المضحك المبكي .. الألعاب النارية

[فــلان]

بسم الله الرحمن الرحيم

قبل ما أبدء في سرد الموضوع أود أن أعتذر عن عدم مواكبة المشاركه لأحداث الساحه العربيه وما يدور فيها لكن شي جال في صدري وخاطري وحبيت أبوح به فإعتبروها بعثرة خاطره

تصوير المشهد

عدى أول يوم العيد وكل عام وإنتم بخير و إنتهت التبريكات و الزيارات وجا ثاني يوم
.. نزلت أم لعيال و لعيال بيت الوالد وطلعت بالسياره أفكر و أسأل كيف ممكن أحتفل بالعيد
و أرفه عن أسرتي.. لا مهرجانات تسر الخاطر ولا فعاليات جديده و لا أماكن ترفيهيه الواحد يقدر يوديهم. ما كان فيه قدامي غير الأوتيلات ولتغيير الجو و النفسيه ولعيال يسبحون ويستانسون .. لكن هالشي صار مكرر و فقد زهوته.

يوم قربت عند دوار كبار الموظفين وانا جاي من دوار دحل الحمام شفت العاب ناريه كأنها من كتارا .. وصلت المكان كانت بالفعل الألعاب النارية شغاله ومسببه إزدحام من دخلة كتارا من الشارع الرئيسي مرور بفندق الإنتر وحتى الوصول لفندق ردجز. لين وصلت شاهدت أمر أحزنني بشكل كبير... مواطنين بمختلف مستوياتهم واقفين بسياراتهم على جانب الطريق
في هالجو الصعب يشااهدون الألعاب الناريه مع عيالهم.

قلت في نفسي إحنا إشلون العالم كله حاسدنا على اللي إحنا فيه من خير في ظل قيادتنا الرشيده
و بلادنا صارت بفضل الله تعالى من الدول القياديه و الرياديه في مختلف الإتجاهات بشكل عام على مستوى العالم.

و إشلون مالنا أي متنفس في الوقت اللي بلادنا ولله الحمد قادره تبدع في شي مثل هذا وينضاف إلى رصيدها سياحياً ولو بلادنا تمت فيها بعض هالأمور بتكون من أمتع الدول نظراً لحجمها المميز

ترى والله يا أخوان تعبنا وتعبتوا أدري

- لا مدينه ترفيهيه تشرف
- لا حدائق عصريه قاطبه للسياحه
- لا مدينة العاب مائيه على مقياس إحترافي
-لا أكواريوم الناس تسوي لها جدول زيارات
- لا منتجعات ترفيهيه غير سيلين نروح ناكل رمل مع عيالنا ونعود وهذا احنا الله رازقنا ببحر من 3 اتجاهات
- لا شاطيء وفعاليات بحريه مسليه

لو باتم آعدد ما راح آخلص و كلنا عارفين إن أضعاف أضعاف هالأفكار موجوده في العقول لكن مافي ولا فكره منها على أرض الواقع و الأسباب مجهوله.

طبعا ً المشاركه سطحيه نوعاً ما وماتكلمنا عن جدوتها ولكن ماتخفى عليكم خافيه بمردودها الإقتصادي و السياحي للبلاد.

دمتم بود

[ام السعف]

كلامك صحيح بس شنقول

!!!

[دلة الرسلان]

لا وهيئة السياحة يازعم متحركة ها العيد خايفين من القص:)

[فــلان]

شكرا ً أخواتي على التفاعل

للأسف جرت العاده بأن لا تتعدى المهرجانات الترفيهيه كونها مصائد تستهدف جيوب الناس وهذا هو الهدف
الأساسي أولاً و أخيراً و كما نعرف جميعاً بأن فكرة المصيده مطبقه في جميع مجالات الإستثمارات إبتداء
من مشاريع الأفراد الصغيره و حتى المجموعات العملاقه.

ثقافة إستغلال المستهلك أصبحت متأصله ويأسفني أقول إنها غير قابله للحل في مجتمع يسوده فكر الرأي الفردي ومبدء ( ماجات علي ) أنا اللي باغير سياستهم. وهم عارفينا وخابزينا و آمنين أفعالنا ومواقفنا
فيسرحون و يمرحون بلا حسيب ولا رقيب

الله المستعان.

