خبراء العشرج ممكن توضيح

[مليت]

السلام عليكم

خبراء العشرج ممكن توضيح كيف اقدر ابدل الطعم المر في ناس يسونه مع البرتقال وياليت افضل طريقه للعشرج وهل هناك موانع للاستخدام

ومكان البيع وشكراً

[نيساني]

هلا اخوي يسمونه عشرج!!!

ومكان البيع عند العطارين في سوق واقف وفي كذا صيدليه

والباقي يفيدونك الاعضاء

وتحياتي لك

[لاجل QT]

في محل في الستى يبيع حبوب السنا مكي (العشرج)
اللى مقابل هوم سنتر

اهون من شراب العشرج ويؤدي نفس القرض

[النهار]

من يوم عرفنا العشرج ماخبر حد يحط معاه شي علشان يغير طعمه
ههههههههههههههه
كان يقولون لنا سكر خشمك واشرب

[بصمة قطرية]

الريال يسأل عن تغيير طعم العشرج المر اللي لا يطاق :secret:
تقولون له وين ينباع ..!!!

طعمه ما يتغير
أول مرة أسمع حد يسوي العشرج بالبرتقال ..!!
أخبر واحنا صغار كانوا يشربونا العشرج
و عقبه مكعب سكر
يقصون علينا :(

[خزامئ]

الله يشفيك وعافيك
احسن طريقه جربتها
تاخذ ورق عشرج بدون اضافات الثاني الي تجي معه
ان حبيت تحط معه الودر الصغار زين وانا ماقدرت هو بروحه يكفي
تاخذ قبضه يدك واغسلها مرتين في ماء فتر
بعدها حطها في جيك واغل كوبين. ماء
وصبه على العشرج وغطه خله ربع ساعه او لين يفتر
بعدها حرقه بملعقه اذا شفت لونه مثل لون الببسي صفه من الورق وحط عليه فنجال ماء ورد
وشرب منه كوب واحد او كوب ونص
واذا شفته غامق واجد صب عليه شوي ماء
لنك اذا شربته وهو متين بيسوي كل مغص وغازت وبيتعبك
والله يعطيك خيره
ممكن بعد ماتشرب العشرق تشرب وره قهوه او شاي
المهم بعد ربع ساعه اشرب اي شاي دافي غير الحليب شاي او زعتر او نعناع او اي نوع زهور تحب

[غايه الطواش]

انا اشربه بعود عشان ماح بالطعم هههههههه
بس ناكل عقبه برتقال عشان يتيغر الطعم :) شالحكمه فالبرتقال دون غيره مادري :)
يبعونه العطاريين في سوق واقف

[Miss]

بنت عمتي لما تسويه تحطه في الثلاجه يوم كامل فتروح الريحه ويخف الطعم وتعطيه عيالها ثاني يوم ويشربون عادي وله نفس المفعول

قبل ما فيه طرق سكر خشمك واشربه وعقبه اكل علك :(
تعذيب الصراحه:(

[Miss]

موانع الاستخدم ممممم ما فيه
ويشرب على الريق طبعا

[sweet qatar]

مثل ما قالت مس ينحط في الثلاجة

رفيجتي تطحن الورق عقب تخليه في الثلاجة .. و تاكل منه بدون غلي
وله نفس المفعول

للأمانة ما جربته.. بس هي وعيالها مرتاحين لهالطريقة

[R 7 A L]

ليش تذكرونا بالماضي :weeping:

[لاجل QT]

طيعنى ياراعي الموضوع اشتريلك كبسولات العشرج اخف طعما عليك

بس لاحد يطلع من البيت ههههه

[نور الحور]

أمي فديتها تسويه بالبرتقال ..تغليه معاه ..
وحسب كلام أبوي وإخواني وخواتي اللي جربوه طعم المروره يرووووح كلللللش ..والبرتقال يساعد اكثر في المفعول..

