الارتداد الخلفي والنوافذ ؟؟

[وحيد-الشوق]

السلام عليكم ورحمه الله وبركاته

يا اخوان الخريطه خلصت امس ولله الحمد وبديت اوسوس هههه الارتداد الخلفي في البيت 3 متر المتعارف عليه مع درايش خلفيه هل بالامكان اخليها 2 متر وافتح درايش ولا صعبه لأنه المهندس وكذا واحد قالي قبل ماراح يوافقون ابداً والبعض يقول ممكن تسويها :rolleyes2: مع العلم الجانب الايمن عندنا متر ونص يعني ماعندنا نوافذ في الدور العلوي تطل جهة اليمين الحين محتار خصوصا اني ابي اكسب مساحة متر اضافيه بحيث يصير الارتداد امام الفيلا 7 متر ونصف

هل تسوى السالفة ؟؟ :shy:

[شموخ دائم]

,

,


مرحبا


انت تعرف ان هذا مخالف والمكتب ما يقدر ياخذ لك متر زياده

لكن تحتاج الى تشجيع

وانا بشجعك

:)

خذ الخريطه وروح للمدير

ان وافق ( استثناء ) خير وبركه

واذا ما وافق تكون حاولت

بس لا تسوي نفسك ما تعرف القوانين وليش ما يصير

ويصير شد وجذب

نفس موضوعك يتكرر عليهم كل يوم وهم حافظين هاذي الامور

ترى المدراء ما يحبون هذي الحركات ومتعودين عليها

:)

كلمه بصراحه وان انت تعرف ان هذا مخالف وانت تبحث عن مخرج لهذا الارتداد

والمخرج هو لعبه المدير

:)

و انت محتاج المتر هذا وانت جاي تستفسر فقط

اذا في امكانيه نعدل شي بالتصميم

مثل الغاء شباك او تعديل شي معين

وعليه يترتب تكسب متر زياده

ادخل بصدق واطلع بصدق

وهذه نصيحه للجميع وكل من بيدخل على مدير

يكون صادق وواضح في طلبه

ودائما كلمه ( مخرج ) ركز عليها

:)


,

,


اخوك

شموخ دائم

[Azizuk]

شوف أخوي شموخ دائم

أنا عندي نفس المشكلة وراجعت البلدية وقالو لي لازم تجيب موافقة من جارك انك تقدر تفتح شباك برتداد 2 متر أو حتى 1 متر مب مشكلة

المطلوب كتاب من الجار بعدم الممانعة + صورة من سند الملكية ارض جارك+ صورة من البطاقة الشخصية لجارك وأمورك تمام .

الشي الثاني انك تدخل متر من الغرفة اللي راح تفتح فيها الشباك في الدور الثاني جهة الجارك
نفس ماسويت لان جاري الله يهديه وعدني ان موافق وانتظرته مده وانا اتصل عليه ويرد على ويقولي ان شاالله وإلا أشوف شئ منه قلت يمكن الرجال مب متعاون مع العلم ان مب راح يسكن في البيت قالي بيقسم الأرض ويسوي بيتين وياجرهم وانا ما قدر آخر الخرائط على شان شباك واحد يطل عليه دخلت الشباك متر من الغرفة ومشت الأمور .

وان شاالله جارك يطلع طيب ويوافق لان حرام تضيع متر من البيت وإلا راح تستفيد من 3 متر ارتداد

والله يسهل أمورك

[Azizuk]

أسف أخوي شموخ دائم الرد كان حق وحيد الشوق

يمكن التعب مآثر على

[وحيد-الشوق]

ماقصرت اخوي شموخ الله يعطيك العافية

هل اراجع مجمع الرخص ؟ وعند من اروح هل تعرف شخص معين ممكن يفيدني ؟

[وحيد-الشوق]

شوف أخوي شموخ دائم

أنا عندي نفس المشكلة وراجعت البلدية وقالو لي لازم تجيب موافقة من جارك انك تقدر تفتح شباك برتداد 2 متر أو حتى 1 متر مب مشكلة

المطلوب كتاب من الجار بعدم الممانعة + صورة من سند الملكية ارض جارك+ صورة من البطاقة الشخصية لجارك وأمورك تمام .

الشي الثاني انك تدخل متر من الغرفة اللي راح تفتح فيها الشباك في الدور الثاني جهة الجارك
نفس ماسويت لان جاري الله يهديه وعدني ان موافق وانتظرته مده وانا اتصل عليه ويرد على ويقولي ان شاالله وإلا أشوف شئ منه قلت يمكن الرجال مب متعاون مع العلم ان مب راح يسكن في البيت قالي بيقسم الأرض ويسوي بيتين وياجرهم وانا ما قدر آخر الخرائط على شان شباك واحد يطل عليه دخلت الشباك متر من الغرفة ومشت الأمور .

