خبراء امريكا...........؟؟

[المليونير الفقير]

السلام عليكم


اخواني اخواتي انشاءالله قريبا مسافر امريكا للعلاج واول زياره فاتمنى من اهل الخبره يعطونا نصائحهم مشكورين ودمتم بخير

[][ الوحيد ][]

اول شي ماعليك شر ان شاءالله ,, والله يشفيك

ثاني شي وين رايح بالضبط في امريكا ؟ عشان نقدر نساعدك

[المليونير الفقير]

مب متاكد بس يمكن اوهايو

[وليف الشوق]

عفوا وش نوع المعلومه او النصيحه اللي حاب افيدك فيها حسب خبرتي واقامتي السابقه في امريكا لعلاج بنتي ؟

[New Vision]

هل فعلا افضل علاج فالعالم امريكا

[وليف الشوق]

عندي ناس هناك مختصين في شؤون المستشفيات والمصحات واذا كان العلاج ونوع المرض ينفع او لا وعندهم امانه وذمه واللي حاب يكلمهم ماعندي مانع لكن سؤالي هل العلاج على حسابكم الشخصي او عن طريق اللجنه الطبية ؟

[المليونير الفقير]

عفوا وش نوع المعلومه او النصيحه اللي حاب افيدك فيها حسب خبرتي واقامتي السابقه في امريكا لعلاج بنتي ؟

اخوي ابي نصائح بخصوص المطار والمعامله والخروج ليلا وابي اعرف شلون معاملتهم للعرب

[المليونير الفقير]

عندي ناس هناك مختصين في شؤون المستشفيات والمصحات واذا كان العلاج ونوع المرض ينفع او لا وعندهم امانه وذمه واللي حاب يكلمهم ماعندي مانع لكن سؤالي هل العلاج على حسابكم الشخصي او عن طريق اللجنه الطبية ؟

اخوي نعم العلاج عالدوله علاج للكلى او زراعه

[المليونير الفقير]

هل فعلا افضل علاج فالعالم امريكا

الكل يمدح علاجهم والله اعلم

[وليف الشوق]

اخوي ابي نصائح بخصوص المطار والمعامله والخروج ليلا وابي اعرف شلون معاملتهم للعرب


المطار لا تشيل فلوس معاك اكثر من 10000 دولار ولازم يكون عندك اثبات لسبب زيارتك لاامريكا لان جوازات المطار راح تطلب اي منك سبب الزيارة وهل هي علاج او سياحه او دراسه واذا عندك اثبات او دليل قدمه لموظف الجوازات بأن سبب الزيارة للعلاج حسب تقرير المستشفى ولا تحمل معاك اي مواد محظوره او ممنوعه وانصحك بعدم حمل اي سوائل معاك حتى قرشة الماي لا تشيليها في الشنطه وعند القدوم للجوازات للتفتيش يجب عليك خلع الحذاء كرمك الله والسامع وحتى اذا حاط حزام تشيله او اي مواد معدنيه مثل ساعه او خاتم او اي شي معدني والعبور من بوابه اشعه خاصه واذا معاك اطفال يجب عليك مرور الاطفال من بوابة خاصه بالاطفال وبهذا انتهيت من اجراءات المطار والامن موجود بامريكا واهم شعب طيب وحبوب ومعاملتهم فوق الممتازة واذا كنت تسوق سيارة يجب توفير مقاعد خاصه للاطفال والخروج ليلا من الساعه 12 ماانصحك ولا تسألني عن السبب ولا تتعامل مع اي شخص لا تعرفه اذا قام بالتقرب منك فاعتذر منه بأي شكل وانصرف في الحال وخلك ممثل لبلدك واتبع كافة القوانين ويمكن الاتصال بسفارة قطر بالاستفسار عن اي شي واطلب الدكتور مبارك او الدكتور ناصر السعدي ومني انا اطلب من الله ان يحفظك وترجع لنا سالم غانم وسفرا سعيدا وعودا حميدا

[وليف الشوق]

اخوي نعم العلاج عالدوله علاج للكلى او زراعه


اللي اعرفه ان الكلى والزراعه في الصين وحسب مافهمته من كثير من الناس ان امريكا علاجها ممتاز بالكلى والزراعه والله يشفيك يارب

[وليف الشوق]

انتم كم واحد رايح معاك وهل انت المريض ولا انت مرافق ؟

[المليونير الفقير]

انا مرافق واحنا تقريبا5 بس اخوي اي ولايه كنت فيها واي مستشفى

[وليف الشوق]

انا كنت في ولاية فلادلفيا وكنت اراجع في مستشفى (( شلدرن للاطفال ))

[وليف الشوق]

عارف اجراءات السفارة وشلون تسويها ؟ جاك اتصال من السفارة يخبرونك بوجود مندوب لاستقبالك ؟ عارف وش الاوراق اللي راح ترسلها للسفارة عن طريق الفاكس ؟

اذا ماكنت عارف طرش رقمك وراح انصحك بالطرق الصحيحه

[معماري قطري]

مثل ما ذكر الأخ وليف الشوق مع إضافة إن إجراءات التفتيش في المطارات متبعة مع الكل وأقصد حتى الأمريكان، والواحد مهم يكون بشوش معاهم ولا يستفزهم بتذمره من هذي الإجراءات .. بالنسبة لنا في آخر زيارة كانت موظفة أمن تكلم زوجتي وبناتي وتسئلهم ممكن أفتشكم هنيه أو تبون غرفة خاصة؟ وبس مسكت الحجاب تتأكد ليكون فيه شيء مخبأ وقالت خلاص .. بعدين لو عندك خبرة وقدرة تسوق بتستانس وبتقدر تتحرك براحتك وسياراتهم نظيفة وشبه جديدة وتسعير الأجار رخيص.

تحتاج جي بي اس وتاخذه من هناك أفضل أو على التلفون .. وكل مدينة فيها مناطق خطرة هذي اسئل عنها وبيعلمونك في الفندق عشان تتفاداها .. الله يوفقككم في علاجكم ويشفي مريضكم.

[المليونير الفقير]

اي اخوي السفاره اهني ماعندي مشكله الله يعطيك العافيه

[المليونير الفقير]

مثل ما ذكر الأخ وليف الشوق مع إضافة إن إجراءات التفتيش في المطارات متبعة مع الكل وأقصد حتى الأمريكان، والواحد مهم يكون بشوش معاهم ولا يستفزهم بتذمره من هذي الإجراءات .. بالنسبة لنا في آخر زيارة كانت موظفة أمن تكلم زوجتي وبناتي وتسئلهم ممكن أفتشكم هنيه أو تبون غرفة خاصة؟ وبس مسكت الحجاب تتأكد ليكون فيه شيء مخبأ وقالت خلاص .. بعدين لو عندك خبرة وقدرة تسوق بتستانس وبتقدر تتحرك براحتك وسياراتهم نظيفة وشبه جديدة وتسعير الأجار رخيص.

تحتاج جي بي اس وتاخذه من هناك أفضل أو على التلفون .. وكل مدينة فيها مناطق خطرة هذي اسئل عنها وبيعلمونك في الفندق عشان تتفاداها .. الله يوفقككم في علاجكم ويشفي مريضكم.
الله يجزاك خير وماقصرت يعطيك العافيه

[وليف الشوق]

اي اخوي السفاره اهني ماعندي مشكله الله يعطيك العافيه

لالالا قصدي السفارة القطرية في واشنطن

[المليونير الفقير]

عندي واحد من الربع توه راجع من اهناك باخذ منه كل التفاصيل وربي يعطيك العافيه والله ماتقصر الله يكثر من امثالك

[وليف الشوق]

عندي واحد من الربع توه راجع من اهناك باخذ منه كل التفاصيل وربي يعطيك العافيه والله ماتقصر الله يكثر من امثالك

الله يهداك كان وفرت علينا الجهد والكتابه وسالته بدال ماتكتب لنا هههههههه

اضحك معاك

[المليونير الفقير]

مانستغني عن نصائحكم وكل واحد له تجربه اشكرك اخوي على وقتك واهتمامك

[@north_star@]

احسن مستشفى في أمريكا بالنسبة للكلى والكثير من الامراض هو مستشفى جون هوبكينز بمدينة بالتيمور ويبعد عن العاصمة واشنطن تقريبا ساعة وربع واذا بغيت رقم واحد بالمنطقة يامنلك المواصلات ويوديك ويجيبك على مواعيد المستشفى ويامنلك السكن وكل شي كلمني خاص وبعطيك رقمه ....

واهم شي لا تمشي بروحك بالليل باماكن الاحياء السكنية وخاصة القديمة لانه معدل الجرائم بهالمنطقة عالي .... وبالنسبه للناس بشكل عام بشوشين ويبتسمون بوجهك والمطار مثل ما ذكروا الاخوان لازم تبرز اوراق عن سبب الزيارة وان شاء الله امورك طيبة وسلامة مريضكم

[عاشق العديد]

السسلام عليكم ..

عن التمشي بالليـل فالبدايه كانو يحذروني وخاصتن انا كنت في تكساس فاكانو يقولون المشاكل بزياده ..

بسس بالعكسسس كنت فال امهـا .. والحمد لله صارت لي بعض المواقف ربي حفظني منـها بشكل عام روح تمششش عادي لكن لاتنزل محطات ولا توقف سياره وتنزل مكان يعني مثلا محطه او شي لاتنزل لكن لو فدوام تاون عادي ..

[أصلي]

أتمنى لك الشفاء العاجل يا أخي..طالما أنك رايح أوهايو أكيد حيكون المستشفى مايو كلينيك..و هي من أفضل مستشفيات العالم..الشعب الأمريكي شعب ودود و مبتسم..تقع هذه المستشفى في مدينة صغيرة و هادية و المنطقة أصلا أمنة..الشعب الأمريكي تعاملو راقي جدا و بيحب يساعد..أهم شئ أنك لا تخجل من السؤال لو عندك أي أستفسار..حتحس بلجد أنهم يبون يخدموك من قلبهم..
مثل ما وضح لك الاخ وليف في المطار أجراءاتهم سهلة و ميسرة..أذا حبيت انك تأجر سيارة حاول تاخذ منهم الجي بي أس..او أستعمل الفي الجوال..حقت غوغل ..انا جربتها هناك و اشتغلت معاي 100% بس حتحتاج كرت جوال شابك بلنت ..ممكن تسويها من أي مكان..
موفق أنشأالله.

[المليونير الفقير]

أتمنى لك الشفاء العاجل يا أخي..طالما أنك رايح أوهايو أكيد حيكون المستشفى مايو كلينيك..و هي من أفضل مستشفيات العالم..الشعب الأمريكي شعب ودود و مبتسم..تقع هذه المستشفى في مدينة صغيرة و هادية و المنطقة أصلا أمنة..الشعب الأمريكي تعاملو راقي جدا و بيحب يساعد..أهم شئ أنك لا تخجل من السؤال لو عندك أي أستفسار..حتحس بلجد أنهم يبون يخدموك من قلبهم..
مثل ما وضح لك الاخ وليف في المطار أجراءاتهم سهلة و ميسرة..أذا حبيت انك تأجر سيارة حاول تاخذ منهم الجي بي أس..او أستعمل الفي الجوال..حقت غوغل ..انا جربتها هناك و اشتغلت معاي 100% بس حتحتاج كرت جوال شابك بلنت ..ممكن تسويها من أي مكان..
موفق أنشأالله.

اخوي مايو كلينك مب في اوهايو؟؟ يمكن تقصد كليفلاند كلينك؟؟