ممكن مساعده

[ولد الشحانية]

السلام عليكم
يالربع عندي فله ابي اجرها لشركه مكونه من 10 مهندسين ابي عقد منكم مايخرش الميه
عقد يضمن لي حقي وبيتي وابي لرجعت له استلمه مثل ماسلمته من صبغ وسراميك ... والخ
ووين اسووي العقد او ووين اصدقه
وشكرا

[رهج السنابك]

اتوقع عن طريق محامي يعطيك الصيغه في صيغ جاهزه ويعدلون عليها

[سكرمر]

افضل لك عن طريق محامي ويكون عقد موثق رسمي

[ذكي جدااا]

مع انه صعب تضمن حقك لكن اقول لك خذ شيك ضمان منهم بمبلغ وقدره واكتب في العقد بعد ممنوع التأجير من الباطن عشان مايوهقونك

[شيخ الديرة]

قد ينفعك الملف الملحق في النقاط التي يجب درجها في العقد الذي يناسبك

[عاشق العديد]

ياخوي كم حدك للايجـار

[كتكوت الوحش]

شوف عقد الحكومة مافي ومافي شئ يخرق بس تذكر بالملاحضات انه تم الاتفاق على ان الفيلا الموجره سوف تكون ل ١٠ مهندسين فقط وفي حال اكتشاف واثبات أن الفيلا يسكن بها أكثر من عدد الأشخاص المتفق عليهم يعتبر العقد لاغي وأكيد بيكون عندك شيكات عن سنتين او أكثر وبالنسبة للإضرار ما يقدر يتلف فيها شئ دام عندك شيكات وتقدر تلعب فيه صلح

[ولد الشحانية]

اشكركم عالرد
بس ابي اهل الخبره
ابي شي يضمن حقي
ابي البيت مثل ماسلمته
الشركه اجنبيه جايه من بره
بس قيد المنشاه في قطري
اذا اتلفوا البيت وسافر الاجنبي مع شركته كيف اطالب بحقي من القطري
انا موقع مع الاجنبي الموجود اسمه بعد بقيد المنشاه

[كبير المتداولين]

اشكركم عالرد
بس ابي اهل الخبره
ابي شي يضمن حقي
ابي البيت مثل ماسلمته
الشركه اجنبيه جايه من بره
بس قيد المنشاه في قطري
اذا اتلفوا البيت وسافر الاجنبي مع شركته كيف اطالب بحقي من القطري
انا موقع مع الاجنبي الموجود اسمه بعد بقيد المنشاه

شيك ضمان ويذكر بعقد التأجير وامورك طيبه

[ولد الشحانية]

شيك ضمان ويذكر بعقد التأجير وامورك طيبه

لاهنت
بس العقد من يوقعه معي القطري والا الاجنبي

[ولد الشحانية]

يالربع استغرب المشاهدات ٥٠٠ ووين فزعتكم
نبي اهل الخبره
عشانً مانتوهق

[ولد شرق]

أخوي نصيحتي لك خل العقد باسم اقطري لان الأجنبي أي وقت يقدر يسافر وانت ما تدري
بالنسبة لشيك الضمان اسمحلي بله واشرب مايته على قولت المصريين
عندي شيك ضمان لفيلا امأجرها والشيك بدون رصيد ولا حد انصفني قدمت بلاغ في العاصمة والنيابة من أكثر من سنة ولاشفت شي وافلوسي راحت علي
للأسف
والحمد لله على كل حال