[فــلان]

هذي هي معالم العولمه الإقتصاديه. الفقير يزداد فقر و الغني يزداد غنى و بالفعل نشوف كم حد فينا شاف محل
حب يستأجره لفكرة مشروع يحسن به وضعه المادي بتفاجأ بأن المحل مطلوب فيه 30 و 40 و 50 ألف ريال شهرياً!! في هالوقت أصبحت المحلات تروح لنصيب الأثرياء و الشركات الكبيره لأن قيمته زهيده ماشكل ربع قيمة حفلة عشاء لأحد ظيوفهم.

الآن أشوف بعض الناس قامت تستثمر في الخارج بتكاليف ترضي رب العالمين ومردود طيب.
هل إحنا مضطرين نقوم بخطوه مثل هذي و الخير كله في بلادنا و إحنا أبنائها و تفترض الأولوية بأن تكون لنا؟!

[R 7 A L]

احجز لك في دبي لمدة أسبوع
وراح تنسبط اخر انبساط
وأمورك في السنبتيك

[فــلان]

احجز لك في دبي لمدة أسبوع
وراح تنسبط اخر انبساط
وأمورك في السنبتيك

صدقت ياخوي عندك حق لكن أحياناً تكون عندك ظروف عمل و إرتباطات مثل تشطيب وتأثيث وخلافه وتكون ماسكتك داخل نطاق لبلاد وما تقدر إتباعد. للأسف السفر هو الحل الجذري و لحد الآن ماله بديل. الله المستعان و أنا أخوك

[ms-qtr]

من سنين وهم يقولون ان في ملاهي قيد الإنشاء
ولا حس ولا خبر
إذا ما قدرنا نطور البلد واحنا بنعمة
متى بنطورها!!!

[bus3od]

فكرة السياحه عندنا = مهرجان فالعيدين فقط ( نفس الالعاب من ايام الاعداديه وانا الحين موظف + محلات جايبه ملابس من اللولو + عجوز الله يطول بعمرها ماسكه زاويه و تسوي هريس )

اذا تغيرت عقلية سنة جدي بتشوف السياحه شلون بتزدهر و بتكون عنصر رئيسي في دخل الدوله

[بـن عدوان]

والله انا اقول نتم جذي احسن ..

حق الترفيه نروح دبي

شلنا في الزحمة وارتفاع الاسعار

[الرويـس]

اللي حاصل ان البلاد صارت خليه عمل واعمار
وانا اشوف صراحة ان التوجه لمثل هالمشاريع الترفيهيه الضخمة ماراح بتستوعب حجم الزائرين لها وخاصة ان مافي في البلاد غير مدينة وحده ( الدوحة ) هي اللي بتستوعب كل هذا ، لان البلاد بروحها زحمة في اوقات المناسبات بشكل نسبة وتناسب ما بين المركبات مثلا والمساحات المرغوب زيارتها

صدقوني الفرحة ما هي بكبر مدينة ترفيه او غيرها بكثر ماهي بقدر اللمه وحمد رب العالمين على الامن والاستقرار

[عاشق العديد]

وليش اروح دبي اروح امريكـا وبنفسس المبلغ ولا راح يزيد بعد ولا بعد اجر لي سياره اخر مديـل وفندق من الي مايحتتاي بلا دبي بلا هـم ..

[نوفة قطر]

مسوين مدينة العاب " وناسه " في مركز المعارض ليش ماوديت عيالك يلعبون ؟

في العاب في المجمعات .. العاب فيلاجيو حلوه ليش ماوديتهم ؟

منزلين افلام يهال في السينمات ليش ماوديتهم ؟

عندنا اكوا باارك ليش ماوديتهم ؟

مدام في العاب ناريه وتقدر تشوفها وانت قاعد في السياره بدون معاناة ليش ماوديتهم ؟؟؟


صح ماعندنا وايد فعاليات ولا وايد اماكن بس ترى مب بالشكل اللي انت صورته من خلال موضوعك ! حسستنا ان قاعدين في صحرا وللحين الدوله مافيها الا اوتيلات مثل ماذكرت !

