اعاني من حاله غريبه!!!! يا ترى هل احتاج علاج؟!

[رهج السنابك]

عندي حاله غريبه لاول مره اتكلم عنها وماسبق وسولفت فيها او فكرت اخذ راي احد فيها لكن اليوم جدا مناسب اني اكلمكم عنها


حالتي الغريبه مع بدايه كل يوم من بعد اجازه سواء اجازه رسميه او من الرصيد

الليله الي تسبق الدوام اصاب بتوتر
قلق
ماعرف انام
:(

ارجع ارتب اغراضي مثل بنت في مدرسه :(

تنتابني هالحاله من ايام الطفوله اول يوم بالمدرسه اليوم الي قبلها ماعرف انام اكون متوتره واروح مواصله

على قولة الشاميين باكل هم اول يوم

ليش ماعرف:(

هل في حد مثلي؟؟!

هل حالتي تصنف على انها توتر مرضي تحتاج علاج؟!!

[ضوى]

حالتج حالة اغلب الناس ، وانا مثلج بالضبط ومن زمان ، اول يوم دوام سواء بعد اجازة اسبوعية او سنوية ، الاعياد ،السفر ، الاعراس ... الخ

[R 7 A L]

الاغلبية مثلك
واحد من ربعي اصبح الان مدير ومازال يشعر بهذا الشعور

الامر طبيعي
داومي مواصلة

[تغلبية]

تجيني هالحالة مع دخلة اول يوم رمضان .. بس

اما الدوام .. اقل .. (الا مالي خاطر اداوم )

[Bin Hood]

حالة الضيق بعد الدوام تصيب الجميع

لكن يبدوا انك حالة الضيق مبالغ بها

ان شاء الله ما يكون عندك في الشغل أمور تضايقك

[اجرام]

ههههههههههههههههه

كلنا نتضايق أول يوم دوام لكن يمكن انتي بزووود خاصه اذا ماكنتي مرتاحه بدوامح اتشيلين هم

وبالنسبه لسعر شي طبيعي لكن الجدول تغير على الشخص واقرب مثال يوم الاحد بعد الويكند يكوووون الواحد ملخبط نووومه

[رهج السنابك]

مش ضيق :(

توتر

يعني محاتاه مع خفقان بالقلب

مثل القلق

ومافي شي يستاهل اقلق عليه


:(

[حمد 2002]

فيه احد ايحب الدوام ؟ الكل مايحب الدوام للأسف ،،،،

[هداف]

هذا يعتبر نوع من القلق النفسي وتختلف اثاره من شخص لاخر !! بس من صورتج الشخصيه اللي
انتي مختارتها والاسم اللي اخترتيه معرف لج !! اتوقع ومن تحليلي الشخصي انج منتي بصاحيه !
ومحتاجه لطب نفسي !

[اجرام]

هذا يعتبر نوع من القلق النفسي وتختلف اثاره من شخث لاخر !! بس من صورتج الشخصيه اللي
انتي مختارتها والاسم اللي اخترتيه معرف لج !! اتوقع ومن تحليلي الشخصي انج منتي بصاحيه !
ومحتاجه لطب نفسي !

هههههههعععههههههه

[حمد 2002]

هذا يعتبر نوع من القلق النفسي وتختلف اثاره من شخث لاخر !! بس من صورتج الشخصيه اللي
انتي مختارتها والاسم اللي اخترتيه معرف لج !! اتوقع ومن تحليلي الشخصي انج منتي بصاحيه !
ومحتاجه لطب نفسي !

:rolleyes2:

[Locale]

مش ضيق :(

توتر

يعني محاتاه مع خفقان بالقلب

مثل القلق

ومافي شي يستاهل اقلق عليه


:(
نفس حالتي بالضبط مصحوب بـ ارتفاع حرارة الجسم (مب صخونه لكن اتقولين مصخنه)وسد الشهيه
مع اني ماشتغل لكن هالحاله اتصيدني اذا اليوم التالي فيه شي مهم

[panda]

للاطمئنان شوفي طبيب

[شموخ دائم]

,

,


مرحبا

مو محتاجه طبيب ولا شي الحمدالله

هذا يسمونه حاله ( هلع ) ظرفي

خفقان

بروده الاطراف

او حراره بالجسم

احساس بعدم الامان

ربكه في المعده

تعرق

تستمر حتى زوال المسبب لها



الانسان شخصيته تختلف من شخص الى شخص
وفي نقاط توتر ... ونقاط ضعف ... بكل انسان

مثل التوتر قبل الامتحان

توتر قبل مقابله مهمه

توتر قبل السفر

خجل زايد بشكل يضايق صاحبه

وسواس من امور معينه

والانسان يقدر يخبي هذه النقاط حتى لو كبر وحتى لو صار ذو منصب مرموق

ويقدر يتعايش مع هذه الامور

وتعتبر طبيعيه حتى لو الانسان يعتبر نفسه مو طبيعي ومختلف عن الناس

اما

( المرضي )

اذا اصبح هذا القلق يمنعك من الذهاب الى عملك واصبح ياثر على حياتك العمليه والاجتماعيه

اما اذا انتي قادره تمارسين حياتك من عمل وحياه اجتماعيه

وتتغلبين على مخاوفك وتقاومينها

انتي الان قادره ومسيطره على هذا القلق

تطمني انتي طبيعيه حتو لو تروحين سهرانه

:)

,

,


اخوك


شموخ دائم

[طير حوران]

انا لاأرى هذا على انه شي طبيعي

ولكني ايضا لاأراه شي مرضي

[dohasecret]

أكيد مسويه شئ جايييييد قبل الإجازة خخخخخخخخخخ اعترفي

[بصمة قطرية]

طول ما انتي حاطه في بالج هالشي
راح يتكرر كل مرة
و لا راح تقدرين تتغلبين عليه
بيدج تتخلصين من هالشي
شيلي هالشي من بالج ..
من كلامج واضح انج خلاص تتوقعين هالشي يصير
و متأكدة انه بيصير
لأنج أقنعتي نفسج انه بيصير فلازم يصير
عقلج الباطن تبرمج خلاص ..
تخلصي من هالشي اللي في داخلج ،،

[R 7 A L]

هذا يعتبر نوع من القلق النفسي وتختلف اثاره من شخص لاخر !! بس من صورتج الشخصيه اللي
انتي مختارتها والاسم اللي اخترتيه معرف لج !! اتوقع ومن تحليلي الشخصي انج منتي بصاحيه !
ومحتاجه لطب نفسي !

