سفر البنت للخارج وموافقة ولي الأمر !!

[في سبيل الله]

السلام عليكم ورحمة الله وبركاته ،،

نص القانون القطري على أن سن الرشد هو 18 سنة وبالتالي يكون المواطن

والمواطنه القطريين مسؤولين عن نفسهم وعن تصرفاتهم سواء كانت تصرفات مدنية من معاملات مالية أو مسؤولية جنائيه ،، فلماذا يشترط موافقة ولي

الأمر بالنسبة لسفر البنت للخارج ؟! سواء كان للسياحة أو اكمال التعليم ؟!



وهل فعلاً أن السن الذي تسمح به الدولة لسفر البنت من غير موافقة ولي الأمر هو بلوغ سن 25 عاماً ؟!



ملاحظة : سفر البنت للخارج قد يكون بمرافقة الأم أو الخالة أو الأخ من غير الأب

[رهج السنابك]

المطار يطلب ان العمر فوق ٢٥

تحت هالعمر لازم موافقه


وحده من البنات تقول لي سافرت وعمرها ٢١ زورت توقيع اخوها وعدت :)

[مخطط قطري]

وش الهدف من السفر اللي بدون ولي امر

[bus3od]

أتمنى أن ما يسمحون لأي بنت أنها تسافر بدون موافقة واي الأمر مهما كان عمرها

ترانا لين الحين في قطر مب في أمريكا

[قلبي الطيب]

على طول ظنتوا ظن السوء ! في حالات يعني مثلا ولي الأمر يكون العم بعد وفاة الوالد ويكون مثلا معند أو في مشاكل ميراث يصير يعني يتحكم في البنت في وجود أمها اللي اهيه احرص على بنتها من العم

[بوحارب]

من الأساس وش عندها البنت تسافر للخارج !!!

ليكون رايحة تكتشف الذرة وترجع

الله يهدي كل ولي أمر سمح لمحارمة بالسفر دون محرم :)

[موظف ((حكومي]

البنت تسافر لحالها بس تخرج طائره خارج حدود قطر بس .....................!!

الله يهدي كل ولي أمر سمح لمحارمة بالسفر دون محرم

[عاشق العديد]

نتمنى المنع .. من السسفر لخارج البلاد بدون ولى الامر ..

لاي بنت حتى الشباب خل يرفعون السسسسن .. شنو 18 اخر مره واحد يقرب لي اقوله وينك تعال بطل لي باب بيتكم يقولي انا مسافر اقوله ياحليلك من متى يقولي دخلت 18 سنه خلاص ..خاصتن لهذا السن يكون السن خـطر ..

[المرحب]

المطار يطلب ان العمر فوق ٢٥

تحت هالعمر لازم موافقه


وحده من البنات تقول لي سافرت وعمرها ٢١ زورت توقيع اخوها وعدت :)



:eek5:

[ولي العهد]

اذا كان نفس ماذكرتي في الملاحظه انا مع قرار السماح بسفر البنت مع امها لانه فعلا قد يكون ابوها ميت فهل يعقل انه يكون بين العم وعيال اخوه ميراث ومشاكل ويكون بنفس الوقت قرار المنع او الموافقه بالسفر في يد العم ؟؟
اماااااااا الي اتسافر وبوها حي ولا زوجها حي هنا اقول .... يارب ثم يارب اطيح الطياره ويعيشون كل الي في الركاب الى هي تموت وعقبها بكم يوم الاب ولا الزوج الي سمح لها بالسفر تدعمه سياره ويموت

[وطن]

ولي العهد

لاحول ولا قوة الا بالله

مب زين اخوي تدعي ع الناس
الملايكة تقول ولك بالمثل

[Rider]

الي تسافر بروحها ماتستحي مهما كان عمره

[Right]

حتى لو القانون سمح لها بالسفر لوحدها والمصاصة بحلجها




السؤال المهم بل الأهم:



ليش تبي تسافر بروحها ؟!

