لماذا لا نحتاج إلى بلاك بيري ؟

[أم محمد 90]

بسم الله الرحمن الرحيم



كلنا نعرف جهاز البلاك بيري

و 99% منا اقتنى هذا الجهاز والاغلبية مازالو يمتلكونه



لماذا !!







تمتاز هواتف بلاك بيري بعديد من المزايا

ولكن اقوى مميزات الجهاز والسبب الرئيسي لامتلاكنا هذا الجهاز هو برنامج المحادثه الخاص به BBM !!



وما يميزه عن باقي البرامج (وجود بن كود) خاص لكل جهاز لا يمكن تبديله !!



خلونا نتعمق قليلاً في برنامج المحادثات (وهو موضوعنا الاساسي) لان من وجهة نظري (لا يوجد شيء اخر فالجهاز) يستحق الحديث فيه (وجهة نظر)



لو رجعنا الى الوراء قليلاً لـ3 او 4 سنوات (تقريباً) لوجدنا انه فعلاً برنامج يفي بالغرض لعدة اسباب





- وجود البن كود الخاص بكل جهاز ولا يمكن تغييره
- وجود الفيسات الخاصه بالبرنامج (من اجمل الفيسات في وقتها)

- امكانية ارسال الملاحظات والملفات لجهات الاتصال (لاحجام محدودة)

- امكانية ارسال الملاحظات الصوتيه (voice note) مباشرة (اضغط وتحدث)

- امكانية ارسال الروابط وفتحها مباشرة (مجرد الضغط عليها)

- امكانية وضع صورة عرض خاصة وكتابة ملاحظة او بايو تحت اسم المستخدم او النك نيم

- امكانية المحادثه الجماعية وانشاْء مجموعات او قروبات ولها بن كود خاص للنشر

- امكانية اجراء مكالمة فيديو او صوت عن طريق الواير ليس فقط



كلنا نعلم عن هذه النقاط ولكن ذكرتها لمن لا يعرفها





ولكن لو تفكرنا قليلاً !! هل يستحق ان اقتني (هاتف كامل) + شريحة اتصال خاصة + تفعيل خدمة اسبوعية (15 ريال) من اجل برنامج محادثة فقط ؟



وانا اقول برنامج محادثه فقط لانه من واقع تجربة شخصية للجهاز (حتى اخر اصدار) فهو هاتف لا يستحق الشراء وغير عملي نهائياً للاتصالات او الاستخدام العادي او حتى التصوير فيه !!



ولو تعمقنا فيه لذكرت لكم كم هية سيئة كاميرا البلاك بيري وكم هو ممل نظامه (حتى الجديد) وكم هو #بطيء وكثير التعليق



نعم انا اعاني من كل ما ذكرت (فترت استخدامي الطويلة للجهاز) وحان الوقت لاتخذ القرار الصائب في نقطة التحوول والبدائل



كلنا نعلم اننا هنا في قطر او في الخليج بشكل عام

(من يمتلك جهاز بلاك بيري يمتلك ايضاً جهاز سامسونج جالكسي او ايفون)



ولكن لماذا !!



لاننا كلنا نعلم ان هاتف بلاك بيري وحده !! لا يفي بالغرض



اذاً لماذا احتاج بلاك بيري ؟ لماذا (اتعب نفسي واشيل جهازين في يدي) ؟



وانا عندي العديد والعديد من البدائل



لو قلنا اننا نبحث عن برنامج محادثة يحوي كل هذه الخصائص الموجودة في برنامج المحادثات الخاص بالبلاك بيري !!



لوجدنا الكثير ( وعليك الحسبه ) وانا لن اعدد كل هذه البرامج (فكل منا يفضل برنامج عن غيره)



لكن بالنسبة لي !!



انا امتلك في جهازي عدة برامج تغنيني عن البلاك بيري !! وتغنيني حتى عن استخدام الاتصالات او المكالمات العادية
(الآيفون او الجالكسي)

فمثلاً / برنامج skype فيه كل ما هو موجود في البلاك بيري من خصائص بالاضافة الى امكانية اجراْء اتصال هاتفي او حتى مكالمة فيديو (بوضوح عالي في الصوت والصورة) !!

http://im.tech2.in.com/gallery/2012/nov/skype_final_1_211118497858_640x360.jpg

ناهيك عن سرعة اداء البرنامج وقوته وسهولته

يعني برنامج واحد فيه محادثات كتابية وصوتية وفيديو !! حتى نقل الملفات والبيانات وارسالها من شخص الى اخر






ومع كل هذا (الدلع) !! فالبرنامج #مجااااني !!!! للايفون والاندرويد وحتى اجهزة الكمبيوتر

ولو بحثنا عن اقل ميز في البرنامج !!

