واجبنا اتجاه الدين والمسلمين ..

[ودي أكون]

السلام عليكم ورحمة الله وبركاته،،

اسمحولي يالاداره ابي افضفض شوي :secret:

لاحظت ان اغلب المواضيع الخاصه بسوريا ومصر تغلق ..! ليش :weeping:
صحيح ان المنتدى موب سياسي .. بس ولله الحمد ان اغلب الاعضاء مايجيبون طاري السياسيه يعني انها تتكلم فالدول او اتخص اسماء شخصيات معينه ..
وتر ا اللي صاير يحتم علينا انتكلم لان السياسه ادخلت فالدين .. واللي صاير حرب على الاسلام والمسلمين .. والنقاش والدفاع ولو بكلمة هذا من واجبنا ياجماعه

انحرك نفسنا والمسلمين واجبنا .. انتكلم واندافع من واجبنا .. انتكلم عن الظلم من واجبنا .. انرد الخطا من واجبنا ..

لكن ان نسكت واي موضوع يفتح يتم اغلاقه ليش يعني :weeping:
انتو حددوا شروطكم وحطوا الخط الاحمر عشان الجميع يتجنبها وبنفس الوقت ان نقدر نتكلم ونشار اخوانا المسلمين قضاياهم وقضايانا الاسلاميه .. وبنفس الوقت على المشرفين انها اتابع الردود وتحذف اللي تعدى الخط الاحمر وتحذر العضو .. مو انها اتسكر الموضوع بكبره .. :(


المهم .. :anger1:


انا احين عن قراررين :anger1:





اتغشمر قصدي عندي رايين :shy::tease:



شرايكم الحوار العام .. يتحول للـ قسم المجتمع القطري .. يتكلم عن قضايا مجتمعنا القطري ..

والحوار العام .. يتكلم عن القضايا المجتمعيه العامه .. واللي اصبحت قضيه اتهم كل مسلم الله يهديكم بس :weeping:



لا تحذفون موضوعي ترا والله عيب عليكم :shy:

[بوحارب]

ها لموضوع المفروض ينزل في قسم الاقتراحات

[ودي أكون]

ها لموضوع المفروض ينزل في قسم الاقتراحات

انشوف المؤيدين والمعارضين وهالشيء بيفيد الاداره فاتخاذ القرار الصح

[بريق الحق]

قسم يتكلمً عن مايخص الامة الاسلامية

[توالناس]

وَإِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاتَّقُونِ

مَثَلُ المؤمنين في تَوَادِّهم وتراحُمهم وتعاطُفهم مثلُ الجسد، إِذا اشتكى منه عضو تَدَاعَى له سائرُ الجسد بالسَّهَرِ والحُمِّى

[خالد العمادي]

جزاج الله خير أختي وانا مؤيد لأقتراحج لابد يكون لنا صوت فيما يحدث على الساحه

ويجب ان نقول كلمة الحق لأن الساكت عن الحق شيطان أخرس

وأتمنى من أدارة المنتدى يتفهمون الوضع ومايخلون الأعضاء يبتعدون ويبحثون عن منتديات أخرى يبدون فيها أرائهم عما يحدث الأن

تقبلي خالص تقديري وأحترامي وبارك الله فيج

[ودي أكون]

جزاج الله خير أختي وانا مؤيد لأقتراحج لابد يكون لنا صوت فيما يحدث على الساحه

ويجب ان نقول كلمة الحق لأن الساكت عن الحق شيطان أخرس

وأتمنى من أدارة المنتدى يتفهمون الوضع ومايخلون الأعضاء يبتعدون ويبحثون عن منتديات أخرى يبدون فيها أرائهم عما يحدث الأن

تقبلي خالص تقديري وأحترامي وبارك الله فيج

بارك الله فيك اخوي .. واشكرك قلت اللي انا ماعرفت اقوله .. جزاك الله خير

واتمنى من الادارة تاخذ بكلمتنا فاحنا جزء من المنتدى وسنين فيه .. ومثل ماللمنتدى حق علينا احنا لنا حق عليه .. وهذا اقل شيء انسويه للاسلام والمسلمين واحنا مدانيين لان اللي صاير فالعالم صاير للمسلمين صاير للاسلام من حقنا وواجنا الديني والانساني عدم السكوت مثل الغير .. واستنكار اللي صاير ..

ف هالقضايا اهم من القضايا المجتمعيه اللي يالسه تنطرح بدون هدف ولا حل مجرد مضيعة وقت اشوفها لا اكثر .. (( شكلتوا .. اشطبختوا .. وين الالعاب .. شنو احسن شارع .. انا مريضه انا مسافره .. كم وحده بتزوج .. شتسون فالدوام .. الخ )) ..


زين حق اخوانا واخواتنا والاطفال والامهات والشيوخ من ياخذه .. اطفال اتموت .. بنات يغتصبون .. امهات يرملون .. شيوخ يبكون .. رجال يضربون ويستشهدون .. الخ

وين الحميه .. وين حمية الاسلام .. وين حمية الدين والانسانيه .. وين ..

اقل الحقوق ان نعبر ان انتابع ان انآزر بعض بالكلمة بالدعاء وانشجع بعض على عمل الخير .. لان هذا اللي بيصفى لنا من قعدتنا ورا المنتدى.. وقتنا في شو افنيناه ..


اتمنى الادارة اتشاركنا الهم وانا متأكده ان همنا كلنا واحد .. واتمنى تتفهم وضعنا ومعانتنا عاللي صاير :weeping:

وتوضح لنا بصريح العبارة الخطوط الحمره عشان الغير مايتعداها لان يهمنا ايضاً سلامة المنتدى .. واتمنى ان تكون في متابعة اول باول للرد وتحذف اللي تعدى الخط .. بدون اغلاق المواضيع ..



مشاطرة المسلمين الآمهم ومعاناتهم واجبنا واقل من واجبنا .. لان الكل محاسب يوم الحساب :weeping:


والله المستعان :weeping:

[بصمة قطرية]

معاكم :victory:

[أخت الكل]

أنا معك أختي ودي أكون بكل اللي قلتيه

[لاجل QT]

وانا معك قلبا وقالبا

نحتاج قسم خاص بالشؤون الاسلامية

كيف نفرق بين الدين والسياسة هذا لايجوز شرعا..الدين عاام

هل يعقل ان السياسة ليست من امور رب العباد استغفرالله العظيم... فقط هي خاصة بالبشر كيف تتكلمون

[ROSE]

مرحبا اختي ودي اكون

لو انج كنتي متابعه جيده للمنتدى كان شفتي ان الاداره بالرغم من

انها اعلنت مسبقا بان المنتدى ليس بسياسي ولكنها مع ذلك اسمحت ببعض

المواضيع اللي تحدث على الساحه وتمت لفترة
طويله


ولكن للاسف ان فيه ناس استغلت هالشي بشكل خاطئ واصبحت هذه المواضيع

تؤثر سلبا على القسم العام ومواضيعه


والمشاركين يرفعونها كل ثانية بنقل الاخبار المفيده والغير مفيده

وناهيك عن الاخبار اللي تسبب الفتن

العيب مب في الاداره العيب في الاعضاء اللي مب راضين يلتزمون او يحترمون

قرار الاداره


واشكرج على اقتراحج وياريت المرات الجايه

لو عندج اقتراح للاداره يطرح في الشكاوي وتسمعين راي الاداره ووجهة نظرها قبل



تحياتي لج