[في سبيل الله]

المطار يطلب ان العمر فوق 25

تحت هالعمر لازم موافقه


وحده من البنات تقول لي سافرت وعمرها 21 زورت توقيع اخوها وعدت :)

يعني الكلام اللي سمعته صح ان القانون يسمح للي عمرها 25 وفوق بالخروج من الدولة من غير موافقة ولي الأمر ،،

الغريب أن سن الرشد هو 18 سنه ويضل القانون يطالب بموافقة ولي الأمر بالنسبة للبنت للسفر حتى تبلغ سن ال 25

أنا من رأيي أن لو يتم رفع سقف سن الرشد ل 23 سنه بيكون أفضل مثل بعض الدول المجاورة ,,

و شكراً على المشاركة ،،

[في سبيل الله]

وش الهدف من السفر اللي بدون ولي امر

أهداف كثيرة منها السياحة واكمال التعليم ،،

الهدف من طرح الموضوع هو بيان الخلل في القانون القطري اللي استثنى البنات فوق سن 18 والمطالبة بإذن ولي الأمر حتى سن ال25 وبعدين
يسمح لهم بالسفر من غير موافقة ,,

[في سبيل الله]

أتمنى أن ما يسمحون لأي بنت أنها تسافر بدون موافقة واي الأمر مهما كان عمرها

ترانا لين الحين في قطر مب في أمريكا

اذا كنت تقصد وجوب وجود محرم مع البنت فالحريم والبنات فالدولة يسوقون سيارات من غير محرم والغريب أن احنا لين الحين في قطر مب في أمريكا

[بوحارب]

أهداف كثيرة منها السياحة واكمال التعليم ،،

الهدف من طرح الموضوع هو بيان الخلل في القانون القطري اللي استثنى البنات فوق سن 18 والمطالبة بإذن ولي الأمر حتى سن ال25 وبعدين
يسمح لهم بالسفر من غير موافقة ,,

الله يهديك أخوي أي سياحة وتعليم في الخارج

شكلك ما رحت أوروبا وشفت حال الطالبة الخليجية !!!

أكبر سبب لضياع البنت السفر دون محرم

[في سبيل الله]

على طول ظنتوا ظن السوء ! في حالات يعني مثلا ولي الأمر يكون العم بعد وفاة الوالد ويكون مثلا معند أو في مشاكل ميراث يصير يعني يتحكم في البنت في وجود أمها اللي اهيه احرص على بنتها من العم

حالة من الحالات اللي غفل عنها المشرع القطري ،،


شكراً على المشاركة

[في سبيل الله]

من الأساس وش عندها البنت تسافر للخارج !!!

ليكون رايحة تكتشف الذرة وترجع

الله يهدي كل ولي أمر سمح لمحارمة بالسفر دون محرم :)

ذكرت بعض الأسباب ،،

شكراً على المشاركة

[في سبيل الله]

البنت تسافر لحالها بس تخرج طائره خارج حدود قطر بس .....................!!

الله يهدي كل ولي أمر سمح لمحارمة بالسفر دون محرم

والله يهدي كل ولي أمر سمح لمحارمة بالخروج من المنزل من غير محرم وسواقة السيارة من غير محرم

شكراً على المشاركة ،،

[في سبيل الله]

نتمنى المنع .. من السسفر لخارج البلاد بدون ولى الامر ..

لاي بنت حتى الشباب خل يرفعون السسسسن .. شنو 18 اخر مره واحد يقرب لي اقوله وينك تعال بطل لي باب بيتكم يقولي انا مسافر اقوله ياحليلك من متى يقولي دخلت 18 سنه خلاص ..خاصتن لهذا السن يكون السن خـطر ..