شوفوا الامور بنظره ايجابيه شوي

دبي فيها كل شيء صح بس اسعارهم نااار اكثر منا .. والاجانب مسوين زحمه بكل مكان اكثر منا
ويتراوالي المواطنين الاماراتيين مب مستفيدين من كل هالاماكن بالشكل اللي احنا متصورينه

: )

[فــلان]

من سنين وهم يقولون ان في ملاهي قيد الإنشاء
ولا حس ولا خبر
إذا ما قدرنا نطور البلد واحنا بنعمة
متى بنطورها!!!

إختي المشكله إن مب ظاهر أي توجه وهذا اللي مستغربينه .. يعني مجرد مدينة ترفيهيه
مطوره عن علاء الدين شوي و الأأمور بتصير طيبه. يعني مشروع مايبي له أي معاناه. السالفه كلها ومافيها ميزانيه بسيطه ( مقارنه بالمصروفات المهدوره هنيه و هناك ) على دراسة جدوى وتصميم و صارت الملاهي. يبيها بس حد يقول سووا :(

[فــلان]

فكرة السياحه عندنا = مهرجان فالعيدين فقط ( نفس الالعاب من ايام الاعداديه وانا الحين موظف + محلات جايبه ملابس من اللولو + عجوز الله يطول بعمرها ماسكه زاويه و تسوي هريس )

اذا تغيرت عقلية سنة جدي بتشوف السياحه شلون بتزدهر و بتكون عنصر رئيسي في دخل الدوله

والله يا بو سعود ياخوي العقليات موجوده وشوف الإستثمارات في المنشآت الرياضية و الجامعات
العالميه. يعني هذي بعض الأمور اللي تدريك إن الفكر الواعي موجود لكن لا زالت لبلاد تخلوا من
الترفيه مع العلم بأن الأنشطه الترفيهيه أساسيه في كل دول العالم لما لها من فوائد كثيره.

[فــلان]

والله انا اقول نتم جذي احسن ..

حق الترفيه نروح دبي

شلنا في الزحمة وارتفاع الاسعار

أخوي ليش تربط الزحمه بإرتفاع الأسعار ترى باقول لك شي إحنا عندنا فكر جاهل و متخلف وهو إن إذا زاد الطلب إرتفع السعر لين يوصل لحد و الناس تعوفه و يحترق وبالتالي ما يستمر.

ممكن تلقى 100 عميل بسعر إستغلالي وما يبقى لك منهم واحد أو إثنين, وممكن يكون سعرك طيب يحقق لك الربح الكريم بما يرضي الله ويجيك 1000 عميل يسحب 1000 وراه وعشان هالشكل التجاره سموها شطاره لأنك تكسب العميل ورى العميل أما في المثال الأول جشع و بوق.

عمر الترفيه ما كان سبب في إرتفاع الأسعار غير في المجتمعات متخلفة العقليه.

[فــلان]

اللي حاصل ان البلاد صارت خليه عمل واعمار
وانا اشوف صراحة ان التوجه لمثل هالمشاريع الترفيهيه الضخمة ماراح بتستوعب حجم الزائرين لها وخاصة ان مافي في البلاد غير مدينة وحده ( الدوحة ) هي اللي بتستوعب كل هذا ، لان البلاد بروحها زحمة في اوقات المناسبات بشكل نسبة وتناسب ما بين المركبات مثلا والمساحات المرغوب زيارتها

صدقوني الفرحة ما هي بكبر مدينة ترفيه او غيرها بكثر ماهي بقدر اللمه وحمد رب العالمين على الامن والاستقرار

صحيح أخوي و كلامك على العين والراس و مغزى الكلام هو إيجاد سبل ترفيهيه جديده ليست بالمساحات و إنما بإحتواء العائلات على مستوى يرقى بوطنيتنا و مكانتنا الإجتماعيه كفكر.

إكواريوم أو متحف علمي يا خوي!