هههههههههههههه

[رهج السنابك]

هذا يعتبر نوع من القلق النفسي وتختلف اثاره من شخص لاخر !! بس من صورتج الشخصيه اللي
انتي مختارتها والاسم اللي اخترتيه معرف لج !! اتوقع ومن تحليلي الشخصي انج منتي بصاحيه !
ومحتاجه لطب نفسي !


اعتقد من ردك هذا واضح جدا منو الي مب صاحي ومحتاج لطب نفسي :)

[رهج السنابك]

,

,


مرحبا

مو محتاجه طبيب ولا شي الحمدالله

هذا يسمونه حاله ( هلع ) ظرفي

خفقان

بروده الاطراف

او حراره بالجسم

احساس بعدم الامان

ربكه في المعده

تعرق

تستمر حتى زوال المسبب لها



الانسان شخصيته تختلف من شخص الى شخص
وفي نقاط توتر ... ونقاط ضعف ... بكل انسان

مثل التوتر قبل الامتحان

توتر قبل مقابله مهمه

توتر قبل السفر

خجل زايد بشكل يضايق صاحبه

وسواس من امور معينه

والانسان يقدر يخبي هذه النقاط حتى لو كبر وحتى لو صار ذو منصب مرموق

ويقدر يتعايش مع هذه الامور

وتعتبر طبيعيه حتى لو الانسان يعتبر نفسه مو طبيعي ومختلف عن الناس

اما

( المرضي )

اذا اصبح هذا القلق يمنعك من الذهاب الى عملك واصبح ياثر على حياتك العمليه والاجتماعيه

اما اذا انتي قادره تمارسين حياتك من عمل وحياه اجتماعيه

وتتغلبين على مخاوفك وتقاومينها

انتي الان قادره ومسيطره على هذا القلق

تطمني انتي طبيعيه حتو لو تروحين سهرانه

:)

,

,


اخوك


شموخ دائم


تسلم اخوي الفاضل

تفصيلك مقنع وينم عن ثقافه عاليه جدا

اشكرك

[رهج السنابك]

طول ما انتي حاطه في بالج هالشي
راح يتكرر كل مرة
و لا راح تقدرين تتغلبين عليه
بيدج تتخلصين من هالشي
شيلي هالشي من بالج ..
من كلامج واضح انج خلاص تتوقعين هالشي يصير
و متأكدة انه بيصير
لأنج أقنعتي نفسج انه بيصير فلازم يصير
عقلج الباطن تبرمج خلاص ..
تخلصي من هالشي اللي في داخلج ،،


مشكوووره يالغاليه وكلامج صحيح بس الغمنده شلون اشيله من راسي لازم احاتي

والف شكر ياقلبي على الرساله بالخاص ماقصرتي

[هداف]

اعتقد من ردك هذا واضح جدا منو الي مب صاحي ومحتاج لطب نفسي :)

مافيها شي اتعالج احجزي لي موعد وياج في الطب النفسي :)

[Qatar Angel]

اخوي الكريم هداف ماله داعي استفزاز العضوه وجرح مشاعرها بهالرد القاسي

[Cute Mother]

هالشعور بيختفي تدريجياً قريب الفجر .. ومثل هالشعور يجي بليلة السفر .. يعني إما سهر أو نوم قلق ..

ووفالك السلامة أختي

[قلبي الطيب]

يجيني بأول يوم دوام بعد الاجازة أو امتحان خايفة منه أو قرار لازم اتخذه
مااشتهي الأكل ويجيني ارق لكن أعتقد مادام الشعور ممكن السيطرة عليه مافي داعي للخوف احنا بشر وهالأمور طبيعي تصير

[Q-tr]

هذا يعتبر نوع من القلق النفسي وتختلف اثاره من شخص لاخر !! بس من صورتج الشخصيه اللي
انتي مختارتها والاسم اللي اخترتيه معرف لج !! اتوقع ومن تحليلي الشخصي انج منتي بصاحيه !
ومحتاجه لطب نفسي !

هههههههههه

[هداف]

اخوي الكريم هداف ماله داعي استفزاز العضوه وجرح مشاعرها بهالرد القاسي



مرحبا اخي العزيز ! من صجك ولا تتغشمر ! ماعليها شر عضوتنا هي طلبت رأينا
وانا قلت رأيي مافيها شي وهي نصحتني بالطب النفسي وممكن كلامها صحيح

الامور طيبه عزيزي

[Me&OnLy]

وضعج طبيعي اختي الكريمه كل الناس مثلج .. بس حاولي بقدر الامكان عدم التفكير واشغلي نفسج بأي شي حتى موعد النوم

[Q-tr]

مرحبا اخي العزيز ! من صجك ولا تتغشمر ! ماعليها شر عضوتنا هي طلبت رأينا
وانا قلت رأيي مافيها شي وهي نصحتني بالطب النفسي وممكن كلامها صحيح

الامور طيبه عزيزي

:victory:

[ابوالحارث]

ركعتين لله سبحانه و تعالى في جوف الليل مع قراءة شي من كتاب الله و ادعيلي و لكل المسلميين

[رهج السنابك]

مافيها شي اتعالج احجزي لي موعد وياج في الطب النفسي :)


انا ممكن اقاضيك لقذفك الالكتروني

بس رأفة مني رديتها عليك عشان اجنبك التلته :)

[عاشق العديد]

أنا بعد بروح مواصـل مب لاني متوتر ماكو نـوم :)

سؤال الحين. الي يكلم نفسـه هاي شنـو حالتـه !؟

[OREO]

كانت فيني هالحالة و تخلصت منها من 12 او 13 سنة تقريبا ،،

الموضوع كله عامل نفسي لا اكثر و بمجرد الانسان يسترد ثقته بالنفس كل شي راح يرجع طبيعي ،،

الاشخاص اللي تجيهم هذه الحاله ،، بالتأكيد ما يقدر يلقي خطاب او محاضرة امام جمهور و الخ ،،

فلذا انصحج اختي تحضرين محاضرة تخص الثقة بالنفس و كيفية التغلب عليها ،، او تقدرين تحضرين دورة كيف تواجهين الجمهور و هذا الشي اللي راح يطلعج من المعضله هذه ،،

ان شاءالله مافيج الا العافية اختي ارستقراطية و موفقة دوم ان شاءالله ،،

[R 7 A L]

انا بعد اشعر بهذا التوتر
اعتقد والله اعلم انها حاله نفسية

[383 STROKER]

نفس حالتي بالضبط
والدليل اللحين الساعه 3 الفجر وللحين ما رقدت وبكره الصبح دوام. هالشي عادي اتوقع الكل يصيده هالشي

[أبوهيا]

الله لا تبلانا وتعافينا

[ســـعـــد]

طبيعي والله أعلم ولاتفكرين بالموضوع اصلاً...

