@@ وظائف لحاملي الشهادة الاعدادية @@

[بنـ الدحيل ـت]

السلام عليكم ورحمة الله وبركاته

كل عام وانتم طيبين

سؤال للجميع


هل هناك وظايف لحاملي الشهادة الأعداية ( بنين ) ؟

أرجو التوضيح من حيث الدوام والراتب

ولكم جزيل الشكر

[New Vision]

ثنوية ومب لاقين تبينهم يوظفون اعداديه هذي الفئة بالذات صعب يلقون وظائف وهم الاكثريه فالعاطلين عن العمل

[بوحارب]

العسكرية أتوقع ياخذون

[قلبي الطيب]

أسهل له انه يكمل ثانوية

[وليف الشوق]

كم عمر الولد ؟ وش جنسيته ؟

[QtrGate]

اذا عمره فوق 35 بيلقى في الوزارات
اذا 18 لين 25 عساكر

وانا من رأيي يكمل ثانوية ليلي
او يشتغل فبزنس سهل
يجيب بضايع وادوات حق المحلات من الخارج

[شموخ دائم]

,

,



مرحبا

يدخل العسكريه احسن له

راتب طيب يعينه على تكاليف الحياه

وبنفس الوقت ( يدرس منازل ) او ليلي

وبيتساعدون معاه كثير

لانهم يشجعون الدراسه

,

,


اخوك


شموخ دائم

[hassan51]

خريج جامعه وكلية الهندسه وتقدير جيد وله سنه يدور وما محصل شغل ،لا وقطري بعد الظاهر صار عندنا اكتفاء من المهندسين ( مع اعتذاري لصاحب الموضوع )

[QtrGate]

هندسة معمارية او شنو بالضبط

[بنـ الدحيل ـت]

قطري

عمره 18 سنة

أشكر كل من شارك

[الشاكوش]

مافي وظائف للنساء من حملة الاعدادية ؟

[hassan51]

هندسه كهربائيه

[New Vision]

18صغير ليش مايكمل دراسته؟؟

[الجوكر90]

خريج جامعه وكلية الهندسه وتقدير جيد وله سنه يدور وما محصل شغل ،لا وقطري بعد الظاهر صار عندنا اكتفاء من المهندسين ( مع اعتذاري لصاحب الموضوع )

هم اعرف واحد هندسه gpa ماله 2.1 متخرج شهر 6 وراح يستلم شغله شهر 9 بدون واسطه
السالفه فيها مقابله وامتحانات يقدمها عشان يتوظف مب عشانه مهندس راح يتوظف ع طول
والسموحه

[Qatar dealer]

اختي

فيه وظايف متاحه في النيابه العامه التقديم بالطابق 12

الوظايف بتكون في الاستقبال والبداله

والله يوفقه

[vip-30003]

التعليم مهم جداً لازم يسجل موازي

وياليت يبتعد عن العسكرية

للاسف حامل هالشهادة الوظايف الادارية على القد

المدارس اتوظف بس الوظيفه غير ملائمه لقطري

مندوب او مشرف باص ،،، في قطريين بس كبار في السن

او تقاعد من العسكريه ويتسلى

للعلم مشرف الباص ممكن يكون احتياط مايركب الباص واذا متزوج

راتب يعدي عشر الاف

بعد موظف استقبال

[وحيد-الشوق]

الجمارك ياخذون موظفين للأمن الجمركي خليه يقدم في الهيئة صوب الكورنيش

وعمره صغير لازم يكمل دراسته :(

[عازف]

السلام عليكم ورحمة الله وبركاته

كل عام وانتم طيبين

سؤال للجميع


هل هناك وظايف لحاملي الشهادة الأعداية ( بنين ) ؟

أرجو التوضيح من حيث الدوام والراتب

ولكم جزيل الشكر

في وظائف لهم في جهات الحكومية وشبه حكومي ويتعين على الدرجة العاشرة حسب قانون الموارد البشرية الحكومية

[فانيلا روز]

اختي خليه يكمل شجعيه منازل

مب مشددين عليهم وايد

[تهامي باشا]

عسكري أو رجل أمن ... هذه أفضل الوظائف لمن هم دون الثانوية
وإلا فيتجه للعمل الخاص فدخله في كثير من الأحيان أفضل من خريجي الجامعات

[Qa6ar]

الله يوفقه ولا له إلا العسكريه ويكمل دراسته ابرك من كل شي

[ha083939]

هندسة شنو ؟ الي معدله 2.1 وهل هو قطري؟
وشكرا

[فلتة زمانها]

حرام توه صغير لازم تشجعونه عشان يكمل دراسته
3 سنين ثانوي + 5 سنوات جامعة = سنير ستاف ومستقبل مشرف

[بن غيث]

قطر للبترول
اﻻسمنت
المﻻحة
ويفضل عسكري ..
وان شاء الله يكمل دراسته

[ولد الشحانية]

العسكريه ....

[بنـ الدحيل ـت]

جزاكم الله خيرا جميعا

وان شاء الله باخليه يكمل

والله يوفقكم يا رب

[حـ ن ـيـ ن]

يدخل العسكرية ويدرس موازي

[ضوى]

الله يعينج يابنت دحيل اكيد لولدج ، نصيحة لا تمشين على هواه ، اقلها الثانوية العامة وعقب يشتغل ١٨ توه صغير

[romoz]

مرحبا

العسكرية بتقبله ، و ترا اخو زوجي دش الوظيفة هذي و ما عنده الا إعدادي ، بس كمل دراسته منازل او ليلي ناسية

تخرج من الثانوية و الحين في آخر كورس في الجامعة و ضابط بنجمتين



اهم شي ان طموح الدراسة ما يموت ، لانها هي اللي ترفع الواحد في ذا الزمن