يكفي انه يمكنك محادثة اي شخص من اي جهاز !! عكس البلاك بيري وهو محتكر النظام



ولكن انا بامكاني ان كلم صديق لي من هاتف ايفون ويقوم هو بالرد علي من جهاز لابتوب او من هاتف اندرويد او حتى نوكيا !!

وهذه ميزة بحد ذاتها تكفي






تخيلو كل هذا في برنامج واحد !!



وكلنا نعلم ما يمكنه فعله برنامج الـwhatsapp (نفس الامكانيات باستثناْء المكالمات الصوتية والفيديو)

وما يميزه ان قائمة الاتصال لا يمكنك اضافتها الا بحفظ رقم الهاتف في الجهاز

http://www.electrony.net/media/2012/12/whatsappscreen.jpeg



ولا ننسى برنامج viber !! فهو من البرامج القوية في مجالها

http://www.viberfaq.com/wp-content/uploads/2011/01/viber-android-text.jpg





ناهيك عن البرامج الاخرى مثل kik او chat On من سامسونج

وانا من الاشخاص اللذين حذفو جهاز بلاك بيري (من قاموس الحياة)
واستبدلتها بسكايب و واتس اب و فايبر وكيك

واذا قلنا انني اريد (فكرة) البرودكاست الموجودة فالبلاك بيري !!

فـ انا مستمتع جداً في تويتر وقروبات البرودكاست اللتي تادي فكرة البرودكاست بقوة

اما الان والسؤال المهم !!

# هل ترى ان هاتف بلاك بيري يستحق (ان ياخذ مساحة من يدي) ؟؟

# وهل هناك ما يميزه عن غيره ! او هناك سبب مقنع لاقتنائه ؟

شاركنا وجهة نظرك و تعليقك

مقالة منقولة من مدونة يوسف تيك
اعجبتني وقلت نتناقش فيها
بصراحة اقنعني وايد
وانا استخدم جوالي السامسونج اكثر من البلاك بيري
البلاك بيري مجرد اشوف البرودكستات واكلم كذا شخص وخلاص
اما السامسونج اتكلم فيه وفيه كل البرامج الي احتاجها :nice:
انتو شنو نظرتكم ورأيكم ؟

[مشاكل]

السامسونج حرق البلاك بيري والايفون :nice:

[حسن]

للا سف انا 1% اللي ماامتلك هذا الجهاز ولم امتلكه الى الان
تلفوني الجلكسي واشوف افادني في الكثير

فما اقدر افيدك عن هذا الجهاز رغم ان كم شخص رحل عنا بسبب هذا الجهاز

وهل كان يستحق هذا الجهاز ليضحي بحياته !!

الله يرحمهم

[أم محمد 90]

السامسونج حرق البلاك بيري والايفون :nice:

جرب الجالكسي كاميرا جوال وكاميرا بنفس الوقت
تصوير خيااااالي وشي رهيب ماحصلشي :nice:

[أم محمد 90]

للا سف انا 1% اللي ماامتلك هذا الجهاز ولم امتلكه الى الان
تلفوني الجلكسي واشوف افادني في الكثير

فما اقدر افيدك عن هذا الجهاز رغم ان كم شخص رحل عنا بسبب هذا الجهاز

وهل كان يستحق هذا الجهاز ليضحي بحياته !!

الله يرحمهم

صحيح كلامك يا اخوي ناهيك انه فتح عيون الاطفال على الكثير من الأمور
طفل عمره 7 سنين ويمتلك البلاك بيري ..