[أم علي 2010]

من وجهة نظري ان الموضوع هو التفكير الزائد في بكره و بكل تفاصيله وهو اللي يولد التوتر والأرق و هذا شئ طبيعي

في مرحله الدراسه ما استغرب ان الإنسان ينتابه هالشعور لان داخل مرحله جديدة في حياته يعني فجاه انكسر الروتين اليومي و بعدين مع الوقت يتأقلم و يرتاح ذهنيا

وكذلك بالنسبة لأول يوم عمل ممكن عندج ضغوط من المدير أو زملاء العمل فبالتالي صار عندج ضغط نفسي و الإجازة كانت بمثابة فترة راحه وانتهت والشخص عارف ان بيرجع للضغط ف بتوتر ويفكر

يعني مثل يكون عنده برزنتيشت أو مقابله أو امتحان أو اجتماع مهم تلقينه يجيه هال توتر

و مآظن في احد ماهر بهالحاله وما عليج من الردود التافه لو مواضيعهم ما أظن رضوا حد يتمسخر عليهم :)

[monatee]

مافيج الا العافيه انشالله

كانت فيني هالحاله ايام المراهقه بكثره وحاليا بشكل خفيف

يمكن لانج شوي حساسه اكثر ، ، لاغلب الامور عشان جيه للحين تصيدج

كاني عندي دوام بعد ساعه وماقدرت ارقد اليوم ، فبروح مواصله :(

[khalid525]

عندج خدامة اندنوسية ؟

[محاسب]

اختي في مشاركات فعلا مميزة وهي واضحه ........
والبعض منها ماتستاهل الرد عليها,,,,,,,,,,,,ورميها وراء ظهرج
الحاله الي ذكرتيها بسيطه جدا ومرت ع كثير من الناس
وذكر واحد من الأخوان عانها منها :::: وبدء علاجها بنفسه بعدة خطوات :::::,,,,,
1- تقبلــــــــــــــــــــــها :: بمعنى أنه ماكره الحاله ورفضها بل بلعكس رضى فيها,,, فهانت عليه وايد,,, وعلى قولت اهل الشام (كبرها بتكبر صغرها بتصغر).
2- ترك الوقت يمضي من غير مايراقب حالته ويسأل نفسه (أنا لين الحين قلق .. او كم ساعه مرت وانا اعاني... أنا لين الحين ماجاني نوم )لو قعد يسأل نفسه ,,كان هذا دليل على أنه تقبله غير صحيح ,,,
بل بلعكس جعلها فرصه ذهبيه لأن يقوم الليل ويتقرب للخالق سبحانه ,,,,,ويشغل نفسه بتسبيح والأستغفار.
3- استعمل بعض السوائل الدافئه والمهدئه الطبيعيه قبل النوم .
ودمتم بعافيه

[sweet qatar]

مافيج الا العافية حبيبتي.. التوتر قبل أي شي مهم أو تغيير شي طبيعي

و التوتر هو الي يزيد عندج خفقان القلب

تعلمي الاسترخاء أو خلج قريبة من شخص يحسسج بالأمان


أتمنى لج دوام سعيد :victory:

[captin]

مرحباً الأخت الكريمة


تختلف درجات القلق بين الناس لعدد من المواقف
مثل الليلة التي تسبق السفر وما يسبقها من تصورات عن
سير الرحلة والخوف من نسيان شئ أو حدوث ما يعكر صفو العطلة الخ.


ومن المواقف الليلة التي تسبق بداية الدوام الأسبوعي عندنا في قطر
يوم السبت ليلا ، كلنا تصيدنا حالة من الاستعداد المسبق للأسبوع الجديد
وترتيب الأفكار في العقل الباطن ونحاتي بعض المواضيع وكيف راح ننجزها
مع بداية الأسبوع سواء مواضيع خاصة شخصية أو مرتبطة بالعمل.

أيضاً الحالة اللي تسبق موعد طبي في عيادة والقلق بشان التشخيص مثلا أو موعد مع صديق في مكان لأول مرة والحرص على الظهور بالمظهر اللائق والتواجد بالوقت المناسب وعدم التأخر على الموعد .

وهناك حالات ومواقف كثيرة تخلي الواحد يقلق وتصيده أعراض معينة مثل اللي ذكرتيها وغيرها
هذا الشي طبيعي ويعتمد على شخصية الفرد نفسه من حيث الاستعداد للمواقف والتنظيم الزائد عن الحد أحيانا والمثالية الزائدة والحرص على الظهور بأفضل مظهر والقلق من رأي الآخرين السلبي .

