قصتي مع وكالة الفردان للسيارات (ابي رايكم بالموضوع)

[غيم الجنوب]

السلام عليكم ورحمة الله وبركاته

للاسف الوكالات عندنا قامت تغش بشكل مستفز و اذا لاحقت وراكضت ورا حقك وحالفك الحظ يمكن تاخذ حقك ناقص او كامل اذا خذته ناقص هم مستفيدين واذا خذته كامل بعد مستفيدين. الفكره انهم يحاولون يسرقونك او ينصبون عليك اذا مليت او سكت اربحوا واذا اشتكيت وخذت حقك مب خسرانين هم على الاقل حاولوا. يعني تنصب على واحد بنص مليون ريال وبعد ماتلته بالمحاكم وتشغله عن دوامه يحكم القاضي بعد جلسات و بعد وقت طويل بانك ترجع النص مليون له اقساط او كاش. طيب انا الحين شنو خسرت برجع اعيدها مره ثانيه وبسرق واحد ثاني يمكن تضبط معاي هالمره واذا ماضبطت ارجع واحاول لان مافي شي يردعني. ليش مايتم فرض تعويض نفسي او تعويض بمبالغ كبيره مثل مانشوف بالمحاكم الاوروبيه والامريكيه وتكون رسالة واضحة للنصابين وتحتفظ المحكمه بالمبلغ مانبيه بس نبي حد لمسلسل النصب والاحتيال وعدم احترام القانون. احنا ضعنا بين الاحكام الشرعيه والوضعيه يعني لا احكام شرعية مثل مانسمع بعدالة الدولة الاسلامية ايام الخلفاء ولا احكام وضعيه عادله مثل مانسمع في اوروبا وامريكا.
قصتي مع وكالة الفردان اني تعرضت لسوء معامله واهمال وتعريض حياتي للخطر اكثر من مره. وقصتي طويله بحاول اختصرها لكم وابي رايكم فيها
بداية الموضوع طرشت السيارة لوكالة الفردان بتاريخ 25-2 عشان يبدلون لي الدفيوزر الخلفي الي تحت المكينة وكلفني حول ال30 الف ريال. وعرض علي ح. الموظف اهناك حل مؤقت لين تتوفر القطعة. اهم شي الحل المؤقت مانفنعي ضرني اكثر الهوا قام يدخل بالدفيوزر الخلفي لين خلاه يضرب بالشارع وتضرر زياده زين ان القطعه نفسها هي الي تضررت.
بتاريخ 6-3 رحت ادفع مبلغ 20 الف مقدم عشان يطلبون لي القطعه وقالي م.ج. موظف ثاني اهناك ان القطعه راح تكون موجوده ومتركبه خلال 3 ايام تواصلت معاه بعد 3 ايام وقالي الموضوع يحتاج لاسبوع قلت له مب مشكله خذ وقتك وانتظرت اسبوع واتصلت له اشوف موضوع القطعه قالي عنده مشاكل ومحتاج اسبوعين والموضوع يكون خالص هالمره قلت بنتظر اسبوعين وبروح له الوكالة و بعد اسبوعين وكم يوم رحت له الوكالة وتعذر ان في مشاكل بالشحن والجمارك ملعوزينهم وان الموضوع يحتاج اسبوعين قلت له شوفلي حل مؤقت للسيارة ابي اسوقها صارلها فتره واقفه عندي فالبيت ابيك تغطي المكينة كامل من تحت قالي هالموضوع سهل برسلك البركدون وبشوف لك حل.
ارسل البركدون بنفس اليوم بتاريخ 30-3 ورجعلي السياره بتاريخ 1-4 والمشكله هالمره كاسرلي الزجاج الخلفي (غطاء المحرك) رفضت استلم السياره ورجعتها. واتصلت فيه يقولي هالموضوع عادي ودوم الزجاج الخلفي يتكسر لهالنوع من السيارات ( العوامل الطبيعية على كلامه) وعنده 3 سيارات بالوكالة بنفس الحالة. رحت الوكالة وقلت له ابي اشوف ال 3 سيارات الي عندك قالي لا انا ماقصد ان عندي 3 سيارات متضرره بس قصدت ان احتمال يكون في سيارات متضرره بنفس الضرر. بعد هالحركه حطيت عليهم اكس ودريت انهم نصابين قلت له والحل الحين قالي ماعندك الا تطلب القطعه ونبدلها لك (طبعا القطعه تكلف حول ال50الف ريال) قلت له انتو كاسرينه وتتحملون مسؤوليته قالي لو من تجيب بيقول هذا شي طبيعي ومب من عندنا وقالي حتى لو تروح للشرطه محد بينفعك بالموضوع وقلت له طيب ارفع الموتر اشوفه من تحت و طلع مثبت الدفيوزر تثبيت زباله الله يعزكم والفتحات ياكثرها قلت له جربتها قبل لتسلمني الموتر قالي اي سقتها على سرعة 120 انت سوقها بهالحدود لين نوفر لك القطعه شفت العداد وطلع 12266 نفسه يوم سلمتهم السياره وقلت له وين جربتها والعداد ماتحرك قام يلف ويدور ويقولي لا جربتها حول الوكالة انا استغربت الشارع حول الوكالة ماتقدر تمشي فيه بهالسرعة لازم تاخذها للشارع الي صوب المركز (بوقت ثاني سألت ح. قالي مستحيل هالكلام اقل شي 4 كيلو نمشي على الشارع الي جنب الوكالة). طلعت من عنده على طول لمركز الصناعيه وقالي الضابط اذا ماعطاك حل ماعندك الا النيابه. كلمت ح. وكلمت مديرهم ش. بس ارفضوا يتحملون الخطأ .اتصلت لحماية المستهلك واجبروهم على انهم يصلحون الزجاج على حساب الوكالة.
يوم كان الموتر عندهم ماطلبت سيارة بديلة بس هالمره طلبت سياره بديله واشترطت فراري نفس موديل الي عندي لانهم هم الي مخربين السياره قالوا مستحيل سياره بديلة فراري قلت حلو عطوني تعويض تأمين على السيارة وارفضوا وطلبت تعويض مالي وانا بنفسي بأجر فراري او بروح المحاكم طبعا كل دقيقه يقولي مافيني الا اكلم المحامي اتصلت فيه اخر مره يقولي توكل على الله روح اشتكي. طبعا اعرضوا علي قبل اني اخذ السياره نفسها قلت له عطني ورقه من الوكالة اني اقدر اسوق السيارة وهي بهالحاله قالي مافيني اعطيك ورقة وما فينا نعطي هيك اوراق. قلت له طيب لو طاح الزجاج على المكينة وتضررت او صارلي شي قالي مب مشكله تعال بنبدلو لك!!
بتاريخ 30-5 رحت استلم السيارة وخدمتهم صارت زباله الله يعزكم الي اسمه م.ج نفسيته تعبانه وكل ماقوله عطني ورقه خروجية ودخولية الموتر وهالسوالف يقولي مافيني اطبعلك لدرجة انه مايبي يرويني شاللي تصلح بالسياره والفواتير يقولي مافيني ممنوع يعطيني وبيسلمني بس فاتوره الدفيوزر. وفتح معاي موضوع الزجاج الخلفي يقولي كان فينا مانصلحوا لك بس احنا مشيناها لك. قلت له سكر هالموضوع لانك صلحته مب برضاك حماية المستهلك اغصبوك وانا ادري وخلص لي موضوعي انا مستعجل. فتحت معاه موضوع العداد وانه ما جرب السياره قدام زبون اهناك اسمه ن.ز تنرفز وقام يقط كلام ويقولي انت تكذبني وانا جربتها باقل من كيلو وانا وصلت مره على الشارع الي جنب الوكالة 300 بسيارة ثانيه ومادري شيخربط اهم شي كان كل همه يصرف الرجال بهالوقت عشان مايصيده خلص للرجال وماطبع له الفاتوره او ورقه وتعذر ان الطابعه ماتشتغل نفس الكلام الي قاله لي قبل 3 شهور وقاله انا برسلك الفاتوره للبيت يبي يجيبه بالشيمه والرجال قاله ماله داعي و المشكله انه كان يطبع قبل ليدخل الزبون مادري شسالفتهم مع الاوراق مايبون يطلعون اوراق من عندهم شكلهم يزيدون شغلات او يغيرون الاسعار بالفاتوره لان بفاتورتي الاخيره طلب لي الدفيوزر والخياشيم المركبه عليه بدلي قطعتين منهم وسعرهم بروحهم قريب ال3000 ريال الفاتوره الثانيه وبعد المشكله شكله خاف مسح هالسوالف لان القطع تجي مع الدفيوزر بس كان يبي يحسبها علي زياده. وقالي لاتنسى ان عندك فراري وماتقدر تصلحها الا عندنا!
اهم شي النفسيه ماكانت لهناك ماستلمت السياره وكان في شغله لازم يعدلها بالصدام الخلفي. رجعت له السبت تاريخ 1-6 و اول مادخلت دفعت المبلغ الباقي عشان اخلص موضوعي بسرعه ما ودي اكثر معاهم اطبعولي الفاتوره وعليها تاريخ دخول السيارة 30-5 وانا مسلمهم السياره بتاريخ 30-3 واستمارتي انتهت والسياره عندهم قلت له اكتب لي التاريخ الصح قالي مافيني خلاص دخلت بالسستم وعطوني سالفه طويله وعريضه تقول محد يعرف بالكمبيوتر الا هم. قلت له خلاص بسهل عليك الموضوع اطبعلي خروجية ودخولية السياره من بوابة الشركه وخل التاريخ مثل ماهو بالفاتوره لو ماتقدر تغيره قالي مافيني اطبع السستم مابيسمح لي طبعا ادري انه يلف ويدور قلت له اسمع سو برنت سكرين واخلص وخلني امشي قالي لا مافيني اعطيك مثل هيك اوراق. استمر الموضوع 3 ساعات و ماخلص الا لين قلت له ياتخلص موضوعي يا اتصل بالشرطه بعدها عطاني الفاتوره وعليها التاريخ الصح.
بنفس اليوم طرشلي السياره للبيت وعليها علامة تحذيريه اتصلت فيه قام يقولي اضغط زر وسوقها شوي وبتروح العلامة كلمت السايق يقول لراعي البركدون ينتظر وان السياره فيها ضربه بالصدام الامامي وعلامة تحذيريه خذت اللفه ورجعت باقل من 5 دقايق طبعا الاشاره ماراحت وهو اتصل لراعي البركدون و شرد. المشكله اني وقعت على ورقة الاستلام وزين اني ضفت ان كان في علامة تحذيريه. كلمته يقوله يرجع قال مافيني عندنا زبون وبرسلك تقني للبيت يصلح لك العلامة قلت له الموتر مدعوم من قدام وقلت له بيني وبينكم المحاكم دام هذا اسلوبك.
الموتر مدعوم من قدام ويدرون بهالشي من حركاتهم والصدام الخلفي من اليمين طالع التركيب الله بالخير و والعلامة التحذيريه ماراحت. بعد 3 ايام تقريبا شفت زيت تحت الموتر الموتر يليك زيت والمشكله كله حشرات عناكب صغيره ونمل قدمت الموتر وخليته لمدة يوم و نفس الشي يليك وحشرات فالزيت. مادري ليش قربوا من المكينة!!!