اوافقك الرأي ،،

اتمنى ان الدولة ترفع سن الرشد ل 23 سنة عند تعديل الدستور بإذن الله سبحانه وتعالى ,,

شكراً على المشاركة

[في سبيل الله]

اذا كان نفس ماذكرتي في الملاحظه انا مع قرار السماح بسفر البنت مع امها لانه فعلا قد يكون ابوها ميت فهل يعقل انه يكون بين العم وعيال اخوه ميراث ومشاكل ويكون بنفس الوقت قرار المنع او الموافقه بالسفر في يد العم ؟؟
اماااااااا الي اتسافر وبوها حي ولا زوجها حي هنا اقول .... يارب ثم يارب اطيح الطياره ويعيشون كل الي في الركاب الى هي تموت وعقبها بكم يوم الاب ولا الزوج الي سمح لها بالسفر تدعمه سياره ويموت


طيب اخوي شرايك فاللي اتسوق سيارة وتطلع من البيت من غير محرم ؟!

[في سبيل الله]

ولي العهد

لاحول ولا قوة الا بالله

مب زين اخوي تدعي ع الناس
الملايكة تقول ولك بالمثل

شكراً على المشاركة

[في سبيل الله]

الي تسافر بروحها ماتستحي مهما كان عمره

لا اوافقك الراي

وشكراً علئ المشاركة ،،

[في سبيل الله]

حتى لو القانون سمح لها بالسفر لوحدها والمصاصة بحلجها




السؤال المهم بل الأهم:



ليش تبي تسافر بروحها ؟!





أسباب كثيرة ,,

شكراً على المشاركة

[في سبيل الله]

الله يهديك أخوي أي سياحة وتعليم في الخارج

شكلك ما رحت أوروبا وشفت حال الطالبة الخليجية !!!

أكبر سبب لضياع البنت السفر دون محرم


اذا كان السفر من غير محرم هو المشكلة فلماذا لا يتم وضع حلول اخرى غير موافقة الأب ,,

كمرافقة الأم او الاخت أو الخال أو الجد وخاصة ان احنا في عصر الكمبيوتر و بضغطة زر كل المعلومات تظهر امامك ,,

[((غلا قطر))]

جد وش الهدف من السفر اللي بدون موافقة ولي امر، بصراحة ما ايد ذي الفكرة لو يعمموها على الشباب يكون افضل ، يعني مجرد التفكير بنت سافرت واهلها مب راضين ... مليون علامة استفهام تنرسم الله يهدي الجميع .

اما بالنسبة للبنت اللي متوفي والدها ... مب من حق اي شخص يمنعها إلا امها وخوانها ، يعني دام امها وخوانها اموافقين .. ما اشوف داعي العم أو الخال يمنع ..لان الأم حريصة على بناتها .. واي شيء بيصير هي مسؤولة عنه امام رب العالمين .

[بوحــمد]

يالربع شسالفه أنا رايح المطار من أيام أسالهم عن الأعمار الي يطلعون بدون خروجية قالوا
لي بالحرف الواحد أن دخلت سن الـ 30 ماتحتاج خروجية والبنت الي فيها خير والمتربية لو تحطها
بين 200 رجال مب كفو يسون لها شي والبنت الي مب متربية ممكن تلعب حتى لو هي بغرفتها مب تسافر
الله يسترعلى بناتنا وبناتكم

[Khaled Qatar]

الله يهديك أخوي أي سياحة وتعليم في الخارج

شكلك ما رحت أوروبا وشفت حال الطالبة الخليجية !!!

أكبر سبب لضياع البنت السفر دون محرم

صحيح كلامك بس لاتعمم

[فلتة زمانها]

بنات عن الخربطة الزايدة ،،من الي بتسافر سياحة بروحها وبدون موافقة ولي امرها!!
احنا مسلمات وعندنا دين وعادات وتقاليد تحكمنا وهالقوانين لمصلحتنا
واذا لغوها بتصير فوضى،، الله يهدي الجميع

[OREO]

وش الهدف من السفر اللي بدون ولي امر

دعوة في سبيل الله ،،

[OREO]