[al_jo0ory]

الصراحه انا نزلت اغلب البرامج اللي ذكرتهم بس ولا واحد غطى عالبلاك بيري مافيه نفس حركة ونشاط البي بي كلللللش
هالجهاز خلاص صار ادمان حاولت اتركه فتره بس ماقدرت .... فالفتره اللي قطعتها كنت احس اني معزوله عن العالم وماعرف شيصير فالدنيا ههههههههه


عندي احساس ان الشباب يقدرون يقطعونه اكثر من البنات .... البنات اذا تعودوا عالهذره والسوالف صعب تقطعه

[ولد العرب]

للا سف انا 1% اللي ماامتلك هذا الجهاز ولم امتلكه الى الان
تلفوني الجلكسي واشوف افادني في الكثير

فما اقدر افيدك عن هذا الجهاز رغم ان كم شخص رحل عنا بسبب هذا الجهاز

وهل كان يستحق هذا الجهاز ليضحي بحياته !!

الله يرحمهم

لازقني معك على 1%:deal:

[مشاكل]

جرب الجالكسي كاميرا جوال وكاميرا بنفس الوقت
تصوير خيااااالي وشي رهيب ماحصلشي :nice:
انا اللي عندي سامسونج اس 4 كل شي فيه ممتاز مع ان مالي فكثير من البرامج لكنه عملي لأبعد الحدود وتحسين ان العالم كله مختزل فهالتلفون

[sweet qatar]

المشكلة الأساسية يا ام محمد في الناس.. ولا انا من زمان ودي اكنسله

قبل البي بي ام وايد سهل .. الحين صاير بايخ.. برامج كثيرة تغني عنه..
لكن مابتحصلين الكل مجتمع على برنامج واحد مثل البي بي

[شيخ الديرة]

قريبا جدا أطلاق تطبيق البي بي أم لأجهزة الأندرويد والأيفون

[بصمة قطرية]

لولا إختلاف الأذواق لبارت السلع ..
كل بضاعة و لها مشتري
جربت كل شي و لا أفكر أستغني عن البي بي :victory:

[ولد العرب]

لولا إختلاف الأذواق لبارت السلع ..
كل بضاعة و لها مشتري
جربت كل شي و لا أفكر أستغني عن البي بي :victory:

قروبك ولستك محترمه اما انا الله لايوريك :anger1: على طوووول السوف امر بيع فرقاه عيد

[Bozizoo]

بالاول انا من مستخدمين البلاك بيري وطبعا معاه سمسونج ميجاا
( الكبر له دور ماعاد اشوف عدل ابي شاشه كبيره)
انا اقول حظ البلاك بيري انه نزل قبل الاي فون فقط
ولهذا السبب الناس تعوديت عليه ولاعاد يقدرون يستغنون عنه
لان السامسونج و الايفون فيهم كل البرامج العمليه و العلميه و الترفيهيه و الاجتماعية و..و..
يعطيك العافيه على النقل

[أم محمد 90]

الصراحه انا نزلت اغلب البرامج اللي ذكرتهم بس ولا واحد غطى عالبلاك بيري مافيه نفس حركة ونشاط البي بي كلللللش
هالجهاز خلاص صار ادمان حاولت اتركه فتره بس ماقدرت .... فالفتره اللي قطعتها كنت احس اني معزوله عن العالم وماعرف شيصير فالدنيا ههههههههه


عندي احساس ان الشباب يقدرون يقطعونه اكثر من البنات .... البنات اذا تعودوا عالهذره والسوالف صعب تقطعه

لا يالجوري
ربعج اذا يحبونج سوو لكم قروب ف الواتس اب ويوصلكم المفيد
انا قطيت البلاك بيري كم يوم ماشوفه لان الرقم الي عليه اساسا محد يعرفه مطلعته للبلاك بيري
وتميت كله واتس اب
في بنات مايستخدمون الواتس اب رجعت اشوف البي بي 41 محادثة
افتحهم حسيت ببياخة وسخافة اشيا مكررة واشيا مالها داعي والبعض زعلان اني مامسكه رغم اني كاتبة باالبرسونال واتس اب اونلي

لما تعودت ع الواتس اب (فيساته احلى) وايد انقرفت من البي بي
صرت ماحب امسكه وافكر ابيعه
يعني صور اخذ من انستقرام
اشعار نكت فيديوات تويتر
وسوالف ويا ربعي ع الواتس اب :victory:
ولا امشي واشيل جوالين هههههه

[أم محمد 90]