وان شاالله جارك يطلع طيب ويوافق لان حرام تضيع متر من البيت وإلا راح تستفيد من 3 متر ارتداد

والله يسهل أمورك

احسها سالفه :rolleyes2: البيت الي ورا الارض اذا ماخاب ظني حديث البنيان عاد وين احصل هالجار واذا حصلته وكان غير متعاون شنو الحل :rolleyes2:

هل بفتح الدريشه وبطب في بيتهم وانا مادري :(

[فتك العديد]

عندي استفسار اذا جاري الي وراي فتح دريشه في البنت هاوس بس من جانب البيت مب من صوبي ومب موجوده عنده في الخارطه لكن المشكله انها كاشفه بيتي كله شنو الحل معاه والمشكله حتى لو بركب ساتر راح يكون ارتفاعه عالي وايد

[معماري قطري]

صراحة هذا جهل كبير إذا تاخذ موافقة الجار

زين شيصير لو الجار تغير مع مرور الوقت؟ والجار الجديد رافض.

ما ادري وشي الأسباب كاملة بس مؤكد عدم كشف الحوش .. لو كان البيت مثلاً مبتعد 5 متر بعد من فوق ممكن الواحد يكشف الجار .. عيل نكنسل النوافذ بالكامل .

أشوف متر واحد كافي للخدمات وللتهوئة، وأشوف إن القوانين لازم تكون صارمة وتستند لأسباب ثابتة وخطأ كبير نسوي شيء مؤقت ومقابل موافقة شخص ما ندري هل هو دائم أم متغير بعد أيام.

انا كتبوني تعهد بإزالة تغطية الممر بين الملحق والبيت .. مع اني مغطيه بألمنيوم وقزاز سهل كسره وقت الحريق اللي هو عذرهم بسبب متطلبات الدفاع المدني .. وكان نقاشي معاهم إن الحماية الحديدية اللي تنحط على النوافذ هذي عائق أمني أكبر.

هناك كوارث تخطيطية أكبر لازم يلتفتون لها .. مثل مجمعات تجارية بين بيوت سكنية ما يفصل بينها الا شارع ضيق .. شفت مول في أمريكا على شارع عام ووراه منطقة سكنية والفاصل بينهم كان سور من أسلاك " شبك" وشارع داخلي ورا المول وشارع ورا الشبك يفصل المنطقة السكنية، والشبك مزروع حوله .. المول مثلاً واللاندمارك وغيرهم من المجمعات معاملينهم مثل بيت صغير بين بيوت.

[معماري قطري]

عندي استفسار اذا جاري الي وراي فتح دريشه في البنت هاوس بس من جانب البيت مب من صوبي ومب موجوده عنده في الخارطه لكن المشكله انها كاشفه بيتي كله شنو الحل معاه والمشكله حتى لو بركب ساتر راح يكون ارتفاعه عالي وايد

كلمه يركب لوفر المنيوم يوجه النظر لفوق على الدريشة ولا تشتكي عليه ويلزمونه بالتركيب.

[وحيد-الشوق]

اخوي معماري المشكلة شلون تفهم الي عندنا

الله كريم بمر عليهم بكره واشوف شنو يصير وافقوا خير وبركة واذا لا بنرضى بالواقع :(

يعطيك العافية

[Azizuk]

الله يسلم الجميع أنا رحت وزارة العدل قسم التسجيل العقاري وسالت من صاحب الأرض اللي جنبي وعطوني اسمه وطلعت رقمه عن طريق واحد من الربع اتصلت عليه

إذا حد حاب يعرف الأرض اللي جنبة من هو راعيها يروح التسجيل العقاري ويتواصل معها

البلدية ما عندهم مشكلة بس يقولي مدير الرخص المباني الله يعطيه العافية الأخ عبدالكريم القحطاني ما قصر معاي وفي أشياء وافق عليها مثل البنتا هاوس القانون 30٪ من سطح الفلا وسمح لي بأكثر مساحه ، والارتفاعات الفلا والملاحق تمت الموافقه عليها مثلاً ارتفاع الفلا 12 متر مسموح لين 14 متر الملاحق 3.50 مسموح لين 4 أو 4.50 متر ، وصلة الملحق الخارجي من جهة المطبخ الداخلي وافق عليها بس من جهة الباب ومساحة قصيرة ومش بطول الملحق ، بناء الملحق بطول الأرض بعد وافق ، ماعدا الارتداد لازم الموافقة من الجار يا يجئ معاك البلدية أو يعطيك المستندات المطلوبة والبلدية ما تمانع

