كيف اصير بلبل وتطلع لي جنحان واطير مع البلابل

[رهج السنابك]

مساؤكم خير


لاحد يتطنز علي ويقول استخفت


انا ابي اصير بلبله واحلق في السماء مع البلبلات ( ماقلت مع البلابل عشان لاحد يقول اختلاط )

المهم ادش في الموضوع


البلبله يعني الرطنه :)

تجاربكم مع تعلم اللغه الرطينيه

بدايه 2013 عزمت احط لي هدف خلال ست شهور اصير بلبله لكن للاسف الكسل ومايسوي
مابي ادش دورات نظامي كلش مب نظام روحات وردات على مراكز لغه
ابي اعطي نفسي دوره ست شهور مكثفه اقوي فيها نفسي بالبيت
لغتي مب سيئه اقدر اتواصل مع الناس ويفهموني بس لما اتكلم احس الي قدامي يسمع رطنتي مثل مانسمع رطنه هندي يتكلم عربي مكسره وتنتيع
و اويل اند قاز دونت مكس
دونت مكس

اول خطوه فكرت احط لي تلفزيون بغرفتي وابتدي اتابع برامج وافلام انجلش مع اني مو حابه احطه بغرفتي بس شسوي مابي ازعج حد
هل التلفزيون ينفع؟

اممم شنوً عندكم نصايح بعد او افكار وهل فكرتي ارص نفسي ست شهور فكره محرزه؟؟؟

[jassim69]

ينقل الموضوع القسم الاستراحه

[وليف الشوق]

في عندك مجال او وقت تدخلين دورات ؟ ولا اهو اجتهاد شخصي منك ؟

[v_h3]

اذا عندج موظفات أجانب قعدي معاهم وشوفي طريقة كلامهم شلون ومع الايام بتتقنين فاللغة ان شاء الله وتكونين سريعة فالكلام بدون تردد أو تفكير وعندج قناة الجزيرة الانجلش وقنوات كثيرة

[v_h3]

وإذا دخلتي دورات ماقول ماراح تفيدج بس لازم تكلمين وحدة تتكلم لغتها الام وبه الطريقة بتستفيدين ان شاء الله وموفقة اختي

[Aaziz]

متابعه اي شي بالانجليزي و يكون مترجم بالانجليزي ، بحيث الشخص يسمع الكلمه و يشوفها مكتوبة .

الاهتمام في موضوع ما (يكون يستهوي الشخص او عنده سبب قوي) يجعله يبحث في الانتر نت بتعمق عنه ، يقراء مقالات عن هذا الموضوع و يقراء شروحات عنه ،، طبعا باللغه الانجليزية البحث و القرائه و ترجمه الكلمات الغريبة .

[النهار]

احسن طريقه لتعلم اللغه الانجليزيه الجريده
لوكل يوم : قراءه وفهم 5 سطور بالشكل الصحيح تساوي دراسة اسبوعين في
مركز تعلم اللغه الانجليزيه
هذه نصحيه من استاذ اللغه الانجليزيه هو بريطاني ( في معهد اللغات )
فعلا طبقتها بس كنت كل يومين او ثلاثة ايام كنت احفظ 5 سطور من جريده انجليزيه
قراءه وتحدث وفهم وكنت ارجع لها بشكل مستمر حتى ترسخت عندي المعلومات
طبعا الممارسه مطلوبه للحفاظ على اللغه

[رهج السنابك]

في عندك مجال او وقت تدخلين دورات ؟ ولا اهو اجتهاد شخصي منك ؟

اجتهاد شخصي

[رهج السنابك]

ينقل الموضوع القسم الاستراحه

لا علم ولا طموح

ومواضيع العلم والاجتهاد تعتقدونها للاستراحه


للاسف ذي عقول تربيتوا عليها


حتى في المدارس علموكم ان المجتهد محل للطنازه والتريقه يالمصري ويا مصطفى والخ


ارتقوا يا عرب

[حمد 2002]

حفظي كل كلمه بالقاموس ،،،،

[رهج السنابك]

متابعه اي شي بالانجليزي و يكون مترجم بالانجليزي ، بحيث الشخص يسمع الكلمه و يشوفها مكتوبة .