الحين انا معاهم بالمحاكم الاشاره التحذيريه راحت كانت من التواير نفسها..
والزيت طلع من بين القير والمكينة والحشرات يقول الخبير الفني مستحيل تكون من داخل لان درجة حرارة الزيت عاليه وهالشي مستحيل!! اقتنعت بكلامه واهم شي كتبت له من الطلبات ان السياره ترجع مثل ماكانت وراح افحصها بعد ماتطلع ان شاء الله.
اهم شي طريقة رد الوكالة على الدعوى تنرفز وانا الحين الموضوع عندي اكبر من انهم يصلحون السياره وبس! وراح اوافيكم بالتفاصيل ان شاء الله


معاناه مع هالوكالة سمعت ان الكل يعاني مع هالوكالة شاركونا بمعاناتكم مع البي ام او الرنج او اي سيارة مع هالوكيل...


الموضوع للحوار.. اتمنى انه يتم في منتدى الحوار العام

[احب قطر]

الله يكون في عونك على هالوكالة بالذات ... لانهم يحاولون يستغفلون الناس باي طريقة ... انا صار لي نفس الموقف معاهم .. شريت من عندهم سيارة وبعدها بكم يوم قالوا ان السيارات عليها ٧ سنوات خدمة مجانية .. ولم كلمت الوكالة قالوا احنا مالنا خص ومايصير وروح كلم المصنع ... وماكثرت خبر ... اول شي شكوى في حماية المستهلك انهم حاولوا يضللوني في بيعة السيارة لانهم ماقالوا لي ان هالعرض بينزل (مع انهم عندهم خبر) وغش ووو...وبعثت ايميل للشركة في ايطاليا وللمكتب الاقليمي في دبي ...كتبت لهم انكم تغشون الناس وان وكيلكم يتعامل مع الناس بطريقة غير محترمة وووو...

في النهاية عطوني ٧ سنوات خدمة مجانية...

[@north_star@]

الله يعينك الصراحة ونصيحة راسل الشركة الام واشتكي عليهم

[الدوحي7]

تعاملت معا هالشركه حراميه حراميه وينتظرون بس عطل سيارتك علشان يسحبون منك فلوس،،والله يحاسبني على كلامي،،

[shadad]

اولا : حماية المستهلك
ثانيا : مكتبهم الاقليمي وثالثا المكتب الرأيسي . راسل الجميع .

اعتقد قصتك مرت علي لانه انذكرت من فترة بقطر سبيد وكنت ابي اعرف الابديت مالها. الله يوفقك يا اخوي ولا تسكت عن حقك .

[غيم الجنوب]

الله يكون في عونك على هالوكالة بالذات ... لانهم يحاولون يستغفلون الناس باي طريقة ... انا صار لي نفس الموقف معاهم .. شريت من عندهم سيارة وبعدها بكم يوم قالوا ان السيارات عليها 7 سنوات خدمة مجانية .. ولم كلمت الوكالة قالوا احنا مالنا خص ومايصير وروح كلم المصنع ... وماكثرت خبر ... اول شي شكوى في حماية المستهلك انهم حاولوا يضللوني في بيعة السيارة لانهم ماقالوا لي ان هالعرض بينزل (مع انهم عندهم خبر) وغش ووو...وبعثت ايميل للشركة في ايطاليا وللمكتب الاقليمي في دبي ...كتبت لهم انكم تغشون الناس وان وكيلكم يتعامل مع الناس بطريقة غير محترمة وووو...

في النهاية عطوني 7 سنوات خدمة مجانية...

زين سويت فيهم

نبي الشباب الي عندهم رنج يشاركونا يقولون الدرايش وفتحة السقف تنفتح لحالها!! والموتر عليه ضمان وسيرفس ويقولون لك مانعرف نصلحه

[غيم الجنوب]

الله يعينك الصراحة ونصيحة راسل الشركة الام واشتكي عليهم

الله يعيين الجميع

[غيم الجنوب]

تعاملت معا هالشركه حراميه حراميه وينتظرون بس عطل سيارتك علشان يسحبون منك فلوس،،والله يحاسبني على كلامي،،

بالضبط هذا الي قاعد يصير "ياخيي شو بدنا نعمل"
المشكله يعتبر نفسه ذكي وهو يسحب منك فلوس ونت ماتفهم

[الدوحي7]

بالضبط هذا الي قاعد يصير "ياخيي شو بدنا نعمل"
المشكله يعتبر نفسه ذكي وهو يسحب منك فلوس ونت ماتفهم

والله صدقت،، ولا بعد اغلبيه السيارات بكمبيوتر يبند اشياء علشان يقول لك خربانه ،، ويقول حق الفلبيني النص بنص،،وانت تقول صلحوها واخرتها كلها برمجه لاغير،،

[غيم الجنوب]

اولا : حماية المستهلك
ثانيا : مكتبهم الاقليمي وثالثا المكتب الرأيسي . راسل الجميع .

اعتقد قصتك مرت علي لانه انذكرت من فترة بقطر سبيد وكنت ابي اعرف الابديت مالها. الله يوفقك يا اخوي ولا تسكت عن حقك .

صحيح نزلت الموضوع من فترة على قطرسبيد بس كلمني المحامي امسح الموضوع واليوم وانا اكتب الرد لجلسة الاسبوع الجاي ارتفع ضغطي وقلت بنزل الموضوع..

