلك الصفات في زمن غلبة عليه المصالح
الصديق ماتعرفه الا وقت الضيق الله يغنينا ولايحوجنا لاحد

[لاجل QT]

أدري والله أدري اختي لاجل أن الموضوع يلامس الجرح بل الجروح ،،، والكثير الكثير منّا عانا ويعاني ،،، الله لايحوجنا لحد ولايحطنا في ضيقة والله يغنينا بفضله عمن سواه
أعرف واحد اختي لاجل ،،، الله يستر عليه ويشفيه ويزيل همه ،،، يوم كبر فالسن وطاح مريض ،،، اول ايام العالم هبت تزوره وتسأل عنه ،،، وتم مدّه فالمستشفى بين اربع طوف حتى عياله مااسألوا عنه ،،، مع انه يوم كان في صحته ،،، ربعه من كثرهم ماتعدينهم ،،، وعياله كان مدلعهم دلع لابعد الحدود ،،، والحين ،،، قسم بالله ان عياله وزوجته مايدرون عنه ،،، والحين يوم طلع من المستشفى وهو حالياً مقعد ،،، محد واقف معاه بعد الله سبحانه وتعالى الا الخدم ويسافر بين فتره والثانيه التشيك فترة نقاهة ويرد
شفتي شلون بالاخير مانفعته بعد الله سبحانه وتعالى الا فلوسة !!! للأسف

هالقصص يؤلمنى سماعها:(

الخير قل في الناس كل ماقل الايمان زاد الجحود والنكران والاعذار الفاضيه مشاغل الدنيا:(

الانسان اللى فية خير ورحمة وايمان هو من تلقاة واقف جنبك.. وهم قلة جدا هذا اذا ماانعدم وجودهم

الله لايحوجنا لاحد ابدا :)

والله يحفظ لنا اميرنا تميم واميرنا الوالد بو مشعل ماقصرو في ميزان حسناتهم زيادة الرواتب :)

وعسى دوم في زيادة وعز:)

[غايه الطواش]

طول عمرها الوالدة تقول اختج هي صديقتج تصون ولاتخون،وعصاج الي ماتعصاج،يمينج الي ماتهينج، دواج لي ضرج غريب .ام عيالج من بعد طوله عمر ان شالله


مهما كانت عندي اخوه دنيا مثل صداقه اختي الي من بطن امي مافي

[عضو قديم]

حبيبي مافي صديق وقت الضيف كلهم خمه الله يعزكم كلكم مافي حد يستاهل صفة صديق في هذا الزمن الا من رحم الله صديقك فلوسك حبيبي وعلى قولت المثل :حط ريالك في الشمس واقعد في الظل غير جذي مافي

[أم علي 2010]

ان شالله الدنيا للحين بخير وان شالله في ناس أجاويد

بس صحيح في هالزمن ما ينفعك إلا جيبك

مهما كان الواحد مستقر اجتماعيا ومعارفه كثيرة بس لازم يخلي له شئ حق وقت الشدة ، لان ما تضمن حد يوقف معاك

هذا زمن المصالح ،، ساعدني و بساعدك ،، توسط لي بتوسط لك

يعني ابسط مثال لو انت ماسك منصب كبير شوف مجلسك ما بيخلى وتلفونك ما بيسكت إلا فلان يبيك تتوسط ولا تساعده

اول ما تتحول تقاعد شوف كم من ذيله بيتمون متواصلين معاك وهل لو انت في يوم طلبت منهم شئ بيساعدونك ؟؟ في الأغلب يمكن مرة ولا مرتين بس عقب بيقول ليش أساعده هو مابيقدر يخدمني عقب


يعني اللي بيساعدك اليوم بنتظر مساعدتك بكرة ،، خل نقول البعض عشان ما نظلم حد

[panda]

فيه أشياء لا تشترى و الصديق الوفي لا بد أن يكون في حياة أي إنسان. الصداقة مش مبنية على الماديات بس، المعنويات أيضاً أساسية في حياة كل واحد مننا.

