استشاره عن رقم غير مميز كم يسوى - معروض علي مع موتر

[الحـ(درب)ـب]

السلام عليكم

شخباركم

طبعا هالأيام سوق السيارات طايح وخصوصا السيارات الغاليه وفي موتر عجبني بس راعيه يبي يبيعه مع الرقم غير مميز

وانا الرقم مو مهم عندي وايد ابي الموتر وهو زايد بسعره عشان الرقم

فمن له خاطر يفيدني كم يسوى الرقم عشان اشوف التوتال كم يطلع علي سعر الموتر

لاني يمكن اصرف الرقم بعد الشراء لان عندي ارقام رباعيه

9x9y9

الأكس والواي رقمين متسلسلين
يعني مثلا 3و 4 --- 4و5 --- 5و6
كذا يعني ؟


المهم الموضوع للإستشاره واللي يحب يفيدني بالخاص فهو مفتوح للجميع
واللي يحب يشرح سوق الأرقام بالعام يفيدني يعني اكتبو توقعات ولاتستحون بس لاتزيدون السعر وايد راعي الموتر يمكن يسير على الموضوع ويرفع سعره اكثر هههههههههههه حلاله لو له حق بسعر السوق اهم شي استشارتكم

[بـويوسف]

الرقم يتميز
يجيب لك 15 الف واكثر ان شاء الله

واذا طالب فيه اكثر من سعره ومالك حاجه فالرقم .. خله يميز الرقم وينزله

والله يوفقك اخوي

[عاشق العديد]

بالتوفيقققققق ..

ونتمنى لك كل خير انت وراعي الموتر والله يبارك لكم..

[الحـ(درب)ـب]

الرقم يتميز
يجيب لك 15 الف واكثر ان شاء الله

واذا طالب فيه اكثر من سعره ومالك حاجه فالرقم .. خله يميز الرقم وينزله

والله يوفقك اخوي

تسلم يالغالي وهو زايد بسعر الموتر حوالي 15 الف

على العموم ننتظر اراء الباقين

[Qtr_Qtr]

اخوي اذا زايد على الموتر 15000 علشان الرقم اقولك توكل على الله وخذ اموتر مع الرقم ومميز الرقم وبيعه

والله يوفقك يارب

[الجوكر90]

انا مع الشباب يمكن يزيد المبلغ بس ماينقص

[فتك العديد]

اخوي الرقم يتميز وانا عندي رقم بنفس الصيغه وميزته

[الحـ(درب)ـب]

اخوي الرقم يتميز وانا عندي رقم بنفس الصيغه وميزته

ماعليك من تمييزه موضوعه هين

على العموم تقريبا تم الشراء وبعد فترة بعرض الرقم لان مالي حاجة فيه

[مزيون الدوحه]

اذا الارقام 3-4 او 4-5 او 5-6 سعره من 15 الف لين 20 الف ويمكن يزيد شوي للرغبان في الرقم
اما اذا الارقام 0-1 او 1-2 او 7-8 سعره من 25 الف وطااالع

وبالتوفيق ان شاء الله