الاهتمام في موضوع ما (يكون يستهوي الشخص او عنده سبب قوي) يجعله يبحث في الانتر نت بتعمق عنه ، يقراء مقالات عن هذا الموضوع و يقراء شروحات عنه ،، طبعا باللغه الانجليزية البحث و القرائه و ترجمه الكلمات الغريبة .



جزاك الله خير فعلا درر
ذكرتني كنت قبل مهتمه بموضوع طبي وماله مراجع الا انجليزيه ومن كثر بحثي بالنت وقرايتي تكونت عندي حصيله مفردات طبيه بالانجلش
طبعا لو قعدت طول عمري ادرس بمعاهد عمري ما اجمعها

مشكور ع النصيحه

[وليف الشوق]

لا علم ولا طموح

ومواضيع العلم والاجتهاد تعتقدونها للاستراحه


للاسف ذي عقول تربيتوا عليها


حتى في المدارس علموكم ان المجتهد محل للطنازه والتريقه يالمصري ويا مصطفى والخ


ارتقوا يا عرب


لالالا اذا كان اسلوبج وثقافتج بالطريقه هذي للناس انا اعتذر عن تقديم النصيحه لك وانسحب والله يوفقك اختي

[الدباسة]

السلام عليكم ورحمه الله
أولا
اشكرج على الموضوع الجيد
ثانيا أحيي فيج روح التعليم
ثالثا ممارسه اللغه بحد ذاتها شئ جيد


الحين في برامج كثيره للتلفونات لتعليم اللغات


فالج التوفيق يارب

[R 7 A L]

اعتزلي من الحديث باللغة العربية
لاتقعدين مع ناس يتكلمون عربي او اماكن يتكلمون فيها بالعربي على الاقل سنه
و اولها منتدى الاسهم القطرية :secret:

من الحين نقول لك نشوفك على خير :tease:

[الدباسة]

من تعلم لغه قوم امن مكرهم

[Locale]

اتذكر قوت عندي اللغه من بديت احفظ فقرات او موضوع بالانجليزي
خبرج الانجليزي ايامنا ميح ونادر اللي يعرفون انجليزي
كنت كل سنه احفظ فقرة الانجليزي واترجمها علشان اعرف شاللي مكتوب
وسبب ثاني اتكلم مع الشغالات بالانجليزي بعد شوي تحسنت
بس على قولتج جنه هنود يتكلمون عربي

[Bin Hood]

أنا كنت اشتغل في بنك وبحكم تعاملي مع أجانب كنت أتكلم بالانجليزية
وهالني ساعدني كثير

شئ ثاني أخذي كتاب يناسب مستواك يفضل قصة أي شئ يعجبك

في مسلسل قديم من الثمانينات اسمه mind your language
على إليوتيوب مترجم باللغة الانجليزية ممتاز جداً وما فيه أي شي المسلسل

في شئ جداً ممتاز إذا قدرتي تتكلمين بالانجليزية مع الجميع
إذا ما كان عندك إحراج أو مشكلة

[OREO]

اذا عرفتي كيف تطورين اللغة الانجليزية عندج لاتنسين الفقير في الله ،، لاني محتاج اتعلم خودموني ( اللغة الفارسية ) ،،


موفقة ان شاءالله ،،

[الجوكر90]

شوفي في مواقع فالنت تعلمج اشلون تتكلمين دوري وراح تحصلين بالهبل
انا درست فالنورث وتعلمت وايد بس لين الحين احرق
وفي مشكله ثانيه عادي وانا اتكلم احط كلمه بالانجليزي فالجمله وهالشي ماشوف انه زين ﻻن الي يسمع راح يقول هاي يبي يتفلسف علينا ويورينا انه يعرف انجليزي
بس ﻻن انا من الساعه 7 لين 4 اتم فالكليه وﻻزم اتكلم انجليزي فيوم ارجع صعب اغير الموجه
فاتوقع راح تصادفين نفس المشكله

[عاشق العديد]

اختي تتبين تتعلمين الكلام الكتابه ..

طيب حلللج موجود ..

فدوامج كلمي اي احد مدير القسسم اي شي

خل ينقلج فمكتب فيه اجنبيه .. يعني 24 ساعه انتي وهي مع بعض ..
وشو عقب الاكسنت .. والكلام بالانجليزي عندج بيتعدل وايد .
اخبر فالبدايه كنت فمكتب بروحي عقب جابو لي واحـد مايعرف كلمه عربي بس مسلم وكذا يعني تعلمت منه وعقبها الحمد لله اموري زانـت .. فا التواصصل جيد ..