انا اللي عندي سامسونج اس 4 كل شي فيه ممتاز مع ان مالي فكثير من البرامج لكنه عملي لأبعد الحدود وتحسين ان العالم كله مختزل فهالتلفون

صحيح من اجمل التلفونات
خذ لك لفة ع محل فيه تلفزيون سامسونج الجديد 7 سيريز :nice:

[أم محمد 90]

المشكلة الأساسية يا ام محمد في الناس.. ولا انا من زمان ودي اكنسله

قبل البي بي ام وايد سهل .. الحين صاير بايخ.. برامج كثيرة تغني عنه..
لكن مابتحصلين الكل مجتمع على برنامج واحد مثل البي بي

الواتس اب يغني عن كل شي
شوفي مانقدر ننكر
البي بي فيه جهات اتصال 80 وفوق !!!
لكن كم بنت تكلمين ولا كم شخص !!
مثلاً 11 شخص بس !
سوي قروب ف الواتس اب
وادخلي عالم التويتر والله عالم ممتع وجميللل لانج انتي تنقين وشو يوصلج
مب تضيفين بنت عمج الملغة وتطرش اشيا سخيفة وتضطرين تخلينها وماتمسحينها عشان ماتقول ليش حاذفتني وتزعل (مثال) :tease::tease:

[أم محمد 90]

لولا إختلاف الأذواق لبارت السلع ..
كل بضاعة و لها مشتري
جربت كل شي و لا أفكر أستغني عن البي بي :victory:

شكلك من الجماعة الي يطرشون 20 برودكاست ف دقيقة :tease:

[أم محمد 90]

بالاول انا من مستخدمين البلاك بيري وطبعا معاه سمسونج ميجاا
( الكبر له دور ماعاد اشوف عدل ابي شاشه كبيره)
انا اقول حظ البلاك بيري انه نزل قبل الاي فون فقط
ولهذا السبب الناس تعوديت عليه ولاعاد يقدرون يستغنون عنه
لان السامسونج و الايفون فيهم كل البرامج العمليه و العلميه و الترفيهيه و الاجتماعية و..و..
يعطيك العافيه على النقل

الله يعافيك وشاكرة لك مرورك

[حمد 2002]

تقصدين خدمه البلاك بيري الماسنجر ولا تلفون البلاك بيري نفسه !!!!!!!! ، المهم من وجهه نظري بأن خدمه الواتس آب للدردشه ، كنسلت خدمه البلاك بيري للموضوع نفسه ، ونادر جدا الان الي يستخدون البلاك بيري بغرض الدردشه ،،،

تحياتي ،،

[sweet qatar]

الواتس اب يغني عن كل شي
شوفي مانقدر ننكر
البي بي فيه جهات اتصال 80 وفوق !!!
لكن كم بنت تكلمين ولا كم شخص !!
مثلاً 11 شخص بس !
سوي قروب ف الواتس اب
وادخلي عالم التويتر والله عالم ممتع وجميللل لانج انتي تنقين وشو يوصلج
مب تضيفين بنت عمج الملغة وتطرش اشيا سخيفة وتضطرين تخلينها وماتمسحينها عشان ماتقول ليش حاذفتني وتزعل (مثال) :tease::tease:

عندي تويتر.. فعلا عالم جميل بس مب للتواصل المباشر
للامور العامة والاخبار

والواتس اب فتحته فترة وسكرته مشكلته انه يضيف كل الارقام المسجلة
وحتى لو بتضيفين حد لازم برقم وانا ماحب اعطي الكل رقمي

مثلا بنات معاي في دورة او وحدة تشتغل في صالون



بس هالشي مب مستحيل ممكن نستغنى عن البي بي اذا توفر البديل بشكل كامل

[تغلبية]

فهو هاتف لا يستحق الشراء وغير عملي نهائياً للاتصالات او الاستخدام العادي او حتى التصوير فيه !!

وصلت إلى هذي القناعة .. وخاصة مع اصدار q10 والحمدلله انه جاني هدية ماشريته من حر مالي لأن صج صج خسارة فيه الفلوس

كاميرا تعيسة ..
حتى المسنجر صار معقد .. حلاته في الاصدار القديم
الى الان مافيه برودكاست جماعي للواتس اب!
الانستغرام لازم تنزيله من الكمبيوتر!!
افتح التويتر يقول في شي غلط
افتح فيس بوك يقول فيه شي غلط
انزل تطبيق ياخذ ربع ساعة !!