وقت الاجتماع مع الخبير طلع لي واحد من الوكالة يقولي مشكلتك بس مع الليك والضربه الي قدام والصدام الخلفي!! واذا صلحناه؟
قلت له موضوعي طويل معاكم
بعد مادخلوني المحاكم ومراكز الشرطه وقاطين الموتر شهور يبين ارضى

ولاتوصي حريص انا افكر ارسل فيديو لتوب قير :nice:

[غيم الجنوب]

والله صدقت،، ولا بعد اغلبيه السيارات بكمبيوتر يبند اشياء علشان يقول لك خربانه ،، ويقول حق الفلبيني النص بنص،،وانت تقول صلحوها واخرتها كلها برمجه لاغير،،

لو اقولك التفاصيل بتنجلط،،

[بحر شرق]

غيرت رًاًًي كنت افكر أخذ متر من عندهم

[Khaled Qatar]

أنا معاهم من 5 سنين ومعاملتهم فل

طبعا اقصد الرنج روفر وال bmw

يعني انت يمكن كانت تجربتك سيئه للأسف بس مانظلم الشركه ونعمم ، عالعموم الله يعينك

[tawareq]

الحمدلله كنت ناوي اخذلي رنج 2013 الجديد

وهونت كثر ما انصحوني الشباب ابتعد عن هالوكالة

سمعتهم مثل ؟

[وجه السعد 2]

أنا معاهم من 5 سنين ومعاملتهم فل

طبعا اقصد الرنج روفر وال bmw

يعني انت يمكن كانت تجربتك سيئه للأسف بس مانظلم الشركه ونعمم ، عالعموم الله يعينك

انتظر رأيك بعد ما يخلص الضمان :nice:

[وجه السعد 2]

قطعة بلاستيك تحت الليت انكسرت عندي .. قالوا لي القطعة ما تنباع بروحها ولازم تشتري الليت كامل وسعره 14 الف ريال !!!!!!!!!

[غيم الجنوب]

غيرت رًاًًي كنت افكر أخذ متر من عندهم

زين سويت

[غيم الجنوب]

الحمدلله كنت ناوي اخذلي رنج 2013 الجديد

وهونت كثر ما انصحوني الشباب ابتعد عن هالوكالة

سمعتهم مثل ؟

اخوي اكتب لنا نصايح ربعك، ،فاتح الموضوع عشان هالشي

[اجرام]

هذا الموظف نفسه يلف ويدور ويسرق الشركه والزباين المفروض الشركه نفسها تشتكي وترفع قضيه على الموظف

[غيم الجنوب]

انتظر رأيك بعد ما يخلص الضمان :nice:

بالضبط هذا الي قاعد يصير والحين حتى الضمان ما قام ينفع الرنج الجديد ضمان وسيرفس وفوق هذا يقولون لك مانعرف نصلحه لك!!

[بن غيث]

يا شيخ ..
كل شركات السيارات .. ﻻزم تعرف مدير عندهم وﻻ تضيع ..
وقبل ﻻ ينتهي الضمان .. تكون مصرف الموتر .. هذه قاعدة معروفة عندهم

نفس الشئ مع شركات التامين ..

الله يعينك .. وحاول تكون عﻻقات افضل .. من الشكوى ووجع القلب

[غيم الجنوب]

قطعة بلاستيك تحت الليت انكسرت عندي .. قالوا لي القطعة ما تنباع بروحها ولازم تشتري الليت كامل وسعره 14 الف ريال !!!!!!!!!

المشكله مب اهني المشكله انهم لو يبون شي يخترب ثاني يوم بيخترب!!!
وهذا طبعا كله ذكاء ذكاء!!!!

[وطن]

الله يعينك

راسل فيراري نفسهم

لان محد بيفيدك غيرهم
اكتب لهم كل اللي صار معاك
وان الخدمة سيئة جدا

بكل التفاصيل اللي عندك

[Khaled Qatar]

انتظر رأيك بعد ما يخلص الضمان :nice:

مخلص الضمان طال عمرك وبعد ليلحين خدمتهم جيده

دامك شاري رنج لازم تحط في بالك ان قطع الغيار غالي لما يخلص الضمان

مب تويوتا او نيسان

[ناصر الصلاحي]

السلام عليكم

انا عندي رنج روفر من 2008 و الحين عندي 2011 و الصراحه ما حسيت ان في لعب او لف و دوران
ممكن يكون في شركة الفيراري بس الرنج الصراحه يعني معاملتهم ممتازه

[وطن]

مخلص الضمان طال عمرك وبعد ليلحين خدمتهم جيده

دامك شاري رنج لازم تحط في بالك ان قطع الغيار غالي لما يخلص الضمان

مب تويوتا او نيسان

عن تجربة مع الرنج
خدمتهم مب ذاك الزود

:secret:

[غيم الجنوب]

هذا الموظف نفسه يلف ويدور ويسرق الشركه والزباين المفروض الشركه نفسها تشتكي وترفع قضيه على الموظف

اخوي اتوقع انك تقصد م.ج الي يقولي وصلت ب599 360 هالكلام قدام زبون اسمه ن.ز!! وداخل الصناعيه باقل من كيلومتر!! المشكله هالموتر بالحلبات ماجاب هالسرعة ! غير انه ماله حق يسوق موتر زبون بهالسرعه وغير انه ماعندك شارع فالصناعيه يسمح بهالسرعه!!
هالموظف نفسه قبل 6 شهور دفعت له 20،000 عشان يطلب لي قطعه ويوم طلبت منه الفاتوره يقولي الطابعه ماتشتغل هلأ بعد الدوام والمشكله اول ماقال ماتشتغل سمعت الطابعه تبدل "الصوت المشهور" والمشكله قبل 10 دقايق بس من هالكلام كان طابعلي الاستميت!! "الساعه 7:16 دقيقه بعد الدوام" اهم شي خليته يكتب الي دفعته له على الاستميت ويوقع ويختم!

[Ashom Qatar]

نبهتنا والله لان ماقد تعاملت معاهم من قبل
كنت ناوي عالر سبورت من عندهم خصوصا لما قريت مميزاتهم العجيبة !!
نصابين بصراحة

[غيم الجنوب]

يا شيخ ..
كل شركات السيارات .. ﻻزم تعرف مدير عندهم وﻻ تضيع ..
وقبل ﻻ ينتهي الضمان .. تكون مصرف الموتر .. هذه قاعدة معروفة عندهم

نفس الشئ مع شركات التامين ..

الله يعينك .. وحاول تكون عﻻقات افضل .. من الشكوى ووجع القلب

الشيخ ابوك يالغالي،، وانا ماعندي وقت اكون علاقات وصداقات معاهم وراي دوام والتزامات،،

[غيم الجنوب]

عن تجربة مع الرنج
خدمتهم مب ذاك الزود

:secret:

الله يعينج

[غيم الجنوب]

مخلص الضمان طال عمرك وبعد ليلحين خدمتهم جيده

دامك شاري رنج لازم تحط في بالك ان قطع الغيار غالي لما يخلص الضمان

مب تويوتا او نيسان

اخوي كان عندي رنج ومقدور عليه قطعه اهني وقطعه اهناك ويربحون من وراك!!
بس اني اسلمه فراري ويرده بعد يومين الزجاج الخلفي مكسور ويقول عوامل الطبيعة! وسعر القطعه فوق ال50،000 غير التركيب وغير انك تنتظر شهرين لين توصل القطعه!

[غيم الجنوب]

نبهتنا والله لان ماقد تعاملت معاهم من قبل
كنت ناوي عالر سبورت من عندهم خصوصا لما قريت مميزاتهم العجيبة !!
نصابين بصراحة

تفضل اخوي شوف ردود الاعضاء بمواضيع ثانيه


وعن تجربة شخصية

الموتر جميل جدا وطبعا راقي لابعد الحدود

لكن المصيبة في الوكالة

خدمة تعيسة جدا جدا جدا

وغير هذا سعره جدا جدا غالي

وكان عندي عطل استمر من اول ماخذته لين بعته

باب العبري ما يفتح الا من برى

والسقف مع المطب يفتح لحاله عاد شوف كم مطب عندنا في قطر

المهم من وجهة نظري اللكزس سعره فيه


الشيخ الموتر اول اسبوع طلع فيه صوت خفيف لما تلف يمين او يسار
وثاني اسبوع طلع فيه نتعه

المشكلة مب ذي ، المشكلة لما وديته الوكالة خلوه عندهم قريب سبوع او عشر ايام وبعدين قالوا لي ماعرفنا العله ، عله تعل قلوبكم اي والله ، لما انتم مب قد الوكالة ليش تاخذونها حسبي الله عليكم من اوادم

المهم خذته 530 وبعته 500 ماشي 2500 كيلو


اخوي يشهد الله علي ماكتبت اللي كتبته الا اخلاص النصيحة ولوجه الله عشان محد يتورط خصوصا من الشباب الصغار اللي بيطخون سلفية عشان السيارة ، وعلى بالهم الموتر مثل الكروزر يقدر يطامر فيه ويركب ارصفه ، الموتر لو الشركة محترمة اقولك اشتره وانت مغمض ، حتى لو طلع فيه عيب او خراب تقدر تصلحه سواء على حسابك او على الوكالة ، بس المشكلة الوكالة ماتنفع كلش ، قلت لهم مثل ماتفضلت ، قلت ابغي موتر مثله بديل لين تخلصون تصليح السيارة وخلها عندكم لو سنة ، قالوا لي " خيي مافي هيك سيارة هلا عنا في الوكاليه ، ممكن نعطيك بعد شي سبوع جاغوار موديل 2011 لما يرجعها ياللي ماخدا " قلت له بتعطيني جاكوار صالون وانا سيارتي فوج فورويل ! خذت سيارتي وديتها لاقرب معرض .