[بريق الحق]

انا حبيت اللغة من المدرس الامريكي مسلم ولين الحين اسوالف معاه وفي واحد ثاني امريكي يتكلم عربي كانه واحد من الشباب يقولي اذا الواحد يبي يتقن اللغة لازم يتعلم قواعد اللغة العربية

[فارس بلا جواد]

هههههههه
الله يهداج يالاستقراطيه فتحتي على نفسج باب اخذي الضحك والعبط

المهم اختي العزيزه
انا عندي لج حل
مري على مكتب خدم واطلبي خدامه من الفلبيين تعرف انقليزي
صدقيني 3 شهور امورج في الروب
دونت ووري
جست دووت
انا جربت مع بعض الفلبيين وبضع الباعه والسيلس مان في الشغل عندنا
والحين صرت اتكلم بلبل
ساعات احرق ( اخور وانجب ) بالانغليزي
بس عادي ما يهمهم
هم بروحهم يشجعوني على هشي
مب هنيه عندنا
اذا الواحد تكلم وغلط في كلمه هههههه راحت عليه عشره صفر
عطوه في نص الجبهه بنجاح

عسا الله يوفقج يا اختي

[قلبي الطيب]

اذا عرفتي كيف تطورين اللغة الانجليزية عندج لاتنسين الفقير في الله ،، لاني محتاج اتعلم خودموني ( اللغة الفارسية ) ،،


موفقة ان شاءالله ،،

على فكرة الخودموني غير عن الفارسي الرسمي انا اعرف خودموني بس مااعرف فارسي بس خاطري أتعلم

[بوعليان]

لاحول ولاقوة الا بالله عنوان جاب لي القولون بلبله وبلبل واخرتها تبين تقوين اللغه انا اقترح اغلاق الموضوع لانه بايخ ويلوع الجبد بلا بلبل وبلا بلبووول روحي طيري يبه

[بريق الحق]

لاحول ولاقوة الا بالله عنوان جاب لي القولون بلبله وبلبل واخرتها تبين تقوين اللغه انا اقترح اغلاق الموضوع لانه بايخ ويلوع الجبد بلا بلبل وبلا بلبووول روحي طيري يبه

قل خيرا او اصمت

[بوعليان]

وانت شكلك من شماليها روح طير بعد انت صير بلبل

[النهار]

اذا عرفتي كيف تطورين اللغة الانجليزية عندج لاتنسين الفقير في الله ،، لاني محتاج اتعلم خودموني ( اللغة الفارسية ) ،،


موفقة ان شاءالله ،،

:eek5:اوريو خودموني مش لغه بل كلمه ايرانيه بحته تعني منا وفينا ( يعني من الجماعه )
هل الكلمه دائما عند الخودمونيه منتشره للتأكد من الطرف الثاني

[v_h3]

وانت شكلك من شماليها روح طير بعد انت صير بلبل

اخوي اذا انت ما تبي تستفيد مالة داعي تدخل وتتكلم به الطريقة لو الموضوع مالة هدف أو فايدة الادارة موجودة وهي اعلم منك اذا يحتاج يتسكر أو لا

[فلتة زمانها]

اختي الارستقراطية في شي من زمان ابي اقوله لج
لمست فيج ذكاء بدرجة عالية واحسج متميزة اكاديميا
العبقري دائما افكاره مميزه ومب اي حد يتقبل افكاره

[رهج السنابك]

لالالا اذا كان اسلوبج وثقافتج بالطريقه هذي للناس انا اعتذر عن تقديم النصيحه لك وانسحب والله يوفقك اختي

ينرفزني من يستحقر العلم ويعتبره شيء ترفيهي مب مهم في الحياه :)

[رهج السنابك]

اختي الارستقراطية في شي من زمان ابي اقوله لج
لمست فيج ذكاء بدرجة عالية واحسج متميزة اكاديميا
العبقري دائما افكاره مميزه ومب اي حد يتقبل افكاره

حبيبتي انتي
الحمدلله صحيح متميزه اكاديميا لكن تم احباطي من كل النواحي خليها على ربنا

[رهج السنابك]

لاحول ولاقوة الا بالله عنوان جاب لي القولون بلبله وبلبل واخرتها تبين تقوين اللغه انا اقترح اغلاق الموضوع لانه بايخ ويلوع الجبد بلا بلبل وبلا بلبووول روحي طيري يبه

