المساعد الشخصي الرقمي

مشاهدة النسخة كاملة : وزارة التجارة وزارة التراث وزارة العمل وتخبط القوانين



New Vision
22-08-2013, 03:44 PM
السلام عليكم ورحمة الله وبركاته


وزارة التجاره ووزارة التراث والفنون وتخبط القوانين كل يوم عندهم قانون وكل يوم عندهم قرار عطلو مصالح الناس بسبب التخبط وعدم المسؤليه وهالشي يضر البلد ويضر التنمية يعني تبي تقدم على ترخيص يقولك ممنوع تقوله ليش يقولك مقدمين عليه وايد طيب انت شعليك انت الي بتخسر والا هم يقولك مادري موقفينها تعال بعد كم شهر يمكن يفتحون المجال طيب السؤال الي يطرح نفسه ماهي اسباب توقيف التراخيص لدرجة ان البعض منها ينباع فالسوق السوداء بالملاين بسبب انه موقوف مثلها مثل وزارة العمل كل يوم موقفين فيزة وتلاقي ناس تبيعها برا ب100الف واكثر طيب وش الاسباب توقيف العمال وشلون الاخ الي قاعد يبيع برا حصل عالموافقات واعرف ناس متخصصين فالممنوع هذه تجارته يقولك اي ترخيص اي فيز تبيها اطلعها لك بالقيمة الفلانيه ؟؟؟انا ابي اعرف شي واحد هالناس ماعليهم رقابه والا كل من طق فراسه قانون والا قرار حطه.....تعرفون شالفرق بينا وبين دبي هي هذه القوانين التي لاتطبق الا بعد دراسة عميقه في دبي ليس هناك اي ترخيص ممنوع تخيل انت اجنبي مواطن من حقك تاخذ التصريح الي تبيه وهنا يخلقون روح المنافسة وكلها تصب في مصلحة البلدة وايضا هناك شروط تعجيزيه في بعض التراخيص ليش مايكون للمواطن خدمة خاصة في هذه الوزارات التجاريه ؟؟؟

رحال
22-08-2013, 04:59 PM
مثل أراضي الصناعية يقولك مافي ..

واللي يبيعون الاراضي في الجرائد شلون حصلوا عليها ؟

ناس متقاعدة على الله وعلى هل الراتب يتمنى ارض بالصناعية

مساحتها 400 م ، يمارس نشاط منجره او غيره يترزق من وراها

وغيره عارض ارض ترخيص سكن عمال مساحتها 10000 آلاف ؟

عيش رجبا ترى عجبا !

New Vision
22-08-2013, 05:11 PM
تخيل رحت وزارة التجاره ودفعت رسوم وعقبها قالو روح وزارة الثقافه والتراث عشان الترخيص قالو لي موقفينها طيب والرسوم الي دفعتها في وزارة التجاره حق شنو؟؟

New Vision
23-08-2013, 04:13 PM
انا اشوف ان هالقوانين هي اساس العمل في اي بلد ليش ماسوون نفس الدول المتقدمة الي اهم شي عندها تنمية البلد وليش مايسون مثل دبي الي خلت منها وجهه للمستثمرين ورؤوس الاموال وهذا يرجع للقانون المنسق الي لايعرف واسطه ولايعرف تخبط يكون مدروس من كل النواحي قبل تطبيقة

New Vision
23-08-2013, 04:16 PM
المشاريع الصغيرة والمتوسطه هي اساس التنميه طيب ليش يمنعون بعض النشاطات ليش الاحتكار الى متى والعالم كله يتقدم ونحن نرجع للورى الى متى ونحن نشتكي ونطالب

الدوحه1
23-08-2013, 05:02 PM
انا عندي فكرة مشروع الاول من نوعه في قطر..
المشروع يتطلب موافقة عدة جهات منها وزارة الثقافه..
قدمت الكتاب من حوالي 3 شهور ولحد الان محد رد علي؟؟؟؟؟