اذا كان نفس ماذكرتي في الملاحظه انا مع قرار السماح بسفر البنت مع امها لانه فعلا قد يكون ابوها ميت فهل يعقل انه يكون بين العم وعيال اخوه ميراث ومشاكل ويكون بنفس الوقت قرار المنع او الموافقه بالسفر في يد العم ؟؟
اماااااااا الي اتسافر وبوها حي ولا زوجها حي هنا اقول .... يارب ثم يارب اطيح الطياره ويعيشون كل الي في الركاب الى هي تموت وعقبها بكم يوم الاب ولا الزوج الي سمح لها بالسفر تدعمه سياره ويموت

الله يهديك كسرت الطيارات و السيارات و ماخليت شي و الا كسرته ،،

قول من البدايه الطيارة تطيح فوق راس ولي امرها و خلاص،، يعني لازم لازم تكسر سيارات خلق الله ،، :shy:

[لاجل QT]

اذا كان نفس ماذكرتي في الملاحظه انا مع قرار السماح بسفر البنت مع امها لانه فعلا قد يكون ابوها ميت فهل يعقل انه يكون بين العم وعيال اخوه ميراث ومشاكل ويكون بنفس الوقت قرار المنع او الموافقه بالسفر في يد العم ؟؟
اماااااااا الي اتسافر وبوها حي ولا زوجها حي هنا اقول .... يارب ثم يارب اطيح الطياره ويعيشون كل الي في الركاب الى هي تموت وعقبها بكم يوم الاب ولا الزوج الي سمح لها بالسفر تدعمه سياره ويموت

ليش:eek5:

ايش سولك:eek5:

[jasjar85]

طيب اخوي شرايك فاللي اتسوق سيارة وتطلع من البيت من غير محرم ؟!

والله يا اخ\اخت (في سبيل الله) خروج البنت في السيارة بروحها شي و خروجها الئ دوله اخرئ بروحها شي ثاني .. لا تخلط الامور ولا تأخذ السواقه ذريعه..الخروج في الدوحه غالبا اهلها بيدرون وين رايحه و كل المجتمع يشوفها والبلد صغير .. لكن في الخارج كل شي عادي ومحد يعرفها..

[ولي العهد]

ولي العهد

لاحول ولا قوة الا بالله

مب زين اخوي تدعي ع الناس
الملايكة تقول ولك بالمثل


الله يجزاج خير

[ولي العهد]

ليش:eek5:

ايش سولك:eek5:


شوه سمعة البلد

[ولي العهد]

الله يهديك كسرت الطيارات و السيارات و ماخليت شي و الا كسرته ،،

قول من البدايه الطيارة تطيح فوق راس ولي امرها و خلاص،، يعني لازم لازم تكسر سيارات خلق الله ،، :shy:


اي صح كلامك خلاص يطيح في البحر

[ولي العهد]

طيب اخوي شرايك فاللي اتسوق سيارة وتطلع من البيت من غير محرم ؟!



انا ضد سواقة الاونثى من الاساس سواء معاها محرم او غير محرم

[في سبيل الله]

جد وش الهدف من السفر اللي بدون موافقة ولي امر، بصراحة ما ايد ذي الفكرة لو يعمموها على الشباب يكون افضل ، يعني مجرد التفكير بنت سافرت واهلها مب راضين ... مليون علامة استفهام تنرسم الله يهدي الجميع .

اما بالنسبة للبنت اللي متوفي والدها ... مب من حق اي شخص يمنعها إلا امها وخوانها ، يعني دام امها وخوانها اموافقين .. ما اشوف داعي العم أو الخال يمنع ..لان الأم حريصة على بناتها .. واي شيء بيصير هي مسؤولة عنه امام رب العالمين .