وعلى فكرة مب بس انا ، واحد اعرفه ايضا جاله الموتر هديه من شخصية كبيرة بعد يقول مريت بنفس التجربة تماما وباعه .

بس ترا هالكلام على موديلات 2013 للامانه اما موديل 2014 ما ادري عنه ولا جربته ولو اني سمعت من الشباب يقولون نفس الشي لان الخلل في الشركة

[V.I.P_QATAR]

سبحان الله انا الحمدالله ماتعاملت معهم اهنا بس كنت في امريكا وكان عندي رنج وكانت معاملتهم احلى معامل لدرجه ان الزجاج الامامي انشلخ عندي وكلمت الشركه بالتلفون وشبكوني مع شركه تاميني بمكالمه جماعيه وبعدها حددو موعد يناسبني علشان يجوني البيت ويركبون الزجاج الامامي عندي في البيت اهناك ادري انه فرق بس احنا في عالم واحد انا استغرب بان شركة التامين اهناك تعطيني كل سنه زجاج امامي ببلاش يتركب من الشركه علشانهم يعتقدون بان الاجواء عندهم تتطلب بتبديل الزجاج الامامي سنويا من العجايب ان هم يهتمون اكثر شي بخدمت مابعد البيع اهم شيء عندهم السمعه قبل البيع

[Khaled Qatar]

اخوي كان عندي رنج ومقدور عليه قطعه اهني وقطعه اهناك ويربحون من وراك!!
بس اني اسلمه فراري ويرده بعد يومين الزجاج الخلفي مكسور ويقول عوامل الطبيعة! وسعر القطعه فوق ال50،000 غير التركيب وغير انك تنتظر شهرين لين توصل القطعه!

موترك مش فل بيما؟

[hasss1969]

الله يعينك عليهم ...لما كانت عندي اكس 5 طلعوا عيني..عملهم بلا ذمة او ضمير...تخيل صوفتين ربل تحت الجير قيمتهم الفعلية حوالي 200 ريال تغيرهم يكلف 27000 ريال غير شغل اليد...والمشكلة هالسعر بعد تدخل واسطة من طرفنا...:)

[غيم الجنوب]

سبحان الله انا الحمدالله ماتعاملت معهم اهنا بس كنت في امريكا وكان عندي رنج وكانت معاملتهم احلى معامل لدرجه ان الزجاج الامامي انشلخ عندي وكلمت الشركه بالتلفون وشبكوني مع شركه تاميني بمكالمه جماعيه وبعدها حددو موعد يناسبني علشان يجوني البيت ويركبون الزجاج الامامي عندي في البيت اهناك ادري انه فرق بس احنا في عالم واحد انا استغرب بان شركة التامين اهناك تعطيني كل سنه زجاج امامي ببلاش يتركب من الشركه علشانهم يعتقدون بان الاجواء عندهم تتطلب بتبديل الزجاج الامامي سنويا من العجايب ان هم يهتمون اكثر شي بخدمت مابعد البيع اهم شيء عندهم السمعه قبل البيع

اخوي اذا بتفكر تاخذ الرنج عشان هالمعامله انسى الموضوع
بالنسبة للزجاج الخلفي الموتر سلمته ماشي 12266 ورد لي ماشي 12266 مبين ان الزجاج طاح عليه شي ثقيل وانكسر..

[غيم الجنوب]

الله يعينك عليهم ...لما كانت عندي اكس 5 طلعوا عيني..عملهم بلا ذمة او ضمير...تخيل صوفتين ربل تحت الجير قيمتهم الفعلية حوالي 200 ريال تغيرهم يكلف 27000 ريال غير شغل اليد...والمشكلة هالسعر بعد تدخل واسطة من طرفنا...:)

شوف الفرق اخوي
لبناني عنده فراري صارله سنه واقف فالبيت ويوم جاء يبي يشغله ماشتغل
خذوه له للوكالة وشغلوا الموتر وضبطوا البطاريه وتعرف كم الفاتوره!
250 ريال اي والله بس 250 ريال وفاتورته عندي!!


قطري سافر شهر وموقف موتره البي ام فالبيت يوم رد ماشتغل
خذوه الوكالة وقالوا البطاريه مب خربانه بس مكينة البطارية و سيمبنتسيمنبتسيب سيب
ماذكر كم طلع عليه الحساب بس اذكر ان المبلغ كان كبير!!

[الشامخ]

الله يكون في عونك ،، بعد موضوعك حتى اللي يفكر يشتري سيارة من عندهم هون

[احب قطر]

أخوي إذا الموضوع في المحكمة أنصحك انك تشيل الموضوع كامل لغاية ما تنتهي القضية ، هذا افضل لك ،

[hasss1969]

كرهونا في الالماني ...

[سهم عتيج]

كرهونا في الالماني ...

ههههه
أحسن خدمة ما بعد البيع وما عليها كلام السوزوكي :)

للأسف معظم الوكالات تفتقر لخدمة مابعد البيع وكأنهم سيوقفون بيع السيارات بعد نفاد الكمية الموجودة عندهم

الألماني سيارة ما عليها كلام وتعتبر من افضل السيارات من ناحية الفخامة والقوة ،، ولكن تحتاج الى وكيل يستطيع ان يحافظ على فخامتها وهيبتها بعد البيع من خلال تقديم سيرفس يتناسب مع فخامة السيارة

[غيم الجنوب]

الله يكون في عونك ،، بعد موضوعك حتى اللي يفكر يشتري سيارة من عندهم هون

اذا كل واحد اشتكى بتطلع عليهم اغلى،، انصح الجميع يذكرون لنا مشاكلهم مع هالوكالة ويتجهون للمحاكم

[غيم الجنوب]

أخوي إذا الموضوع في المحكمة أنصحك انك تشيل الموضوع كامل لغاية ما تنتهي القضية ، هذا افضل لك ،

نفس كلام المحامي
بس ليش؟ موضوعي اذكر فيه خدمة مابعد البيع لشركة واكثر المواضيع تتكلم عن خدمة عبدالغني بعد البيع
والموضوع فيه توعيه للمستهلك لان الموضوع بالمحاكم بيطول

[غيم الجنوب]

كرهونا في الالماني ...

اي والله البي ام اسوء علامة تجارية في قطر المفروض ماتاخذينه بدون الضمان

[غيم الجنوب]

ههههه
أحسن خدمة ما بعد البيع وما عليها كلام السوزوكي :)

للأسف معظم الوكالات تفتقر لخدمة مابعد البيع وكأنهم سيوقفون بيع السيارات بعد نفاد الكمية الموجودة عندهم

الألماني سيارة ما عليها كلام وتعتبر من افضل السيارات من ناحية الفخامة والقوة ،، ولكن تحتاج الى وكيل يستطيع ان يحافظ على فخامتها وهيبتها بعد البيع من خلال تقديم سيرفس يتناسب مع فخامة السيارة

و في وكالات تفتقر لخدمه مابعد البيع وتنصب عليك

[Rosso]

متابع
الله يوفقك ويرجع حقك :victory:

[الدولي]

مرحبا اخوي
غيم الجنوب
احسن شي تقدم شكوى عليهم ، المصنع في ايطاليا وتبرز لهم بقدر المستطعاع الفواتير واذا عندك صور طرشه لهم ولاتعتمد على المحاكم

[عزووز قطر]

صدقوا لين قالوا من شاف مصيبة غيره هانت عليه مصيبته

كنت اتوقع ان وكالة التويوتا اسوأ وكالة في قطر

بس عقب موضوعك ماأقول الا الله يعينك ...