انا للامانة آخر مرة جربته يوم كنت صغيرة وايد ..من عقبها مطلعيني من الحسبة أقعد أصيح عليهم ما أبي أشرب :secret:

[حسن]

escapeا

نا غلطان اني دخلت هني ذكرتوني بالدوده الزايده

[نووون]

مثل ماقلت لك خزامى .. واذا بغيت نفس ماهو من الكيس تاخذ طبقه او طبقتين بكل المحتويات الورد وباقي الاشياء بس شيل منه
الهيل الأسود اللي جنه حجر .. هو ذيه اللي يمغص البطن

اغسله زين عن الغبار والتراب
الافضل ياخذ وقته في النقوع ليلة ..
واذا ماعندك وقت تنقع في ماي فاتر وتشربه على بطن خالي بعد ساعة

وعلشان الطعم تنقع واياه شريح برتقال ..
واشربه بالعود وخل العود قريب كلش من بلعومك ..يعني تبلع على طول
وعلشان مايجي العشرج على طرف لسانك وتحس بالطعم


اذا لا قدر الله تعبت من المغص
سو لك شاي اللومي الأسود
لومي اسود مكسر وماي وتخليه يطبخ حول ربع ساعة وتحط عليه سكر حسب الرغبة
هاللومي كان احلى شي عقب المعاناة :nice:

[Aaziz]

اااااه سبحان الله

كلت مشمش مجفف ،، يخسي العشرج عنده

اعوذ بالله اعتقد انه منتهي :(

[بـومحمد]

ذكرتوني بالعشرج ,,,,,,, اخنقتني العبره
ذكرى اليمه ومعاناه لن ولم يفهمها الا من عاشه

[أغلى البـشر]

ههههههههههههههههههههههههههه عجبني العنوان

"خبير عشرج"

هههههههههههههههههههههههههه

[مخطط قطري]

انا سمعت مره من دكتور انه العشرج اصلن ماده سامه صح ينظف البطن بس اتوقع كثرته او الافراط فيه يسبب عواقب وخيمه الافضل عرض مواد العشرج علىً مختبر الصحه عن الدكتوره وسن الباكر وتحليله قبل شربه لحد ينقزلي ويقولي كنا نشربه قبل وشيبانا وعيايزنا يشربونه وعادي اي صح بس شوف تاثيره عقب ماتشربه بتدري انه مب طبيعي

[نور الحور]

انا سمعت مره من دكتور انه العشرج اصلن ماده سامه صح ينظف البطن بس اتوقع كثرته او الافراط فيه يسبب عواقب وخيمه الافضل عرض مواد العشرج علىً مختبر الصحه عن الدكتوره وسن الباكر وتحليله قبل شربه لحد ينقزلي ويقولي كنا نشربه قبل وشيبانا وعيايزنا يشربونه وعادي اي صح بس شوف تاثيره عقب ماتشربه بتدري انه مب طبيعي


هههههههههه .. والله إني مقتنعة بنفس رايك .. أقول للوالدة الله يحفظها .. تأثيره قوي وسريع .. يخوف .. تقول كاهو احنا من يوم احنا يهال نحتل ولا صادنا إلا العافية ..هذا ردها علي وهي المتعلمة المثقفة :(

انزين أقول في بدائل تغني عنه ..او على الأقل طرق لتحضيره والكشف عليه .. لكن محد يبي يسمع .. ..الله يعين بس :(

[السديم]

انا سمعت مره من دكتور انه العشرج اصلن ماده سامه صح ينظف البطن بس اتوقع كثرته او الافراط فيه يسبب عواقب وخيمه الافضل عرض مواد العشرج علىً مختبر الصحه عن الدكتوره وسن الباكر وتحليله قبل شربه لحد ينقزلي ويقولي كنا نشربه قبل وشيبانا وعيايزنا يشربونه وعادي اي صح بس شوف تاثيره عقب ماتشربه بتدري انه مب طبيعي

اتفق مع رأيك تماما .. ف جدة الوالد رحمهم الله جميعا توفت بعد ماشربت العشرج ..

مب اي وقت ينشرب العشرج ولا اي شخص ..

يعني اللي اعرفه المرأة وقت الدورة لازم ماتشربه يضرها .. وفيه بدائل كثيرة ..

مع ان امي تقول قبل كانت صحتنا احسن لان نشرب العشرج وينظف البطن من الاشياء المتراكمة ..