الحمدلله نصبح ونمسي نحمد الله ونشكره على نعمة الأمن و الأمان اللي أنعم به علينا في ظل حكومتنا الرشيده.

[فــلان]

وليش اروح دبي اروح امريكـا وبنفسس المبلغ ولا راح يزيد بعد ولا بعد اجر لي سياره اخر مديـل وفندق من الي مايحتتاي بلا دبي بلا هـم ..

إذا السفر لابد منه فصدقت معاك حق

[فــلان]

مسوين مدينة العاب " وناسه " في مركز المعارض ليش ماوديت عيالك يلعبون ؟

أنا ما أدري إذا كنتي رحتي لها ولا لاء بس أنا غلطت و رحتها العام وكانت مدينة العاب المصخره مب الوناسه. أول شي أسعار ناااار و إنتبهي قلت نار ما قلت عاليه. ما عليها أي ضوابط و لا تنظيم. إستغلال لأبعد الحدود. هذي الفكره أسميها مصيدة جيوب الناس و هذا الهدف الأول و الأخير مب أكثر وممكن تتأكدين وتسألين اللي زاروها ويقولون لج.

في العاب في المجمعات .. العاب فيلاجيو حلوه ليش ماوديتهم ؟


ومن قال لج ما وديتهم فالأخير ما كان فيه إلا إهي ولعيال الله يحفظهم إحفظوا الألعاب و شكلها و ملوها وقاموا يضيعون الوقت على النطاطيه!

منزلين افلام يهال في السينمات ليش ماوديتهم ؟


إذا عيالج الله يحفظهم من النوع الحرك ومايحب القعده بعد بتدخلينهم عشان يطلعونج من الفلم عقب 5 دقايق و عيونج فوق راسج؟

عندنا اكوا باارك ليش ماوديتهم ؟


أكوا بارك هذي اللي قالوا عنها تستخدم مياه مكرره من الصرف الصحي؟؟ وقالوا عنها ملكيه شخصيه لواحد كانت عنده مزرعه و رخصوها له لأن فيتامينه قوي؟ ولد ناس أنعرفهم حول من الزحلاقيه مب سيفتي ضرب خاصرته وصاده تهتك و فشل كلوي بسبب عدم توفر إحتياطات الأمن والسلامه بمقاييس دوليه! ودي عيالج إنتي أكوابارك إذا تمللوا وحطي بالج عليهم لأنها غير آمنه تماماً.

مدام في العاب ناريه وتقدر تشوفها وانت قاعد في السياره بدون معاناة ليش ماوديتهم ؟؟؟


إقعدوا في روف البيت إحضروها كامله وبعدين؟

صح ماعندنا وايد فعاليات ولا وايد اماكن بس ترى مب بالشكل اللي انت صورته من خلال موضوعك ! حسستنا ان قاعدين في صحرا وللحين الدوله مافيها الا اوتيلات مثل ماذكرت !

إختي أنا صورته بمنظوري الشخصي ومدى تأثيره على نفسيتي كمواطن رب أسره وكذلك على بعض الأعضاء اللي تفاعلوا في الموضوع و أنا ما قلت إننا قاعدين في صحرا هذا شي إنتي حسيتيه و التشبيه من عندج و أنا مالي مسؤوليه عليه. أنا ذكرت أمور ملموسه على الأرض.

شوفوا الامور بنظره ايجابيه شوي


الحمدلله النظره الإيجابيه موجوده ولو ما كانت موجوده كنا تعقدنا من زمان بس إشدخل هالدعوه
بدعوة إستحداث معالم ترفيهيه وسياحيه جديده تضاف إلى رصيد لبلاد ويستفيد منها المواطنين و المقيمين و السياح؟

دبي فيها كل شيء صح بس اسعارهم نااار اكثر منا .. والاجانب مسوين زحمه بكل مكان اكثر منا
ويتراوالي المواطنين الاماراتيين مب مستفيدين من كل هالاماكن بالشكل اللي احنا متصورينه


إستفادوا منها أو لم يستفيدوا فهذا شأنهم المهم إن الأماكن تكون متوفره فهذه يجب أن تكون معالم و مصادر جذب للسياحه و المواطنين مب هم اللي بينعشونها أو بيركدونها لأحد الأسباب البسيطه وهي تعدادنا البسيط مقارنه بالمقيمين و السياح!