لذلك لا داعي للقلق وحدثي عقلج الباطن بان الموقف عادي ومثلج مثل باقي الناس في العمل أو المواقف الثانية وان الأمر عادي جداً دامج تسوين المطلوب دون تقصير

تحياتي

[مرحوم قطر]

انا عكسج تماماً

الصبح و قبل الدوام ابربع ساعه اقعد الملم شتاتي

و ادور تكرمون الطبجه الثانيه من الجوتي و ادور الحزام

و لين اليوم ما عمري رحت الدوام جاهز 100%


و يومياً اسوي حركة مستر بن و البس في السياره خخخخخخخخخخخخخ


و ماعمري رحت الدوام و انا متريق


خاطري يوم من الايام اسوي نفس المصريين في الافلام اقوم الصبح و البس روب

و اقراء جريده و افطر و انا اسمع الاخبار

زين دوامي عند بيتنا يعني من بيتنا لين دوامي 4 دقايق بالظبط


حتى اذا توني معود من اجازه سنويه مثلاً و ماداومت من شهرين نفس الشي


بس حالتج في ناس وايد تسوي نفس الشي


اذكر ليلت العيد كنت احط ثيابي على طاوله و ارقد تحتها

[بو خليفه 123]

حاولي التواجد على السرير بساعه مبكره قبل النوم حتى يهدأ مجرى الدم

العشاء الخفيف يساهم في تقليل التوتر (كلي تفاحة و اشربي ماء دافىء)

قللي من "زيادة الجرعه بالمبالغه من تحليل اغلب المواضيع الى سلبية" و حوليها الى ايجابية

في الدوام اشغلي نفسك حتى ساعه متأخره من الظهيره و بعد الغداء بالمنزل انشغلي حتى صلاة العصر و تجنبي "القيلوله" و بيبدأ تدريجياً جسمك على كسر روتين رمضان

[الرويـس]

اعتقد من ردك هذا واضح جدا منو الي مب صاحي ومحتاج لطب نفسي :)


مافيها شي اتعالج احجزي لي موعد وياج في الطب النفسي :)

ليش الناس دايما تتحرج ان تخاف نوعا ما من اللجوء للطب النفسي ؟

ما تشوفون شر وما فيكم الا العافية ان شاء الله

الاخت الارستقراطيه اتوقع هذا زيادة حرص

[رهج السنابك]

الحمدلله طمنتوني يعني مب حاله مرضيه ووايد ناس مثلي :)

زين اني فتحت الموضوع وعرفت وضعي بين الناس



يعني ماحتاج طب نفسي على قولة الاخ سالف الذكر


اشكركم جميعا استفدت منكم فردا فردا

[توشيبا]

يمكن هذا نوع من انواع الفرحه للرجوع للدوام ولا ايش رايج تحبين الدوام ?

[مستر راشد]

الي ذكرتيه اختي
يفسر بالقلق

لاكن ليسى مرض يستدعي الطبيب النفسي
في طريقة عجيبه للقلق

اخذي زفير من الخشم واحبسيه وعدي لين 5 وطلعيه بهدوء من الفم كرريها 3 مرات
وكل مره حاولي تعدين اكثر 5

بتحسين بهدوء تام

تابعي الدكتور براهيم الفقي الله يرحمه عنده طرق عجيبه للقلق

[almaf1a]

تحتاجين الى دفعه معنوية قويه للتخلص من الشعور واعادة الثقة بالنفس
بس لحد يتحمس زيادة ويضرب المدير كف

[be cool]

الدكتور صلاح الراشد يقول : اذا رحت السرير وماجاك نوم وتميت تفكر... قوم من السرير واقعد في الصاله او في اي مكان (( بس اهم شي ماتنسدحين في السرير وعقلج شغال تفكير)) لان العقل يتبرمج ع ان السرير مكان التفكير... وكرري هذي الخطوه يوميا... لين يجيج النوم انسدحي ونامي ... هنيه بترتاحين لانج كل ماتنسدحين ع السرير العقل يتبرمج ع النوم... ونوم العوافي :)

[شبح الصمت]

اي انسان تصيبه هالحاله لانه يكون تعود على الاجازة وماله خلق وبالذات الناس الي تصيدهم هالحالة الي يكون عليه التزامات ويأخرها وما ينجزها وقت الاجازة ويوم يبدا الدوام يحاتيها الاغلبية وليس الكل لانه اغلب الجهات تكون معطله .. ( هذه عن الاجازات الرسمية للدولة )

اما عن الاجازات السنوية طبعا الانسان بطبعه بيكون مرتاح في الاجازة ويوم يحس انه قربت اجازته على الانتهاء تصيده حالة من الزعل والكدر ليش ادوام وليش وليش بس هذه الحياه سهلات

..

حالتك عاددديه بس انتي قاعده توهمين نفسج بانها حالة مرضية ..

[طاش]

حرص وقلق زايد وهاذا امر طبيعي يختلف من شخص لشخص

[نوار قطر]

حبيبتي مافيج الا العافيه كلنا نمر بهالحاله ضيقه وتوتر واصلا ماتبين تداومين عقب الاجازه هالشي طبيعي ...وبالنسبه للتجهيزات عاديه لازم اول يوم عقب الاجازه شنطه يديده... عبايه يديده ,,,اتجهزين اغراضج من الليل ,,, وضعج طبيعي جدا كلنا نمر فيه:victory:

[pink pearl]

هذي الحالة طبيعية أتوقع بس يمكن أنتي فيج قلق مو أكثر، أنا شخصياً مثلج أحوس ومش عارفة أجهز للدوام وأتم أحاتي ويتخربط نومي ويجيني مغص بس هالحالة الحمدلله وايد خفت عن قبل..

بس أنا أنصحج بكذا شي:

- أول شي تعشي خفيف (يعني لازم يحتوي بروتين - كربوهيدرات-ألياف) مثلا جبن أو لبنة وطماط وخيار وخبز أسمر وحليب أو لبن وفاكهة تحبينها أوعصير ليمون مع نعناع..

تكلمي مع نفسج في المنظرة قولي: الله باجر دوام، الحمدلله بارجع أداوم بنفسية أحسن بعد ما استمتعت بإجازتي، أتمنى إن الله يسخرني للناس وأقضي حوايجهم وتذكري قول الرسول صلى الله وعليه وسلم:
( لئن يمشي أحدكم في حاجة أخيه خير له من أن يعتكف في مسجدي هذا)، قولي الحمدلله اشكثر أنا محظوظة بهالوظيفة اللي غيري يتمناها، وشجعي نفسج بكلام إيجابي..

تواصلي مع رفيجاتج وأهلج واختلطي بكبار السن أو أطفال العايلة مثلا والعبي معاهم << ترى هالخطوة تعطيج طاقة إيجابية..

يفضل تعودين نفسج قبلها بفترة ماتقيلين علشان تنامين بدري وممكن تسترخين وتتوضين وتصلين الوتر قبل ماتنامين وتقولين الأذكار..

انسي أو تناسي أي حد يضايقج بالدوام قبل النوم وقولي اللهم اغفر لي ولهم واكفنيهم بما شئت..

وما عليج إلا العافية..