موضوع مايعجبك ولا تقدر تفيد فيه لا تدشه يبه

خلك في الابل والغنم

كل انسان يبحث عن مايريد

انا ابحث عن تطوير نفسي ويهمني استفيد من اراء غيري

وكل من شارك وافادني بالعام او الخاص لهم تحيه تقدير


والي ماعنده شي يفيد فيه غيره مب مجبور يرد


:)

[رهج السنابك]

انا حبيت اللغة من المدرس الامريكي مسلم ولين الحين اسوالف معاه وفي واحد ثاني امريكي يتكلم عربي كانه واحد من الشباب يقولي اذا الواحد يبي يتقن اللغة لازم يتعلم قواعد اللغة العربية

لايكون مثل ابو متعب الامريكي هههههه عجيب هالانسان لو ماتعرفه دش يوتيوب واكتب ابو متعب الامريكي مب بس بتنصدم ستصعق من طريقه اتقانه الرهيب للهجة السعوديه وهو لا عاش ولا انولد فيها قدره رهيبه
خاطري اكون جذي :( اتقن الاكسنت الامريكي نفس الامريكان

[رهج السنابك]

اختي تتبين تتعلمين الكلام الكتابه ..

طيب حلللج موجود ..

فدوامج كلمي اي احد مدير القسسم اي شي

خل ينقلج فمكتب فيه اجنبيه .. يعني 24 ساعه انتي وهي مع بعض ..
وشو عقب الاكسنت .. والكلام بالانجليزي عندج بيتعدل وايد .
اخبر فالبدايه كنت فمكتب بروحي عقب جابو لي واحـد مايعرف كلمه عربي بس مسلم وكذا يعني تعلمت منه وعقبها الحمد لله اموري زانـت .. فا التواصصل جيد ..




فكرتك عبقريه وفكرت فيها

بس المشكله الاجانب الي معاي بالقسم ريايل يعني مافي امل اقعد معاهم وحتى كلامي معاهم محدود
والبنات الي معاي عرب صح افضل مني في اللغه بس لو تكلمنا مع بعض نقلب عربو

[نور الحور]

دشي تويتر :p

لأ .. جد ..الممارسة أسهل طريقة .. وبالنسبة للكتابة أقوى طريقة هي كثرة القراءة لكتابات بأسلوب جيد وقوي ..لأن كثرة القراءة تطور الأسلوب بشكل سلس .. أنا حالياً أسعى لأكون بلبل معاج .. أبي أغررررد :shy:

[بوحارب]

سهل عادي

بس لابس تقعدين مع أجانب لمدة طويلة

عقب بتصيرين بلبل

[رهج السنابك]

دشي تويتر :p

لأ .. جد ..الممارسة أسهل طريقة .. وبالنسبة للكتابة أقوى طريقة هي كثرة القراءة لكتابات بأسلوب جيد وقوي ..لأن كثرة القراءة تطور الأسلوب بشكل سلس .. أنا حالياً أسعى لأكون بلبل معاج .. أبي أغررررد :shy:



هيا بنا نغرررررد :nice:


لاكثر من 15 سنه اقرأ بحكم الدراسه في تحسن لكن ابي لساني ينطق صح مابي افكر بالعربي

قد سمعت نصيحه ان افضل شي التمرين ع التفكير بالانجليزي مب بالعربي

[بوعليان]

ودي افيدج يابلبله باشوف لج طريقة واااااااو بلبل بلابل فوف الشجر

[OREO]

بعدج ما صرتي بلبل !!!!

انا تعرفت على دكتور ايراني و تعلمتلي كمن كلمه فارسيه و صرت احس اني صاير كناري هاليومين ،، :shy:

[Bin Hood]

بعض الردود تضحك وتبين مستوى تفكيرها

تحياتي الحارة لصاحبة الموضوع

وموضوع اللغة ممتع

اقتراح آخر ان تطلعين إجازة شهرين وتروحين بريطانيا أو أمريكا

إذا كان في محرم أو احد يدرس هناك بيكون شئ ممتاز

وحاول تبتعدين عن العرب

[أم محمد 90]

يمكن تضحكين علي ..