: )

أرجوا أن ننظر إلى الأمام دائما ًسعيا ً للتطوير و إيصال الصوره فبلادنا الحبيبه تستحق أكثر من ذلك وبعقولنا نصنع الأمجاد فلا ننكفيء على أنفسنا ونكتفي بإستلام رواتبنا و الأكل والنوم فعار علينا إن كنا كذلك.

[المحاميه]

صاج
المشكله الفعاليات دون المستوى + الجو كلش مايساعد وحر

انا مادري شلون الناس تروح كتارا في هالجو ؟

[al-obaidly]

بسم الله الرحمن الرحيم

قبل ما أبدء في سرد الموضوع أود أن أعتذر عن عدم مواكبة المشاركه لأحداث الساحه العربيه وما يدور فيها لكن شي جال في صدري وخاطري وحبيت أبوح به فإعتبروها بعثرة خاطره

تصوير المشهد

عدى أول يوم العيد وكل عام وإنتم بخير و إنتهت التبريكات و الزيارات وجا ثاني يوم
.. نزلت أم لعيال و لعيال بيت الوالد وطلعت بالسياره أفكر و أسأل كيف ممكن أحتفل بالعيد
و أرفه عن أسرتي.. لا مهرجانات تسر الخاطر ولا فعاليات جديده و لا أماكن ترفيهيه الواحد يقدر يوديهم. ما كان فيه قدامي غير الأوتيلات ولتغيير الجو و النفسيه ولعيال يسبحون ويستانسون .. لكن هالشي صار مكرر و فقد زهوته.

يوم قربت عند دوار كبار الموظفين وانا جاي من دوار دحل الحمام شفت العاب ناريه كأنها من كتارا .. وصلت المكان كانت بالفعل الألعاب النارية شغاله ومسببه إزدحام من دخلة كتارا من الشارع الرئيسي مرور بفندق الإنتر وحتى الوصول لفندق ردجز. لين وصلت شاهدت أمر أحزنني بشكل كبير... مواطنين بمختلف مستوياتهم واقفين بسياراتهم على جانب الطريق
في هالجو الصعب يشااهدون الألعاب الناريه مع عيالهم.

قلت في نفسي إحنا إشلون العالم كله حاسدنا على اللي إحنا فيه من خير في ظل قيادتنا الرشيده
و بلادنا صارت بفضل الله تعالى من الدول القياديه و الرياديه في مختلف الإتجاهات بشكل عام على مستوى العالم.

و إشلون مالنا أي متنفس في الوقت اللي بلادنا ولله الحمد قادره تبدع في شي مثل هذا وينضاف إلى رصيدها سياحياً ولو بلادنا تمت فيها بعض هالأمور بتكون من أمتع الدول نظراً لحجمها المميز

ترى والله يا أخوان تعبنا وتعبتوا أدري

- لا مدينه ترفيهيه تشرف
- لا حدائق عصريه قاطبه للسياحه
- لا مدينة العاب مائيه على مقياس إحترافي
-لا أكواريوم الناس تسوي لها جدول زيارات
- لا منتجعات ترفيهيه غير سيلين نروح ناكل رمل مع عيالنا ونعود وهذا احنا الله رازقنا ببحر من 3 اتجاهات
- لا شاطيء وفعاليات بحريه مسليه

لو باتم آعدد ما راح آخلص و كلنا عارفين إن أضعاف أضعاف هالأفكار موجوده في العقول لكن مافي ولا فكره منها على أرض الواقع و الأسباب مجهوله.

طبعا ً المشاركه سطحيه نوعاً ما وماتكلمنا عن جدوتها ولكن ماتخفى عليكم خافيه بمردودها الإقتصادي و السياحي للبلاد.

