[ ما هو الشيء اللي تضيعه بإستمرار ؟ ]

[الزعفراني]

ماهو الشيء اللي تضيعه باستمرار ؟؟

اتحفونا بالإجابات

:shy:

[الزعفراني]

أنا دايما أكثر شي أضيعه سماعات الجوال :anger1:

[حمد 2002]

كنت قبل اضيع مفتاح السياره ، مممم التلفون اذا حاطه على الصامت وضاع هنيه النكبه هههههه ، واضيع سيارتي اذا حاطها بالمواقف ونسيت وين حاطها ههههههه ،ممممممم تقريبا هاذي الاشياء الي اضيعها ،،،

[Miss]

دايما اضيع تلفوناتي ،، وحزات ودي اصيح اذا كانوا على الصامت وضاعوا هههههه
وانا من النوع اللي اضيع الباب اللي ادخل منه في المجمع
مستحيل ادخل واطلع من نفس الباب :secret:

[الزعفراني]

دايما أضيع الأوراق المهمه .. مثل شهادة راتب .. كرت مواعيد .. ايصال مراجعه لمعامله حكومية

[لاجل QT]

باستمرار اممممم ..ماعندي شي يضيع باستمرار كل شي في مكانة نظامية حبتين

بس تلفونى لين ضاع مؤقتا اقلب الدنيا

على المستوى النفسي ثقتى وايد ضيعتها على ناس ماتستاهل الحين سحبتها ورجعتا لى ماراح ضيع مرة ثانية

[نووون]

مضيعة تليفونين مالهم اثر كلش :eek3:

[نور الحور]

إذا قصدك من الذاكرة فهو غالباً أسماء المحلات والمناطق خاصة برا قطر :secret:

اما الأشياء ففي الغالب مفتاح مكتبي ..وايد أنساه وما أتذكره إلا لما أوصل الدوام وأكون قدام باب المكتب :shy:


وأحيان كثيرة أنسى ..... اممممم .. احم ..


....... أنسى نفسي:shy: :secret::telephone:

[لاجل QT]

إذا قصدك من الذاكرة فهو غالباً أسماء المحلات والمناطق خاصة برا قطر :secret:

اما الأشياء ففي الغالب مفتاح مكتبي ..وايد أنساه وما أتذكره إلا لما أوصل الدوام وأكون قدام باب المكتب :shy:


وأحيان كثيرة أنسى ..... اممممم .. احم ..


....... أنسى نفسي:shy: :secret::telephone:

افضل طريقة تشبكين مفتاح المكتب مع مفتاح السيارة

انا شابكة مفتاح المكتب والبيت صج مخربين منظر الميدلية بس ولا انساهم :(

الشي الوحيد اللى مانساة مفتاح السيارة..طبعا عيل اشلون باسوق:p

[Miss]

افضل طريقة تشبكين مفتاح المكتب مع مفتاح السيارة

انا شابكة مفتاح المكتب والبيت صج مخربين منظر الميدلية بس ولا انساهم :(

الشي الوحيد اللى مانساة مفتاح السيارة..طبعا عيل اشلون باسوق:p

الحين انتي تسوقين ومعيه علي اسوق :eek5: :anger3:

سوري الزعفراني :secret:

[R 7 A L]

للحين الحمدلله ما انسى شي

[لاجل QT]

الحين انتي تسوقين ومعيه علي اسوق :eek5: :anger3:

سوري الزعفراني :secret:

8 سنوات خبرة ..سواقة على قولتهم:shy:

سوقي بس لاتين صوب الخيسة عند التدريب عقب 5 سنوات تعالي الخيسة بعد ماتتمكنيين:nice:

يمج ورانا عيال :weeping:

[Aaziz]

اضيع الشي المهم للاسف ،، من حرصي الزايد اضيعه .
مثلا جواز ،، احطه في مكان مهم عشان ما اضيعه و يكون هذا المكان قليل اتردد عليه ،، و اضيعه .
و قس على ذلك اي شي مهم اضيعه من زود الحرص

[Miss]

8 سنوات خبرة ..سواقة على قولتهم:shy:

سوقي بس لاتين صوب الخيسة عند التدريب عقب 5 سنوات تعالي الخيسة بعد ماتتمكنيين:nice:

يمج ورانا عيال :weeping:

اوكي اتفقنا
وانا بقولج قبل ما مر صوبكم

[الزعفراني]

للحين الحمدلله ما انسى شي

شعليك عزوبي خالي البال :weeping:

[بصمة قطرية]

وايد أضيع ..
أكثر شي جوالي الا كان سايلنت لازم يضيع
كأنه يقول لي محد قال لج تخليني سايلنت :rolleyes2:
مفتاح الغرفة
و اشياء ثانية أنسى وين أحطها :(

[JN000N]

ساعاتي واساوري وتلفوناتي

[بو خليفه 123]

ادري ان مشاركتي مالها علاقه بالعنوان بس ممكن يكون لها علاقه بشي ضيعته .. وهو عقلي

اول ايام زواجي نسيت اني متزوج ..


