صراحه مواضيع تقهر وترفع الضغط.ضروري مهم جدا بليز ساعدوني. ..

[أبوهيا]

السلام عليكم عليكم ورحمه الله وبركاته

ياجماعه شهالمواضيع الي تنكتب بالمنتدى سواء قسم العقار ولا السيارات او الهواتف او الراي العام
تحصل العنوان يحسسك راعيه قنبله بتنفجر ولا بيموت حد ولا كارثه
تحصله كاتب العنوان
ارجوا من الجميع المساعده ضروري
ولا هام جدا وخطير
ولا بليز رايكم ضروري الكل يدخل
ومحتار وابي حل ضروري
واخر شيء تدخل. تحصله موضوعه من سطرين مثلا
ياجماعه. محتار اخذ بلاك بري ابيض ولا سود؟
والعالم ترد نصهم ابيض ونص اسود وعقب ياقول هونت مني شاري ولا يقول حيرتوني

والثاني كاتب عندي 500 الف شاخذلي موتر. والاعضاء يردون عليه ومايخلون موتر بالعالم الا يذكرونه له وبعد مايعجبه شيء ياخي خذ على ذوقك من بيسوق ومن بيستعمل ومن بيدفع غيرك
ياليتك محدد نوعين مثلا تيوتا ونيسان لا الحبين يجبوله رنج لكزس بورش نيسان جمس مب عاجبه شيء

والثالث. ضروري ذوقكم ااخذ برقدون ولا سطحه يعني مادري شالهدف

والرابع كاتبلك مدري شرايكم ادوام بالجزيره ولا الخويا!!!
والخامس ياجماعه ابي حل ماعرف انام باليل يعني شنسويلك نعالجك ولا نيبلك رضاعه !!!
يعني هاي مواضيع بذمتكم!!
واشتري موتر ابيض ولا اسود !!! يعني مدري شترد عليه
عادي بكره نشوف واحد كاتب مدري شرايكم احسن حلاق
ولا شرايكم انام على السرير ولا الارض
واحد يكتب لنا ااشتري جي ولا جي اكس ويمكن انكتبت مواضيع بهاي الطريقه

يعني تحس تفاه بالمواضيع وبكثرتها صارت
مادري أنا الي ملاحط هاي الشي بروحي ولا في غيري

اترك لكم ابدا ارائكم بالموضوع

[bus3od]

عادي زين أنا أشوف مافيها شي

ما خاب من استشار
الرجال مختار و يبي يسمع أكثر من راي عادي جدا شفيك معصب

يعني موضوعك اللي منه هدف الحين ؟

[musel999]

ياخي صل علي النبي ولا يرتفع ضغطك
ماخاب من استشار ياخي الدعوه سوالف واخذ وعطا وبين وبينك الموضوع اللي مايعجبك لا تشارك فيه
انا مرات لما ابي اشيك علي سياره ولا وظيفه ولا شي ارجع اشوف اراء الناس في النت يمكن واحد له تجربه وتنفعك ولا واحد عنده كلمه تفيد وفي الاخر كل واحد حر في مواضيعه ولا تبي نسوي المنتدى علي مزاجك

صل علي النبي واستحملنا
وشكرا

[مرتبش]

عادي زين أنا أشوف مافيها شي

ما خاب من استشار
الرجال مختار و يبي يسمع أكثر من راي عادي جدا شفيك معصب

يعني موضوعك اللي منه هدف الحين ؟

متفق معاك

[أبوهيا]

يستشير ولا يسال بشي مفيد
يعني يسال اخذ جوال ابيض ولا اسود
طيب هي على ذوقك هاي موضوع

عندي 500 الف شاخذ سياره حدد شالي بخاطرك او محتار بين وشو وشو يجيبوله رنج بورش لكزس طياره يرد لا نشوف ارء باقي الاعضاء يعني مب محتار بين شين لا تحسه منزل موضوع كذا على الفاضي

يعني انت تبي ارء العالم حدد بوشو محتار
تبي وضيفه حدد شهادتك العروض من الوضيفتين انت الي تحدد انت الي معروض عليك عرض العمل استخير ربك
مب محتار اداوم مثلا بالبنك التجاري ولا الوطني حسب اهم شالي عرضينه عليك طبيعه العمل بين الدوامين وين مرتاح

[بنت سعادة السفير]

صبحك الله بالخير

انا بعد اشوف المواضيع تبادل الاراء ماجوف فيها اي مشكله ومافي داعي ترفع ضغطك يااخي موضوع يقهرك مومجبور تدخله يمكن الموضوع اللي يقهرك غيرك يستفيد منه وعن نفسي استفدت واايد في قسم السيارات كنت محتاره ايش اخذ لي والاعضاء ماقصروا كفو ووفوا