يعني ماسكة علة على القلب موب تليفون يسهل الاتصال ..
بالمقارنة .. ضاع مني الايفون .. وتلخبطت حياتي من دونه لأني برمجت كل شي عليه

فعلا شتان بين الاثنين

[أم محمد 90]

فهو هاتف لا يستحق الشراء وغير عملي نهائياً للاتصالات او الاستخدام العادي او حتى التصوير فيه !!

وصلت إلى هذي القناعة .. وخاصة مع اصدار q10 والحمدلله انه جاني هدية ماشريته من حر مالي لأن صج صج خسارة فيه الفلوس

كاميرا تعيسة ..
حتى المسنجر صار معقد .. حلاته في الاصدار القديم
الى الان مافيه برودكاست جماعي للواتس اب!
الانستغرام لازم تنزيله من الكمبيوتر!!
افتح التويتر يقول في شي غلط
افتح فيس بوك يقول فيه شي غلط
انزل تطبيق ياخذ ربع ساعة !!

يعني ماسكة علة على القلب موب تليفون يسهل الاتصال ..
بالمقارنة .. ضاع مني الايفون .. وتلخبطت حياتي من دونه لأني برمجت كل شي عليه

فعلا شتان بين الاثنين

وضيف اذا الشخص كان مرسل برودكستات كثيييرة ولا مسولف معه واااايد ماتقدر تفتح المحادثة كل ماتدخل عليها تسكر لحالها


الايفون والسامسونج نعمة :victory:

[أم محمد 90]

عندي تويتر.. فعلا عالم جميل بس مب للتواصل المباشر
للامور العامة والاخبار

والواتس اب فتحته فترة وسكرته مشكلته انه يضيف كل الارقام المسجلة
وحتى لو بتضيفين حد لازم برقم وانا ماحب اعطي الكل رقمي

مثلا بنات معاي في دورة او وحدة تشتغل في صالون



بس هالشي مب مستحيل ممكن نستغنى عن البي بي اذا توفر البديل بشكل كامل

احترم وجهة نظرج
رغم ان اشوف البلاك بيري (خصوصي) اكثر من الواتس اب
يعني مستحيل اعطي اي حد بن كودي
غير رقمي عادي سواء مالت صالون
او مرشحين لدورة
او اي شي الواتس اب عام اكثر اشوفه

[عاشق العديد]

اقدر استنغى عنه وبكل سسهوله لانه مش من هوايتي ابدا

وانا شخصصص امل من الاجهزه الكترونيه بسسرعه ..

ونعم صح الاي فون يسستاهل لكن البيبي مخلييه لسسب واحد فقط والله العالم مامسكه الا بين فتره وفتره .. واشوف فقط محادثه شخص واحد ):

[أم محمد 90]

اقدر استنغى عنه وبكل سسهوله لانه مش من هوايتي ابدا

وانا شخصصص امل من الاجهزه الكترونيه بسسرعه ..

ونعم صح الاي فون يسستاهل لكن البيبي مخلييه لسسب واحد فقط والله العالم مامسكه الا بين فتره وفتره .. واشوف فقط محادثه شخص واحد ):

شدعوة اخوي
ضيفه ع الواتس اب
هو مشكلة العالم ذابحها الفضول
البلاك بيري صار للمراقبة اكثر هههه
تحديث حالة
ولا صورة
ولا نعرف مزاج الشخص من البرودكستات الي يدزها

[حمد 2002]

ولكل تلفون استخدامه ، ولكل ششخص ذوقه بأختيار التلفون ،،،

مثلا انا عندي تلفون ب 100 ريال فقط وذلك للبحر،،

وعندي تلفون بلاك بيري او جالكسي لغرض ثاني ،،

وصعب نجبر الناس على شراء سلعه معينه ، لانه مخ فلان يختلف عن مخ فلان الثاني ، وهاذي هي الدنيا وطبيعه الانسان بشكل عام ،،،

تحياتي لج ،،

[عاشق العديد]

شدعوة اخوي
ضيفه ع الواتس اب
هو مشكلة العالم ذابحها الفضول
البلاك بيري صار للمراقبة اكثر هههه
تحديث حالة
ولا صورة
ولا نعرف مزاج الشخص من البرودكستات الي يدزها

لا ما اراقبه ولا شـي بس هالشخص لو حذفته مابيكون معاي على الواتساب بس اخلي نكه عشان لا فتحت جوالي اقر نكه فقط ..