وحاولة اتفاهم مدير الرخص و قالي سمحنا حق ناس من قبل وجه الجار قدم شكوه على البلدية في المحكمة ليش وافقتو من غير علمي طبعا ما يبون يدخلون في مشاكل مع الجار

وسلامتكم

[معماري قطري]

اخوي معماري المشكلة شلون تفهم الي عندنا

الله كريم بمر عليهم بكره واشوف شنو يصير وافقوا خير وبركة واذا لا بنرضى بالواقع :(

يعطيك العافية


الله يعافيك يا اخوي

ان شاء الله بيوافقون .. بس فكر فيها أوقات 3 متر ورا البيت تنفعك حق حديقة صغيرة وباربيكيو وأوقات تحتاج تزيدها متر تسوي أي شيء ثاني .. على ما اذكر شفنا تصميم بيتك قبل وما ندري شوصلت له من توزيع الحوش ومساحات البيت.

اتمنى لك كل توفيق ولكل من يبني.

[وحيد-الشوق]

الله يعافيك يا اخوي

ان شاء الله بيوافقون .. بس فكر فيها أوقات 3 متر ورا البيت تنفعك حق حديقة صغيرة وباربيكيو وأوقات تحتاج تزيدها متر تسوي أي شيء ثاني .. على ما اذكر شفنا تصميم بيتك قبل وما ندري شوصلت له من توزيع الحوش ومساحات البيت.

اتمنى لك كل توفيق ولكل من يبني.

3 متر ورا مساحة تعتبر صغيرة وما اشوف بنحتاج لها الاحسن يكون عندي 7 متر ونصف امام البيت افضل انت ماقصرت معاي اخوي معماري بالنسبة للملاحظات والتعديلات عالتصميم :)

[وحيد-الشوق]

اليوم كنت عندهم وكلمت مديرهم ونادى مهندس وقالي موضوعك صعب ومانقدر نسوي لك شيء ولما قلتله عن كتاب عدم ممانعة من الجار قالي هذي بخصوص الارتداد الجانبي بس الخلفي ماتقدر تنزل عن ال3 متر حاولت يمين يسار مافي فايده :(

الحمدلله على كل حال

[Azizuk]

غريبه قالك بس على جنب البيت وبعدين ايش الفرق بين الخلف وإلا الجنب القانون محطوط عشان الجار وإلا حق شئ ثاني المفروض وضح لك عدم الموافقه

وبعض العمارات اللي تنبني مافي ارتدادات صحيح ان بعض العمارات مايكون فيها شبابيك على جنب بس هل يعقل ارتداد العماره نفس ارتداد البيت

بعض المسؤولين مره يقولك قانون ومره يقولك لا الجار بيشتكي وانت تضيع في الطوشة

وإلا مافي إلا ترجع البيت متر وتدفع مخالفه وتحط ساتر الامنيوم على الشباك

المشكلة انك تلتزم بالقوانين والبعض ما يلتزم وإذا استفسرت يردون عليك كان سويت اللي تبيه وتعتدل أمورك وتدفع أو يسامحونك وفي نقطة مهمه ان المفتشين على كيفه ما يمشي على معاير مقننة .

الله يعينك ان شاالله

[وحيد-الشوق]

غريبه قالك بس على جنب البيت وبعدين ايش الفرق بين الخلف وإلا الجنب القانون محطوط عشان الجار وإلا حق شئ ثاني المفروض وضح لك عدم الموافقه

وبعض العمارات اللي تنبني مافي ارتدادات صحيح ان بعض العمارات مايكون فيها شبابيك على جنب بس هل يعقل ارتداد العماره نفس ارتداد البيت

بعض المسؤولين مره يقولك قانون ومره يقولك لا الجار بيشتكي وانت تضيع في الطوشة

وإلا مافي إلا ترجع البيت متر وتدفع مخالفه وتحط ساتر الامنيوم على الشباك

المشكلة انك تلتزم بالقوانين والبعض ما يلتزم وإذا استفسرت يردون عليك كان سويت اللي تبيه وتعتدل أمورك وتدفع أو يسامحونك وفي نقطة مهمه ان المفتشين على كيفه ما يمشي على معاير مقننة .

الله يعينك ان شاالله

الله يعين الجميع ان شاء الله

والله هذا الي قالي اياه قلت معقول انتوا ماسمحتوا لأحد يقولي قبل كم سنة كنا نسمح للأمانة بس حاليا مشددين وايد والمدير قالي انت تقدر تخالف بس ماتدري عقب شيصير وقالي عن واحد كان مخالف وقاله المفتش اهدم الخرسانة وعدل بيتك تخيل :eek5:

مادري ارضى بالواقع وخلاص ولا نخالف وناكلها عقب :(