اللي عندهم خبرة ببتايا وبوكيت

[vxr2010]

شباب أبي مساعدتكم
أنا رائح بتايا وبوكيت لمدة 14 يوم بشهر 10 ،، أعطوني اهم أسماء المطاعم والشواطئ والجزر والشوارع بالمدينتين وشنو أحلى الرياضات اللي ممكن الواحد يسويها ببتايا وبوكيت

ومشكورييييين

[ريتويت]

نصيحه لاتروح تايلاند.. بلاد استغفر الله.. بتجرح نظرك بمناظر والعياذ بالله وخصوصا لو ماخذ هلك.. حتى لو مع ربعك والله ماتصلح.. وفر حق التذكره ولا حط عليها وروح المانيا اجمل وانظف

[Northqatar]

السلام عليكم


تفضل هذا تقرير عن بوكت

الشهر اللى راح

http://www.qatarshares.com/vb/showthread.php?p=8986016#post8986016

[عاشق العديد]

نصيحـه لوجـه اللـه ..

بتايا إذا معاك هلـك او بروحـك ماتنفـع ..

انصحـك بشنـق ماي انظيفـه وجميـله وفيهـا فعاليت كثيـره ..

[vxr2010]

السلام عليكم


تفضل هذا تقرير عن بوكت

الشهر اللى راح

http://www.qatarshares.com/vb/showthread.php?p=8986016#post8986016

مشكور أخوي عالرد

[العقل الحر]

عائلي ولا شباب ؟

هل اول مره تروح ولا رحت من قبل ؟

[اللوز]

على قولة الشباب بلاد ما تصلح
حاول بدل بتايا وبوكيت
استبدلها
بمكة والمدينة

[dream-team]

اذا انك رايح بوكت اسكن في بوتنق بيج كل شي قريب منك من جميع النواحي اما السكن اذا عائلي ودراهمك زيادة انصحك في السكن في فندق ذاكية اما اذا رحلة شبابية اسكن في فندق باتونق بي وبعطيك الرابط حق الفندقين
هاي فندق شبابي ومقابل البحر علي طول

http://www.booking.com/hotel/th/patong-bay-garden-resort.ar.html?aid=325250;label=bookings-naam-Q2baxLPfjqBIpLENLTYbvgS21579295158%3Apl%3Ata%3Ap1% 3Ap2230%2C000%3Aac%3Aap1t1%3Aneg;sid=b7930053352fc 0568f7b48e9757c91cc;dcid=2
اما اذا عائلي هاي الفندق بينك وبين البحر شارع

http://www.booking.com/hotel/th/the-kee-resort-spa.ar.html?aid=325250;label=bookings-naam-Q2baxLPfjqBIpLENLTYbvgS21579295158%3Apl%3Ata%3Ap1% 3Ap2230%2C000%3Aac%3Aap1t1%3Aneg;sid=c5b6920ad27a8 49e6804bcd6c7eef86a;dcid=1;origin=disamb;srhash=31 09497999;srpos=1

[vxr2010]

عائلي ولا شباب ؟

هل اول مره تروح ولا رحت من قبل ؟

رحت من قبل

والحين رايح مع شباب

[العقل الحر]

رحت من قبل

والحين رايح مع شباب

طيب

في بتايا تسكن في الماريوت

وتعرف انى بتايا في حياة ليليه صاخبه حاول انك تتجنبها

وخلك كله في النهار تقوم الصبح بدري وتروح على السيف قدام الماريوت تخذون طراد ويلف بكم على الجزر والبرارشوت وجزيرة السلاح اذا حابين ترمون بسلاح

وفيه مسابقه سيارات قريب بعد من الفندق يعني 8 كيلو تقريبا طبعا هذا كله الصبح

وفيه عرض مسرحي رائع اسمه اللنغانق يبعد 15 الى 20 كيلو تقريبا من الفندق له ايام مخصصه يمكن يوم الثلاثاء والخميس العصر بس

وعندك حديقه التماسيح مشهورة جدا على مستوى تايلاند وحلوه وفيها عروض واطعام التماسيح

وبتحصل اعلانات في الفندق والتكاسي شوفها يمكن في اشياء تعجبكم


غير مقهاهي ومجمعات بتايا المشهورة

اما بوكت مايحتاج اعطيك تقرير الاعضاء ماقصروا

ولا تنسى بتايا حدها 3 الى 4 ايام

واذا فيه سؤال حاضرين

[Hamad7788]

انا توني راد من تايلند

وكنت مع هلي

البلاد نظيفه وماعليها كلام ومجمعاتها راقيه وتهبل

الحمدلله سكنا في فندق بعيد عن شارع العرب ولا شفنا وصاخه ولا شي

حط في بالك شي واحد اللي يبي الوصاخه بيروح لها واللي مايبيها يعرف اشلون يبتعد عنها

تميت 22 يوم ماشفت ولا شي وصخ ولا شفت الوصاخه وقلة الادب اللي يتكلمون عنها العالم



البلاد عائليه وايد وحلوه

اذا بتروح بوكت اسكن في منتجع ميكااو .. شي خيال روعه بس بعيد عن المجمعات التجارية يعني بس تروح هناك استرخاء وبحر وبرجه وسباحه ورحلات

وتقدر تاخذ تاكسي يوديك حق المجمعات

[vxr2010]

طيب

في بتايا تسكن في الماريوت

وتعرف انى بتايا في حياة ليليه صاخبه حاول انك تتجنبها

وخلك كله في النهار تقوم الصبح بدري وتروح على السيف قدام الماريوت تخذون طراد ويلف بكم على الجزر والبرارشوت وجزيرة السلاح اذا حابين ترمون بسلاح