[أم محمد 90]

لا ما اراقبه ولا شـي بس هالشخص لو حذفته مابيكون معاي على الواتساب بس اخلي نكه عشان لا فتحت جوالي اقر نكه فقط ..

:secret::eek5::shy:

[بوعلي2]

الايفون ممتاز ويغني عن الجميع وانتظرو الجديد يقلون لك بيولع بالسوق

[vip-30003]

هذاك ان طرى لي كنه يقصني نصين

معه نص وابقى نص ما اعيش من دونه

[بوحارب]

عندي ايفون وبي بي

الصراحة البلاك بيري ممتع الى ابعد الحدود

طرشولي البن كود شباب وبنات بظيفكم








باااال صدقوا البنات مالكم أمل خخخخخخ:tease:

[رهج السنابك]

من يوم نزل ماقتنعت فيه وشنو يعني ميزه البي بي ام

عشان الكود ومحد يعرف الرقم!!

طيب ماهو الي اصلا بضيفهم عندي اكيد اعرفهم محدد غريب يا اهلي يا معارفي ماشوف له داعي كلش
اضيفهم على الواتس اب وخلاص

لا غنى عن الايفون تلفون وكمبيوتر بنفس الوقت
البي بي حتى خط الكتابه فيه يلوع الجبد
اشوفه تلفون عبيط

[رآعي موآجيب]

البلاك بيرى جهاز ثانوي يبقيني في اطار الربع وفيه كل ما احتاجه للترفيه . خصوصا اني و الواتس اب مب اصلاح

[ام السعف]

من زمان كنت اشوف ان جوال البلاك بيري ما يستحق الشراء على الرغم من تجمع الناس حوله
حتى يوم العالم طاحوا فيه تراني من الـ1% اللي ما ما عجبهم البلاك بيري ،،

المشكلة اليوم مب في البلاك بيري كجوال المشكلة
الحين تلقى البعض عنده 4 جواويل واشوفهم جدام عيوني
يشلهم كلهم مرة وحدة ...........> بيل جيتس ما سواها :telephone:

[ام السعف]

من يوم نزل ماقتنعت فيه وشنو يعني ميزه البي بي ام

عشان الكود ومحد يعرف الرقم!!

طيب ماهو الي اصلا بضيفهم عندي اكيد اعرفهم محدد غريب يا اهلي يا معارفي ماشوف له داعي كلش
اضيفهم على الواتس اب وخلاص

لا غنى عن الايفون تلفون وكمبيوتر بنفس الوقت
البي بي حتى خط الكتابه فيه يلوع الجبد
اشوفه تلفون عبيط

الهانج اوت اشحلوه واحلى من الوتس فيه فيديو وصوت ،،
ممكن تخصصين دائرة لناس معينين
في جوجل بلاس وتكتبين وتحطين صور ويعلقون عليها ويتم بين دائرتكم

................> ما اتحب تسوي دعاية حق جوجل كلش :shy:

بس عيبه يبي نت محترم حسب ملاحظتي عليه :shy:

[durra]

اهم ميزة في البلاك بيري وغفل عنها الكثيرين
وكانت سبب في قطع الخدمة مؤقتا في الامارات..لرفض الشركة الكندية
مشاركة بيانات العملاء هو السرية..
لا تستطيع شركات الاتصالات اختراق bbm ولا تتبع من ينشر المواضيع..
كل هذه التسهيلات في الهواتف الاخرى لن تحمل ميزة البلاك بيري والذي يستخدمه رؤساء العالم والاجهزة الاستخباراتية..

http://www.berryreview.com/wp-content/uploads/2009/04/obamaberry.jpg

[بوحارب]

ام السعف خليج زقرتيه وخذيلج بي بي البورش صدقيني تلفون من الآخر هههه

لا تصيرين معقده مثل بعض الناس:tease:

[R 7 A L]

تطبيقات الايفون عالمية
وسهله

[رهج السنابك]