شكراً على المشاركة

[في سبيل الله]

يالربع شسالفه أنا رايح المطار من أيام أسالهم عن الأعمار الي يطلعون بدون خروجية قالوا
لي بالحرف الواحد أن دخلت سن الـ 30 ماتحتاج خروجية والبنت الي فيها خير والمتربية لو تحطها
بين 200 رجال مب كفو يسون لها شي والبنت الي مب متربية ممكن تلعب حتى لو هي بغرفتها مب تسافر
الله يسترعلى بناتنا وبناتكم

غريبه والله وانا بعد سمعت من فترة قصيرة أن البنت تقدر تطلع من غير خروجية اذا كان عمرها 25 ،،

و أوافقك الرأي فالكلام اللي ذكرته لأن اللي تبي اتسوي الغلط بتسويه حتى لو كانت في بلادها ،،

شكراً على المشاركة

[في سبيل الله]

صحيح كلامك بس لاتعمم


شكراً على المشاركة

[في سبيل الله]

بنات عن الخربطة الزايدة ،،من الي بتسافر سياحة بروحها وبدون موافقة ولي امرها!!
احنا مسلمات وعندنا دين وعادات وتقاليد تحكمنا وهالقوانين لمصلحتنا
واذا لغوها بتصير فوضى،، الله يهدي الجميع

سمحوا للنساء بسواقة السيارة ,, هل صارت فوضى وختربوا حريم العالم ؟!

وشكراً على المشاركة

[في سبيل الله]

والله يا اخ\اخت (في سبيل الله) خروج البنت في السيارة بروحها شي و خروجها الئ دوله اخرئ بروحها شي ثاني .. لا تخلط الامور ولا تأخذ السواقه ذريعه..الخروج في الدوحه غالبا اهلها بيدرون وين رايحه و كل المجتمع يشوفها والبلد صغير .. لكن في الخارج كل شي عادي ومحد يعرفها..

أولاً : انا وحدة

ثانياً : شنو الفرق بين البنت اللي تطلع بالسيارة بروحها وبين اللي اتسافر بروحها ،، من وجهة نظري ان مافي فرق لأن اللي تقدر اتسويه بروحها برع بتقدر اتسويه اللي فالبلاد ،،

[في سبيل الله]

شوه سمعة البلد

واللي رضوا انهم يخلون حريمهم يطلعون من البيت من غير محرم شوهوا سمعة دينهم و سمعت بلادهم

[وطن]

غريبه والله وانا بعد سمعت من فترة قصيرة أن البنت تقدر تطلع من غير خروجية اذا كان عمرها 25 ،،

و أوافقك الرأي فالكلام اللي ذكرته لأن اللي تبي اتسوي الغلط بتسويه حتى لو كانت في بلادها ،،

شكراً على المشاركة

على فكرة القرار من كم سنة مطبقينه

توكم تعرفون عنه !!!

[Doha Sun]

القرار الاول والاخير لاهل البنت ..

[حسن]

على فكرة القرار من كم سنة مطبقينه

توكم تعرفون عنه !!!

هاهاهاها

مهب الكل يسويها ياوطن البعض مايخلون بناتهم يسافرون بروحهم

والبعض الامور سهالات عادي

يالله كيفهم الانسان ملزوم بنفسه هو اللي بيتحاسب على فعله سواء خير او شر

:)

[خليفـة]

باختصار
البنت الي تسافر لحالها
هي معرضة لكل شيء

نعم الحافظ الله .. ولكن جميل ان نأخذ بالأسباب
ونكون على حذر

خليفــة

[فلتة زمانها]

سمحوا للنساء بسواقة السيارة ,, هل صارت فوضى وختربوا حريم العالم ؟!

وشكراً على المشاركة

حبيبتي الشرع واضح في مثل هالامور السواقه غير عن السفر
وبعدين شله تسافرين بروحج انتي معرضة للفتن وهذا غير سمعتج
والأهم ترضين ربج،، لا تغرج الدنيا اذا كان على الدراسه فالدولة ما قصرت
وفرت لنا احسن الجامعات والا على السياحة وما لقيتي محرم مب ملزومة
تسافرين ،، لا تخلين تفكيرج محصور على الدنيا وملذاتها تذكري ان ورانا أخرة
وحياه أبدية ،،

[jasjar85]