[Sari]

كنت نفسك ونصحني واحد الله يجزاة خير وياكم
الصلاة في وقتها أذكار الصباح والمساء والصدقة
وشفيت منها ولله الحمد والمنة

[shadad]

عادي حتى انا. الظاهر هاي الشي ولدوه فينا الاهل يوم يخبرونا بكرة المدرسه , بكر تنتهي الاجازة, بكرة العيد ...نفس المنوال :) .

الشي الغريب انا عندي ( ههه ) امس ضبت كل شي حتى اكل الدوام - والله اول مرة اسويها - وحطيت راسي من 9 وما رقدت الا صوب 11 ...قمت على 3 الفجريه وحطيت المنبه على 6 وربع مرة ثانيه وبعد ما قدرت انام الين يوم رن المنبه صكيته وابي اقوم الا نعست ونمت . اه يالقهر .

[الشاااهين]

طبيعي جدا اختي

اذا جاءت هالحاله اقوم اتوضا واصلي وادعي ربي بلي في قلبي وحزات ارقد فوق السجاده

الظاهر التفكير الزايد يولد شحنات كهربائيه يقعد المخ يطبخ ولا تروح الا بذكر الله سبحانه

نسأل الله ان يفرج همنا وهمكم

[pink pearl]

على فكرة ترى ممكن أبسط الأشياء ممكن تأثر عليج سلبياً مثلا صورتج الرمزية والحالة في الواتس آب يفضل تحولينها شي إيجابي، وابتعدي عن الناس اللي يحبطون ويتحلطمون طول الوقت..
احم مثلا بدون زعل الحين صورتج الرمزية ويه معصب، ليش يالاستقراطية؟؟ هدي هدي وإن شاء الله أمور طيبة.. :)

[شبح الصمت]

على فكرة ترى ممكن أبسط الأشياء ممكن تأثر عليج سلبياً مثلا صورتج الرمزية والحالة يفضل تحولينها شي إيجابي، وابتعدي عن الناس اللي يحبطون ويتحلطمون طول الوقت..
احم مثلا بدون زعل الحين صورتج الرمزية ويه معصب، ليش يالاستقراطية؟؟ هدي هدي وإن شاء الله أمور طيبة.. :)




صادقه صورتها الرمزية من اشوفها والله اقول الله يعين على ردودها ومواضيعها مع احترامي لها بس هالصدق وقول لها الكلام في وجهها ..

وكله معصبه وكله كاره الدنيا ..

الشيخة الاستقراطية نصيحة من اخو عابر سبيل الصلاة مفتاح الفرج وتفريج الهموم وتليين القلب والابتعاد عنها اعرفي انه راح تحسين بعدم الراحة

واذا الانسان يصلي وقايم بصلاته وعبادته وطاعته والله ابتلائه يتصبر ويعلم انه الله اذا احب عبد ابتلاءه ..

وتحياتي لج ولا تزعلين مع الصورة الي تعور البطن ..

:)

[فهد111]

انا بالضبط نفس الشي هذا وسواس توضي وصلي ركعتين انا من اصلي التوتر والوسواس وعوار البطن يروح مني

[ودي أكون]

الله يهديج بس .. سوتيها سالفه ومرض .! مسويه من الحبه قبه .!؟

انتي تعرفين من اللي لازم يقول انا طبيعي والا لا ..

اللي في هالليله قدر يرقد بسرعه :tease:

عيل انسان صار له فوق العشر ايام اجازه وراحه ورباده :anger1: .. ويجيك ليلة الدوام يرقد لك 8 والا 9 ويقوم للدوام نشيط :rolleyes2:
وهو صار فوق العشر ايام سهر :eek5: .. ولا اتحصلينه حتى الصبح كان مايقدر يرقد من الارق :rolleyes2:


صدقيني هذا اللي فيه إنّـه مو أنتي :nice:



حبيبتي اقري على نفسج سورة الناس وامورج سهالات ان شاءالله :nice:

[مشاكل]

طبيعي طبيعي اختي ارستقراطية الليلة بينتهي هالشعور :)

[حسن]

السلام عليكم

اذا كان هذا الشعور دائما معك اعتقد انه حاله غيرطبيعيه

قلق زايد عن حده ومافي اي مشكله انك تراجيعين دكتوره نفسانيه لدقائق ولا تقعيدين في هذا العذاب الى الابد

لازم تؤمنين ان الكثير تمرض نفسيته مثل اي مرض يمر عليك
لكن الفكر السائد الجاهل لدي الغالبيه العظمى تضن من يراجع الطبيب النفسي مجنون

انا دائما اقول ولازلت اقول واتمني انشاء مستشفى للامراض النفسيه اكبر من حمد بمرتين

لكثره المرضى عندنا للاسف ممايشكلون عبئ على المجتمع والاسره والدوله بكبرها

ويجب ان يتم توفير دكتور نفسي في كل مركز صحي حاله حال الطبيب العام

اتمنى لك الشفاء العاجل لك ولكل من يعاني اي مرض كان

امين

:)

[مشاكل]

السلام عليكم

اذا كان هذا الشعور دائما معك اعتقد انه حاله غيرطبيعيه

قلق زايد عن حده ومافي اي مشكله انك تراجيعين دكتوره نفسانيه لدقائق ولا تقعيدين في هذا العذاب الى الابد

لازم تؤمنين ان الكثير تمرض نفسيته مثل اي مرض يمر عليك
لكن الفكر السائد الجاهل لدي الغالبيه العظمى تضن من يراجع الطبيب النفسي مجنون

انا دائما اقول ولازلت اقول واتمني انشاء مستشفى للامراض النفسيه اكبر من حمد بمرتين

لكثره المرضى عندنا للاسف ممايشكلون عبئ على المجتمع والاسره والدوله بكبرها

ويجب ان يتم توفير دكتور نفسي في كل مركز صحي حاله حال الطبيب العام

اتمنى لك الشفاء العاجل لك ولكل من يعاني اي مرض كان

امين

:)

حسن :weeping: شخبارك وشخبار لندن
لاتباعد وخلك قريب ترى المنتدى من دونك مثل الغرفة بدون لمبة

[حسن]

حسن :weeping: شخبارك وشخبار لندن
لاتباعد وخلك قريب ترى المنتدى من دونك مثل الغرفة بدون لمبة

الله يعزك ياشيخ تسلم والله وانا بعد الصراحه وحشتوني
وانا في ميونخ يارجال خله على الله ودي ارجع قطر اليوم قبل باكر

لاتقولي لندن ولا اروبا بكبرها عايشين معززين مكرمين في بالادنا

يزين رطوبتها والله ولا هوبها

تحياتي يامشاكل والله انا احسدكم انك في قطر

:weeping:

[فراغ]

حالة خطيرة جدآ
ولها مضاعفات تأتي بتدرج لصاحب الحالة
يجب عرض الحالة لطبيب نفسي
أضحك معاك
مادري عن هذه الحالة

[رهج السنابك]

صادقه صورتها الرمزية من اشوفها والله اقول الله يعين على ردودها ومواضيعها مع احترامي لها بس هالصدق وقول لها الكلام في وجهها ..