وفيه مسابقه سيارات قريب بعد من الفندق يعني 8 كيلو تقريبا طبعا هذا كله الصبح

وفيه عرض مسرحي رائع اسمه اللنغانق يبعد 15 الى 20 كيلو تقريبا من الفندق له ايام مخصصه يمكن يوم الثلاثاء والخميس العصر بس

وعندك حديقه التماسيح مشهورة جدا على مستوى تايلاند وحلوه وفيها عروض واطعام التماسيح

وبتحصل اعلانات في الفندق والتكاسي شوفها يمكن في اشياء تعجبكم


غير مقهاهي ومجمعات بتايا المشهورة

اما بوكت مايحتاج اعطيك تقرير الاعضاء ماقصروا

ولا تنسى بتايا حدها 3 الى 4 ايام

واذا فيه سؤال حاضرين

مشكور تخوي وما قصرت بس معلش اخر سؤال في مقاهي مشهورة ؟ انا يهمني الاكل العربي والشيش ....

[العقل الحر]

مشكور تخوي وما قصرت بس معلش اخر سؤال في مقاهي مشهورة ؟ انا يهمني الاكل العربي والشيش ....

فيه متروسه صوب العرب والمنطقه اسمها مارين منشن او منطقه فندق في سي بتحصلهم حوله

وفيه مطعم وشيشه لبناني في مجمع سنترال هذا اكله الشامي لا يعلى عليه اما الخليجي عيوش مطعم بوعبدالله عند الفي سي

[السكين]

نصيحـه لوجـه اللـه ..

بتايا إذا معاك هلـك او بروحـك ماتنفـع ..

انصحـك بشنـق ماي انظيفـه وجميـله وفيهـا فعاليت كثيـره ..

شانق ماي بالفعل حلوة وجوها لطيف وانا سافرتها أذكرمرة بشهر 2 وكانت باردة ، ورحلاتهم مكثفة وطويلة والمدينة وشعبها هاديين ومافيها سهر نفس بانكوك وبتايا .

[Ba6A]

شباب أبي مساعدتكم
أنا رائح بتايا وبوكيت لمدة 14 يوم بشهر 10 ،، أعطوني اهم أسماء المطاعم والشواطئ والجزر والشوارع بالمدينتين وشنو أحلى الرياضات اللي ممكن الواحد يسويها ببتايا وبوكيت

ومشكورييييين


بتايا ماعرف عنها شي لكن بالنسبة لبوكيت في وايد اشيا ممكن اتسويها..انا بنقل لك تجربتي وانت شوف اللي يناسبك..

اول شي بالنسبة للسكن سكنا في هوليدي ان اكسبرس..الفندق وااايد حلو بس عيبه انك تخدم نفسك بنفسك..انت تشل شناطك وانت تغسل وتكوي..حتى روم سيرفس ماعندهم..اللهم بس ينظفون لك الغرفة.. كانت جدا تجربة تعيسه فيه...بس مكانه وايد حلو وهو ع الباتونغ بيج ... وعقب غيرنا الفندق وسكنا في The Kee كان صج صج روعه ومكانه واااايد حلوو .. طبعا احسن مكان للسكن في باتونغ بيج لان كل شي هناك واغلب العرب يسكنون هناك وكله ناس وحشره اذا انت تحب هالجو..

وبالنسبة للأماكن..بوكيت اتطلعك ع جزر وايد حلوه...وفي شركات سياحية وايد هناك ممكن يساعدونك في هالموضوع..انا رتبت حق رحلتنا من قبل لانسافر لان كنت ابي المواصلات والرحلات تكون برايفت .. رحنا عرض سايمون وعرض فنتازيا انصحك تروحلهم وخصوصا فنتازيا لان شي روعه .. رحنا Phi Phi & Coral Island وكان في برايفت بووت بس لنا احنا .. بالنسبه لي اريح عشان ماترتبط بالناس الثانيين..متى ماشبعت تقدر اترد وتاخذ راحتك فالبووت .. فالرحلة نفسها اول شي رحنا بي بي ونزلنا هناك شوي وعقب من بي بي لين جزيرة ثانية مادري شسمها بس مانزلنا فيها.. وودونا بعد جزيرة السبلان ونزلنا فيها شوي .. ورحنا بعد جزيرة ونزلنا فالبحر حق الـ Snorkeling كان وااااااااايد حلوووو .. واخر شي جزيرة كورال اللي هي فيها البنانا وفيها البراشوت وكأنه ألعاب ثانيه بس احنا ركبنا البنانا بس .. البراشوت والسكوترات تقدر تلعبهم فالباتونغ بيج نفسه.. احنا لعبنا بالبراشوت فالباتونغ بيج .. وبعد رحنا الـ Flying Hanuman اللي فالغابة واتطير من اشيره لين اشيره .. صج صج كان ممتع .. ماعرف اذا يصير احطلك اللنك حق الموقع ولا لا بس عموما بتلاقي فيه كل هالتفاصيل مع الصور..

في مكانين مارحتلهم للأسف الشديد ماكان فيه وقت اللي هو Phuket Shooting Range اللي فيه حلبة السيارات والرماية ولعبة مسدسات الالوان وفيه الفيلة والبطابط ومدرسة تعليم حق السبلان.. والمكان الثاني اللي هو حق الـ Bungee Jumping ..

اما بالنسبة للمطاعم عندك مطعم القاهره البيت بيتك.. ومطعم دبي.. بالنسبه لي هاي اللي جربتهم وماحبيت ألف وادور وايد..

وايد سولفت بس اذا عندك استفسار بعد انشالله أقدر افيدك ^_^

[RAGA]

بالتوفيق