صلاحية البيت لبناء دور ثاني ؟؟

[Ashom Qatar]

من وين استقدم خبراء لقياس صلاحية البيت اذا كان يتحمل بناء دورين اضافيين ولا لا

[النهار]

شركة التيسير

[ولد الدفنه]

فيه مقاول هندي فنان بصراحه .
بارسل لك رقمه علي الخاص

[المعضادي]

اول شيء لازم تشيك على مخطط البيت وتعرضه على مهندس ، وهو اللي راح يحدد لك بناءً على الخرايط ، وفي الغالب تقدر بحكم اني اعرف شركة منفذة كذا مشروع تكملة دور ثاني
بس هي تسوي لك العظم فقط اما التشطيب عليك ، وبالتوفيق ان شاء الله .

[سهم عتيج]

تم نقل الموضوع للقسم المختص ،، وان شاءالله راح تحصل الاجابات الشافية

يعطيك العافية

[الواافي]

شركة التيسير

لي في مطار.
خلف شركة التيسير للسيارات

[معماري قطري]

فيه إختبارات وايد تسويها المختبرات الخاصة

عن لستة المختبرات ممكن تشوف التخطيط أو موقع البلدية .. وحتى الحديد داخل الخرسانات يقدرون يصورونه بأجهزة خاصة ويقدرون صلاحيته وتحمله .. وأهم شيء عينات الخرسانة وفحص قوتها وتركيبتها وتحديد صلاحيتها لفترة طويلة.

انت مثل ما فهمت تبي دورين وهذا شيء صعب أتوقع دور ممكن وبضوابط .. بس الله يعينك المختبرات الخاصة أغلبها إن ما كان كلها يقولون غير صالح .. أضمن لهم هم المهم مسكوا الخريده والباقي ليش يحطون نفسهم مسؤولين .. المفروض من الدولة يكون مختبر يسوي هذي التحليلات ويعطي الراي الصحيح الغير ملزم للمختبر .. فيه مباني لها فوق 50 سنه مثل عمارة كليوباترا، وهذي سووا لها صيانة عظمى وتغيير شكل وتركيب مواد غير مع إن الأساسيات والخرسانات هي نفسها وشوفها لها فوق العشر سنين من أحسن ما يمكن.

وأذكر مباني قديمة ممكن تاريخ بناءها قبل 40 سنه وقرروا انها آيلة للسقوط والكلام من فترة طويلة حول 20 - 30 سنه والمباني للحين مستخدمة وتم تغييرها وعمل إضافات عليها بس بدون دور ثاني ولا طاحت .. وهذا دليل فشل تقديرات هذي المكاتب لأنهم دوم يروحون للجانب الآمن.

[ابوالحارث]

قبل ما تجيب خبراء هندسيين فيه نقاط مهمه جداً لو توضحها بنقدر نفيدك انشاء الله هي كم عمر البيت و تاريخ بنائه و هل هو بيت شعبي او بناء خاص و هل تتوفر لديك المخططات المعماريه و الانشائيه للبيت

[Ashom Qatar]

ماقصرتم يعطيكم العافية

[وبشرالصابرين]

اعتقد في شروط للبلديه علشان يعطونه الرخصه بناء دور ثاني

راجع البلديه قبل لا تخسر


.

[معماري قطري]

اعتقد في شروط للبلديه علشان يعطونه الرخصه بناء دور ثاني

راجع البلديه قبل لا تخسر


.

صحيح البلدية أو التخطيط ألحين لهم متطلبات حسب الإرتفاعات وغيرها .. بس إضافة دور على دور أرضي شيء شبه مضمون واللي يراجع الإستشاري المصمم ويفتح ملف .. انا رايي يشوف إستشاري زين حتى توجد مواد بناء خفيفة مثل خرسانات السيبوريكس اللي وزنها حول 30% من وزن الخرسانة ومن الطابوق العادي

[أسد قطري]

الدور دور ثالث وبنت هاوس رابع
هل ممكن يوافقون

[معماري قطري]

الدور دور ثالث وبنت هاوس رابع
هل ممكن يوافقون

ما قريت كلام يقول دور ثالث وبنتهاوس .. مع إن في بعض المناطق ممكن يوافقون حسب تصنيف المنطقة.. إحتمال يقصد العضو اضافة دور.

ومع تكنولوجيا البناء الخفيف دور واحد بناء تقليدي = تقريباً 3 أدوار من البناء بواسطة السيبوريكس من ناحية وزن البناء.

كل هذا يتطلب ترخيص وتخطيط صح وحمل كهربائي إضافي ممكن يعني بيكون مثل بنيان جديد.