وياليت ماتسكت عن هالموظفين اللي حاولوا ينصبون عليك وتعلمهم ان احنا مهب مغفلين وتبعث ايميل للإدارة في قطر والشركة الأم وتشرح المشكلة بالتفصيل + تكمل اجراءاتك في حماية المستهلك والنيابة

حتى لو ماخذت حقك يكفي انك تسحبهم للمحاكم علشان يعرفون اذا كم زبون سكت غيره مهب ساكت

والله يعينك ويعوضك خير

[الدوحي7]

السلام عليكم

انا عندي رنج روفر من 2008 و الحين عندي 2011 و الصراحه ما حسيت ان في لعب او لف و دوران
ممكن يكون في شركة الفيراري بس الرنج الصراحه يعني معاملتهم ممتازه

سلامتك،، اكيد عندك فلوس وانت دفيع،،انا عندي رنج والحين سنه ماحركته من مكانه ،،والسبب شله نصابه ،،عيل قير يخترب يقول لي ب50 الف ،، وصلحته في الامارات ب 6 الاف ريال،،عسى ماشر،،

[الدوحي7]

لو اقولك التفاصيل بتنجلط،،

مايحتاج اتقول ،، انا اعرفهم عدل،،

[v_h3]

أخوي أنا صاف المزراتي القوانتريزمو المطفية إذا شفتها وجاتها ضربة من تحت والحمد لله الشاصي مافيه شئ والبدي سليم قالي تصليحة ٢٥٠ ألف المهم قلتلة بوديه الامارات قالي سعري الي عطيتك إياه مب محصلة هناك والقطع يقولي تاخذ شهرين ونص ،، تنصحني اصلحة برا

[l0o0rd-qtr]

كل الوكالات همها الربح سواء من اول مايشتري الزبون السياره

وعقبها يشفطون فلوسه في فتره الضمان

وبعد الض

[hasss1969]

ههههه
أحسن خدمة ما بعد البيع وما عليها كلام السوزوكي :)

للأسف معظم الوكالات تفتقر لخدمة مابعد البيع وكأنهم سيوقفون بيع السيارات بعد نفاد الكمية الموجودة عندهم

الألماني سيارة ما عليها كلام وتعتبر من افضل السيارات من ناحية الفخامة والقوة ،، ولكن تحتاج الى وكيل يستطيع ان يحافظ على فخامتها وهيبتها بعد البيع من خلال تقديم سيرفس يتناسب مع فخامة السيارة

الله على السوزوكي،،،خاطري اشتري رخص ومتانة وخدمة ممتازة لكن المشكلة حتى عامل المحطة ماراح يحترمك ،،،لاننا في زمن المظاهر مثل مانت عارف،،

[alnoida]

أخوي أنا صاف المزراتي القوانتريزمو المطفية إذا شفتها وجاتها ضربة من تحت والحمد لله الشاصي مافيه شئ والبدي سليم قالي تصليحة 250 ألف المهم قلتلة بوديه الامارات قالي سعري الي عطيتك إياه مب محصلة هناك والقطع يقولي تاخذ شهرين ونص ،، تنصحني اصلحة برا


250 ألف ؟؟؟ ما شاء الله ....... ودها بلادها ياخوي أبرك لك

[عازف]

أنا لو أفكر في ألماني في البورش كيان أو مرسيدس صراحة حتى ولو بدون ضمان مقدور على صيانته وقيمته في سوى بضمان أو بدونه أما تقولي شركة ألفردان أعوذ بالله طبعاً من باب التجربة x6 اكسرو ظهري لم قالو بس ما يحتاج أعطيكم التفصيل وانصح اللي عنده كأش أوب يشتري أقساط ببورش أو مرسيدس وطبعاً الياباني ماله غنه عنه خله عالجمب ولك ألف شكر على تنبيه عليان الناس تأخذ عبرة

[عازف]

ونصيحتي لك استمر برفع القضية والله يأخذ حقق وراسل المصنع الأم ولا تتنازل وأعطهم التفصيل الممل ضغط من صوبين وبتاخذ حقق والله يعينك شوي من طول القضية استحمل وإذا بغيت محامي شاطر راسلني عالخاص ولك ألف تحية

[Bin Hood]

أخوي اكتب على السيارة

Worst car ever
Don't buy this #car

ومن هال كلام على السيارة وصورة للوكالة
وبعدين شوف الشركة الأم شنت راح تسوي

[FULL]

الله يعينك اخوي ويوفقك ،زين اني لحقت وقريت موضوعك وردود الاعضاء خلتني اغسل يدي من هالشركة والله

جربت تكلم مسؤول في الشركة ؟ مدير السيرفس الفردان للسيارات الرياضية "شارلي داغر" او حتى المدير العام للفردان موتورز سبورت وهو نفسه مدير ماركة الفراري "محمد قنديل" ؟

حد من الاعضاء جرب سيرفس الوجبه موتورز يعطينا رايه فيها ونوع الموتر

اخوي شيك الخاص

[كتكوت الوحش]

والله ياخوي أغلبيته واكبر الشركات صارت تتعامل بهالطريقه والله يكون بعونك

[مضارب دوسري]

نظامهم واضح
ما يخدم بخيل :)

[برشلوني قطر]

الله يعينك اخوي

انا كنت اشوف وكالة الفردان من افضل الوكالات ف السيرفس والخدمات

لاكن للاسف انصدمت فيهم صدمه وزين كتبت الموضوع افكر اخذ موتر

من عندهم لاكن شفت شكوى فالمنتدى ع الفوج ومايعرفون يصلحونه.

اخوي خذ بي ام مرجعه ونظيف الموتر وقاله فقط ضربه بسيطه فالباب وتبدل

وطبعا مافحص الموتر بناء ع كلامهم وبعد فتره عرض الموتر للبيع ويوم

افحصه الي يبيه طلع مصبوغ جنب كامل.

قلت اشتك عليهم قالي المشكله ماعندي ورقه تثبت وباع الموتر بخساره.

الله المستعان.

المشكله قولي اي وكاله تروح ؟؟ اشوف تقريبا كل الوكالات فيهم مشاكل

لازم يوقفونهم عند حدهم

[غيم الجنوب]

متابع
الله يوفقك ويرجع حقك :victory:

ويوفق الجميع

[غيم الجنوب]

مرحبا اخوي
غيم الجنوب
احسن شي تقدم شكوى عليهم ، المصنع في ايطاليا وتبرز لهم بقدر المستطعاع الفواتير واذا عندك صور طرشه لهم ولاتعتمد على المحاكم

راح اتابع بكل مكان

[غيم الجنوب]

صدقوا لين قالوا من شاف مصيبة غيره هانت عليه مصيبته

كنت اتوقع ان وكالة التويوتا اسوأ وكالة في قطر

بس عقب موضوعك ماأقول الا الله يعينك ...


وياليت ماتسكت عن هالموظفين اللي حاولوا ينصبون عليك وتعلمهم ان احنا مهب مغفلين وتبعث ايميل للإدارة في قطر والشركة الأم وتشرح المشكلة بالتفصيل + تكمل اجراءاتك في حماية المستهلك والنيابة

حتى لو ماخذت حقك يكفي انك تسحبهم للمحاكم علشان يعرفون اذا كم زبون سكت غيره مهب ساكت

والله يعينك ويعوضك خير


اخوي انت متوقع ان هالموظف المسكين هو الي قاعد يدير الشركة بكبرها لا اخوي هذا نمط عمل عندهم والكل يمشي عليه..
تقدر تتعرف على اي حد فيهم حتى لو بشركة ثانيه وتتاكد

[غيم الجنوب]

سلامتك،، اكيد عندك فلوس وانت دفيع،،انا عندي رنج والحين سنه ماحركته من مكانه ،،والسبب شله نصابه ،،عيل قير يخترب يقول لي ب50 الف ،، وصلحته في الامارات ب 6 الاف ريال،،عسى ماشر،،

اخوي المشكله مب اهني الحين انت عندك رنج وسعر القير 50 الف اشوفه سعر مناسب
بس المشكله تلاقي القير مب خربان وكم مشكله صغيره فيه والدليل انت مصلحه ب6 الاف بالامارات..
المشكله ماتضمنهم ومثل ماشفت بنفسك

[غيم الجنوب]

أخوي أنا صاف المزراتي القوانتريزمو المطفية إذا شفتها وجاتها ضربة من تحت والحمد لله الشاصي مافيه شئ والبدي سليم قالي تصليحة ٢٥٠ ألف المهم قلتلة بوديه الامارات قالي سعري الي عطيتك إياه مب محصلة هناك والقطع يقولي تاخذ شهرين ونص ،، تنصحني اصلحة برا
الابيض المطفي!
ماله حل الله يعطيك خيره ويكفيك شره,, ماعندي اي خبره بالموضوع بس لو تقدر تصلح الموتر اي كلام وتبيعه وتحط ال250 الف فوقهم تاخذلك جديد!! شوف الانسب لك اخوي

[غيم الجنوب]

كل الوكالات همها الربح سواء من اول مايشتري الزبون السياره

وعقبها يشفطون فلوسه في فتره الضمان

وبعد الض

يشفط بالتصليح وقت الصيانه يعبيلك الفاتوره 3 صفحات بس انه يخرب موترك ويقولك صلحه!!

