أمهات العازه !

[نوفة قطر]

السلام عليكم ورحمة الله وبركاته

أمهات العازه جمله من كلمتين اسمعها من يوم انا صغيره في وايد مواقف واتمنى يكون معناها حقيقي مثل ماقصده :nice:

لما أقول أمهات العازه أقصد الأمهات اللي مالهم معنى الحمدلله رب العالمين هي شغلتها تجيب عيال وبس :victory: وفي غالب الاحيان الابو بعد يكون يبي حد يشيل اسمه وبس ! خخخ

استغرب من الاهالي اللي من هالنوعيه والمشكله لما يقابلون حد يقولون اوف تعبنا في تربية هالعيال والا يوم يكبرون عيالهم ويعقونهم يزعلون يقولون هذا اخر التعب والتربيه :) :omg:

اللي مب قد مسؤولية العيال ليش يجيبهم ؟ عشان الدنيا تربيهم ع الفطره ؟ والا الخدم يربونهم على هواهم ؟

اللي خلاني اكتب هالموضوع هو موقف صار لي أمس .. رحنا احد المولات الصغيره

كنت امشي وعند الالعاب لفتت نظري شغاله فلبينيه ان ماخاب ظني قاعده وقاعد يمها واحد واضح انه الدريول لانه قاعد يتابع الموقف عن قرب ! ماسكه ياهل من يده ومحمره عيونها عليه وتهاوشه بالانجليزي وتوديه على ورا وترده على جدام من ذراعه وهو الدمعه في عينه وساكت :)

وقفت اشوف هي شقاعده تسوي ؟ شافتني واقفه هدت يده وتمت تشوفه بنظرات < مادري شنو الجرم اللي ارتكبه ويستاهل هالنظرات

رحت يمها قلت لها : وين امه ؟ سكتت رجعت قلت لها وين امه ؟

رفعت عينها وبكل قوه قالت " بما معناه - بالانجليزي " انتي مايخصج انا مربيته وكيفي اسوي اللي ابيه

انا طبعا تنرفزت و واضح ان ام هالعيال .. قصدي الانسانه اللي شالت هالياهل في بطنها ماعطه الشغاله الضوء الاخضر تسوي في ولدها اللي يعجبها

قلت لها اوكي ويت :nice: ع اساس يمكن تخاف الا ترد بكل قواة عين ااوكي

ويوم بعدت عنهم الا شايله جوالها ومتصله الظاهر في الأم الحنون وتقول لها ان في وحده جات كلمتني وانا قلت لها " يالله روحي "

انا قلت حق امي مب بعيده تقول ان حاولت اخطفه وهي انقذت حياته ! ههههههههه

وانا ادري ان حتى لو شفت الام وكلمتها بتقول لا مابصدق في شغالتي لانها دوم مع ولدي ومايشكي منها

....

ليش وااايد امها يعرضون عيالهم حق مواقف مثل هاذي ويخلون وحده غريبه تصرخ عليهم واطقهم جدام الناس على ابو ان مُربيه ! انا لو اشوف ياهل امه اطقه مارضى شلون نتقبلها من حد غريب !!

وليش نستغرب اذا شغاله ذبحت ياهل دام ان من الاساس كل شيء بيدهم يودون ويجيبون وياكلون ويشربون وفي النهايه الياهل مب ولدهم يعني ليش يحنون عليه اصلا !! < إلا من رحم ربي

شنو الداعي لما نشوف 4 يهال في مجمع ومعاهم 5 شغالات ! لهالدرجه ترف وقلة مسؤوليه ؟

اتمنى من كل قلبي ان هالنوعيه من الامهات ينتبهون ويعرفون ان الامومه مب معناها تجيب عيال وتقط !! الامومه مسؤوليه وايد كبيره وعليها واجبات اكثر من ماتتخيل

واتمنى بعد الابهات قبل مايسطرون درزن خدم فالبيت .. ينصحون زوجاتهم ويقعدون مع عياالهم

اخذوا عيالكم ودوهم الالعاب قعدوا معاهم في مطعم .. علموهم الادب والاخلاق والقيم الاسلاميه

لا تتركونهم بيد الخدم عشان مانطلع بجيل افسد من جيلنا هذا وببلاوي اكبر

" الشغاله اللي تكون متعلمه وجامعيه وتجيبونها ع اساس تتكلم انجليزي وتعلم عيالكم صح .. ترى مابتفيدكم بكره لين شب الطفل على اطباع غلط والا لما يتعقد من اسلوبها معاه والا حتى يوم تسوي فيه شي "

هالموضوع نصيحه لوجه الله لان قلبي احترق امس على الياهل

الله المستعان

:)

[راشد محمد]

الله المستعان

[عاشق العديد]

وتقولون ليش تطلع لنا فالبلااد عادات بذيئه ليش الشباب صصارو بنات .. وليش ماعلوم رجال وتربيه سسسنعه ...