و بناءً عليه صار معي موقفين

1- مره نسيت اجيب هلي من عرس حريم :(


2- دخلت البيت و معاي وجبه لشخص واحد من المطعم .. نسيت اني متزوج والله :(
بس قلت لها اني تعشيت بالمجلس و جبت لها هالوجبه .. و تميت طول الليل بطني يطلع اصوات من الجوع

[عاشق العديد]

مفتاح السسسياره

اذكر مره من المرات نسيت السياره شغاله حتى المفتاح ماخذته وفي عز الحر وجمسي والجمس بروحه يقفل وتميت خايس فالشمسسسسس لمدت ساعتين لين طرشولي شركة المحرزي او شي جيه اسمها وافتحو لي الباب ..

تلفوناتي 24 ساعه مضيعهـم ..

فلوسس نظارتي دايما انساها لين ما انكسرررت ):

[بصمة قطرية]

بو خليفه :secret:

اذا على مقالب النسيان افلام :secret:

[قطري 777]

ريمونت التلفزيون .

[شبح الصمت]

تبون الصج

عقلي اش كثر انساه في مواقف كثيرة ..

[Sari]

السبحة

[وطن]

ولا شي ولله الحمد

كل شي مكانه



الشي الوحيد هو
تركيزي على الهدف
يوم او يومين وبعدين يضيع مني
وارجع ادوره :(

[وطن]

ادري ان مشاركتي مالها علاقه بالعنوان بس ممكن يكون لها علاقه بشي ضيعته .. وهو عقلي

اول ايام زواجي نسيت اني متزوج ..


و بناءً عليه صار معي موقفين

1- مره نسيت اجيب هلي من عرس حريم :(


2- دخلت البيت و معاي وجبه لشخص واحد من المطعم .. نسيت اني متزوج والله :(
بس قلت لها اني تعشيت بالمجلس و جبت لها هالوجبه .. و تميت طول الليل بطني يطلع اصوات من الجوع

هاهاهاهاهاها

[Miss]

ادري ان مشاركتي مالها علاقه بالعنوان بس ممكن يكون لها علاقه بشي ضيعته .. وهو عقلي

اول ايام زواجي نسيت اني متزوج ..


و بناءً عليه صار معي موقفين

1- مره نسيت اجيب هلي من عرس حريم :(


2- دخلت البيت و معاي وجبه لشخص واحد من المطعم .. نسيت اني متزوج والله :(
بس قلت لها اني تعشيت بالمجلس و جبت لها هالوجبه .. و تميت طول الليل بطني يطلع اصوات من الجوع

قطع قلبي مسكينه :(
هاي المفروض يغنون عليها منسيّه منسيّه
ههههههههههههههههه

[مسمس12]

اضيع نفسي :secret:


وتلفوناتي :secret:

[السكين]

مفاتيح السيارة + النظارة الشمسية

[نووون]

انسى اتعشى :shy:

[المبرمج صلاح]

الحمد لله حتى الان لا انسى شي وخاصة اغراضي الشخصية كلها منظمة في مكانها واجدها بسهولة

واللي استغرب له اكثر ان اصلا في ناس تنسى اشياء مثلا مفتاح او نضارة او فلوس او تلفون ( شي لا يصدق هههههه )

[الزعفراني]

أضيع مفتاح درج المكتب في الدوام .. كذا مره يبدلون لي قفل الدرج

[AL-MAYSTRO]

دايم اضيع نضارتي هههههههههههههههههههههههههههههههههههه

[الزعفراني]

دايم اضيع نضارتي هههههههههههههههههههههههههههههههههههه

ههههههههه

[adel777]

ادري ان مشاركتي مالها علاقه بالعنوان بس ممكن يكون لها علاقه بشي ضيعته .. وهو عقلي

اول ايام زواجي نسيت اني متزوج ..


و بناءً عليه صار معي موقفين

1- مره نسيت اجيب هلي من عرس حريم :(


2- دخلت البيت و معاي وجبه لشخص واحد من المطعم .. نسيت اني متزوج والله :(
بس قلت لها اني تعشيت بالمجلس و جبت لها هالوجبه .. و تميت طول الليل بطني يطلع اصوات من الجوع

بوخليفه كلامك اعجبني بس سالفة الوجبه مالها حل تصرفت بسرعه

[زقرتي ومزاجي]

مسباحي

[دانوو]

بوكي :weeping:

[حـ ن ـيـ ن]

نظارتي

[elders]

الشي الي بكون مهتمه فيه كتير وحريصه عليه بضيعو
جواز السفر مثلا

[نور الحور]

الشي الي بكون مهتمه فيه كتير وحريصه عليه بضيعو
جواز السفر مثلا


صار لي نفس الموقف من أيام :(
من كثر حرصي على شي .. انسرق :weeping:

[فلتة زمانها]

شباصتي

[بن غيث]

ﻻ شئ .. الحمد لله

قبل ﻻ اطلع من البيت او المكتب .. اركز شوي في كل ما يمكن ان احتاجه او انساه ..

[العلم]

الزرار ( الكبك )

[الزعفراني]

الزرار ( الكبك )

خلك هدد احلى :shy:

[العلم]

خلك هدد احلى :shy:

في الآونه الأخيرة قمت البس هدد كثير مما خلا ازرتي تضيع وانقهر وقت العزايم :anger1:

[غايه الطواش]

في كل سفره لازم اضيع ميموري صور

[نووون]

ذاكرتي .. دومها طايره في الهوا :(

[نور الحور]

في كل سفره لازم اضيع ميموري صور


لا تذكريني غاية .. :(