المحاميه
18-08-2013, 07:53 PM
السلام عليكم ..
انا مانكر ان كانت في فعاليات في العيد ولكن عندي ملاحظات على هالفعاليات ..
1) فعاليات سوق واقف .. طبعاً قلت مستحيل ازور هالفعاليات مهما كانت روعتها لان الجو مثل ماتشوفون حار والرطوبة عاليه .. وسوق واقف مكان مفتوح .. ف شلون الواحد يقدر يحضر هالفعاليات في هالجو؟؟
2) القرية التراثية (على ماعتقد صوب الكرنيش) شفت ف التلفزيون ان الفعاليات بتكون في خيمة مغلقة وهالشي حلو .. لكن للاسف الايام كانت محدوده وماقدرت احضر ولا اشوف شعندهم...
3) فعاليات كتارا .. طبعاً الالعاب النارية والنافورة الملونة .. ابي اعرف يعني شلون يتوقعون نروح نشوف هالفعاليات في مكان مفتوح في هالجو؟؟؟ فطبعاً تكنسل المكان ومازرته .. وقريت في كتيب الفعاليات ان في فعاليات في القرية الثقافية في كتارا .. بس للأسف مب موضحين وين مكان القرية الثقافية .. وبالتالي ماعرفت وين المكان ومازرت الفعاليات هذي ..
4) بالنسبة حق مدينة وناسة الترفيهية في قاعة المعارض .. انا اشوفها حليوه فيها العاب حق الصغار والكبار .. وفيها مجموعة من المطاعم مقبوله نوعا ما .. بس اسعار الاكل نار .. والشي اللي حرني .. ان في الجريدة كاتبين ان فيها اول قرية ثلجية في الدوحه .. استانست لما قريت الخبر وطرت عالطول ادور القريه .. لكن للاسف لا هي قرية ثلجية ولا شي .. كانت قرية قرطاسية .. منثرين قرطاس وقاصين عاليهال على انه ثلج .. اليهال يوم شافوا انصدموا يقولون وين الثلج ؟؟ وماكملوا دقيقتين فالساحة .. واصلاً القرطاس يتناثر ويلعوز اليهال وريحته خايسه وهو خطر ممكن يدخل ف حلوجهم او خشومهم ..
5) فعاليات المجمعات .. مسرحيات وشخصيات ومسابقات وعروض للاطفال .. للاسف مافي التزام بمواعيد العرض .. والصراحه العروض وغيرها كانت دون المستوى .. يعني الواحد يقرا في الكتيب انواع الفعاليات يقول ممتاز اكيد بنحصل شي زين حق اليهال اخرتها عروض ماتسر الخاطر .. ليش عاد :secret:
6) السيرك .. الصراحه انا توقعت السيرك بيكون عالمي وشي حلو وكبير على كلام الجريدة لكن للأسف السيرك أقل من عادي .. العروض عاديه وبايخه والمكان صغير .. والجرايد معطينه اكبر من حقه بوايد .. وكاتبين اسعار التذاكر تبدا من 25 .. والكراسي اللي ب 25 بدون ظهر شلون نقعد عليها ساعتين؟؟؟ ولما تروح تبي تاخذ تذاكر يقولك لا هاي الكراسي بدون ظهر خذ اللي بظهر احسنلك؟ الصراحه السيرك مادي بالدرجة الأولى .. طول العرض يقولك التصوير ممنوع وفي الاستراحة يقولون اللي يبي يصور مع الشخصيات حياه .. انا عبالي بلاش .. قالوا لا بفلوس قلنا مب مشكله اكيد في مصور يصور ويعطي صور فورية يقولك لا انت صور بجوالك مع الشخصية بس كل صورة ب 20 ريال؟ نعم؟؟؟ بذمتكم في استغلال اكثر من جي؟؟
في النهاية ابي اقول .. يا هيئة السياحة ياللي رتبتي الفعاليات .. يعني ما لاحظتي ان العيد بيكون في شهر 8 يعني في عز الصيف؟ والجو مايساعد نروح اماكن مفتوحه؟؟
ويالجرايد بسكم نفاق وترويج حق كلام فاضي .. لاتعطون الامور اكبر من حجمها يعني الواقع شي والمكتوب شي ثاني ..
اخر شي .. الهئية ماقصرت لانها فكرت تسوي فعاليات بس ياريت لو تطور من نفسها شوي وتفكر في فعاليات افضل حق الاعياد الجاية وتحط جونا الحار فبالها .. نبي أماكن نودي عيالنا عشان يستانسون ويغيرون جو فالعيد ..