وكله معصبه وكله كاره الدنيا ..

الشيخة الاستقراطية نصيحة من اخو عابر سبيل الصلاة مفتاح الفرج وتفريج الهموم وتليين القلب والابتعاد عنها اعرفي انه راح تحسين بعدم الراحة

واذا الانسان يصلي وقايم بصلاته وعبادته وطاعته والله ابتلائه يتصبر ويعلم انه الله اذا احب عبد ابتلاءه ..

وتحياتي لج ولا تزعلين مع الصورة الي تعور البطن ..

:)



الحمدلله من قبل ومن بعد احمد الله على مالا يعجبني قبل الامر الي يعجبني

لاحظت كثير علقوا على الصوره الرمزيه وربطوها بشخصيتي!


انا عن نفسي ماكنت ملاحظه اي رابط

حتى اذكر شخص كتب لي رساله بخصوصها

لكن المفارقه انكم شفتوها من زاويه غير زاويتي :)

انتو شفتوها معصبه وتحسبون لها انعكاس علي :)

انا شفتها على انها السيده الي مع سالي وكانت من الطبقه الارستقراطيه في انجلترا

وماركزت على ملامحها

في حياتي انا يسموني كتله جليد من كثر ما انا متحكمه في اعصابي ونادر جدااا اعصب والحمدلله في اصعب المواقف اقدر اتمالك نفسي واكون جدا هادئه

لكني احب التخطيط والنظام فأتوقع هذا سبب القلق لاني ماحب اقدم على شي الا وانا دارسته ومفكره فيه وهذا له انعكاسه بالقلق


بعد تعليق اكثر من عضو شكلي بغير الصوره :)

[رهج السنابك]

على فكرة ترى ممكن أبسط الأشياء ممكن تأثر عليج سلبياً مثلا صورتج الرمزية والحالة في الواتس آب يفضل تحولينها شي إيجابي، وابتعدي عن الناس اللي يحبطون ويتحلطمون طول الوقت..
احم مثلا بدون زعل الحين صورتج الرمزية ويه معصب، ليش يالاستقراطية؟؟ هدي هدي وإن شاء الله أمور طيبة.. :)


والله والله مو معصبه :(

ولا اعصب

واكره العصبيين ماحب اتعامل معاهم ابدا

[هداف]

انا ممكن اقاضيك لقذفك الالكتروني

بس رأفة مني رديتها عليك عشان اجنبك التلته :)


بعد بتقاضيني !! لا صج محتاجه طبيب نفسي :nice:

تنويه ممكن انقرا ردي على انه غير جدي او استهزاء لكن بالعكس انا اعني ردي جيدا
كلمت انت منت بصاحي ! تقال للمريض عباره عاديه وممكن تنقال في موضع اخر !
الطبيب النفسي يعالج اي حاله نفسيه مزعجه والاخت الارستقراطيه تشكي من حاله نفسيه!
من الطبيب هنا !! احنا ولا الدكتور النفساني !!

للعلم مرات حتى الاستشاره بالتلفون معا طبيب مقتدر تريح النفس ! واذكركم بأن اقوى جند الله
الهم والغم والحزن والوسواس !! نعم هم اقوى جند الله على الانسان يهدونه هدددد

[رهج السنابك]

لا تقعد ترقع خلاص كل الادلة توثقت عن محامي مايفيد ترقيعك

كنت برأف بك

بس عقب هونت ً

ومابتنازل الا بتعويض شقة في اللؤلؤة وبنتلي

دبر عمرك

[بصمة قطرية]

حللوا شخصيتج من صورتج :secret:

انزين يا مححلين حللوا شخصيتي :secret:

[حمد 2002]

حللوا شخصيتج من صورتج :secret:

انزين يا مححلين حللوا شخصيتي :secret:

:shy: اخاف اجرح مشاعرج لذلك سألتزم الصمت ،،،

[حمد 2002]

لا تقعد ترقع خلاص كل الادلة توثقت عن محامي مايفيد ترقيعك

كنت برأف بك

بس عقب هونت ً

ومابتنازل الا بتعويض شقة في اللؤلؤة وبنتلي

دبر عمرك

تقصدين الأخ هداف خاف من تهديدج ؟ :omg:

[رهج السنابك]

اي حمد

[بصمة قطرية]

:shy: اخاف اجرح مشاعرج لذلك سألتزم الصمت ،،،

لا لا تكلم قول ..
عندي مناعة منك .. :secret:

[ابن الجزيرة]

حالتك ليست مرضية,,نوع من التوتر والقلق الذي يصيب الكثير منا

مثل القلق والخوف الذي نصاب به قبل الامتحانات او قبل الخطوبة او عند الذهاب للمقابلة الشخصية للحصول على العمل

لا علاج له الا شغل النفس بعمل معين او مشاهدة فلم او قراءة كتاب اوممارسة رياضة

[Sari]

يزين رطوبتها والله ولا هوبها

تحياتي يامشاكل والله انا احسدكم انك في قطر

:weeping:
هلا ابوعلي
والله ياجا رطوبة ولاهوب يقطع القلب :eek5:
دز لي تذكرة والوعد ف المطار:shy:

[MAZEN37]

من وجهة نظري ان الموضوع هو التفكير الزائد في بكره و بكل تفاصيله وهو اللي يولد التوتر والأرق و هذا شئ طبيعي