انا اللي حببني باللغة الانجليزية مسلسل (Friends)
وأمي ماكان يعجبها اني مهتمة بالمسلسل وايد وكنت صغيرة ف رابع ابتدائي
ف كنت اروح سوق الجبر واشتري المسلسل (بدون دبلجة) من محل يبيع العاب كان يبيعهم بالخش ههههه والله ايام

وتخيلي أتقنت اللغة من هالمسلسل وبعد ماخلص كنت ف اول ثانوي وقتها خلاص كنت في مستقلة ولغتي قوت وايد من الدراسة

كنت اشوفه واحب طريقة كلامهم وسوالفهم واحاول اسولف مثلهم واي كلمة مافهمها كان عندي مترجم كأنه بلاك بيري ماخذته من جرير اكتب الكلمة وينطقها لي وشلون استخدمها في جملة

صج صج كانت ايام والحمدلله خلصنا ثانوية وجبنا الايلتز وهذانا فالجامعة..

شدي حيلج اللغة ماراح تتقنينها الا اذا حبيتي شي له خص باللغة ~

الله يوفقج

[حمد 2002]

يمكن تضحكين علي ..

انا اللي حببني باللغة الانجليزية مسلسل (Friends)
وأمي ماكان يعجبها اني مهتمة بالمسلسل وايد وكنت صغيرة ف رابع ابتدائي
ف كنت اروح سوق الجبر واشتري المسلسل (بدون دبلجة) من محل يبيع العاب كان يبيعهم بالخش ههههه والله ايام

وتخيلي أتقنت اللغة من هالمسلسل وبعد ماخلص كنت ف اول ثانوي وقتها خلاص كنت في مستقلة ولغتي قوت وايد من الدراسة

كنت اشوفه واحب طريقة كلامهم وسوالفهم واحاول اسولف مثلهم واي كلمة مافهمها كان عندي مترجم كأنه بلاك بيري ماخذته من جرير اكتب الكلمة وينطقها لي وشلون استخدمها في جملة

صج صج كانت ايام والحمدلله خلصنا ثانوية وجبنا الايلتز وهذانا فالجامعة..

شدي حيلج اللغة ماراح تتقنينها الا اذا حبيتي شي له خص باللغة ~

الله يوفقج

انزين لو واحد يبي ايقوي الاستماع عنده باللغه الانجليزيه شيسوي ؟ لان اذا واحد كلمني باللغه الانجليزيه مافهم ولا كلمه ؟ وخصوصا لو تكلم بسرعه :secret: ؟ الكلمات احسها مشربكه ومتداخله ؟ هههه الله المستعااااااااان :(

[أم محمد 90]

بصراحة يا حمد بالرغم من اني اتقن اللغة الانجليزية من كل النواحي
الا اذا جاني بريطاني او هندي او مصري يتكلمون انجليزي
هني انا اصير صمخة اقول (هااااااا ؟؟) هههههههههههه

[حمد 2002]

بصراحة يا حمد بالرغم من اني اتقن اللغة الانجليزية من كل النواحي
الا اذا جاني بريطاني او هندي او مصري يتكلمون انجليزي
هني انا اصير صمخة اقول (هااااااا ؟؟) هههههههههههه

:secret: ههههههههههه

[أم علي 2010]

عن تجربة الحمدالله من يوم احنا اصغار كنا ندرس بالبرتش كاونسل

هذي الشي ساعد كثير ان تكون اللغه سهله عندي واتقبلها

بس الفرق اللي لاحظته ان التعامل اليومي مع الاجانب ( المدرسين) يكسبج شيئين الاكسنت الصحيح او اللفظ الصحيح و الانسابيه في الرطنة

اكتسبت هالشي لما كنت ادرس بالجسر الاكاديمي ،،، وبعدين فقدت هالشي لما درست في جامعة قطر


يعني ببساطة هي ممارسه احرصي انج تسمعين الكلمة وتفهمين معناها التلفزيون بيعلمج اللغة العاميه مش الاكاديمية و هو بنظري شي جيد

القرايه مع الاستماع بيكسبج كلمات و اكثر من كلمة لنفس المعنى

ابتعدي عن الترجمه الفوريه :nice:

[أم علي 2010]

بصراحة يا حمد بالرغم من اني اتقن اللغة الانجليزية من كل النواحي
الا اذا جاني بريطاني او هندي او مصري يتكلمون انجليزي
هني انا اصير صمخة اقول (هااااااا ؟؟) هههههههههههه