دمتم بود

حتى الله يعزك حمام نظيف مافيه في كرونيش الدوحه

[تغلبية]

امممم

هذي المطالبات موب مطالبات الكبار واولياء الأمور بس .. صارت مطالبات اليهال الصغار أنفسهم

من 3 سنين تقريبا سووا المهرجان البحري .. خسروا عليه الملايين .. وللأسف تم 3اسابيع في كتارا وانتهى ومابقى منه الا اسمه وسكان السفينة في واجهة كتارا الجنوبية!

كان رائع بمعنى الكلمة ..وللحين عالق في نفس اليهال لأنهم سووا فعاليات وشخصيات حلوة وفريدة .. وللحين يطلبون منا نوديهم ومب مقتنعين انه خلص وانتهى

لو ان للحين باقي ويجددون في الفعاليات كان بيكون متنفس مختلف نوعاً ما ..


فعلا الالاف الافكار موجودة لكن تحتاج من يقول سووا ...... وربعنا تعودوا على مشاريع ترفيهية سلق بيض ..موسم واحد وشل عليه !!!!!

[Roo7MooT]

الصراحة انا اتعاطف معاكم يا اولياء الامور عندكم يهال واهل وماتعرفون وين تودونهم لانه مافي مكان يصلح الواحد يرفه فيه عن عياله أغلب الشعب كان مسافر هل هيئة السياحة متخيلة الكمية الي صرفها الشعب علشان يرفه فيها عن نفسه وأهله وعياله

انا واحد أشتريت راحتي العيد بكبره قزرته رقاد ونطر العالم ترد من السفر علشان أسافر

[سعادة الوزير]

الشيء المبكي فعلاً ، هو انعدام وجود سيف يليق بعوائل هل قطر في البلد الي فيها امتداد بحري من ثلاث جهات! ، للاسف السيف كله راح شاليهات خاصة ، والدولة قاعدة تجامل فلان وفلتان بمنحها كل هذه المساحات الشاسعة لهؤلاء ، وكل ذلك على حساب هل قطر.

يا ريتك يا سمو الامير لو تقف وقفة حازمة حيال ذلك ، ويتم استملاك كل هالشاليهات ، واعادة سيف قطر لسابق عهده.

[سعادة الوزير]

مسوين مدينة العاب " وناسه " في مركز المعارض ليش ماوديت عيالك يلعبون ؟

في العاب في المجمعات .. العاب فيلاجيو حلوه ليش ماوديتهم ؟

منزلين افلام يهال في السينمات ليش ماوديتهم ؟

عندنا اكوا باارك ليش ماوديتهم ؟

مدام في العاب ناريه وتقدر تشوفها وانت قاعد في السياره بدون معاناة ليش ماوديتهم ؟؟؟


صح ماعندنا وايد فعاليات ولا وايد اماكن بس ترى مب بالشكل اللي انت صورته من خلال موضوعك ! حسستنا ان قاعدين في صحرا وللحين الدوله مافيها الا اوتيلات مثل ماذكرت !

شوفوا الامور بنظره ايجابيه شوي

دبي فيها كل شيء صح بس اسعارهم نااار اكثر منا .. والاجانب مسوين زحمه بكل مكان اكثر منا
ويتراوالي المواطنين الاماراتيين مب مستفيدين من كل هالاماكن بالشكل اللي احنا متصورينه

: )

هههههههههههه ، اما ذكرتيني في مدينة العاب وناسة ! ، انتي الظاهر مارحتي هناك وماشفتي!

[فــلان]

صاج
المشكله الفعاليات دون المستوى + الجو كلش مايساعد وحر

انا مادري شلون الناس تروح كتارا في هالجو ؟

الله المستعان يا أختي والله الحال جدا ً صعب

الله يحنن لقلوب إن شاءالله

[فــلان]

حتى الله يعزك حمام نظيف مافيه في كرونيش الدوحه

هذا هو المضحك المبكي و أنا أخوك. صدقت. لا شركة صيانه ونظافه عدله يتم التعاقد معاها. ناس آخر همها أنا و إنت دام عضوياتهم
وعيالهم في أكبر الأنديه الصحيه فالفنادق وغالبنا مايدلون طريق الرياضه وكل واحد كرشه قدامه مترين بس حق الزبو وش يبي فيك
ولا في وضعك مع إن الله سلم هذا الشخص المسؤول الأمانه لإياصل الصوره لأصحاب الأمر ولكن شنقول. الله المستعان.