في مرحله الدراسه ما استغرب ان الإنسان ينتابه هالشعور لان داخل مرحله جديدة في حياته يعني فجاه انكسر الروتين اليومي و بعدين مع الوقت يتأقلم و يرتاح ذهنيا

وكذلك بالنسبة لأول يوم عمل ممكن عندج ضغوط من المدير أو زملاء العمل فبالتالي صار عندج ضغط نفسي و الإجازة كانت بمثابة فترة راحه وانتهت والشخص عارف ان بيرجع للضغط ف بتوتر ويفكر

يعني مثل يكون عنده برزنتيشت أو مقابله أو امتحان أو اجتماع مهم تلقينه يجيه هال توتر

و مآظن في احد ماهر بهالحاله وما عليج من الردود التافه لو مواضيعهم ما أظن رضوا حد يتمسخر عليهم :)
:nice:

[عضو مشاكس]

انا ماعرفت اشتغل اليوم احس اني توني اشتغل هههههههههههههههه

[امـ حمد]

والله انا نفس الشي اختي
هذا توتر نفسي وأرق، والله مايجيني نوم وابقي اكثر من ثلاث ايام قاعده ويصيدني صداع شديد من قلة النوم
والحمد لله على كل حال

[بوحارب]

مرحبا الاسترقبطينيطية

ماتشوفين شر يا ابلتي وإذا حسيت نفسج مخبطة أو شي كذا

لكيها بواحد كرك وصدقيني بتترتب امورج

ولاتكبرين الأمور وايد



اي حمد

عاد ما حصلتي تهددين إلا هداف هههههه

دوري لج واحد ثاني

وولكم باك هداف ومنور يالذيب :)

[المحاميه]

طبيعي ذي حالة الكل لين نتأقلم مع الوضع اليديد

[الدبلوماسي]

طبيعي يصير هالشي مثلا انا مرات يصير لي في دوام اول يوم ف الجامعه وخاصه اكون ف الغربا ف يزيد التوتر شوي خخخخخخ

[قطرية مثقفة]

انه ليلة أول يوم دوام اتيني كوابيس :( :( وصار لي كم سنة أخذ بنادول نايت قبل ماانام لأني من الضيقه يصيدني ارق واكتئاب :(:( ماسوه فيني خير دعاة تحرير المرأة :( لول الحريم مستانسين قاعدين في بيوتهم والله ابتلشنه بالدوام :(:( الحمدلله

[رهج السنابك]

مرحبا الاسترقبطينيطية

ماتشوفين شر يا ابلتي وإذا حسيت نفسج مخبطة أو شي كذا

لكيها بواحد كرك وصدقيني بتترتب امورج

ولاتكبرين الأمور وايد




عاد ما حصلتي تهددين إلا هداف هههههه

دوري لج واحد ثاني

وولكم باك هداف ومنور يالذيب :)

خلصت من عاشق العديد

ياني بوحااربيبياب




عيل كرك هي نصيحتك؟؟؟ :anger1:

[رهج السنابك]

انه ليلة أول يوم دوام اتيني كوابيس :( :( وصار لي كم سنة أخذ بنادول نايت قبل ماانام لأني من الضيقه يصيدني ارق واكتئاب :(:( ماسوه فيني خير دعاة تحرير المرأة :( لول الحريم مستانسين قاعدين في بيوتهم والله ابتلشنه بالدوام :(:( الحمدلله





ينفع البنادول نايت؟؟؟ يرقد؟؟؟؟



انا هاليومين حالتي حاله غير سالفه توتر الدوام


كله احلم برابعه العدويه والاخوان :(
حالتي جدااا صعبه ومب مرتاحه بالنوم كل ماغمضت اشتغلت عندي احداث مصر :(

[رهج السنابك]

والله انا نفس الشي اختي
هذا توتر نفسي وأرق، والله مايجيني نوم وابقي اكثر من ثلاث ايام قاعده ويصيدني صداع شديد من قلة النوم
والحمد لله على كل حال


اكتشفت اننا شعب متوتر :eek5:


بس الغريب في بيتنا انا بس الي عندي هالمشكله خذتها وراثه من امي ربي يطول بعمرها
بقيه اخواني وخواتي عادي جدا

[ام السعف]

تبين هالحالة تروح عنج ؟

طبي في الحوش من فوق السطح،، وبيحرم فكرج يتوتر مرة ثانية


موووزحة :shy:

[حقيقه]

عادي وانا اختس كلنا نفس حالتس

[رهج السنابك]

تبين هالحالة تروح عنج ؟

طبي في الحوش من فوق السطح،، وبيحرم فكرج يتوتر مرة ثانية


موووزحة :shy:



موووووقرمه شريره :weeping:

[هداف]

مرحبا الاسترقبطينيطية

ماتشوفين شر يا ابلتي وإذا حسيت نفسج مخبطة أو شي كذا

لكيها بواحد كرك وصدقيني بتترتب امورج

ولاتكبرين الأمور وايد




عاد ما حصلتي تهددين إلا هداف هههههه

دوري لج واحد ثاني

وولكم باك هداف ومنور يالذيب :)



هلا وغلا بصديقي الالكتروني بوحارب :) والنور نورك ياذيبان وانا كنت بعيد من المشاركات
معا اخواني وخواتي في المنتدى والاشغال ما تخلص حاليا اجازه وفاضي لكم :nice:

[الرويـس]

الحمدلله من قبل ومن بعد احمد الله على مالا يعجبني قبل الامر الي يعجبني

لاحظت كثير علقوا على الصوره الرمزيه وربطوها بشخصيتي!