ام محمد ما سمعتي اكسنت بريطاني لفربولي ،،،، والله بتقولين عمري مادرست انجليزي


انا عندي توجهه ادرس فرنسي ههههههه بس مادري متى

[رهج السنابك]

ام علي

الاكسنت المنشستراوي مصيبه

احس باحباط من اسمعه

يالبى الامريكان ويالبى لهجتهم تنفهم مب ذيلاك

[قطري 777]

فاقد الشي لايعطيه


بسسسس كل شي مع العزيمه يصير لدرجه اني سمعت واحد يتقن 8 لغات واعتقد الانغليزي لغه سهله ووممتعه وفيه طرق كثيرة للاتقان شوفي الطريقه الي انتي ماتتممللين منها وااستعمليها . (العزيمه)

[Serenade]

أي شي تحبينه و مهتمه فيه ابدي ابحثي عنه بالانجلش ..و اقري عنه.. او شوفي عنه فيديوات في يوتيوب
يعني لو مثلا تحبين الميك اب دشي فيديوات اجنبيات يتكلمون عن الميك اب و هكذا
لان جذي ما بتحسين بالملل و انتي تتعلمين.. و يمكن مع الوقت تتفاجئين من نفسج لما تطلع منج كلمات خطيرة :)

[elders]

قراءة المواضيع في موقع البي بي سي وبعد فهمها اسمعيها من الموقع نفسه ومرات تانيه بلشي بالسماع وحاولي تفهمي وخدي نوت وبعدين ارجعي عيدي الصوت وانتي عم تتبعي الموضوع المكتوب
موفقه
بالمناسبه. .اكثر من مرة بكون بدي اكتبلك. .اني احبك في الله وبنسى
المهم
احبك في الله

[رهج السنابك]

حبيبتي يالدرس

واحبك الله لما احببتني فيه


سعيده بكلماتك ربي يسعدك ويرضا عليك

[حسن]

دوره بريطانيا 6 شهور وبتكونين بلبل

بالتوفيق بايالاستقراطيه

[رهج السنابك]

اي الله يسمع منك

بس الشغل :(

[حسن]

اي الله يسمع منك

بس الشغل :(

الانسان طماع

يعني تبين تشتغلين وتبين تاخذين لغه في نفس الوقت مايسير مايجوز

يااخي خذي اجازه بدون راتب

[رهج السنابك]

مب طمع الله يسامحك

لو يخلوني اطلع بدون راتب واتحمل كل تكاليفي مستعده
بس ماعندنا اجازه بدون راتب ست شهور!
حدهم شهر واحد ولازم يقتنعون بعد في العذر

[H H]

http://www.qatarshares.com/vb/showthread.php?t=553041

هذا موضوع كتبته من فتره وان شالله يفيدك وفيه مثال مهم يمكن ينفع معك لكن لاتطبقينه حرفياً
عدلي عليه ونقصي منه وزيدي عليه لين يكون مناسب مع وضعك وابدي فيه وان شالله توصلين لغايتك


بالتوفيق

[ام السعف]

لازم ولابد انج تتواصلين مع البلابل

فحاولي تتعرفين في النت على سيدات وانسات بلابل وتكلمينهم صوت
وكتابة وان شاءالله بتصيرين مغردة محترفة ،،

وعندج في موقع انجليش تاون مدرسين خصوصيين اعرضي طلبج عليهم
وهم بيسسون لج خطة فجربيهم شهر ان انفعوا كملي معاهم ،،

وبالتوفيق

[رهج السنابك]

ام السعف اتوقع عندج خلفيه او جربتي انجلش تاون

هل حسيتي بتقدم معاهم؟؟

[ام السعف]

ام السعف اتوقع عندج خلفيه او جربتي انجلش تاون

هل حسيتي بتقدم معاهم؟؟

للامانة وااايد حسيت بالفرق يا الارستقراطية ،،

بالنسبة لي خذت كورسين فيه وسجلت على اني مبتدئة
وسجلت حق خوسيه واخته
خوسيه مبتدئ لأني ابيه يتأسس بشكل افضل واخته الحمدلله كان مستواها 7
و 8 في اخر كورس،،