[فــلان]

امممم

هذي المطالبات موب مطالبات الكبار واولياء الأمور بس .. صارت مطالبات اليهال الصغار أنفسهم

من 3 سنين تقريبا سووا المهرجان البحري .. خسروا عليه الملايين .. وللأسف تم 3اسابيع في كتارا وانتهى ومابقى منه الا اسمه وسكان السفينة في واجهة كتارا الجنوبية!

كان رائع بمعنى الكلمة ..وللحين عالق في نفس اليهال لأنهم سووا فعاليات وشخصيات حلوة وفريدة .. وللحين يطلبون منا نوديهم ومب مقتنعين انه خلص وانتهى

لو ان للحين باقي ويجددون في الفعاليات كان بيكون متنفس مختلف نوعاً ما ..


فعلا الالاف الافكار موجودة لكن تحتاج من يقول سووا ...... وربعنا تعودوا على مشاريع ترفيهية سلق بيض ..موسم واحد وشل عليه !!!!!


كلامج محسوس وملموس 100% أختي .. لين لعيال أصبحت تفهم مثلنا ويجادلونك ويناقشونك
تحس بإنك مقصر و إنت غير مقصر إنما الوضع مب معاك ومالك يد فيه :weeping:

[فــلان]

الصراحة انا اتعاطف معاكم يا اولياء الامور عندكم يهال واهل وماتعرفون وين تودونهم لانه مافي مكان يصلح الواحد يرفه فيه عن عياله أغلب الشعب كان مسافر هل هيئة السياحة متخيلة الكمية الي صرفها الشعب علشان يرفه فيها عن نفسه وأهله وعياله

انا واحد أشتريت راحتي العيد بكبره قزرته رقاد ونطر العالم ترد من السفر علشان أسافر

أخوي لو المواطنين اللي يسافرون للترفيه يضخون هالمبالغ في لبلاد في حال وجود متنفس حقيقي يواكب مستوى الشعب
الفكري و الإجتماعي؟ أنا مب قادر حتى أتخيل رقم العوائد اللي بترجع لبلادنا و قالوها دهنا في مكبتنا!

[فــلان]

هههههههههههه ، اما ذكرتيني في مدينة العاب وناسة ! ، انتي الظاهر مارحتي هناك وماشفتي!


شكلها هالشكل. إنطباعي عن أختنا من خلال تفاعلها إنها من الشخصيات اللي مب أحسن لك لو إستلمت منصب بتشق العرب شق.

[بوحارب]

السياحة فااااشلة عندنا

[الـقـاسـي]

مافي إلا سياحة مؤتمرات عندنا ،، أما غيره مافي شي تحس أفكارهم من الثمانينات ليش يعني ما يكون في ترتيبات عدلة ويراعون فيها الحر اللي عندنا في الصيف

[فــلان]

السياحة فااااشلة عندنا


والله مادري اشيبيلها... والله ولاشي....

[فــلان]

مافي إلا سياحة مؤتمرات عندنا ،، أما غيره مافي شي تحس أفكارهم من الثمانينات ليش يعني ما يكون في ترتيبات عدلة ويراعون فيها الحر اللي عندنا في الصيف


إستفهامات كثيره تحتاج لإجابات شافيه و وافيه. الا اذا كان القطري محله صفر على الشمال!؟

[أسياد]

بسم الله الرحمن الرحيم

قبل ما أبدء في سرد الموضوع أود أن أعتذر عن عدم مواكبة المشاركه لأحداث الساحه العربيه وما يدور فيها لكن شي جال في صدري وخاطري وحبيت أبوح به فإعتبروها بعثرة خاطره

تصوير المشهد

عدى أول يوم العيد وكل عام وإنتم بخير و إنتهت التبريكات و الزيارات وجا ثاني يوم
.. نزلت أم لعيال و لعيال بيت الوالد وطلعت بالسياره أفكر و أسأل كيف ممكن أحتفل بالعيد
و أرفه عن أسرتي.. لا مهرجانات تسر الخاطر ولا فعاليات جديده و لا أماكن ترفيهيه الواحد يقدر يوديهم. ما كان فيه قدامي غير الأوتيلات ولتغيير الجو و النفسيه ولعيال يسبحون ويستانسون .. لكن هالشي صار مكرر و فقد زهوته.