انا عن نفسي ماكنت ملاحظه اي رابط

حتى اذكر شخص كتب لي رساله بخصوصها

لكن المفارقه انكم شفتوها من زاويه غير زاويتي :)

انتو شفتوها معصبه وتحسبون لها انعكاس علي :)

انا شفتها على انها السيده الي مع سالي وكانت من الطبقه الارستقراطيه في انجلترا

وماركزت على ملامحها

في حياتي انا يسموني كتله جليد من كثر ما انا متحكمه في اعصابي ونادر جدااا اعصب والحمدلله في اصعب المواقف اقدر اتمالك نفسي واكون جدا هادئه

لكني احب التخطيط والنظام فأتوقع هذا سبب القلق لاني ماحب اقدم على شي الا وانا دارسته ومفكره فيه وهذا له انعكاسه بالقلق


بعد تعليق اكثر من عضو شكلي بغير الصوره :)


اسمها الانسه (منشن) يطول لي بعمرج
اللي في اخر المسلسلات كسرت خاطرنا (وللاسف) تعاطفنا معاها
كله من الثروة اللي حصلتها سالي من الورث

حبيت اوضح فقط

[عضوو]

كل ما أرتفع الأيمان واقترب الأنسان من ربه كلما قل قلق الأنسان من كل شئ

وكما تعلمون ان الأيمان يضعف ويقوى لدى كل مسلم فزوال هذا القلق يأختنا الكريمه

هو زياده بعض العبادات كقراءة القرآن والنوافل وزيادة التفكر في الكون وعضمة الله وان

شاء الله تزول

*

[توشيبا]

الموضوع صار ظريف بس في شغلتين جابت الاكتئاب

الاوله هالفيس كثرته داخل الموضوع :( :( :( :(

وهالصوره

http://www.qatarshares.com/vb/image.php?u=12785&dateline=1278948511

[ام السعف]

لو منج وبالفعل تعتبرين قطعة ثليج

لا تغيرين الصورة وخليها :shy:

[وليف الشوق]

مشابها لحالتي وحالة كثير من الناس

[بصمة قطرية]

الأرستقراطية ..

حالتي أخس من حالتج بس مع طبيب الأسنان :weeping:
من أفكر أروح لطبيب أسنان أمرض
و أصدع و يهيج القولون
و بطني يعورني
و أتم يوم كامل متوترة و خايفة
و مزاجي متعكر :(


شلون أتغلب على هالشي .. :weeping:

[ولد الشحانية]

اللي فيك قالون واخذ الكلام من عندي وهاذي اعراضه

[رهج السنابك]

بصمه تحتاجين لتمارين فك الارتباط

انتي مشكلتج رابطه الاسنان بالرهاب النفسي منه فيضرب عندج القولون العصبي

انا شاطره بالتشخيص بس العلاج لا ههههه ً
اعرف البلا واسبابه

لكن شلون نعالج اهني الغمنده

لكن قولي الحمدلله المشكله مع طبيب الاسنان اذا رحتي له مب اكثر من مره بالسنه

[بصمة قطرية]

بصمه تحتاجين لتمارين فك الارتباط

انتي مشكلتج رابطه الاسنان بالرهاب النفسي منه فيضرب عندج القولون العصبي

انا شاطره بالتشخيص بس العلاج لا ههههه ً
اعرف البلا واسبابه

لكن شلون نعالج اهني الغمنده

لكن قولي الحمدلله المشكله مع طبيب الاسنان اذا رحتي له مب اكثر من مره بالسنه
صحيح و هالشي من صغري
عارفة الرهاب من طبيب الاسنان
لو تجرأت و رحت لدكتور
ما راح يشوف وجهي مرة ثانية :secret:

[ام السعف]

الأرستقراطية ..

حالتي أخس من حالتج بس مع طبيب الأسنان :weeping:
من أفكر أروح لطبيب أسنان أمرض
و أصدع و يهيج القولون
و بطني يعورني
و أتم يوم كامل متوترة و خايفة
و مزاجي متعكر :(


شلون أتغلب على هالشي .. :weeping:

اخاف من طبيب الاسنان

بس لو رحت له لازم اعض صبعه وان كنت امبنجة
:shy:

حاولي لو رحتي له تقضمين صبعه هيهيهي

[رهج السنابك]

ههههههههه ام السعف مجرمه تعضين صبعه حتى وانتي مبنجه


قتلتيني ضحك

[alsoq]

الأرستقراطية ..

حالتي أخس من حالتج بس مع طبيب الأسنان :weeping:
من أفكر أروح لطبيب أسنان أمرض
و أصدع و يهيج القولون
و بطني يعورني
و أتم يوم كامل متوترة و خايفة
و مزاجي متعكر :(


شلون أتغلب على هالشي .. :weeping:

انا اندمرت اسناني من خوف علاج الاسنان
وقررت مواجه الامر وكنت متوقع الاسوى علمآ اني زراعه 12 برغي
توكلت على الله ورحت والحمدلله اللي كنت اتخيله انه بصير ومسبب لي قلاق ما حسيت فيه

[ام السعف]

ههههههههه ام السعف مجرمه تعضين صبعه حتى وانتي مبنجه


قتلتيني ضحك

ضحكني الدكتور اللبناني اللي تم يقول لي
صبعي اي صبعي ...> مب عارفة شسالفة ،،
فج حلجي بالقو علشان يخلص صبعه من اسناني
طلعت اخذ حقي وانا امبنجة ،،

طبعا مب هو الوحيد اغلبهم مساكين اتشيك على اصابعهم اشوفها
تشد العض او لا .............> طبعا الخوف يخليني اسكر حلجي وحتى وانا
امبنجة فالنتيجة انهم ينعضون :(

[alsoq]

انا اذا عندي مقابله او سفر اتوتر وما انام اتم افكر:)

[نووون]

شلون كان اول يوم عقب هالحالة ؟ :)

[الزعفراني]

هالموضوع .. لأنج تشعرين بداخلج بأنج " حالة خاصة " .. وتشعرين ان الآخرين يعاملونج معاملة خاصة دونا عن الآخرين ...


بخصوص أغلب الاعضاء - وانا منكم - ماشاء الله طلعنا متخصصين في الاستشارات النفسيه والطبيه ههههه

[رهج السنابك]

الزعفراني مافهمت شلون احسب نفسي اتعامل معامله خاصه دونا عن الاخرين؟؟

[رهج السنابك]

نوون


الحمدلله عدا على خير مما كنت اظن :)


لاول مره تصير معاي نمت متاخر بس على الاقل نمت بالعاده اروح مواصله

[حسن]

نوون


الحمدلله عدا على خير مما كنت اظن :)


لاول مره تصير معاي نمت متاخر بس على الاقل نمت بالعاده اروح مواصله

الحمدلله انها عدت على خيروطنتينا عليك

بشرتينا يالاستقراطيه

[حمد 2002]

طيب طيب ،،

[الجنوبي]

ماتفرق معاي دوام اجازة كله نفس الشعور تحولت لرجل آلي