المواضيع اللي يشاركون فيها كبيرة واشوفها تهذر وتهذر وتهذر وتهذر
وينطلب منها تتكلم عن نفسها في كل مرة ,, فهي تتقمص شخصيات
وتتكلم عنها على اساس انها هي ،،

انجلش تاون مب محصور في المحادثة ،، كورس الانجلش تاون
شامل كل شي وما تقدرين تهملين شي وتهتمين في شي ،،
ولازم تخصصين له من وقتج ،، فمن جذيه لقيت صعوبة في الاستمرار
في الفترات الأخيرة وناوية ان شاءالله اسجل في القريب العاجل ،،

بس انتي لو بتسجلين اطلبي مدرس خاص ،، يعني يتفرغ لج
تطلبين منه اشتبين بالضبط ،، تبين تركزين على الكتابة او القراية
او المحادثة ، وعليه هو بيقدم لج نصايحه حسب ما هو موضح في موقعهم ،،

والله يوفقج ويوفقني واصير بلبل مثلج
ونغرد :shy:

[رهج السنابك]

حمستيني يا ام خوسيه

خلاص قررت اسجل

اول شهر واحد دولار انا من زمان ادور جذي موقع يطورني في التحدث

ماقصرتي يعلني ارقص بعرس خوسيه

[بريق الحق]

حمستيني يا ام خوسيه

خلاص قررت اسجل

اول شهر واحد دولار انا من زمان ادور جذي موقع يطورني في التحدث

ماقصرتي يعلني ارقص بعرس خوسيه

نصيحة مني اسمعي محاضرات الشيخ احمد ديدات انقليزي مترجمً بالعربي او العكس ياسقراط

[رهج السنابك]

ان شاء الله عمو بوعابد تسلم ع النصيحه انا وايد احب اسلوب احمد ديدات واحب عقليته

[بريق الحق]

ان شاء الله عمو بوعابد تسلم ع النصيحه انا وايد احب اسلوب احمد ديدات واحب عقليته

الشيخ الله يرحمه كان اسلوبه قصف للجبهه ماشاءالله عليه موفقه سقراط

[ام السعف]

حمستيني يا ام خوسيه

خلاص قررت اسجل

اول شهر واحد دولار انا من زمان ادور جذي موقع يطورني في التحدث

ماقصرتي يعلني ارقص بعرس خوسيه

ايه دولار ويا بلاش بصراحة واربطي موقعهم بالفيس بوك اذا عندج حساب،،
لكن احذرج من اللي يدخلون ويبي يتكلمون احذري منهم سواء بنات
ولا شباب ( احس اغلب اللي في مثل هالمحادثات عندهم امراض نفسية )
يتلاعبون ويكذبون ويتلقون سوالف وحكايات وممكن تلقين وحدة تكلمج
بنكين او واحد مسوي نفسه وحدة وفي الطرف الثاني واحد ،،

فمن جذيه احذر اي بنت انها تاخذ حذرها من طلبات المحادثة الخاصة
والله يوفقج والله يكتب لي واسجل ان شاءالله في القريب العاجل ،،

اللهم آمين الله يبلغنا فيه وفيه اخوانه وانتي معزومة من اليوم :shy:

[رهج السنابك]

ام خوسيه اذا على الكذب عادي مايهمني انا يهمني اطور لغتي لو يألفون لي قصص جحا وحماره هههههه

[ام السعف]

ام خوسيه اذا على الكذب عادي مايهمني انا يهمني اطور لغتي لو يألفون لي قصص جحا وحماره هههههه

المشكلة انج تحسين انج نفس بو أذاني طويلة اللي يطلع مغفل ونيته صافية
وهم شغالين كذب حتى في ابسط الأمور ،، عني عندي حساسية كبيرة منهم
تلقيني من غير احساس احذفهم وما يستمرون في قائمة اصدقائي وممكن اخليها صفر :(

وفي طرف ثاني تلقيني لا ،، احترم الشخص اللي المس الصدق في 50% من كلماته
فما في شي يضطرني اتسمر جدام الشاشة مع ناس يتصنعون الكذب وينتجونه
حتى لو كان بهدف التعليم ،،

لذلك ارجع واحذرج انج تكونين جدا منتبهة في قبول دعوات المحادثات ,,

[شروووق]

ياريت المجلس اﻻعلى يفتح صفوف مسائيه فقط لتعلم اللغة اﻻنجليزيه ومن صف اول الى الثانويه فقط صفوف انجليزى