نوافذ تقتح من اسفل الى اعلى

[sweety]

السلام عليكم
شفت هذا النظام في كثير من الدول الاوربيه سواء منازل او شقق سكنيه.
واهم شي في الموضوع هو السيفتي لان الدريشه ماتنزل او ترتفع الااذا قام الشخص بانزالها باليد.
وعجبني اكثر ان مايضايق الستارة ولايأثر عليها في حالة فتح وغلق النافذه لان ذلك يكون بشكل رأسي ( الفتح من الاسفل الى الاعلى والغلق من الاعلى الى الاسفل).
فمحتاجه منكم تشورون علي بالمحلات المتخصصه بتصميم هذا النوع من النوافذ .
ولكم جزيل الشكر

[معماري قطري]

السلام عليكم
شفت هذا النظام في كثير من الدول الاوربيه سواء منازل او شقق سكنيه.
واهم شي في الموضوع هو السيفتي لان الدريشه ماتنزل او ترتفع الااذا قام الشخص بانزالها باليد.
وعجبني اكثر ان مايضايق الستارة ولايأثر عليها في حالة فتح وغلق النافذه لان ذلك يكون بشكل رأسي ( الفتح من الاسفل الى الاعلى والغلق من الاعلى الى الاسفل).
فمحتاجه منكم تشورون علي بالمحلات المتخصصه بتصميم هذا النوع من النوافذ .
ولكم جزيل الشكر

هذي الطريقة مناسبة لنوافذ بعرض بسيط أقل من متر وبحيث تكون خفيفة ممكن تنمسك باليد وترتفع .. انا أنصح باليو بي في سي اللي تنفتح من جهتين من فوق أو على جنب للداخل .. وبالنسبة للستارة ممكن تكون النافذة شوي عريضة ووسطها بس اللي قابل للفتح والجوانب ثابتة فالستارة تجي على الجانب الثابت وممكن نفتح الوسط براحتنا .. الإتجاه الحديث في أُوروبا الحين حق هذي النوعية من النوافذ وباستخدام طبقات زجاج أكثر للعزل .. وفيه منتج جديد نوافذ تتعتم لدرجة 100% - 0% حسب الرغبة وبتحكم الكتروني حتى ما تحتاجين ستاير كلش .. يعني لو تبين ظلام خرمس يصير بضغطة زر رموت كنترول ولو تبين نور حتى 1% تقدرين لين تكون شفافة بالكامل وقت الحاجة.

[sweety]

هذي الطريقة مناسبة لنوافذ بعرض بسيط أقل من متر وبحيث تكون خفيفة ممكن تنمسك باليد وترتفع .. انا أنصح باليو بي في سي اللي تنفتح من جهتين من فوق أو على جنب للداخل .. وبالنسبة للستارة ممكن تكون النافذة شوي عريضة ووسطها بس اللي قابل للفتح والجوانب ثابتة فالستارة تجي على الجانب الثابت وممكن نفتح الوسط براحتنا .. الإتجاه الحديث في أُوروبا الحين حق هذي النوعية من النوافذ وباستخدام طبقات زجاج أكثر للعزل .. وفيه منتج جديد نوافذ تتعتم لدرجة 100% - 0% حسب الرغبة وبتحكم الكتروني حتى ما تحتاجين ستاير كلش .. يعني لو تبين ظلام خرمس يصير بضغطة زر رموت كنترول ولو تبين نور حتى 1% تقدرين لين تكون شفافة بالكامل وقت الحاجة.
اشكرك اخوي معماري على هذا الرد الوافي
بس حابه استفسر منك ومن اخواني واخواتي الاعضاء
عن افضل واجود المحلات اللي تعملها .
وشكرا

[Aaziz]

هذي الدرايش تنباع جاهزه في المحلات و اعتقد و الله اعلم ان مقاسات الدرايش عندهم شبه موحده.
تجي جاهزه مق القزاز و مل شي. تعال ركب بس.
يعني اذا الواحد يبيها اعتقد يحط في الاعتبار حجم الشباك اثناء التصميم.
ترى تلعوز شوي. اذا قدمت تبدا تعلق و يصعب فتحها

[نووون]

وبعدين اختي في الليل بيكون شوي محرج انج تفتحينها ويكشفونج الجيران او اللي في الشارع


ماعندي فكرة وين يسوونها

موفقة :)

[أبو ثائر]

انا اتفق مع معماري قطري أنو الدرايش اللي تتبطل من فوق ومن تحت أفضل وعازليتها أفضل بكثير وهي موجودة في الألمنيوم واليو بي في سي
بس أنصح أنو تكون يو بي في سي