يوم قربت عند دوار كبار الموظفين وانا جاي من دوار دحل الحمام شفت العاب ناريه كأنها من كتارا .. وصلت المكان كانت بالفعل الألعاب النارية شغاله ومسببه إزدحام من دخلة كتارا من الشارع الرئيسي مرور بفندق الإنتر وحتى الوصول لفندق ردجز. لين وصلت شاهدت أمر أحزنني بشكل كبير... مواطنين بمختلف مستوياتهم واقفين بسياراتهم على جانب الطريق
في هالجو الصعب يشااهدون الألعاب الناريه مع عيالهم.

قلت في نفسي إحنا إشلون العالم كله حاسدنا على اللي إحنا فيه من خير في ظل قيادتنا الرشيده
و بلادنا صارت بفضل الله تعالى من الدول القياديه و الرياديه في مختلف الإتجاهات بشكل عام على مستوى العالم.

و إشلون مالنا أي متنفس في الوقت اللي بلادنا ولله الحمد قادره تبدع في شي مثل هذا وينضاف إلى رصيدها سياحياً ولو بلادنا تمت فيها بعض هالأمور بتكون من أمتع الدول نظراً لحجمها المميز

ترى والله يا أخوان تعبنا وتعبتوا أدري

- لا مدينه ترفيهيه تشرف
- لا حدائق عصريه قاطبه للسياحه
- لا مدينة العاب مائيه على مقياس إحترافي
-لا أكواريوم الناس تسوي لها جدول زيارات
- لا منتجعات ترفيهيه غير سيلين نروح ناكل رمل مع عيالنا ونعود وهذا احنا الله رازقنا ببحر من 3 اتجاهات
- لا شاطيء وفعاليات بحريه مسليه

لو باتم آعدد ما راح آخلص و كلنا عارفين إن أضعاف أضعاف هالأفكار موجوده في العقول لكن مافي ولا فكره منها على أرض الواقع و الأسباب مجهوله.

طبعا ً المشاركه سطحيه نوعاً ما وماتكلمنا عن جدوتها ولكن ماتخفى عليكم خافيه بمردودها الإقتصادي و السياحي للبلاد.

دمتم بود


مثل ما قالو اخوانا المصريين



يسلم تومك

[qatarman8008]

اخوي.. اعطيك من الاخر.. لا تنتظر لين يسوون العاب وترفيه في الدوحة..
عليك بالسفر.. روح تايلند والا ماليزيا.. استانس وونس عيالك.. وريح راسك..
كلنا عندنا عيال ونحب نتونس وندري ان الدوحة مافيها شي عدل..
رتب اجازتك وحجوزاتك في العيد من شهرين عالاقل.. عشان تصيد لك مكان زين وسعر حلو..
وكان الله غفورا رحيما..

[فــلان]

مثل ما قالو اخوانا المصريين



يسلم تومك


الله يسلمك و يسلم غاليك و مغليك

[فــلان]

اخوي.. اعطيك من الاخر.. لا تنتظر لين يسوون العاب وترفيه في الدوحة..
عليك بالسفر.. روح تايلند والا ماليزيا.. استانس وونس عيالك.. وريح راسك..
كلنا عندنا عيال ونحب نتونس وندري ان الدوحة مافيها شي عدل..
رتب اجازتك وحجوزاتك في العيد من شهرين عالاقل.. عشان تصيد لك مكان زين وسعر حلو..
وكان الله غفورا رحيما..


أخوي كلامك هذا هو اللي حاصل الآن وفعلا ً السفر حلو و يغير علينا الجو بصوره طيبه.

لكن هذا يعتبر تسكين و ليس علاج و إحنا نبي العلاج و أنا أخوك.

[STAR]

اتفق معاك بكل كلمة قلتها...