[غيم الجنوب]

أنا لو أفكر في ألماني في البورش كيان أو مرسيدس صراحة حتى ولو بدون ضمان مقدور على صيانته وقيمته في سوى بضمان أو بدونه أما تقولي شركة ألفردان أعوذ بالله طبعاً من باب التجربة x6 اكسرو ظهري لم قالو بس ما يحتاج أعطيكم التفصيل وانصح اللي عنده كأش أوب يشتري أقساط ببورش أو مرسيدس وطبعاً الياباني ماله غنه عنه خله عالجمب ولك ألف شكر على تنبيه عليان الناس تأخذ عبرة

المرسيدس,, الكل يشهد لهم

[غيم الجنوب]

ونصيحتي لك استمر برفع القضية والله يأخذ حقق وراسل المصنع الأم ولا تتنازل وأعطهم التفصيل الممل ضغط من صوبين وبتاخذ حقق والله يعينك شوي من طول القضية استحمل وإذا بغيت محامي شاطر راسلني عالخاص ولك ألف تحية

تسلم اخوي ماتقصر بس مرتب وضعي

[غيم الجنوب]

أخوي اكتب على السيارة

Worst car ever
Don't buy this #car

ومن هال كلام على السيارة وصورة للوكالة
وبعدين شوف الشركة الأم شنت راح تسوي

هههههههههه,,

[غيم الجنوب]

الله يعينك اخوي ويوفقك ،زين اني لحقت وقريت موضوعك وردود الاعضاء خلتني اغسل يدي من هالشركة والله

جربت تكلم مسؤول في الشركة ؟ مدير السيرفس الفردان للسيارات الرياضية "شارلي داغر" او حتى المدير العام للفردان موتورز سبورت وهو نفسه مدير ماركة الفراري "محمد قنديل" ؟

حد من الاعضاء جرب سيرفس الوجبه موتورز يعطينا رايه فيها ونوع الموتر

اخوي شيك الخاص

كلهم نفس الشي اخوي لاتتوقع ان موظف الاستقبال هو الي يمشي الشركة..

وشفت الايميل مشكور ماقصرت
حاولت اتواصل مع محمد قنديل اكثر من مره قبل لروح المحاكم بس ماعطوني رقمه وكل مره يطلع مسافر وانا غسلت يدي مابي اتعامل مع اي واحد فيهم

[غيم الجنوب]

والله ياخوي أغلبيته واكبر الشركات صارت تتعامل بهالطريقه والله يكون بعونك

ماننكر هالشي اخوي كل الشركات وحتى الكراجات يحاولون ينصبون عليك بس مب يخرب موترك ويوقفه بالشهور ويقولك صلحه

[غيم الجنوب]

نظامهم واضح
ما يخدم بخيل :)

ماكنت ابي ارد بس خلني اوضحلك
قبل لا اشتري الموتر قالوا لي افحصه بسلوى عند مادري منو شاطر وبيطلع لك كل عيب فيه
رفضت وقلت بفحصه بالشركة نفسها فحص كامل ودفعت دبل الدبل..
يوم شريت الموتر كانت التشييكه الاخيره ماصارلها الا 3000 كيلو والموتر ماشي 10 الاف
كلمتهم ياخذونه وقلت لهم ابي صيانه كامله وبدلوا اي شي لازم يتبدل ودفعت 10 الاف
ويوم طاح الدفيوزر الخلفي "قطعه صغيره" كلمني واحد من الشباب يعرف محل على سلوى يفصله لي تفصيل حق موتري ب3 الاف والكل يفصل عنده قلت له تسلم وخذته الفردان وبدلته ب30الف
مابخلت على موتري بالعكس دفعت وماقلت لا بس انه يخرب موتري هو بنفسه ويخليه واقف على كل قطعه شهرين!!
بعدين اذا انت زعلان عليهم تقدر تروح لهم الصناعيه شارع رقم واحد وتوزع عليهم نثريات

[غيم الجنوب]

الله يعينك اخوي

انا كنت اشوف وكالة الفردان من افضل الوكالات ف السيرفس والخدمات

لاكن للاسف انصدمت فيهم صدمه وزين كتبت الموضوع افكر اخذ موتر

من عندهم لاكن شفت شكوى فالمنتدى ع الفوج ومايعرفون يصلحونه.

اخوي خذ بي ام مرجعه ونظيف الموتر وقاله فقط ضربه بسيطه فالباب وتبدل

وطبعا مافحص الموتر بناء ع كلامهم وبعد فتره عرض الموتر للبيع ويوم

افحصه الي يبيه طلع مصبوغ جنب كامل.

قلت اشتك عليهم قالي المشكله ماعندي ورقه تثبت وباع الموتر بخساره.

الله المستعان.

المشكله قولي اي وكاله تروح ؟؟ اشوف تقريبا كل الوكالات فيهم مشاكل

لازم يوقفونهم عند حدهم

عادي تلاقيه متفق مع راعي الموتر..
انصحك اذا بتاخذ الرنج خذه وارد الامارات واذا تبي تفحصه افحصه عندهم

[سارا البدر]

انا سيارتي بي ام وما كملت سنه ولحد الحين ما شفت عليهم اي حركات

بنفسهم عقب 6شهور كلموني وجووا خذوا السياره من البيت يشيكون عليها خذوها الصبح وردوها لي العصر

الله يعينك اخوي

[الدوحي7]

اخوي المشكله مب اهني الحين انت عندك رنج وسعر القير 50 الف اشوفه سعر مناسب
بس المشكله تلاقي القير مب خربان وكم مشكله صغيره فيه والدليل انت مصلحه ب6 الاف بالامارات..
المشكله ماتضمنهم ومثل ماشفت بنفسك

نعم مثل ماقلت ،،،واغلبيه الشركات اتوقع تعمل هالشكل ،، وخصوصا السيارات الغاليه،،

[الجوكر90]

السلام عليكم
انا تعاملت مع المرسدس والبي ام
الشركتين نفس الشي والاه انهم يطلعون لك روحك
نفس ماقال اخونا مايخدمون بخيل
يعني الي يقصده بتقعد تحاسبهم ع كل شي راح يلعوزونك
هم يبون واحد يقولون له الضرر هاي والتصليح ب50 والزبون يدفع وﻻ يتكلم وﻻ يهتم
هم مايبون ناس نفسنا يحاسبونهم او يطلبون الفاتوره

نفس ماقلت ﻻتغركم شركه المرسدس ﻻن حتى مره دخلنا اس350 ويوم جينا نستلمه التاير مقصوص وقاعد يصرف هوا ع طول من خذته ورجعت لهم قالوا مالنا شغل
لين ماشتكيت عليهم عن محمد شريف اتوقع اسمه جي ودخلي الموتر وعدل فيه
وعانينا وايد معاهم

[v_h3]

الابيض المطفي!
ماله حل الله يعطيك خيره ويكفيك شره,, ماعندي اي خبره بالموضوع بس لو تقدر تصلح الموتر اي كلام وتبيعه وتحط ال250 الف فوقهم تاخذلك جديد!! شوف الانسب لك اخوي

لا اخوي الي عندي الكحلية الام سي سترادال الموتر ماشي بس 2900 مالي خاطر ابيعة وأبي اصلحة بس مب متفرغلة لدراستي بالخارج

[محمد عبدالرحمن]