ام السعف خليج زقرتيه وخذيلج بي بي البورش صدقيني تلفون من الآخر هههه

لا تصيرين معقده مثل بعض الناس:tease:

اشتريه لها ومابتصير معقده *_*


وان عافته انا باخذه :tease:

[رهج السنابك]

الهانج اوت اشحلوه واحلى من الوتس فيه فيديو وصوت ،،
ممكن تخصصين دائرة لناس معينين
في جوجل بلاس وتكتبين وتحطين صور ويعلقون عليها ويتم بين دائرتكم

................> ما اتحب تسوي دعاية حق جوجل كلش :shy:

بس عيبه يبي نت محترم حسب ملاحظتي عليه :shy:



هانغ اوت؟!!! اممممممم ماقد سمعت عنه


قسما طلعتي متطوره وسابقتنا يختي عليها ام السعف ديجتال دوت نص كوم

ومنكم مستفيد الحين ادوره في الاب ستور :victory:

[سكتون]

اختي انا تقريبا جربت اشهر الانظمه التشغيليه بداية بالايفون وعقب الايفون جربت السمبيان وجربت نظام الويندوز على لوميا 820 وجربت بلاكبيري تورش وكيرف وبولد واخيرا صفيت على هاتفين
الايفون 5 والجهاز الرائع htc one بنظام اندرويد
جميع الانظمه تتفوق بمراحل عن اجهزة بلاكبيري من ناحية النظام والهاردوير
لاكن للأمانه مافي برنامج محادثات يتفوق على بلاكبيري مسنجر مع اني خلاص بطلت استخدم بلاك بيري لاكن الحق يقال
اقرب برنامج منافس له هو الوات ساب لاكن الوات ساب معدووم الخصوصيه يعني اي واحد عنده رقمك يشوف الحاله اللي تحطها والصوره ويضيفك عنده بدون موافقتك
هذا غير الحركه المستمره في برنامج بلاكبيري مسنجر اللي يمتعك في البرودكاست
واخيرا شركة بلاكبيري قررت تنزل المسنجر على الايفون والاندرويد وتقول الاشاعات بينزل اخر شهر 9

[عضوو]

للعلم السعوديين والكويتيين والأماراتيين اكثر مستخدمي البلاك بيري لديهم المراهقين

[الرويـس]

اهم ميزة في البلاك بيري وغفل عنها الكثيرين
وكانت سبب في قطع الخدمة مؤقتا في الامارات..لرفض الشركة الكندية
مشاركة بيانات العملاء هو السرية..
لا تستطيع شركات الاتصالات اختراق bbm ولا تتبع من ينشر المواضيع..
كل هذه التسهيلات في الهواتف الاخرى لن تحمل ميزة البلاك بيري والذي يستخدمه رؤساء العالم والاجهزة الاستخباراتية..

http://www.berryreview.com/wp-content/uploads/2009/04/obamaberry.jpg

بخصوص صورة اوباما
ذكرني بمدرس العربي

[الجوكر90]

السلام عليكم
انا عندي بلاك بيري وجالكسي اس4
كل تلفون وله مميزاته
واشوف يستاهل الواحد ياخذه معاي شباب من الدوحه وخارج الدوحه والدوحه واتواصل معاهم فاي وقت
واذا عن الواتس اب مايعجبني البرنامج احس البلاك بيري اسهل
وكل واحد ورايه
ولو لا اختلاف الاراء لبارت السلع

[alsoq]

البلاك بيري طفره وقت فقط وهو انتها الان لان فيه برامج بديله وافضل صوت وصوره ومجانيه

الجلكسي في المرتبه الاولى علما اني استخدم ايفون 5 عيب الايفون اي شي تبيه لازم الابل ستور شي تلقاه مجاني وشي بفلوس يعني اذا تبي تطبيق تسجيل ودخول وعلى ها الحاله
الجلكسي اسهل من ها الناحيه وتطبيقاته كثيره

البلاك بيري لم اعد استخدمه كما في السباق فتره وينتهي كا باقي الهواتف السباقه لانه ليس فيه جديد وتطبيقاته معدود

[ام السعف]

ام السعف خليج زقرتيه وخذيلج بي بي البورش صدقيني تلفون من الآخر هههه

لا تصيرين معقده مثل بعض الناس:tease:

خلني من اهل الكهوف والعصور المتخلفة ولا اصير زقرتية علشان بلاك بيري
:shy:






هانغ اوت؟!!! اممممممم ماقد سمعت عنه


قسما طلعتي متطوره وسابقتنا يختي عليها ام السعف ديجتال دوت نص كوم

ومنكم مستفيد الحين ادوره في الاب ستور :victory:

hungouts

يشتغل بطريقتين
اولا بالإيميل ويفضل يكون جي ميل اساسي يعني مب ايميل محول من هوت ميل الى جي ميل

ثانيا عن طريق ارقام الهواتف ،،

بخصوص مكالمات الفيديو الخدمة تحتاج الى نت قوي
اما بخصوص المحادثات العادية الكتابية الخدمة زي الفل ،،

بس للاسف لاحظت انها على ثري جي كيوتل ما تشتغل
لأن ما شاءالله عليهم خدمتهم زي الفل ومتطورة :omen2:

بس بجربها على الفور جي .....> نداء عاجل استعدوا للتجربة :p

اللحين انيي لأهم ما يميز الهانج اوتس

خدمة الهانج اوتس احدى خدمات جوجل ضمن باقتها الكبيرة

تقدرين من خلال الدوائر اللي تسوينها
مثل
دائرة الاصدقاء
دائرة العائلة
دائرة المفضلين
دائرة المتابعين
انج تفصلين هالدوائر عن طريق جوجل بلاس

فأي شخص تضيفينه في جوجل بلاس او عن طريق هانج اوتس
ممكن تضعينه في دائرة بحيث لو انج كتبتي شي في صفحتج الخاصة
على جوجل بلاس تحددين الاشخاص اللي ممكن يشوفونها
طبعا بعد تعديل في الاعدادات ،،

والصور بعد نفس الشي
تنزلين صورة وتكون خاصة لصديقاتج بس
محد يشوف هالصورة الا صديقاتج في الوقت اللي ممكن يعلقون عليها
وتبقى التعليقات محفوظة ،،

فلو رجعنا للهانج اوتس ممكن من خلال الدوائر هذي تفصلين
الناس المهمين والناس اللي مب مهمين

على عكس الوتس اب
الكل لازم يطلعون والكل لازم يشوف حالتج وصورتج فيه ،،

تقدرين تجميعن 10 اشخاص في مكالمة فيديو هذا لو النت كان محترم
لن عندنا محاولة اتصال فيديو واحد فشلت لكن الاجانب برع اللي عندهم
نت محترم ما عندهم شكاوي بهذا الخصوص ،،

اما في المحادثات الكتابية اجمعي من تبين من اي دائرة في جروب واحد
او اجمعي دائرة بكبرها في جروب واحد ،،

والدائرة معناها اهنيه المجموعة ،،

[7llo]

الشيخ عندي ايفون وعندي جلكسي وعندي بي بي والثلاثه استعملهم شوف البي بي الصراحه صح انه تلفون غبي بس الي اوكي فيه البي بي مسن والكيبورد اكتب بسرعه وارد بسرعه عكس الايفون والجلكسي ، الايفون والجلكسي ماقدر ادور على اسم وانا اسوق مستحيل يكتب غلط عمس البي بي بدون ماشوف اكتب الاسم ، بختصار : البي بي للسوالف واخبار العالم واخبار الربع والايفون والجلكسي للببرامج والالعاب بس

[مشـــــاعر]

لولا إختلاف الأذواق لبارت السلع

وكل شخص حرّ في ذوقه ومحد يقدر يجبره على شي مايبيه

أنا عن نفسي مستحيل أفرط في البي بي لو شيصير :nono::nono:

عندي تلفونين / آيفون وبي بي أستغني عن الآيفون بالأسابيع لكن البي بي ولا دقيقة :rolleyes2:

والبلاك بيري ماشي معاي أوكي لاتعليق ولا شي
كيمرته 8 بيكسل فوق الروووعة حتى :thumbup1:
حتى فيه إنستغرام وكيك وكك وواتسب وكل شي يعني كامل والكامل الله :nice::nice:

لكن تعودنا كل شخص معاه تلفونين ثلاث :rolleyes2:

ف بالنسبة لي البلاك بيري المركز الأول بلا منافس :thumbup::thumbup::thumbup: