والحل مع مستشفى حمد للولادة ،، وازمه الغرف

[dohasecret]

السلام عليكم ورحمه الله وبركاته اليوم حاب اطرح عن موضوع ازمه الغرف الخاصة الصراحة الموضوع يقهر واللي عنده نفس مشكلتي أو يعاني نفس المشكلة أقول والحل ،،،،صاير والله آحاتي موضوع حجوزات غرفه خاصه للأهل قبل لاحاتي أم العيال والأصغير مسكينه أم الأعيال تولد وتم تنتظر بغرفه الانتظار لين ما الله يشوف لها غرفه والمصيبة ما تحصل أنا جربت في ولدي الأول والصراحة عانت مرتي بالغرف العادية أعزكم الله الغرف وصخه والحمامات أعوذ بالله منها ولا الخدمة عدله من النرسات والأسره مكسره حتى الهندل اللي يرفع السرير معلق ولا إذا حطو آسيويات مع هلك يدشون لا أحم ولا دستور ويتكشفون على الأهل وتكون مسكينه نايمه ولا غافيه ولا تفتح عينها وتلاقي واحد واقف بويها وهي لا متغطيه ولاشي ،،،، قسم بالله في ناس ما تستحي على ويها اللحين تكلمت عن موضوع غرف العادية نجي لكم للغرف الخاصه ومشاكلها ،،،،،،، صايرين المختصين مال حجوزات الغرف يحجزون حق ربعهم والسالفه فيها وسطات وبلاوي ورشاوي ليش ،،،،، ولا عااااد الطامممممممممه الكبيرة تجيك وحده قالبه مستشفى حمد فندق 5استاااار تحجز لها اربع غرف غرفه حق الخدم والعيال غرفه فيها الأكل والتقديمات وغرفه للضيوف وغرفه لها ليييييييييش حق الزبو يختي قبل لا تصيرين أنانيه وتفكرين بعمرج فكري بخواتج بالحريم اللي قاعدين بساعات فوق ينطرون غرفه تظفهم وإذا فلوسكم واييييد روحو أبنو لكم مستشفيات خاصه ولا أجري لج نرس تيج البيت ان شاء الله لو عشرين نرس بس خلي غيرج يأخذ حصته وراحته والله الموضوع زاد عن حده ولزم المسؤولين يتصرفون معقوله قطر ما فيها إلا مستشفى وحده الفكره ،،،،، لو يسون مستشفى للقطريات ومستشفى للجنسيات الثانية على الأقل تخف زحمه الغرف وزحمه غرف الولاده والله بعض الخوات يجون المستشفى يبون يولدون وحالاتهم تكسر الخاطر وطارئه مايحصلون غرفه يربون فيها يتمون ويتنغ في الممرات حسبي الله ونعم الوكيل الواحد شقول وشخلي والله قاعد اكتب الموضوع ومنقهر حدي لان تعذبو الأهل في الولاده الأولى واللحين حامل وأنا وهي نحاتي ازمه غرف الولاده وغرفه تقعد فيها جم يوم صاير الموضوع همه كبير لان أنا مارضى الأهل يتكشفون عليهم خلق الله لان في ناس والله بدون ذكر جنسياتهم ان أيرون الستااره بدون أخلاق ولا إذا يبون الحمام مشترك في الغرفة يمرون بدون ما يعطون خبر ولا اللي ساحبين أعيالهم ومسوين إزعاج الله يستر عليهم والله يكون بالعون ،،، الواحد شقول وش خلي أتمنى من كل قلبي تلاقون لنا حل يأ تبنون لنا مستشفيات كبيره وغرف كثيره يا تحطون ناس مسؤله عن حجوزات الغرفة ويشترطون على كل وحده لها غرفه وحده فقط مؤ تستولي على الغرف كلها والسموحه طولت عليكم الموضوع وان شاء الله تلاقي حلول مع هالمشكله والحكومة مومقصره أكو معدلين باب الاستقبال فيهم خير ان شاء الله يعدلون الغرف ويصلحونها ويعدلون أولويات والأزمات اللي قاعده التصير وآل خربطه اللي مالها أم داعي وشكرا :weeping:

[monatee]

دام تبي غرفه خاصه ،، الحين خلوا المستشفيات الخاصه مثل الاهلي التوليد مجانا وتدفع رسوم الغرفه بس نفس حمد

اذا مالقيتوا في حمد شوف الباقي


والله يعينكم الصراحه

[dohasecret]

الواحد أخاف من الأهلي لان سمعت وايد حالات حولوهم مستشفى حمد يعني اي وحده تولد عندهم وما عرفوا لها حطوها بأقرب سياره إسعاف هي وملفها وطرشوها حمد ليش التعب والعنى كله الواحد مايقط روحه على اي حد الله يسلمج ،،،،، الفكره مؤ غرفه خاصه اختي الموضوع اللي طرحه أنا في عده مشاكل وأسباب والله يكون بعون الجميع

[حبر وقرطاس]

:victory:
السلام عليكم

اخوي انا هلي كانوا يتابعون في مستشفى النساء
وقبل الولاده قرروا يسوون العمليه القيصريه في الاهلي

وبصراحه عنايه فائقه والاطباء محترفين واستشاريين

والغرف والعلاج زكل شي تحت التامين الصحي

خل عنك كلام الناس والاخطاء الطبيه
هذاك اول والحين الاهلي يبي يحافظ على سمعته وموظفين كفاءات واستشاريين ابتداء من الاطباء انتهائا بالممرضات
والله ان هلي يشكرون فيهم وفالعنايه الي حصلوها والغرف ممتازه وثلاث انواع
في الغرفه العاديه وخاصه وكشخه وفي غرف الفي اي بي وفي الفي في اي بي بس تدفع فرق السعر في الغرف الفي في اي بي
والسعر رمزي

وش اقول لك والله رايتهم بيضا
وللعلم هلي ربوا تاريخ 25 /7
يعني من عشرين يوم تقريبا

توكل على الله وروح مع هلك خل يخلصون امورهم فالاهلي وش لك بمستشفى الولاده والضغط الي فيه
اصلا الضغط على الاطباء هناك هو الي يسوي اخطاء طبيه
لان الكل مرهق ومجهد
اذا محدد التاريخ المتوقع للولاده احجز قبل الولاده بيوم غرفه خاصه
ولا بتدفع ريال

اسمع كلامي ياخوي ومابتندم

[aziz4z]

صراحة أقولها نظام الرشوة و المصلحة منتشرة في مستشفى حمد وخاصة النساء و الولادة
قريبة من قريباتي كانت تشتغل في مستشفى الولادة , قالت :عيوزة جات وقالتها الله يخليج بنتي مريضة و بتربي , وما إلى السوالف , قريبتي قالتها اصبري خليني أشوف , بعد شوية العيوز جات مرة ثانية و جابت معاها مبلغ من المال , قريبتي عصبت عليها , إلا بعد شوية بعدما ردت للطبيب مرة ثانية و عطاها الفلوس , وفر لها غرفة خمسة نجوم
تجارة في أرواح الناس
المشكلة تكمن فينا نحن , الحين إذا أنت ماعودته على الرشوة ماهياخذها , بس أنت مادام عطيت , الله يسامحك
إحذروا حديث النبي صلى الله عليه و سلم : ( الراشي و المرتشي في النار )
من كل أعماق قلبي أقول يجب تشديد الرقابة على جميع المؤسسات و بشكل خاص الصحية منها , إنها حياة إنسان , وليس تجارة , إنها أرواح بشر , وليس حقل تجارب , ( ومن أحياها فكأنما أحيا الناس جميعا )

[أم علي 2010]

الضغط على المستشفى و وجود التامين

الشي اللي يجهلونه الأغلبية ان الأجانب يقدرون يأخذون غرف خاصه بالتأمين الصحي مثل ألاكسا فيزيد الطلب عليها

أما خوفك من المستشفى الأهلي بالعكس انا أشوفه ممتاز كانت لي تجربة في حمد و كانت جداً سيئة و حتى الجراحه كانت خاطئة والمره الثانية في الأهلي وأصر أبوي عيالي في المره الثالثة آن بعد في الأهلي مع العلم ان دفع مبلغ 24 ألف غير 10 الألف دفعها التامين طبعا هالكلام قبل تطبيق تأمين الدولة

الحمد الله عندك دكاترة ممتازين وبعضهم أصلا جائين من حمد

عندك دكتور محمد مطر ، عندك دكتورة إحسان دانييز و عندك دكتورة سيناء

خذ هلك و روح معاها موعدها وشوف يمكن ترتاح على الأقل بتكون موجود مع هلك في كل لحظة أما في حمد الرجال يتم برع ما يدري شيسون في هله

الدولة موفرة لكم علاج مجاني تستفيدوا منه والله اذكر الناس قبل تتحدى الأهلي حق الجانب موحد مستأنس إلا الأجانب و لما تكفلت الدولة بالتصاريف تقولون نخاف ،، محد يهرب من قضاء الله إلى لقضاء الله

وبالنسبة للغرف مادري اذا يغطيها الحين بس قريت من رد الأخت اللي فوق ان بس تدفع ثمنها

والله يبلغك خير ان شالله

[dohasecret]

حبر وقرطاس مشكور أخوي على مرورك وكلامك الطيب ان شاء الله بعقد مع الأهل وبتكلم فيه دام انك مجرب واثق فيهم ،،، اهم شئ راحه الأهل وبنسبه للاهلى ما عندي خلفيه عن أسعارهم لان قلت لي غرف عاديه وخاصه وألفي اي بي أنا ما عندي مشاكل بالدفع بس عطني خلفيه عنهم وجزاك الله ألف خير بالطيب

[dohasecret]

aziz4z
الله يكون بعون الجميع أخوي والله صارت ظاهره الرشاوي في كل مكان وصارو الناس تتعامل معاك قرقش مخباتك ب شتغل لك ما تعطيني شئ من مخباتك دور غيري ............... أم علي ٢٠١٠ اي صحيح كلامج ان التامين يسد ويغطي حاجه للأجانب ،،، بس بعد مسوين زحمه على أهلنا وهذي غلطه ان مستشفى حمد ساهمت في التامين للأجانب كان المفروض تسوي مستشفيات خاصه لهم وبعدين ترى الأهلي أتوقع مؤ مثل حمد من ناحيه الأسعار سبق وقلت لحبر وقرطاس ما عندي خلفيه عن أسعار الغرف والحجوزات لان كنت مأخذ فكره سيئة عنهم ولكم شكر الجزيل

[أم علي 2010]

اخوي الغرفه العاديه ب 900 ، في دلوكس مب عارفه كم بالضبط بس حروة ال2000
،السويت الليله ب 4800

هم طريقتهم بكيج الولادة القيصريه تبتدي ب 26 اذا اسويت حول ال35

الطبيعي اظن 18

انت مر قسم الدخول و اخـذ لستت الاسعار

والله الدوله ماقصرت انا اقولك قبل التامين لا يطبق ب 10 ايام دفعنا 24 تكاليف الولاده و 4 الالف حق الصغيره

وحتى اضطريت اسوي عمليه حق بنتي ماترددت و دفعت من جيبي بدل بهدلت حمد والمواعيد ، و الغرف الجمع

اللي جرب المعاناه هذي صدقني مستعد يتسلف عشان يشتري راحته

[بونووف]

الله كريم .. نفس الحاله ياخوي تلعوزنا العام حتى غرف الانتضار قبل الولاده كانت فل كانوا يقولون لزوجتي تمشي لين تفضى غرفه وتمينه قريب ال 6 ساعات وبعدها يوم دخلوها الغرفه وجاها الطلق قالوا مافي غرف توليد وبعدين مافي غرف خاصه

[بونووف]

:victory:
السلام عليكم

اخوي انا هلي كانوا يتابعون في مستشفى النساء
وقبل الولاده قرروا يسوون العمليه القيصريه في الاهلي

وبصراحه عنايه فائقه والاطباء محترفين واستشاريين

والغرف والعلاج زكل شي تحت التامين الصحي

خل عنك كلام الناس والاخطاء الطبيه
هذاك اول والحين الاهلي يبي يحافظ على سمعته وموظفين كفاءات واستشاريين ابتداء من الاطباء انتهائا بالممرضات
والله ان هلي يشكرون فيهم وفالعنايه الي حصلوها والغرف ممتازه وثلاث انواع
في الغرفه العاديه وخاصه وكشخه وفي غرف الفي اي بي وفي الفي في اي بي بس تدفع فرق السعر في الغرف الفي في اي بي
والسعر رمزي

وش اقول لك والله رايتهم بيضا
وللعلم هلي ربوا تاريخ 25 /7
يعني من عشرين يوم تقريبا

توكل على الله وروح مع هلك خل يخلصون امورهم فالاهلي وش لك بمستشفى الولاده والضغط الي فيه
اصلا الضغط على الاطباء هناك هو الي يسوي اخطاء طبيه
لان الكل مرهق ومجهد
اذا محدد التاريخ المتوقع للولاده احجز قبل الولاده بيوم غرفه خاصه
ولا بتدفع ريال

اسمع كلامي ياخوي ومابتندم

انزين اخوي اي دكتوره ولدتها ..


والحين التوليد ابلاش مع الغرفه ....؟


الخوف من الاهلي انه كل شي يكبرونه عندهم ..مثلا المره بتولد طبيعي يقومون يقولون لازم عمليه عشان التوليد بس عشان ياخذون فلوس زياده

[Alshoog84]

انا مادري شلون لحين في ناس تصر على مستشفى حمد !! لا رعاية عدله ولا اهتمام و نفسيه واصله مووول
غير انهم بعد فوق هاي ماعندهم غرف !!! يعني في معاناه اكثر من جذيه!!
يا اخوي انا وحده ولاداتي كلها في عيادة الدوحة والله العظيم ان اهتمام مابعده اهتمام من غرفه التوليد ليين اخر يوم لي فالمستشفى دكاترة شطارر ونيرسااات والله يهبلون يهتمون لابعد الحدود لدرجه ان يوم اكون فالغرفه خاطري في اكله معينة مثلا اقول حق النيرس وهم يطرشون حد يروحون المكان يجيبونه لي !!
صراحة مستحيل اغير عن هالعيادة خصوصا في موضوع الولادة وصرت حتى المتابعة والتطعيمات حق عيالي هناك وانا انصحك انك ماتسمع كلام الناس لازم تجرب وتشوف بنفسك والله يعينها زوجتك

[Khaled Qatar]

مستشفى دخان(المستشفى الكوبي) التابع لمستشفى حمد ، خذمه وراحه ودلع ومجانا

الاهل ربو هناك والحمدلله كل شي كان قمه في الرقي

[حبر وقرطاس]

حبر وقرطاس مشكور أخوي على مرورك وكلامك الطيب ان شاء الله بعقد مع الأهل وبتكلم فيه دام انك مجرب واثق فيهم ،،، اهم شئ راحه الأهل وبنسبه للاهلى ما عندي خلفيه عن أسعارهم لان قلت لي غرف عاديه وخاصه وألفي اي بي أنا ما عندي مشاكل بالدفع بس عطني خلفيه عنهم وجزاك الله ألف خير بالطيب

والله يا خوي بخصوص الغرف انا هلي كان لهم وضع خاص بمعنى حددوا موعد العمليه القيصريه مع دكتور محمد مطر تكون الخميس وطبعا الممرضه ماقصرت راحت مع هلي لمكتب حجز الغرف الي صوب المصاعد ثنتين خوات قطريات قالوا لها تعالي الاربعا فالليل من الساعه 10 المسا وبنعطيج غرفه خاصه حسب طلبج تهيئه قبل العمليه وفعلا كنا موجودين بالتوقيت المذكور
وخذنا موظف في جوله فالغرف واستفسرنا عن الغرف الموجوده
خبرك العمليه القيصريه تحتاج الوحده تبات فالمستشفى اربعه ايام بالضبط ومب فاضيه لزيارات وقعدات فاخترنا غرفه خاصه عاديه بس والله واسعه ونظيفه ومرتبه
وبعد من باب الاستطلاع شفنا غرفه الفي اي بي والفي في اي بي
هالنوعين الاولى واسعه وفيها كنب اضافي
الثانيه عباره عن غرفتين . غرفه فيها السرير والكبت والتلفزيون والحمام والغرفه الثانيه بينهم باب سحاب وجلسه مثل غرفه جلوس وقال لنا الموظف الفي اي بي اظن بالف و800 والفي في اي بي بالفين والواحد يدفع نسبه معينه

بس الغرفه الخاصه العاديه ببلاش ويغطيها التامين
اذا هلك ولاده طبيعيه نسق مع الموظفات في المكتب الرئيسي الي عند المصاعد فالدور الارضي انكم تبون غرفه خاصه وخل يأكدون على هالشي وبس اموركم طيبه انشالله والله يفرحكم بالمولود الجديد وسلامه الاهل

[المنسى]

سبب الزحمه الله يسلمكم الجاليات الواحد اذا جات تولد زوجته يعنى شهرها جابها زياره وصارت الزحمه لان فى بلادهم مايحصلون مستشفيات ويدفعون شى رمزى ومع هاذا بعضهم يتذمر اقول المفروض يشوفون للقطرى حل فى بلاده

[dohasecret]

يعطيكم العافية إخواني وأخواتي على المرور ومشكور أخوي حبر وقرطاس ،،،،، هذي ازمه صارت كبيره ما ندري الواحد متى يشوف لها حلول وين المسؤولين وين المختصين في هالمجال معقوله محد له رادع يحل لنا مشكله أو سبب واحد من أسباب هذي الناس تكلمت في وطني الحبيب وما دري اذا وصلت للجرايد إحنا أهل البلاد ومو لقين راحتنا،،،،، وبنسبه أخوي اللي ذكر مستشفى دخان الله يسلمك أنا ساكن الدوحه والطريج بعيد وين تقدر تضرب خط يومين أنا أشوف مستشفى الوكره خاليه من المرضى لو افترض أخلونها للجاليات الأخرى ويتركون مستشفى حمد لأهلنا للقطريات فقط لان صح الجاليات ممكن هم سبب في أحداث ألزحمه هذي مدام التامين يسد ويغطي حاجتهم ،، والله المستعان

[المحاميه]

الموضوع مفيد وايد
شكرا لكم عالتوضيح
والله يسهل على الجميع ..