اسمحلي اخوي بس انا اقولك مافي شي يستاهل ترفع ضغطك

[أم علي 2010]

في ناس تبحث عن أجابة حق أسئلتها ،، مب الكل عنده المعلومات الكافية ويحب يستشير قبل

اذا انت متضايق من نوعية المواضيع ،، أقرا العنوان واللي ما يعجبك مب لازم تفتحه وتضيع وقتك بالقرأة

ريح أعصابك ،

أذن الفجر :)

[أبوهيا]

عادي زين أنا أشوف مافيها شي

ما خاب من استشار
الرجال مختار و يبي يسمع أكثر من راي عادي جدا شفيك معصب

يعني موضوعك اللي منه هدف الحين ؟

موضوعي الهدف منه عدم تفاهه المواضيع. يعني يكتب موضوع من سطرين مب موضح منه اي شيء ولا معروف شالي هو يستفسر منه
وانا مب معصب ولا شيء
الي يستشير بشي مفيد مثلا اي كراج احسن لتيوتا احسن كراج صبغ يجماعه احسن مكيفات احسن طيران اسافر لدوله كذا شرايكم اخذ اي شركه لتشطيب اي هاي المواضيع الكل يسفيد منها

[Aaziz]

مع عدم رضاي بالمقارنه ،، ولكن توجد منتديات يعتبر الموضوع مخالف و احد مسببات حذف الموضوع ان كان العنوان لايعبر عن المحتوى .

اتمنى ان يطبق مثل هذا الشرط في منتدانا هذا

اذا ممكن الاطلاع على الموضوع

http://qatarshares.com/vb/showthread.php?t=536904&highlight=%DA%E4%C7%E6%ED%E4+%C7%E1%E3%E6%C7%D6%ED %DA

[أبوهيا]

صبحك الله بالخير

انا بعد اشوف المواضيع تبادل الاراء ماجوف فيها اي مشكله ومافي داعي ترفع ضغطك يااخي موضوع يقهرك مومجبور تدخله يمكن الموضوع اللي يقهرك غيرك يستفيد منه وعن نفسي استفدت واايد في قسم السيارات كنت محتاره ايش اخذ لي والاعضاء ماقصروا كفو ووفوا

اسمحلي اخوي بس انا اقولك مافي شي يستاهل ترفع ضغطك

المشكله العنوان مب واضح
يكون بهاي الطريقه مثلا
هام وضروري من الجميع الدخول. فقط هذا عنوانه
طيب يستشير ولا يسال مب محدد يعني مثلا مدري اي تلفون اخذ
طيب حذ لمس بلاك بري نوكيا شنو نوع ستعمالك. مافي شي

[أبوهيا]

صبحك الله بالخير

انا بعد اشوف المواضيع تبادل الاراء ماجوف فيها اي مشكله ومافي داعي ترفع ضغطك يااخي موضوع يقهرك مومجبور تدخله يمكن الموضوع اللي يقهرك غيرك يستفيد منه وعن نفسي استفدت واايد في قسم السيارات كنت محتاره ايش اخذ لي والاعضاء ماقصروا كفو ووفوا

اسمحلي اخوي بس انا اقولك مافي شي يستاهل ترفع ضغطك

المشكله العنوان مب واضح
يكون بهاي الطريقه مثلا
هام وضروري من الجميع الدخول. فقط هذا عنوانه
طيب يستشير ولا يسال مب محدد يعني مثلا مدري اي تلفون اخذ
طيب حذ لمس بلاك بري نوكيا شنو نوع ستعمالك. مافي شي

[أبوهيا]

اذا ممكن الاطلاع على الموضوع

http://qatarshares.com/vb/showthread.php?t=536904&highlight=%da%e4%c7%e6%ed%e4+%c7%e1%e3%e6%c7%d6%ed %da

بيض الله وجهك وكلامك سليم 100 ب100

[sweet qatar]

يعطيك العافية يا بو هيا

أوافقك في كلامك عن العنوان وانه لازم يعبر عن محتوى الموضوع


اما سالفة الموضوع نفسه وهل راعي الموضوع جاد او يتسلى.. فهذا شي ما نقدر نتحكم فيه
لان محد جبر الاعضاء على الرد.. فراعي الموضوع مب ملزوم انه يقرر

بصراحة وياليت محد يزعل مني.. لكن المسألة مسألة ذوق وأدب
يعني عضو يطرح موضوع او استفسار
ويشتط واحد ويرد عليه بكل الي يعرفه او يسال ويجمع له معلومات