هذا هو الجيل المصصصخررررره الله المسسستعان .. اقسسم بالله لو اني موجود ان الفلبنيه ذي احطها فمخباي واخذ الولد واعطيه للامن خل هم يجييبون ابوه ويشوفون خدامه وش تسسوي .. استغفر الله العظيمممم ..

[ولي العهد]

الام في هالزمن مب فاضية حق التربية همها الشغل وهمها اطلع ليسن وتسوق وتروح المجمعات وتتسوق وتروح الصالونات واذا كلمها زوجها قالت طلقني عادي عندي بيت من الحكومه وعندي راتب وعندي سيارة يعني عدم وجودك عادي عندي ....

راحون الطيبين

[um.7moody]

أنا هالموضوع يقهرني ويذبحني وخاطري أخذ الأمهات اللي من هالنوعيه وأكفخهم وأكفخهم لين أبرد قلبي وبعد مايكفي لأنها ماتعرف وش معنى كلمه أم

أنا أم وأعرف معنى الأمومه مايغفى لي عين إلا وولدي عندي أنا اللي أبدل له وأكله وأنومه وألعب معاه حياتي كلها له ومع هذا أحس أني لحين مقصره هذول بذمتهم وش يحسون فيه

في إجازة عيد الفطر كنت في ألعاب أزدان وعندهم اللعبه المتاهه تخيلوا داخلها شغله بيده بنوته ماتتعدى عمر السنه البنت تحبي كانت بحضن الشغاله تشربها حليب القهر أنها كانت تحط المرضاعه بفم البنت وتسكر بالقوه بيدها عشان تشرب ولاكانت خايفه من أحد مع أن كان المكان عااااالم لأن وقت عيد .. وقفت فترة عيني عليها عل وعسى الأم ترجع ماشفتها

[um.7moody]

الام في هالزمن مب فاضية حق التربية همها الشغل وهمها اطلع ليسن وتسوق وتروح المجمعات وتتسوق وتروح الصالونات واذا كلمها زوجها قالت طلقني عادي عندي بيت من الحكومه وعندي راتب وعندي سيارة يعني عدم وجودك عادي عندي ....

راحون الطيبين

والله انك صادق أمهات هاليومين يبون الهياته مع البنات والحفلات واللبس والصالونات والسفر
كل وحدة عندها راتب عالي وسيارة وريل مايقولها لا ماتطلعين مخليها على راحتها

[وطن]

قلة تقدير لنعمة الله للأسف

الأبناء نعمة
وتربيتهم ومجابلهم متعه
حتى لو فيها عوار راس وازعاج وشقى

ما ادري شلون يهون عليهم يقطون عيالهم على الخدم

ويعتمدون عليهم اعتماد كلي !!

ما يكسرون خاطرهم هاليهال !!



الحمدلله الذي عافانا مما ابتلاهم به

[حمد 2002]

بنات وامهات هالوقت وبقول البعض علشان مايزعلون بعض الناس احط عليهم مليار علامه استفهام !!!!!!!

[aziz4z]

السلام عليكم ورحمة الله وبركاته

أمهات العازه جمله من كلمتين اسمعها من يوم انا صغيره في وايد مواقف واتمنى يكون معناها حقيقي مثل ماقصده :nice:

لما أقول أمهات العازه أقصد الأمهات اللي مالهم معنى الحمدلله رب العالمين هي شغلتها تجيب عيال وبس :victory: وفي غالب الاحيان الابو بعد يكون يبي حد يشيل اسمه وبس ! خخخ

استغرب من الاهالي اللي من هالنوعيه والمشكله لما يقابلون حد يقولون اوف تعبنا في تربية هالعيال والا يوم يكبرون عيالهم ويعقونهم يزعلون يقولون هذا اخر التعب والتربيه :) :omg:

اللي مب قد مسؤولية العيال ليش يجيبهم ؟ عشان الدنيا تربيهم ع الفطره ؟ والا الخدم يربونهم على هواهم ؟

اللي خلاني اكتب هالموضوع هو موقف صار لي أمس .. رحنا احد المولات الصغيره

كنت امشي وعند الالعاب لفتت نظري شغاله فلبينيه ان ماخاب ظني قاعده وقاعد يمها واحد واضح انه الدريول لانه قاعد يتابع الموقف عن قرب ! ماسكه ياهل من يده ومحمره عيونها عليه وتهاوشه بالانجليزي وتوديه على ورا وترده على جدام من ذراعه وهو الدمعه في عينه وساكت :)

وقفت اشوف هي شقاعده تسوي ؟ شافتني واقفه هدت يده وتمت تشوفه بنظرات < مادري شنو الجرم اللي ارتكبه ويستاهل هالنظرات

رحت يمها قلت لها : وين امه ؟ سكتت رجعت قلت لها وين امه ؟

رفعت عينها وبكل قوه قالت " بما معناه - بالانجليزي " انتي مايخصج انا مربيته وكيفي اسوي اللي ابيه

انا طبعا تنرفزت و واضح ان ام هالعيال .. قصدي الانسانه اللي شالت هالياهل في بطنها ماعطه الشغاله الضوء الاخضر تسوي في ولدها اللي يعجبها

قلت لها اوكي ويت :nice: ع اساس يمكن تخاف الا ترد بكل قواة عين ااوكي

ويوم بعدت عنهم الا شايله جوالها ومتصله الظاهر في الأم الحنون وتقول لها ان في وحده جات كلمتني وانا قلت لها " يالله روحي "

انا قلت حق امي مب بعيده تقول ان حاولت اخطفه وهي انقذت حياته ! ههههههههه

وانا ادري ان حتى لو شفت الام وكلمتها بتقول لا مابصدق في شغالتي لانها دوم مع ولدي ومايشكي منها

....

ليش وااايد امها يعرضون عيالهم حق مواقف مثل هاذي ويخلون وحده غريبه تصرخ عليهم واطقهم جدام الناس على ابو ان مُربيه ! انا لو اشوف ياهل امه اطقه مارضى شلون نتقبلها من حد غريب !!

وليش نستغرب اذا شغاله ذبحت ياهل دام ان من الاساس كل شيء بيدهم يودون ويجيبون وياكلون ويشربون وفي النهايه الياهل مب ولدهم يعني ليش يحنون عليه اصلا !! < إلا من رحم ربي

شنو الداعي لما نشوف 4 يهال في مجمع ومعاهم 5 شغالات ! لهالدرجه ترف وقلة مسؤوليه ؟

اتمنى من كل قلبي ان هالنوعيه من الامهات ينتبهون ويعرفون ان الامومه مب معناها تجيب عيال وتقط !! الامومه مسؤوليه وايد كبيره وعليها واجبات اكثر من ماتتخيل

واتمنى بعد الابهات قبل مايسطرون درزن خدم فالبيت .. ينصحون زوجاتهم ويقعدون مع عياالهم

اخذوا عيالكم ودوهم الالعاب قعدوا معاهم في مطعم .. علموهم الادب والاخلاق والقيم الاسلاميه

لا تتركونهم بيد الخدم عشان مانطلع بجيل افسد من جيلنا هذا وببلاوي اكبر

" الشغاله اللي تكون متعلمه وجامعيه وتجيبونها ع اساس تتكلم انجليزي وتعلم عيالكم صح .. ترى مابتفيدكم بكره لين شب الطفل على اطباع غلط والا لما يتعقد من اسلوبها معاه والا حتى يوم تسوي فيه شي "

هالموضوع نصيحه لوجه الله لان قلبي احترق امس على الياهل

الله المستعان

:)


أنا يقهرون هالنوعية من البشر , شايفين مصنع عيال , و مب مهتميين في عيالهم , ياخي إذا مب قد العيال لاتجيبهم , حرام ياخي تعرضهم لسوء التربية , أنت مسؤول منهم ويوم القيامة سائل عنهم , فلا تستغرب يوم يعقونك , تذكر جيدا : عققت ابنك قبل أن يعقكك .