وشكراً...
انا مانكر ان كانت في فعاليات في العيد ولكن عندي ملاحظات على هالفعاليات ..
1) فعاليات سوق واقف .. طبعاً قلت مستحيل ازور هالفعاليات مهما كانت روعتها لان الجو مثل ماتشوفون حار والرطوبة عاليه .. وسوق واقف مكان مفتوح .. ف شلون الواحد يقدر يحضر هالفعاليات في هالجو؟؟
2) القرية التراثية (على ماعتقد صوب الكرنيش) شفت ف التلفزيون ان الفعاليات بتكون في خيمة مغلقة وهالشي حلو .. لكن للاسف الايام كانت محدوده وماقدرت احضر ولا اشوف شعندهم...
3) فعاليات كتارا .. طبعاً الالعاب النارية والنافورة الملونة .. ابي اعرف يعني شلون يتوقعون نروح نشوف هالفعاليات في مكان مفتوح في هالجو؟؟؟ فطبعاً تكنسل المكان ومازرته .. وقريت في كتيب الفعاليات ان في فعاليات في القرية الثقافية في كتارا .. بس للأسف مب موضحين وين مكان القرية الثقافية .. وبالتالي ماعرفت وين المكان ومازرت الفعاليات هذي ..
4) بالنسبة حق مدينة وناسة الترفيهية في قاعة المعارض .. انا اشوفها حليوه فيها العاب حق الصغار والكبار .. وفيها مجموعة من المطاعم مقبوله نوعا ما .. بس اسعار الاكل نار .. والشي اللي حرني .. ان في الجريدة كاتبين ان فيها اول قرية ثلجية في الدوحه .. استانست لما قريت الخبر وطرت عالطول ادور القريه .. لكن للاسف لا هي قرية ثلجية ولا شي .. كانت قرية قرطاسية .. منثرين قرطاس وقاصين عاليهال على انه ثلج .. اليهال يوم شافوا انصدموا يقولون وين الثلج ؟؟ وماكملوا دقيقتين فالساحة .. واصلاً القرطاس يتناثر ويلعوز اليهال وريحته خايسه وهو خطر ممكن يدخل ف حلوجهم او خشومهم ..
5) فعاليات المجمعات .. مسرحيات وشخصيات ومسابقات وعروض للاطفال .. للاسف مافي التزام بمواعيد العرض .. والصراحه العروض وغيرها كانت دون المستوى .. يعني الواحد يقرا في الكتيب انواع الفعاليات يقول ممتاز اكيد بنحصل شي زين حق اليهال اخرتها عروض ماتسر الخاطر .. ليش عاد :secret:
6) السيرك .. الصراحه انا توقعت السيرك بيكون عالمي وشي حلو وكبير على كلام الجريدة لكن للأسف السيرك أقل من عادي .. العروض عاديه وبايخه والمكان صغير .. والجرايد معطينه اكبر من حقه بوايد .. وكاتبين اسعار التذاكر تبدا من 25 .. والكراسي اللي ب 25 بدون ظهر شلون نقعد عليها ساعتين؟؟؟ ولما تروح تبي تاخذ تذاكر يقولك لا هاي الكراسي بدون ظهر خذ اللي بظهر احسنلك؟ الصراحه السيرك مادي بالدرجة الأولى .. طول العرض يقولك التصوير ممنوع وفي الاستراحة يقولون اللي يبي يصور مع الشخصيات حياه .. انا عبالي بلاش .. قالوا لا بفلوس قلنا مب مشكله اكيد في مصور يصور ويعطي صور فورية يقولك لا انت صور بجوالك مع الشخصية بس كل صورة ب 20 ريال؟ نعم؟؟؟ بذمتكم في استغلال اكثر من جي؟؟
في النهاية ابي اقول .. يا هيئة السياحة ياللي رتبتي الفعاليات .. يعني ما لاحظتي ان العيد بيكون في شهر 8 يعني في عز الصيف؟ والجو مايساعد نروح اماكن مفتوحه؟؟
ويالجرايد بسكم نفاق وترويج حق كلام فاضي .. لاتعطون الامور اكبر من حجمها يعني الواقع شي والمكتوب شي ثاني ..
اخر شي .. الهئية ماقصرت لانها فكرت تسوي فعاليات بس ياريت لو تطور من نفسها شوي وتفكر في فعاليات افضل حق الاعياد الجاية وتحط جونا الحار فبالها .. نبي أماكن نودي عيالنا عشان يستانسون ويغيرون جو فالعيد ..
وشكراً...