!..الهم لبنت العم..!

[فانيلا روز]

الهم لبنت العم


الادوار
الام
الابناء
حمد متزوج بنت عمه
خالد متزوج من خارج العايلة
اخت حمد وخالد




حمد : يمه مرتي زعلانه علي ..؟
الام : جعلها ماترضى

خالد : يمه مرتى زعلانه علي ..؟
الام : حرام عليك يايبه خاف الله فيها هذي ام عيالك

حمد : ولدي عنده تطعيم باخذ مرتي معاي ..؟
الام : قبل ماتروح تودي عيالها معاها بيت اهلها مافيني شده على الياهال

خالد : يمه ولدي عنده تطعيم باخذ مرتي معاي ..؟
الام : ايه يايبه مرتك ماتقدر عليهم كلهم خل الصغار عندي وروح ودها .

حمد : مرتي تبي تسافر ومااقدر اوديها ؟
الام : مالها حاجة ياحبها للهياته تجابل عيالها ابرك لها .

اخت حمد : ابي اسافر فينا وابيك توديني .!!
حمد : ابشري بس تذكرتي والسكن ومصروفي عليج ..؟

خالد : يمه زوجتي تبي تسافر ومااقدر ؟
الام: حرام عليك يايبه زوجتك تتعب مع الياهال ودها معاك غيرو جو وخلوا الياهال عندي
تبي تفشلنا باهلها ..!!


رفيجه الام : شلونج ياام حمد واخبارج واخبار حريم عيالج ..؟

الام : اخبار الخير والله ان مرت خالد مبروكة ووجها خير علينا
اما مرت حمد قشره الله يعينا عليها مع ان ياختي اعاملهم مثل بناتي
بس صدق المثل الي قال روح بعيد وتعال سالم ليتني ماخذتها لولدي ..

المحادثة ليست من نسج الخيال واقع نعيشه ومتكرر خاصه في المجتمع النسائي

قالوها قبل واصدقو الهم لبنت العم ..!!

رايكم بالموضوع ..

[طير حوران]

:nice::nice:

صح الصح للأسف هذا شيء ملاحظ

[وطن]

والله ما ادري

يعني عادة اهل الريال يحبون زوجة ولدهم اللي منهم وفيهم
يحطونها بعيونهم


هو في النهاية يعتمد
سواء كانت من العايلة او خارج العايلة
يعتمد على اخلاقها معاهم
وعلى مدى تقبلهم لها


الله يصلح احوالهم

[حسن]

اولا نشكرك على اول مشاركه لك واهلا وسهلا بك في المنتدي

عاد مابغيتي الااسم حمد هو بيلقها من وين ولا وين

هذا التصرف من الام مايجوز ولا يقبله لا شرع ولا دين
مااعتقد ان الكل يقد تححدث حالات وحالات

انا شفت امهات فعلا كانو يفرقون بين معامله الزوجات على حسب الولد اللي في شورها ويطعيها في كل شي
اما اللي يعاييها ولا سمع كلامها فتلقى الام تكره زوجته في نظرها احيانا انها
هي السبب

المشاكل وسؤ التصرفات كثيره وياما شفنا حالات وصلت الا الطلاق
كل مجتمع وله مشاكله على حسب معرفتهم بدينهم ودرايته

شكرا على الموضوع

[مسمس12]

على حسب البنت مو شرط كل بنات العم زينين ولا كلهم شينين
يعتمد ويختلف من وحدة لوحدة سواء كانت بنت عم والا غيرة

[Qt.1]

الهم لبنت العم


الادوار
الام
الابناء
حمد متزوج بنت عمه
خالد متزوج من خارج العايلة
اخت حمد وخالد




حمد : يمه مرتي زعلانه علي ..؟
الام : جعلها ماترضى

خالد : يمه مرتى زعلانه علي ..؟
الام : حرام عليك يايبه خاف الله فيها هذي ام عيالك

حمد : ولدي عنده تطعيم باخذ مرتي معاي ..؟
الام : قبل ماتروح تودي عيالها معاها بيت اهلها مافيني شده على الياهال

خالد : يمه ولدي عنده تطعيم باخذ مرتي معاي ..؟
الام : ايه يايبه مرتك ماتقدر عليهم كلهم خل الصغار عندي وروح ودها .