[قلبي الطيب]

الله يخلي أمي ويطول بعمرها إحنا كبرنا واهي لحين شايلتنا إذا انشغلت شوي عنا نعاتبها بكل قوة عين ما ندري أن في أمهات قاطين عيالهم واهما محتاجين لهم جي الله يهديهم

[غزلان]

امس شايفه بنتين وولد مع شغالتين في الألعاب بعض الأمهات عليهم قلب متجمد من مشاعر الأمومه والخوف على ابناءها

[حسن]

احيك على هذا الموضوع الطيب

للاسف

هذا نشوفه بشكل كبير جدا اصبحت عندنا الشغاله هي الاهم في البيت

باقولك شغله حصلت من يومين وانا ورايح لواحد من الربع في شارع المشاه في ميونخ

لما وصلت له الا ذي الطفله اللي معاه وقاعده تصيح

وش السالفه يابوخالد

الا يقول لقيتها تصحيح وشكلها خليجي وقفت معها وقلت اكيد مضيعه اهلها

زين وش اسمك يابابا
غاده
وين امك مااعرف وين ابوك مااعرف عندك رقم التلفون مااعرف
جلسنا في نصف الشارع وكان زحمه من الناس تقريبا حوالى ربع ساعه

شوي الا ذاك اللي شالها مره وحده ومحتظنها تلها من يدنا

تقول نازله عليه من السماء بعد لحظات سلم علينا وشكرنا على الموقف
المهم

قلت له المفروض ان يكون معاها على الاقل كرت في تلفوناتكم وعنوان الفندق

لمثل هذه المواقف وانت في بلد غربه مهب في بلادك
المهم تركنا وراح وكانت فرحتنا احنا اكثر منه يوم البنت لقت هلها
فااسولف مع واحد عن الموقف

يقول تعرف لو استلموها الامان كان غرمو اهلها غرامات ماليه كبيره
قلت له ليش

يقول هذا يسمونه اهمال والقانون يعاقب عليه في اوروربا

قلت بل
لو هل القانون يطبق عندنا كان بيسير عندنا فائض في ميزانيه الدوله

اشكرك

بس للاسف المجتمع عندنا سلبي العلم بدون تطبيق كانك جاهل

يعني يابوزيد كانك ماغزيت

:)

[بوحارب]

والله هالمنظر يتكرر أمامنا اكثر من مره نسأل الله السلامة

لين متى الأم والأب هاملين عيالهم

وش نوع التربية اللي بيكتسبها الطفل من الخدم يا ترى !!!


الله يهديهم

شكرًا نوفه ع الموضوع المهم

[عاشق العديد]

والله هالمنظر يتكرر أمامنا اكثر من مره نسأل الله السلامة

لين متى الأم والأب هاملين عيالهم

وش نوع التربية اللي بيكتسبها الطفل من الخدم يا ترى !!!


الله يهديهم

شكرًا نوفه ع الموضوع المهم

شبيتعلم ..

بيتعلم انه مايعتمد على نفسسه
بيتعلم انه الخدامه اهم من امه وابوه وبيكون عاق فيهم .. وهذا شي معروف ..
ومابيكون عنده قيم واخلاق اهل قطر فا بتلاقي ابي وما ابي والله يعافينا ..
نتمنى انه يكنسلون الخدم بكبرهم كل وحده تقوم ببيتهـا ..

[بو خليفه 123]

بعضهم كما يقولون "مكاين تفريخ" فقط .


هل هذا هو العذر ان القطري يتزوج من غير قطريه ؟

[تغلبية]

انا لي شفت مثل هالمناظر .. اقول اشيسوى على المراة وظيفة والا تسوق وهادة اليهال مع الخدم

مب لحمتهم علشان يخافون الله فيهم .. ومثل ماقلتي فيه حريم الحين زايدين في الدلال للخدم لان مريحينيهم مع العيال

شوف عيوني والله لا اهتموا لا باكل ولا شرب ويرقد الياهل وهو جوعان المسكين

وهي تقول خلاص مدام اكل كولوه صحن كلها الدود

[رهج السنابك]

الشرهه على الريال الي مايعرف يقول لمرته لا ان طلبت خدامه ولا مربيه للعيال :)