أولاً : انا وحدة

ثانياً : شنو الفرق بين البنت اللي تطلع بالسيارة بروحها وبين اللي اتسافر بروحها ،، من وجهة نظري ان مافي فرق لأن اللي تقدر اتسويه بروحها برع بتقدر اتسويه اللي فالبلاد ،،
اولا : ادري
ثانيا : الفرق كبير كبير جدا.. اللي يطلع في البلد يعرف انه المجتمع صغير و كل يعرف الثاني وبيحاسب الى حد ما على شكله ولبسه وتصرفاته لكن برى محد يدري عن احد والدليل : الي تشوفينه برى من البنات يختلف وايد عن اللي تشوفينه في البلد.. لكن في النهايه البنت المحترمة مايغيرها شي لا سفر ولا غيره..

[نوار قطر]

المطار يطلب ان العمر فوق 25

تحت هالعمر لازم موافقه


وحده من البنات تقول لي سافرت وعمرها 21 زورت توقيع اخوها وعدت :)

:omg: سلامة عمرها شلون تزور الي اعرفه ومتأكده منه ان التصريح يكون عن طريق الاخ او الاب او العم وااحد منهم يروح المطار ويطلع التصريح والاسم المصرح له يدخل في السستم على طول او ان ولي الامر واحد من هالثلاثه يكون موجود في المطار ويطوفها ،،، التزوير شلون صار ،، ماعتقد ان فيه طلب يعبوونه ،، الا اذا انا غلطانه فهذي شي ثاني ،،،

[بوحارب]

الحين اشدخل تقارن السواقة داخل البلاد في السفر الى مشارق الأرض ومغاربها !!!

[تغلبية]

في سبيل الله ..

الحين انتي تبين المشرع القطري يعدل سقف حرية البنت ويخليه 23

بس ماقلتي رايج في المشرع الرباني اللي ألزم المرأة سفر بمحرم وإلا تكون ملعونة ؟

[دلال قطر]

انا ضد سواقة الاونثى من الاساس سواء معاها محرم او غير محرم


:omg:


الأُنثى

[في سبيل الله]

في سبيل الله ..

الحين انتي تبين المشرع القطري يعدل سقف حرية البنت ويخليه 23

بس ماقلتي رايج في المشرع الرباني اللي ألزم المرأة سفر بمحرم وإلا تكون ملعونة ؟

المراة تطلع وتسوق سيارة من غير محرم وأتم أعيد وأزيد ليش اتناقضون نفسكم يالمنافقين وتحللون اللي يعجبكم وتحرمون اللي ما يعجبكم خلكم على راي واحد مثل السعودية حرمت سواقة المرأة

[تغلبية]

المراة تطلع وتسوق سيارة من غير محرم وأتم أعيد وأزيد ليش اتناقضون نفسكم يالمنافقين وتحللون اللي يعجبكم وتحرمون اللي ما يعجبكم خلكم على راي واحد مثل السعودية حرمت سواقة المرأة





ليش معصبة .. be cool .. احنا نتكلم .. ناخذ ونعطي يعني :omen2:

:nice:

الحين انا اشكاري تتهميني بالنفاق ؟

القران والسنة عندج تقدرين ترجعين وتقتنعين بكلام وتشريع الله يا في سبيل الله

شرقتي وغربتي .. اشدخل السواقة في السفر في السعودية .. ؟!

اذا تبين تقنعينا .. ماعندنا مانع والله بس جيبي لنا كلام منطقي

[في سبيل الله]

ليش معصبة .. Be cool .. احنا نتكلم .. ناخذ ونعطي يعني :omen2:

:nice:

الحين انا اشكاري تتهميني بالنفاق ؟

القران والسنة عندج تقدرين ترجعين وتقتنعين بكلام وتشريع الله يا في سبيل الله

شرقتي وغربتي .. اشدخل السواقة في السفر في السعودية .. ؟!

اذا تبين تقنعينا .. ماعندنا مانع والله بس جيبي لنا كلام منطقي

هو منطقي بس اختي انتي شكلج ما تبين تفهمين