خبراء لندن ... افضل منطقه للسكن ؟!!

[رهج السنابك]

قريبتي رايحه لندن بعد فتره

وتبي تعرف وين تسكن في لندن شنو افضل منطقه سكنيه تبي تكون قريب من مول او شوبينغ سنتر اسهل في التقضي ومنطقه شرحه لانها مطوله في الاقامه
هل في شقق راقيه في لندن؟؟ ولا كلها مباني قديمه؟!

[أم علي 2010]

في شقق راقيه أكيد

بس كل شئ بسعره ،، و الحجم و لا تنسين الكهربا و الماي

بتحصل مكاتب تاجر شقق افضل ان أول أسبوع تقعد في فندق وعقب تأخذ شقه

الشوبنغ افضل لها شئ قريب من أكسفورد أو كوينز وي ، صوب النايتبردج أغلى

سوي سيرج في المنتدى بتحصلين مواقع كثيره

وفي ناس من أهلنا كانوا مأخذين شقه قريبة من المسجد الكبير و مكتب التأجير تحت العماره وسعرها مناسب بس الحين مادري عن الأسعار

هذي عنوان المكتب
Www.messilaresidential.com

و بعد موقع رأيت موف و زوبلا كلها مكاتب عندهم شقق

[بصمة قطرية]

يوم رحنا لندن كنا ساكنين في كنزغتون
منطقة هادية و راقية
و كل شي قريب
أهم شي ال كنزاتون هاي ستريت نروحه مشي
وكل المحلات فيه و المطاعم و الكوفيهات

أحلى ما في هالمنطقة إنها راقية و هادية
و بعيدة عن شارع العرب و هالأماكن اللي كلها عرب ..

الشقة كانت جداً جداً رووووعة
إذا تبين العنوان برسله لج ..

[بوحارب]

لندن فيها شقق وايد وأحسن منطقة الماي فير كل شي حولج والمكان راقي

[romoz]

شقق مايفير ممتازة جدا و نظيفة
بس بعيدة شوي من اماكن التسوق

و فيه شقق غروسفينور هاوس


انا عن نفسي اسكن في الفنادق القريبه من اكسفورد ، لاني فقط اريد التسوق ، اما التمشية و الترفيه يكون خارج لندن

[مخطط قطري]

الدوشستر

[storm..]

ماربل أرتش اقرب شي حق تسوق منطقه مب هاديه بس قريبه من كل شي
وأحسن مكان في شقق قروفنر هاوس بلا منازع احسن مكان وأفخم مكان تجديدات جديده في كل شي

[رهج السنابك]

اكتبوها لي بالانجليزي وماقصرتوا كلكم

بصمه ابي العنوان


بوحارب شنو عنوان الشقق؟

وكيف الحجز من مواقع ولا مكاتب عقاريه؟

هي تبي منطقه قريب لها اماكن تسوق عشان صعب عليها التنقل لاماكن ابعد عن سكنها

[romoz]

عجل انصحج بالشقق اللي في منطقة مايفير myfair

سواء شقق مايفير او غروسفينور هاوس كلها قريبه من بعض

و تبعد عن اكسفورد ستريت بالسيارة حوالي خمس دقايق ، و مشي من ربع ساعة الى عشرين دقيقة


و الحجز تقدرين عن طريق موقعهم او عن طريق بوكينق اون لاين ، او مندوب اذا تعرفين

[آنــه]

عزيزتي اذا الواحد رايح علاج او دراسه ما يبي له يسكن في الماي فير بتكون التكاليف غاليه جدا عليها يعني في الاسبوع تقريبا تتكلف حول الـ 15680 يعني اليوم 320 باوند ما يقارب 2240 ريال قطري هذا اللي سكنتها وكان الوقت مب موسم يعني لا صيف ولا كرسميس و لا ايستر

الهاي ستريت كنزكتون فيه وايد محلات مثل اكسفورد تقريبا واللي تبينه يكون موجود ومنطقه هاديه و تكون رخيصه حتى بالمواسم لان الناس اللي تسافر تروح الاماكن اللي معروفه دايما وفيها الزحمه صوب اكسفورد والنايتس بريدج

و عن الشقق انصح انا مثل الاخوان انج تروحين وتشوفين كل شي بنفسج لان احيانا يطرشون لج الصور لكن تروحين وتنصدمين بالموجود

[almaf1a]

لا تسكنون في شقه
غروفنر هاوس او الهلتون بارك لين ممتازين

[برويقن]

يوم رحنا لندن كنا ساكنين في كنزغتون
منطقة هادية و راقية
و كل شي قريب
أهم شي ال كنزاتون هاي ستريت نروحه مشي
وكل المحلات فيه و المطاعم و الكوفيهات

أحلى ما في هالمنطقة إنها راقية و هادية
و بعيدة عن شارع العرب و هالأماكن اللي كلها عرب ..

الشقة كانت جداً جداً رووووعة
إذا تبين العنوان برسله لج ..

انا بعد سكنت في كنزغتون مرتين

منطقة راقيه وهادية ونظيفه والشارع فيه محلات ومطاعم وكوفيهات وبنوك وسينما وصالونات واندرجراوند ومواقف باصات وفيها مطعم لبناني راقي

انا حبيت المنطقه وايد

ومجمع الويست فيلد قريب تقريبا 5 او 7 دقايق بالتكسي من كنزغتون هاي ستريت

ورحلة سعيده