السلام عليكم ورحمة الله وبركاته

للاسف الوكالات عندنا قامت تغش بشكل مستفز و اذا لاحقت وراكضت ورا حقك وحالفك الحظ يمكن تاخذ حقك ناقص او كامل اذا خذته ناقص هم مستفيدين واذا خذته كامل بعد مستفيدين. الفكره انهم يحاولون يسرقونك او ينصبون عليك اذا مليت او سكت اربحوا واذا اشتكيت وخذت حقك مب خسرانين هم على الاقل حاولوا. يعني تنصب على واحد بنص مليون ريال وبعد ماتلته بالمحاكم وتشغله عن دوامه يحكم القاضي بعد جلسات و بعد وقت طويل بانك ترجع النص مليون له اقساط او كاش. طيب انا الحين شنو خسرت برجع اعيدها مره ثانيه وبسرق واحد ثاني يمكن تضبط معاي هالمره واذا ماضبطت ارجع واحاول لان مافي شي يردعني. ليش مايتم فرض تعويض نفسي او تعويض بمبالغ كبيره مثل مانشوف بالمحاكم الاوروبيه والامريكيه وتكون رسالة واضحة للنصابين وتحتفظ المحكمه بالمبلغ مانبيه بس نبي حد لمسلسل النصب والاحتيال وعدم احترام القانون. احنا ضعنا بين الاحكام الشرعيه والوضعيه يعني لا احكام شرعية مثل مانسمع بعدالة الدولة الاسلامية ايام الخلفاء ولا احكام وضعيه عادله مثل مانسمع في اوروبا وامريكا.
قصتي مع وكالة الفردان اني تعرضت لسوء معامله واهمال وتعريض حياتي للخطر اكثر من مره. وقصتي طويله بحاول اختصرها لكم وابي رايكم فيها
بداية الموضوع طرشت السيارة لوكالة الفردان بتاريخ 25-2 عشان يبدلون لي الدفيوزر الخلفي الي تحت المكينة وكلفني حول ال30 الف ريال. وعرض علي ح. الموظف اهناك حل مؤقت لين تتوفر القطعة. اهم شي الحل المؤقت مانفنعي ضرني اكثر الهوا قام يدخل بالدفيوزر الخلفي لين خلاه يضرب بالشارع وتضرر زياده زين ان القطعه نفسها هي الي تضررت.
بتاريخ 6-3 رحت ادفع مبلغ 20 الف مقدم عشان يطلبون لي القطعه وقالي م.ج. موظف ثاني اهناك ان القطعه راح تكون موجوده ومتركبه خلال 3 ايام تواصلت معاه بعد 3 ايام وقالي الموضوع يحتاج لاسبوع قلت له مب مشكله خذ وقتك وانتظرت اسبوع واتصلت له اشوف موضوع القطعه قالي عنده مشاكل ومحتاج اسبوعين والموضوع يكون خالص هالمره قلت بنتظر اسبوعين وبروح له الوكالة و بعد اسبوعين وكم يوم رحت له الوكالة وتعذر ان في مشاكل بالشحن والجمارك ملعوزينهم وان الموضوع يحتاج اسبوعين قلت له شوفلي حل مؤقت للسيارة ابي اسوقها صارلها فتره واقفه عندي فالبيت ابيك تغطي المكينة كامل من تحت قالي هالموضوع سهل برسلك البركدون وبشوف لك حل.
ارسل البركدون بنفس اليوم بتاريخ 30-3 ورجعلي السياره بتاريخ 1-4 والمشكله هالمره كاسرلي الزجاج الخلفي (غطاء المحرك) رفضت استلم السياره ورجعتها. واتصلت فيه يقولي هالموضوع عادي ودوم الزجاج الخلفي يتكسر لهالنوع من السيارات ( العوامل الطبيعية على كلامه) وعنده 3 سيارات بالوكالة بنفس الحالة. رحت الوكالة وقلت له ابي اشوف ال 3 سيارات الي عندك قالي لا انا ماقصد ان عندي 3 سيارات متضرره بس قصدت ان احتمال يكون في سيارات متضرره بنفس الضرر. بعد هالحركه حطيت عليهم اكس ودريت انهم نصابين قلت له والحل الحين قالي ماعندك الا تطلب القطعه ونبدلها لك (طبعا القطعه تكلف حول ال50الف ريال) قلت له انتو كاسرينه وتتحملون مسؤوليته قالي لو من تجيب بيقول هذا شي طبيعي ومب من عندنا وقالي حتى لو تروح للشرطه محد بينفعك بالموضوع وقلت له طيب ارفع الموتر اشوفه من تحت و طلع مثبت الدفيوزر تثبيت زباله الله يعزكم والفتحات ياكثرها قلت له جربتها قبل لتسلمني الموتر قالي اي سقتها على سرعة 120 انت سوقها بهالحدود لين نوفر لك القطعه شفت العداد وطلع 12266 نفسه يوم سلمتهم السياره وقلت له وين جربتها والعداد ماتحرك قام يلف ويدور ويقولي لا جربتها حول الوكالة انا استغربت الشارع حول الوكالة ماتقدر تمشي فيه بهالسرعة لازم تاخذها للشارع الي صوب المركز (بوقت ثاني سألت ح. قالي مستحيل هالكلام اقل شي 4 كيلو نمشي على الشارع الي جنب الوكالة). طلعت من عنده على طول لمركز الصناعيه وقالي الضابط اذا ماعطاك حل ماعندك الا النيابه. كلمت ح. وكلمت مديرهم ش. بس ارفضوا يتحملون الخطأ .اتصلت لحماية المستهلك واجبروهم على انهم يصلحون الزجاج على حساب الوكالة.
يوم كان الموتر عندهم ماطلبت سيارة بديلة بس هالمره طلبت سياره بديله واشترطت فراري نفس موديل الي عندي لانهم هم الي مخربين السياره قالوا مستحيل سياره بديلة فراري قلت حلو عطوني تعويض تأمين على السيارة وارفضوا وطلبت تعويض مالي وانا بنفسي بأجر فراري او بروح المحاكم طبعا كل دقيقه يقولي مافيني الا اكلم المحامي اتصلت فيه اخر مره يقولي توكل على الله روح اشتكي. طبعا اعرضوا علي قبل اني اخذ السياره نفسها قلت له عطني ورقه من الوكالة اني اقدر اسوق السيارة وهي بهالحاله قالي مافيني اعطيك ورقة وما فينا نعطي هيك اوراق. قلت له طيب لو طاح الزجاج على المكينة وتضررت او صارلي شي قالي مب مشكله تعال بنبدلو لك!!
بتاريخ 30-5 رحت استلم السيارة وخدمتهم صارت زباله الله يعزكم الي اسمه م.ج نفسيته تعبانه وكل ماقوله عطني ورقه خروجية ودخولية الموتر وهالسوالف يقولي مافيني اطبعلك لدرجة انه مايبي يرويني شاللي تصلح بالسياره والفواتير يقولي مافيني ممنوع يعطيني وبيسلمني بس فاتوره الدفيوزر. وفتح معاي موضوع الزجاج الخلفي يقولي كان فينا مانصلحوا لك بس احنا مشيناها لك. قلت له سكر هالموضوع لانك صلحته مب برضاك حماية المستهلك اغصبوك وانا ادري وخلص لي موضوعي انا مستعجل. فتحت معاه موضوع العداد وانه ما جرب السياره قدام زبون اهناك اسمه ن.ز تنرفز وقام يقط كلام ويقولي انت تكذبني وانا جربتها باقل من كيلو وانا وصلت مره على الشارع الي جنب الوكالة 300 بسيارة ثانيه ومادري شيخربط اهم شي كان كل همه يصرف الرجال بهالوقت عشان مايصيده خلص للرجال وماطبع له الفاتوره او ورقه وتعذر ان الطابعه ماتشتغل نفس الكلام الي قاله لي قبل 3 شهور وقاله انا برسلك الفاتوره للبيت يبي يجيبه بالشيمه والرجال قاله ماله داعي و المشكله انه كان يطبع قبل ليدخل الزبون مادري شسالفتهم مع الاوراق مايبون يطلعون اوراق من عندهم شكلهم يزيدون شغلات او يغيرون الاسعار بالفاتوره لان بفاتورتي الاخيره طلب لي الدفيوزر والخياشيم المركبه عليه بدلي قطعتين منهم وسعرهم بروحهم قريب ال3000 ريال الفاتوره الثانيه وبعد المشكله شكله خاف مسح هالسوالف لان القطع تجي مع الدفيوزر بس كان يبي يحسبها علي زياده. وقالي لاتنسى ان عندك فراري وماتقدر تصلحها الا عندنا!
اهم شي النفسيه ماكانت لهناك ماستلمت السياره وكان في شغله لازم يعدلها بالصدام الخلفي. رجعت له السبت تاريخ 1-6 و اول مادخلت دفعت المبلغ الباقي عشان اخلص موضوعي بسرعه ما ودي اكثر معاهم اطبعولي الفاتوره وعليها تاريخ دخول السيارة 30-5 وانا مسلمهم السياره بتاريخ 30-3 واستمارتي انتهت والسياره عندهم قلت له اكتب لي التاريخ الصح قالي مافيني خلاص دخلت بالسستم وعطوني سالفه طويله وعريضه تقول محد يعرف بالكمبيوتر الا هم. قلت له خلاص بسهل عليك الموضوع اطبعلي خروجية ودخولية السياره من بوابة الشركه وخل التاريخ مثل ماهو بالفاتوره لو ماتقدر تغيره قالي مافيني اطبع السستم مابيسمح لي طبعا ادري انه يلف ويدور قلت له اسمع سو برنت سكرين واخلص وخلني امشي قالي لا مافيني اعطيك مثل هيك اوراق. استمر الموضوع 3 ساعات و ماخلص الا لين قلت له ياتخلص موضوعي يا اتصل بالشرطه بعدها عطاني الفاتوره وعليها التاريخ الصح.
بنفس اليوم طرشلي السياره للبيت وعليها علامة تحذيريه اتصلت فيه قام يقولي اضغط زر وسوقها شوي وبتروح العلامة كلمت السايق يقول لراعي البركدون ينتظر وان السياره فيها ضربه بالصدام الامامي وعلامة تحذيريه خذت اللفه ورجعت باقل من 5 دقايق طبعا الاشاره ماراحت وهو اتصل لراعي البركدون و شرد. المشكله اني وقعت على ورقة الاستلام وزين اني ضفت ان كان في علامة تحذيريه. كلمته يقوله يرجع قال مافيني عندنا زبون وبرسلك تقني للبيت يصلح لك العلامة قلت له الموتر مدعوم من قدام وقلت له بيني وبينكم المحاكم دام هذا اسلوبك.
الموتر مدعوم من قدام ويدرون بهالشي من حركاتهم والصدام الخلفي من اليمين طالع التركيب الله بالخير و والعلامة التحذيريه ماراحت. بعد 3 ايام تقريبا شفت زيت تحت الموتر الموتر يليك زيت والمشكله كله حشرات عناكب صغيره ونمل قدمت الموتر وخليته لمدة يوم و نفس الشي يليك وحشرات فالزيت. مادري ليش قربوا من المكينة!!!