مستشفى حمد تعاملهم وايد تعبان ..

[مسمس12]

انا والدة مرتين فالاهلى وطبيعي وراحه واهتمام ولا افكر اروح غير الاهلى لان كل الاستاف ممتاز سواء دكاترة او ممرضات

[قنديلة]

آن الاوان بأن يتخذ قرار لزيادة غرف الولادة او نحن بحاجة لبناء مستشفى نساء وولادة متكامل مستقل ليفي بأالاعداد. فعلا بشهادة الجميع مستشفى النساء والولادة لايكفي

[nono80]

هلا اخوي اولا الله يقومها بالسلامه وتفرحون بالمولود وراي مع الجميع اشتري راحه بالك وروح الاهلي ممتاز والدكتور محمد مطر كان في الولادة وراح الاهلي واحسن دكاترت مستشفي الولادة ممتاز شويه عليه والله مستشفي الولادة دكاترتهم ماعليهم كلام بس غرف الولادة زحمه وخاصه انسي تحصيل الا اذا عندك واسطه والله ولادتي الاخيرة تبهدلت وخلاص توبه اروح هناك ليش مايسون المستشفي كل الغرف خاصه ويفكونا لانه الحين حتي الاجانب يمتعون نفسهم وياخذون خلاص يفكونه من هالسالفه بس نصيحه اشتري راحه بالك وروح الاهلي الدكتور محمد مطر ممتاز والاخطاء ةاردة في كل مكان والاهلي تطور وايد عن قبل والله يقومها بالسلامه

[Locale]

اذا تبي حكومي مستشفى الخور ومستشفى الوكره
وخاص الاهلي والدوحه يمدحونهم والعمادي لنا تجربه سيئه وياهم

[dohasecret]

الله يسلمك اختي nono80 ان شاء الله والله الكل مدح لي مستشفى الأهلي مثل ماكنت مأخذ فكره سيئة جداً عليهم ،،،، اللحين المدام أتابع في حمد وان شاء الله بتكون الولاده في الأهلي بإذن الله والله كريم والله يكون بعون الجميع

[dohasecret]

Locale
والله الأهلي أخوي اقرب من الوكره ودخان والخور للأهل لو بأجر جاها الطلق وين اقدر اضرب خط مع زحمه الشوارع وهي معاي بالسيارة شوي صعبه أشوفها وبنسبه للعمادي ،،، العيادات ماحبها بنشوف الأهلي وربك اكرم فينا وتسلم على مرورك الطيب

[حبر وقرطاس]

انزين اخوي اي دكتوره ولدتها ..


والحين التوليد ابلاش مع الغرفه ....؟


الخوف من الاهلي انه كل شي يكبرونه عندهم ..مثلا المره بتولد طبيعي يقومون يقولون لازم عمليه عشان التوليد بس عشان ياخذون فلوس زياده

الاهل قيصريه مع دكتور محمد مطر كانوا

التوليد الطبيعي حسب طلب المره والدخول على طول على الطبيب من غير مواعيد من الساعه سبع لحد الساعه2 الظهر

ومافي شي من غير اراده المره نهائيا ويتم النقاش معها حتى مع هلي الطبيب سألها وش الي جاي في بالج تبين طبيعي والا قيصري شوف لاي درجه ؟ صار قانون وفرض على الطبيب انه يسأل المراجعه عشان يسدون باب الوسوسه الي انتشر والاعداعاءات الباطله على الاطباء

تبي ترتاح لا تسمع لحد خذ المعلومه من مصدرها روح بنفسك وشوف الطبيبه وش بتقول

والله مافي شي فيه تدليس ولا كذب والاطباء صريحيين والطب مب لعبه وهم محاسبين في كل صغيره وكبيره

ومسائلين

توكل على الله
بخصوص الغرف مجانا للقطريات واذا تبي في اي بي او في في اي بي ادفع الفرقيه فقط