New Vision
23-08-2013, 05:26 PM
انا عندي فكرة مشروع الاول من نوعه في قطر..
المشروع يتطلب موافقة عدة جهات منها وزارة الثقافه..
قدمت الكتاب من حوالي 3 شهور ولحد الان محد رد علي؟؟؟؟؟

ومراح يردون ولايوافقون:anger1:

والمصيبه انه مافي اي رقابه عليهم ولاعلى قوانينهم:rolleyes2:

New Vision
23-08-2013, 05:27 PM
مقدم طلب على شركة دعايه واعلان قالو ممنوع:rolleyes2:

دعايه واعلان وممنوع:eek5:

Roooo7 Qtr
23-08-2013, 08:23 PM
عندك ترخيص هدايا دعائيه تقريبا نفس تخصص دعايه والاعلان ميحتاج موافقه من وزاره الثقافه

New Vision
23-08-2013, 08:32 PM
عندك ترخيص هدايا دعائيه تقريبا نفس تخصص دعايه والاعلان ميحتاج موافقه من وزاره الثقافه

لااخوي يحتاج وبامكانك تكلمهم الاحد او تسال اي مندوووب :anger1:

MAZEN37
23-08-2013, 09:41 PM
عندك ترخيص هدايا دعائيه تقريبا نفس تخصص دعايه والاعلان ميحتاج موافقه من وزاره الثقافه
يعني لف ودوران
وبالنسبه للدعايه والاعلان ماتنسى هذا المجال محتكر بدون ما ازيد

Roooo7 Qtr
23-08-2013, 11:08 PM
لااخوي يحتاج وبامكانك تكلمهم الاحد او تسال اي مندوووب :anger1:
غلطان يالغالي ميحتاج انا من نفسي سالت وعندك بعد تسال العضو الرحال هو عنده مكتب تخليص معاملات في بن محمود

Roooo7 Qtr
23-08-2013, 11:15 PM
http://www.qatarshares.com/vb/showthread.php?t=549967

New Vision
23-08-2013, 11:18 PM
http://www.qatarshares.com/vb/showthread.php?t=549967

يابوالشباب تبيني احلف لك انا مقدم من يومين وقالو روح جيب ترخيص من التراث ورحت للتراث وقابلت مديرة التراخيص اهناك وقالت حاليا موقوفه التراخيص قلت ليش قالت وايد مقدمين عليها:rolleyes2:

New Vision
23-08-2013, 11:20 PM
مع العلم هالكلام كله بعد مادفعت رسوم السجل التجاري ورسوم الاسم التجاري وعقبها طرشوني للتراث

Roooo7 Qtr
24-08-2013, 12:59 AM
انت مقدم ع دعايه والاعلان صح صار لها اكثر من سنه واقفين تراخيص بس سجل مسمى هدايا دعائيه مش اختصاص التراث انا واثق من كلامي

New Vision
24-08-2013, 01:40 AM
انت مقدم ع دعايه والاعلان صح صار لها اكثر من سنه واقفين تراخيص بس سجل مسمى هدايا دعائيه مش اختصاص التراث انا واثق من كلامي

اخوي شدخلني فالهدايا انا اتكلم عن شركة دعايه واعلان لازم ترخيص من التراث وهم رافضين طبعا اكيد اكيد هناك من هو مستغيد من هذا المنع الغير مبرر وغيرها كثير من التراخيص واقفه والسبب احتكار

Roooo7 Qtr
24-08-2013, 01:51 AM
هدايا دعائيه تشمل طباعه ع الكواب والشيرتات والكابات والاقلام والشنط والدروع والميداليات
وكذالك طباعه بروشرات واستاندات اشياء كثير تقريببا نفس اختصاص دعايه والاعلان

الله يوافقك وتحصل ترخيص دعايه والاعلان

New Vision
24-08-2013, 02:04 AM
هدايا دعائيه تشمل طباعه ع الكواب والشيرتات والكابات والاقلام والشنط والدروع والميداليات
وكذالك طباعه بروشرات واستاندات اشياء كثير تقريببا نفس اختصاص دعايه والاعلان

الله يوافقك وتحصل ترخيص دعايه والاعلان

جزاك الله خير اخوي وربي يوفق الجميع