في الأخير يتفاجأ ان العضو تجاهل رده ورد على عضو ثاني
او أضعف الايمان يكتب شكرا لكل من رد وننتظر باقي الآراء


التصرف هذا مب غلط.. لكنه خالي من الذوق


مثل هالحركات صارت معاي وايد

عاد انا اذا حد نرفزني او تجاهلني ماخليها بخاطري اروح استراحة المنتدى واتحندى لين اهدا


المهم وسع صدرك يا بوهيا.. واستحمل اخوانك
هم احتاجوك اليوم بكرة انت تحتاجهم

[R 7 A L]

ياجماعة
لاتحتكرون المواضيع والاشخاص الي يطرحونها
والله ماتخسرنا شي ولا تثقل عليها
ولاهيب مخله

[مواقف النجادة]

الموضوع اللي ما يعجبك ممكن يعجب غيرك ..

و الموضوع اللي ما يهمك يمكن يهم غيرك ..

مادام الجميع ملتزمين بأدب الحوار و السنع..

و بالنسبة لراعي الخمسمئة الف ...انصحه يأخذ لكزس فور ويل ..

و شكرًا

[captin]

Take it easy man& smile
:):):)

[عبدالعزيز 101]

ما خاب من أستشار

[bohilal191]

عادي يالغالي وصح لازم العنوان يكون واضح وأما موضوع اختار جوال ابيض أو اسود،،،طبعا بيكون محتار ،لان واحد بيكتب الابيض رزه وكشخه وواحد ثاني بيكتب الابيض يتوصخ بسرعة،،،مثال

[الرويـس]

انا مع ابوهيا
هو يقصد انه مب صعب ان الواحد يكتب عنوان معبر ومافيه مبالغة
حتى ما نفقد درجة تقديرنا لبعض المواضيع
لذلك انا مع مع ابوهيا

وراعي الابيض والاسود انصحه ياخذ الاسود

[@north_star@]

كلامك صحيح اخوي بو هيا ولن نعمم ولكن للأسف الكثير من المواضيع مجرد كلمات بلا فائدة وانا كتبت موضوع مشابه لموضوعك مرتين من فترة .... فعلى سبيل المثال واحد شاف دخان طالع من بعيد يجيك على طول بالحوار العام ويفتح موضوع ويقول شفت دخان كثيف من بعيد بالمكان الفلاني والا شفت سيارة داشة بالطوفة بالمكان الفلاني ..............الخ

وبالنسبة للاية الكريمة (( وأمرهم شورى بينهم ))
فهي ليست مقياس للمواضيع التافهة ان صح التعبير فقد نزلت لامور تهم المسلمين في دينهم ودنياهم

[Faisal981]

انا معاك يا أبو هيا

لازم يكون العنوان معبر ويحتوي على معنى للموضوع .
وتوجد عناوين كثيرة هابطة مثل اللي ذكرها أبو هيا .
نرجو الإرتقاء بإختيار العنوانين لتكون معبرة .

أما فيما يخص محتوى الرسالة , اتفق مع أخوي أبو هيا
بخصوص المواضيع اللي ذكرها بأنها هابطة وهابطة جدا
ولا تدخل في ( ما خاب من إستشار )

ذي وجهة نظري ,, وتحياتي للجميع

[أخت الكل]

يقال ما خاب من أستشار وحنا معتبرين أنفسنا أخوان ونشاور بعض حتى لو في أمور يمكن تشوفها تافهه أو ماتستاهل

بالنسبة لعنوان المواضيع المعترضين عليها فلها أسباب أنا احترمها
أهمها
# إن الشخص حاس فعلا إن الموضوع مهم أو حتى مصيري بالنسبة له
# أنه أختار عنوان غامض أو مثير للحصول على أعلى نسبة من التجاوب من قِبل الأعضاء
# إنه يفتقر لمتانة الأسلوب وعمق المعاني (ركيك)

بالنهاية أي موضوع يكتبه أي عضو في هذا المنتدى أنا أحترمة ولي الحرية أرد أو أتجنب الرد

[اجرام]

مرحبتين اخوي شوف هو بنهائيه والاخير منتدى لتبادل الارئ
ومن استشار ما ضاع خاصه ان في بشر على أصغر شي تحتاج استشاره بعكس الاخرين او ممكن اتكون انت من هذولا الناس الي ياخذ قراره بنفسه

[نووون]

ريلاكس أخوي

والله مرات يوسعون السدر على بساطة المواضيع