الحين انا معاهم بالمحاكم الاشاره التحذيريه راحت كانت من التواير نفسها..
والزيت طلع من بين القير والمكينة والحشرات يقول الخبير الفني مستحيل تكون من داخل لان درجة حرارة الزيت عاليه وهالشي مستحيل!! اقتنعت بكلامه واهم شي كتبت له من الطلبات ان السياره ترجع مثل ماكانت وراح افحصها بعد ماتطلع ان شاء الله.
اهم شي طريقة رد الوكالة على الدعوى تنرفز وانا الحين الموضوع عندي اكبر من انهم يصلحون السياره وبس! وراح اوافيكم بالتفاصيل ان شاء الله


معاناه مع هالوكالة سمعت ان الكل يعاني مع هالوكالة شاركونا بمعاناتكم مع البي ام او الرنج او اي سيارة مع هالوكيل...


الموضوع للحوار.. اتمنى انه يتم في منتدى الحوار العام

أخي الكريم غيم الجنوب،

إليك تجربتي مع وكالة الفردان للسيارات:

1995: أول سيارة امتلكتها برغبة مني لامتلاك سيارة فخمة رغم عدم قدرتي على اقتناء جديدة، bmw325i كابريو (كشف) مستعملة و كانت موديل 1994 و كان عمري تقريباً 18 سنة، وكان عمر الفردان قد أصبح وكيلاً للبي إم في 1995 على ما أذكر و كان ذلك سبب قوي لاقتنائي السيارة لأن الوكيل قطري، و رأيته بنفسي كيف كان يعمل في الوكالة عندما كانت في فندق شيراتون الدوحة و هو ما جعلني أثق أن هذا الوكيل شاب جاد لينجح هذه الشركة بعد أن كانت البي إم دبليو مقتصرة على فئة معينة من المجتمع تلك الفترة، و لقد صادف أن تحدث معي و هو يعلم أنني لا أستطيع شراء سيارة جديدة، حيث أنني من أبناء الأسر ذات الدخل المتوسط كما هو حال كثيراً من الأسر القطرية تلك الفترة، و لم أعاني منها حتى انتهت في حادث سنة 1998، و لم أشتكي يوما من الخدمة بل اقتنعت أن أسعار الصيانة أفضل من الياباني لطول عمر قطع الغيار و أن الصيانة مرة كل سنة تقريباً
1998: امتلكت bmw735il موديل 1992، على قدر المبلغ الذي استملته من التأمين، و لم أعاني من أية مشاكل حتى 2001 على ما أذكر
2001: اقتنيت bmw850i و كانت أجمل سيارة امتلكتها، موديل 1996 ولم أعاني منها قط أو وكالة الفردان، و أندم حتى اليوم على بيعها بيعها في 2005 على ما أذكر
2002: اقتنيت لاند روفر – فري لاندر، موديل 2001، و كانت أول جديدة من الوكالة امتلكها، و لم أعاني منها إلا من صوت مزعج من الفرامل، و لقد صادفت موقفاً غير ملائم من موظف الصيانة أحسني أنني مجنون و هذا ما أسمعه و لا أحد غيري، حتى قمت بتصويره و عرضته على المدير العام لخدمة ما بعد البيع، و تم استرجاع السيارة إلى الوكالة خلال فترة وجيزة و استقطاع مبلغ استهلاك السيارة بعد استخدام سنة تقريبا، و ما علمته أن عمر الفردان لم يرضى حين علم أن موظفاَ أساء إلى زبون بصفة عامة، و أن هذا الزبون قطري بصفة خاصة، و للعلم أنني كنت حينها موظف بسيطا في مجال عملي، أي لا أشكل للفردان أي تأثير سلبي أو إيجابي، و لن أنسى موقفه هذا حيث استملت الشيك و تطيب الخاطر من إدارة وكالة الفردان أنهم لا يقبلون ما حدث لي
2005: اقتنيت bmw330i موديل 2003 و كانت أسوأ سيارة اقتنيتها من حيث جودة التصنيع، و لم أعاني من الوكالة، لكنني بخطأ مني تعرض لحادث رأيته بسيطاً، لكنه ألحق أضراراً بالجانب الأيمن من المقدمة (بانة، رفرف، أكسل، الإضاءة، و غيرها) أذكر كلفني 18ألف، و كرهت هذه السيارة و تكلفة الحادث الناتج عن تهوري، ثم قمت ببيعها و الحمدلله بخسارة
2007: اقتنيت جاغوار موديل 2007 جديدة من الوكيل السابق، و لقد عانيت من موظف الخدمة في وكالة الفردان للجاغوار، و لقد تعرفت على مدير صيانة فيراري ذاك الوقت، شارلي داغر، شاب محترم، و لقد تحقق من صحة شكواي على الموظف، و حلت مشكلتي بالكامل بعدها و لم اشتكي من الجاغوار قط حتى 2011
2011: اقتنيت جاغوار XJL موديل 2011 جديدة من الفردان، و كانت أجمل سيارة امتلكتها في حياتي و لم أشتكي من مركز الصيانة أو من تلك السيارة، و تم بيعها في 2013 بسبب اقتنائي لسيارة أخرى من الفردان للسيارات
2009: اقتنيت فيراري f430 موديل 2006، بممشى بسيط، لكن تم التأكد من جودتها عبر وكالة الفردان، و كنت خائفاً لعلمي أن صيانتها مكلفة أخبرني تشارلي داغر أنني يجب ألا أخشى في حال قيامي بعمل ضمان المصنع و الذي يكلف على ما أذكر 20ألف ريال، أخبرني أن المكلف في تلك السيارات هو الحوادث – حفظنا الله منها و للقراء و بارك في مالنا جميعا، و جعلنا ننفقها فيما يرضي الله سبحانه بعداً عن التكبر و الغرور، اللهم آمين – و التزمت بذلك و كانت السيارة حين امتلكها بممشى 5700كم تقريباً، و تمت مقايضتها كدفعة أولى للفردان للسيارات الرياضية في سنة 2011 لسيارة فيراري أخرى، و للعلم أنني لم أعاني من الفيراري قط رغم أنني استخدمتها حتى وصل الممشى 33ألف كم تقريباً حين تم بيعها، و بدون حوادث بفضل من الله و التزامي بالصيانة الدورية رغم قيادتي لها كما هو متوقع من فيراري، و الحمدلله رب العالمين


مما تقرأه أخي و الأعضاء الكرام، الحمدلله أنني راضِ على هذا الوكيل، و أيضاً شخصياً لم أعاني من وكلاء آخرون تم ذكرهم إضافة إلى وكيلين آخرين لم أعاني منهم، و إنني سعيد أن أرى ذلك الشاب القطري عمر الفردان، أنه بنى وكالات لسيارات فاخرة بخدمة راقية و مصداقية، و أصبحنا نرى تلك السيارات منتشرة بين كافة فئات المجتمع و خصوصاً أبناء بلدنا الغالي قطر.