[مشاكل]

هالقصص يؤلمنى سماعها:(

الخير قل في الناس كل ماقل الايمان زاد الجحود والنكران والاعذار الفاضيه مشاغل الدنيا:(

الانسان اللى فية خير ورحمة وايمان هو من تلقاة واقف جنبك.. وهم قلة جدا هذا اذا ماانعدم وجودهم

الله لايحوجنا لاحد ابدا :)

والله يحفظ لنا اميرنا تميم واميرنا الوالد بو مشعل ماقصرو في ميزان حسناتهم زيادة الرواتب :)

وعسى دوم في زيادة وعز:)
امين يارب العالمين

بخصوص الصورة اللي فالتوقيع اختي لأجل ،،، رفقاً بقلوبنا :o

[مشاكل]

طول عمرها الوالدة تقول اختج هي صديقتج تصون ولاتخون،وعصاج الي ماتعصاج،يمينج الي ماتهينج، دواج لي ضرج غريب .ام عيالج من بعد طوله عمر ان شالله


مهما كانت عندي اخوه دنيا مثل صداقه اختي الي من بطن امي مافي

ماشالله تبارك الله
الله يخلي لج الوالدة واختج ويحفظهم ويديم عليكم المحبة

[مشاكل]

حبيبي مافي صديق وقت الضيف كلهم خمه الله يعزكم كلكم مافي حد يستاهل صفة صديق في هذا الزمن الا من رحم الله صديقك فلوسك حبيبي وعلى قولت المثل :حط ريالك في الشمس واقعد في الظل غير جذي مافي

هههه قلبك متروسه :omen2:

[قطري 777]

قيل في الامثال : ( الصديق وقت الضيق )

اذاً الصداقة الحقيقيّة تقاس وقت الشدّة ،،،

ووقت الشدة مالك الا اثنين بعد الله سبحانه وتعالى :

( صاحبك أو فلوسك )

ياترى ،،، من هو الصديق الحقيقي فيهم من وجهة نظرك في هذا الزمن ؟

صاحبك أو فلوسك ؟!


فيه مثل يقول اخيك مخباك اذا طلبته عطالك الواسطه في نظري بعد الله سبحانه فلوووسك : )

[نتفـه]

البيزات طبعا .. هي اللي تعز الواحد وما تحوجه لاحد .. للاسف الاصدقاء اللي ينحطون على يمناك جدا نادرين مثل الفقع ..

[مشاكل]

ان شالله الدنيا للحين بخير وان شالله في ناس أجاويد

بس صحيح في هالزمن ما ينفعك إلا جيبك

مهما كان الواحد مستقر اجتماعيا ومعارفه كثيرة بس لازم يخلي له شئ حق وقت الشدة ، لان ما تضمن حد يوقف معاك

هذا زمن المصالح ،، ساعدني و بساعدك ،، توسط لي بتوسط لك

يعني ابسط مثال لو انت ماسك منصب كبير شوف مجلسك ما بيخلى وتلفونك ما بيسكت إلا فلان يبيك تتوسط ولا تساعده

اول ما تتحول تقاعد شوف كم من ذيله بيتمون متواصلين معاك وهل لو انت في يوم طلبت منهم شئ بيساعدونك ؟؟ في الأغلب يمكن مرة ولا مرتين بس عقب بيقول ليش أساعده هو مابيقدر يخدمني عقب


يعني اللي بيساعدك اليوم بنتظر مساعدتك بكرة ،، خل نقول البعض عشان ما نظلم حد
كلامج اللي كتبتيه يام علي كنت ابغى اكتبه فالموضوع ولكني حبذت اختصار الموضوع من اجل ترك المجال لكم في التعبير

رايي من رايك بارك الله فيج

[مشاكل]

فيه أشياء لا تشترى و الصديق الوفي لا بد أن يكون في حياة أي إنسان. الصداقة مش مبنية على الماديات بس، المعنويات أيضاً أساسية في حياة كل واحد مننا.

لاشك انه لاغنى لنا عن الصديق الصدوق
ولكن يبقى الاختبار الحقيقي والمحك لهذه الصداقة وقت الشدائد
وتبقى المادة في زمن المادة كأهمية الماء والهواء للإنسان
ومن وجهة نظري انه اذا تخلى عنك من حولك وقتها لن ينفعك بعد الله سبحانه وتعالى الا فلوسك

[مشاكل]

فيه مثل يقول اخيك مخباك اذا طلبته عطالك الواسطه في نظري بعد الله سبحانه فلوووسك : )
والله انها حكمة يالغالي قطري ،،، صح لسان قايلها وسلمت يمين ناقلها
الأولين ماخلوا لنا شي رحم الله ميتهم واطال الله في عمر من بقى منهم على طاعته

[لاجل QT]

امين يارب العالمين

بخصوص الصورة اللي فالتوقيع اختي لأجل ،،، رفقاً بقلوبنا :o

ادعيلي ايبها:shy:

ولك لفة مجانا:nice:

[مشاكل]

البيزات طبعا .. هي اللي تعز الواحد وما تحوجه لاحد .. للاسف الاصدقاء اللي ينحطون على يمناك جدا نادرين مثل الفقع ..
اتفق معاك فيما تفضلتي به اختي نتفه



ادعيلي ايبها:shy:

ولك لفة مجانا:nice:
الله يرزقك برولز رايز اللي اعلى منها ( دروب هيد ) وذا خذيتيها مابي سوى دعوه منج لي بحسن الخاتمة :)

[لاجل QT]

اتفق معاك فيما تفضلتي به اختي نتفه

الله يرزقك برولز رايز اللي اعلى منها ( دروب هيد ) وذا خذيتيها مابي سوى دعوه منج لي بحسن الخاتمة :)

الله يحسن خاتمتنا جميعا

اللهم لاعيش الا عيش الجنة

[تغلبية]

دائماً المال سيد الموقف ..

ولابد من الصديق ايضاً ..

صعب الانسان يعيش بدون صديق قريب من النفس ويعتمد عليه الانسان على الاقل واحد بس .. موب بالضرورة في مواقف مادية .. حتى المواقف المعنوية

اما ذا ماعندي صديق يسندني ولا فلوس تشيلني .. من عقب الله سبحانه ...........!! :secret::(:(

[مشاكل]

الله يحسن خاتمتنا جميعا

اللهم لاعيش الا عيش الجنة
امين يارب العالمين
جزاك الله خيراً اختي الفاضلة لاجل وبارك الله فيك




دائماً المال سيد الموقف ..

ولابد من الصديق ايضاً ..

صعب الانسان يعيش بدون صديق قريب من النفس ويعتمد عليه الانسان على الاقل واحد بس .. موب بالضرورة في مواقف مادية .. حتى المواقف المعنوية

اما ذا ماعندي صديق يسندني ولا فلوس تشيلني .. من عقب الله سبحانه ...........!! :secret::(:(

مشاركة متزنة منك اختي الفاضلة تغلبية اشكرك عليها

[قطريه ماركه]

وقت الضيق مالك الا كتاب الله

هو خير صديق :)

[عاشق العديد]

انا اقول يغيرونه عيال عمك وقت الضيق افضضضل

بنسبه لي مالي الا عيـال عـمي اصدقاىي ونعم فيهم لكن اعرف لا صارت محد بيوقف معاي الا عيال عمـي ..

[مشاكل]

وقت الضيق مالك الا كتاب الله

هو خير صديق :)
ونعم بالله القوي المعين الرحمن الرحيم

انا اقول يغيرونه عيال عمك وقت الضيق افضضضل

بنسبه لي مالي الا عيـال عـمي اصدقاىي ونعم فيهم لكن اعرف لا صارت محد بيوقف معاي الا عيال عمـي ..
كفو والله ونعم بك ياعشق العديد وبعيال عمك

[ولد العرب]

بوووو يامشاكل انشهد انك جيت على جرح عميق جدا مايبرى:(...هالدنيا كل شي فيها بمبقابل مافي شي بلاش>>>الصديق الحقيقي والواقعي في هالزمن قرشك للفقراء هو اللى يعينك ويعزك....وللاغنياء السلطة والمكانة

مابي اكووون صديقك يالفقر بس تسلفيني اللي بالصورة واكون صديقك :(

[ولد العرب]

ياانا يامشاكل مالقيت الصديق اللي يستحمل علتي الصم :(

[حمد 2002]

ياانا يامشاكل مالقيت الصديق اللي يستحمل علتي الصم :(

افا عليك كلنا ربعك واخوانك ياولد العرب :nice::nice::nice:

[ولد العرب]

افا عليك كلنا ربعك واخوانك ياولد العرب :nice::nice::nice:

الله يخليك لنا ولاعضوات منتدى :secret:
بس ابي واحد اكفخه واشيله واطرحهه وبس:shy:

[ولد العرب]

ادعيلي ايبها:shy:

ولك لفة مجانا:nice:

افااااااا احسبها عندك خلاص نسحب عربوون صداقه:anger1:
اثارييك تتمنين يخت كتار بعد:secret:

[لاجل QT]

مابي اكووون صديقك يالفقر بس تسلفيني اللي بالصورة واكون صديقك :(


افااااااا احسبها عندك خلاص نسحب عربوون صداقه:anger1:
اثارييك تتمنين يخت كتار بعد:secret:

:weeping:

موضوعنا عن المصالح ولد العرب:weeping:

افا يعنى ماسوى شي من غير البنتلي:weeping:

دونيا خربوطة مصالحيها:weeping:

كانت عندى عاد من زينها سواقتها ثقيلة:secret:

[زقرتي ومزاجي]

فلوسي هي صديقي ،،،،،. اختفت المراجل هالايام

[عاشق العديد]

ونعم بالله القوي المعين الرحمن الرحيم

كفو والله ونعم بك ياعشق العديد وبعيال عمك



ماعليك زود بيض الله وجهـك

[مشاكل]

ياانا يامشاكل مالقيت الصديق اللي يستحمل علتي الصم :(
نتشرف بخوتك وصداقتك ياولد العرب

فلوسي هي صديقي ،،،،،. اختفت المراجل هالايام
يبدو ان مزاجك متعكر اخوي العزيز مزاجي :)
لان كلامك فيه نوع من القسوة والاجحاف ولو ايقنا به سيشمل كافة الرجال بما فيهم نحن وأنت :rolleyes2:
طبعاً انا متأكد أنك لم توفق في التعبير وأن ماتريد ايصاله الينا انه وفي هذا الوقت قله من يقف معك وقت الشدة والحاجة والدنيا مثل مافيها شر كذلك فيها خير مصداقاً لقول الرسول الاعظم ( الخير في امتي الى يوم الدين ) او كما قال عليه الصلاة والسلام

[هداف]

يقول الشاعر !

الطير بالجنحان عجلا رفيفه ,,,, وليا انكسر حدا الجناحين ماطار !
ويمنى بلا يسرا تراها ضعيفه ,,,, ورجلا بلا ربعا على الغبن صبار !

العزوه والسند هم اخوانك وربني عمك وربعك ! حتى راعي المال يجمع الرجال حوله ويدسم
شواربهم يبي العزوه والسند !! المال لحاله ما يكفي

[مشاكل]

يقول الشاعر !

الطير بالجنحان عجلا رفيفه ,,,, وليا انكسر حدا الجناحين ماطار !
ويمنى بلا يسرا تراها ضعيفه ,,,, ورجلا بلا ربعا على الغبن صبار !

العزوه والسند هم اخوانك وربني عمك وربعك ! حتى راعي المال يجمع الرجال حوله ويدسم
شواربهم يبي العزوه والسند !! المال لحاله ما يكفي

انا اشهد ،،، سلمت يمينك اخوي هداف
لاهنت يالغالي

[رهج السنابك]

ماواجهت اصدقاء حقيقيين !

[مشاكل]

ماواجهت اصدقاء حقيقيين !
الصداقات في المجتمعات النسائية تختلف اختلاف كبير عن مجتمعات الرجال وتحكمها أمور ومعايير أنتم يامعشر النساء أدرى بشعابها

[لاجل QT]

الصداقات في المجتمعات النسائية تختلف اختلاف كبير عن مجتمعات الرجال وتحكمها أمور ومعايير أنتم يامعشر النساء أدرى بشعابها

يماااااه

بوريه منهم بورية:eek5:

يتساب لهم بلد بحلها:omen2:

سبحانة من قال اغلب اهل النار النساء

اعنبو صفو قلوبكم ويودو السانكم المؤذي:(

[مشاكل]

يماااااه

بوريه منهم بورية:eek5:

يتساب لهم بلد بحلها:omen2:

سبحانة من قال اغلب اهل النار النساء

اعنبو صفو قلوبكم ويودو السانكم المؤذي:(

هههه قلنا لكم انتوا ادرى بشعابها ،،، ويبيلها مجلد مب موضوع ولذلك خلي الطابق مستور :omen2:

[ANONYMOUS]

https://pbs.twimg.com/media/BJMmGyqCYAAm0yk.jpg

[نووون]

الصداقات في المجتمعات النسائية تختلف اختلاف كبير عن مجتمعات الرجال وتحكمها أمور ومعايير أنتم يامعشر النساء أدرى بشعابها

ما أخبر :looking:

[الزعفراني]

الصديق الحقيقي هو اللي اذا قلت له امسك العصير .. يشربه :)

[$ خالد قطر$]

اذا وجدت الفلوس راح يجي الصديق والواسطه وكل شي راح يكون متوفر في الحياه
لان في هالزمن الفلوس صارت كل شي ولا تخليك تحتاج احد بالعكس الناس راح تركض وراك ويدورون وناستك