حمد : مرتي تبي تسافر ومااقدر اوديها ؟
الام : مالها حاجة ياحبها للهياته تجابل عيالها ابرك لها .

اخت حمد : ابي اسافر فينا وابيك توديني .!!
حمد : ابشري بس تذكرتي والسكن ومصروفي عليج ..؟

خالد : يمه زوجتي تبي تسافر ومااقدر ؟
الام: حرام عليك يايبه زوجتك تتعب مع الياهال ودها معاك غيرو جو وخلوا الياهال عندي
تبي تفشلنا باهلها ..!!


رفيجه الام : شلونج ياام حمد واخبارج واخبار حريم عيالج ..؟

الام : اخبار الخير والله ان مرت خالد مبروكة ووجها خير علينا
اما مرت حمد قشره الله يعينا عليها مع ان ياختي اعاملهم مثل بناتي
بس صدق المثل الي قال روح بعيد وتعال سالم ليتني ماخذتها لولدي ..

المحادثة ليست من نسج الخيال واقع نعيشه ومتكرر خاصه في المجتمع النسائي

قالوها قبل واصدقو الهم لبنت العم ..!!

رايكم بالموضوع ..

للاسف اختي معاج حق في الي قلتيه وهالكلام ينطبق على فئه كبيره ,,

[بوحارب]

بين الأقارب عقارب

[أم علي 2010]

شوف هو دايم الغريبة يحسبون لها الف حساب لعدة اسباب

منها مثلا اهلها ناس معروفين ، او الشخصية القويه ومايبون النسايب يذمون فيهم

اما بنت العم او القريبة تلقى قاطيين الميناه على اساس معاشرتهم وعارفين البير وغطاه

مثلا بتلقى ان يبون يمشونها على كيفهم ، بياخذون مثلا سيارتها بدون علمها


بعد يعتمد على شخصية المره والزوج و المفروض الزوج يوفق بينهم خاصه اذا امه قاسية على مرته

يعني اخ من ظهري و اخ من بطني

و عن تجارب مرت الولد اللي ساكنه بروحها اغلى من مرت الولد اللي معاهم بنفس البيت

يمكن مب قاعده بس وايد حالات مرت علي يقولون ما ارتحنا الا لما استقلينا

[ضوى]

مدري الصراحة بس يمكن يكون في بعض الناس

[وليف الشوق]

صح الصح للأسف هذا شيء ملاحظ

[ms-qtr]

بعض الأمهات لو خذوا غريبة تحس بالحرج
فتمشي لها الكثير من الأشياء علشان تكسبها
لكن القريبة ما يحتاي تجامل تعطيها كاش في الوجه
لأنها تعرف أطباعهم عدل

[أخت الكل]

فيه ناس بنت العم هي المقدمه على غيرها وفيه ناس العكس لكن الغالبيه اشوف الوضع يكون على حسب شخصية البنت نفسها

فيه بنات يندمجون مع الحموله وام الزوج تعدها وحدة من بناتها وفيه بنات يعزلون انفسهم ولا يتدخلون ولا حتى يجاملون يكون حالهم حال الضيوف وهالنوعيه تكون يا مكروهه من اهل الزوج او حالها حال الغريب

وفيه حالات نادرة يكون الزوج هو السبب يعني هو اللي يفصل زوجته عن اهله ويشوف ان هالوضع يقلل من المشاكل لكن حالات نادرة وبالغالب يكونون متاثرين بخبرات الغير

[ودي أكون]

بعض الأمهات لو خذوا غريبة تحس بالحرج
فتمشي لها الكثير من الأشياء علشان تكسبها
لكن القريبة ما يحتاي تجامل تعطيها كاش في الوجه
لأنها تعرف أطباعهم عدل

هههه اي والله

بس ماعليج يا بنت العم ترا حتى الغريبه تستلمها ام ريلها بس من وراها .. :rolleyes2:

ف الله يعين الثنتين بصراحه .. :tease:

[QatarSafety]

الهم لبنت العم


الادوار
الام
الابناء
حمد متزوج بنت عمه
خالد متزوج من خارج العايلة
اخت حمد وخالد




حمد : يمه مرتي زعلانه علي ..؟
الام : جعلها ماترضى

خالد : يمه مرتى زعلانه علي ..؟
الام : حرام عليك يايبه خاف الله فيها هذي ام عيالك

حمد : ولدي عنده تطعيم باخذ مرتي معاي ..؟
الام : قبل ماتروح تودي عيالها معاها بيت اهلها مافيني شده على الياهال

خالد : يمه ولدي عنده تطعيم باخذ مرتي معاي ..؟
الام : ايه يايبه مرتك ماتقدر عليهم كلهم خل الصغار عندي وروح ودها .

حمد : مرتي تبي تسافر ومااقدر اوديها ؟
الام : مالها حاجة ياحبها للهياته تجابل عيالها ابرك لها .

اخت حمد : ابي اسافر فينا وابيك توديني .!!
حمد : ابشري بس تذكرتي والسكن ومصروفي عليج ..؟

خالد : يمه زوجتي تبي تسافر ومااقدر ؟
الام: حرام عليك يايبه زوجتك تتعب مع الياهال ودها معاك غيرو جو وخلوا الياهال عندي
تبي تفشلنا باهلها ..!!


رفيجه الام : شلونج ياام حمد واخبارج واخبار حريم عيالج ..؟

الام : اخبار الخير والله ان مرت خالد مبروكة ووجها خير علينا
اما مرت حمد قشره الله يعينا عليها مع ان ياختي اعاملهم مثل بناتي
بس صدق المثل الي قال روح بعيد وتعال سالم ليتني ماخذتها لولدي ..

المحادثة ليست من نسج الخيال واقع نعيشه ومتكرر خاصه في المجتمع النسائي

قالوها قبل واصدقو الهم لبنت العم ..!!

رايكم بالموضوع ..



والله الموضوع من اوله لين اخرة يعبر عن سالفه
صارت او ما صارت بس المهم انك تشوفينها في المجتمع
ولا ادري عن صحتها فلذلك انا قريتها صح بس ما ادري
شلون قريتها.

اقسم بالله يافانيلا
انك انتي فريتي مخي فر مادريت شالسالفه مع
حمد وزوجته وامه ومدري شنو بعد .
الله يعين

[صالح المري]

بنت الناس فوق الراس .. وبنت العم تحت المداس

صحيح للأسف

[ريتويت]

ما لك الا بنت عمك ياولد :nice: وانتي مالج الا ولد عمج كيف ترفضينه بالعكس تراه بيخاف عليج اكثر من الغريب ..

[نتفـه]

والله كله على الشخصيه للام وللزوجه بغض النظر عن صلة القرابه ..
في ناس يميلون لقرايبهم اكثر من الغرب والعكس صحيح ..
والله اعرف وايد بنات طيبين وطبعا مو من اهلهم ماخذين بس شايفين الويل ..
الله يعين

[مشـــــاعر]

والله إختي كلامج شبه واقعي لكن أشوف السبب الأول ( الأمهات)

بصراحة (أغلب الأمهات) راعين مشاكل مايعجبهم العجب :rolleyes2:

خلاص يايبه ولدج راح حق بنت الناس خليه يعيش حياته مب تنكدين عليه :anger1::anger1:

[نووون]

واذا ام زوج مب صلاح مع ام الزوجة حطت حرتها في بنتها

تصير في احسن العائلات

[فانيلا روز]

الله يحفظ بناتنا ويخلف عليهم

[aziz4z]

سياسة قهر الابناء و البنات في الزواج لازم تتغير , هم اللي هيعيشوا مع بعض , ليش تخرب حياتهم , ياما كثر الطلاق بسبب زواج الاقارب , و اللي تنظلم البنت المسكينة وفوق هاي المسكينة إذا عندها عيال