واحد من هلي مرته جايبه ثمانيه ورا بعض كل سنه بحمله وممنوع منعا باتا شغاله لليهال ممنوووع
المره تطلب وهو يرفض... راتب ويعطيها وتفرغ وقاعده بالبيت شنو وراها ؟؟
وعياله بهذي التربيه واهتمام الام فيهم بدون خدامه اثمر
الطفل مايكمل تسع سنوات الا وحافظ خمس اجزاء من القران :) تبارك الله وكلهم قمة في الادب والاخلاق
البنت الكبيره عمرها ١١ فنانه
شاطره بالمدرسه ورسامه وحافظه اجزاء من القران وقايمه باخوانها الي اصغر منها وتطبخ الغدا :)

وبيتهم يلق من الترتيب والنظافه
ماماتوا عشان ماعندهم خدامه الا قرار ابوهم قرار ريال كفؤ وله نظره بالحياه

[رهج السنابك]

وبالمقابل كل ماشوف زوجه خايبه مخصصه خدم للعيال

عيالها فاشلين
مدلعين
وصخين
ماعندهم مواهب
مايعرف يقرا سورتين بالقران
صلاه بالمساجد مايدلون ولا حد يشجعهم عليها

اللهم فالحين بالرطنه انجليزي وهندي ويترقصون على جستن بيبر في الايباد والايبود

[طبيب قطري]

الياهل اذا شفته مبهدل وملابسه وصخه ومايعرف يتكلم مثل الناس تعرف انه السبب اهمال الام، من كم يوم واحد جايب ولده المجلس ، الياهل عمره خمس سنين و كان قاعد حذاي والله يعزكم ريحته كريهه وملابسه معفنه وفيه قمل ويحك راسه !! وعلى كلام ابوه انه عندهم ثلاث خدامات ويتباهى انه زوجته تشتغل وماسكه منصب !!

[بوحارب]

الياهل اذا شفته مبهدل وملابسه وصخه ومايعرف يتكلم مثل الناس تعرف انه السبب اهمال الام، من كم يوم واحد جايب ولده المجلس ، الياهل عمره خمس سنين و كان قاعد حذاي والله يعزكم ريحته كريهه وملابسه معفنه وفيه قمل ويحك راسه !! وعلى كلام ابوه انه عندهم ثلاث خدامات ويتباهى انه زوجته تشتغل وماسكه منصب !!

وش فايدة المنصب وولدها مبهدل مسكين !!

افضل واعظم منصب للمرأة تربية العيال :)

[نووون]

الياهل اذا شفته مبهدل وملابسه وصخه ومايعرف يتكلم مثل الناس تعرف انه السبب اهمال الام، من كم يوم واحد جايب ولده المجلس ، الياهل عمره خمس سنين و كان قاعد حذاي والله يعزكم ريحته كريهه وملابسه معفنه وفيه قمل ويحك راسه !! وعلى كلام ابوه انه عندهم ثلاث خدامات ويتباهى انه زوجته تشتغل وماسكه منصب !!

:eek5:

قمل مرة وحدة ؟؟؟؟؟

قل ماي والا صابون والا دواء من الصيدلية والا خدم .. ان شاءالله سبوح في الحوش :secret:

لا حول ولاقوة الا بالله

[طبيب قطري]

ايه والله اني شفت القمل معبي راسه مسكين..

[الصغيره]

ااااه ذكرتيني بوحده تدري ان الخدامه تضرب عيالها وما تقدر تسوي لها شي مش خوف لا حتى ما تهدهم وتسافر ويطيحون عيالها بكبدها بعض الامهات استغفر لله ما يستحق مسمى ام لا وبعد مستمرات يحملون ويولدون مدري ليه .

[E.h]

أختي بقول لج شي في بعضهم ما تعبت لا في حمل ولا في ولاده
ترى صدق لاحظت اللي والده قيصري (البعض)من اللي حولي كانت ما تعطي اهتمام كبير لضناها ويوم ولدت طبيعي حست انه روحها طلعت ،وغير إبر الظهر شاله اغلب الألم لو مافي إبر ظهر جان والله أنهم حسو شنو معنى الأم اللي روحها طلعت وبتجابل عيالها
والشي الثاني بعضهم ما يحبون يتحملون مسووليه يهال بس جو خطاب وأمها مستانسه بنتي بتعرس لكن أهلتها للحياه القادمة لا طبعا ،فتكون حياتها قبل الزواج نفسه عقب الزواج باضافه أنها تعيش رومانسية نور ومهند
وبعد ما نخلي مسووليه الأب بعد يتحمل هالشي
ليش ما يروح معاها الألعاب يلعبون عيالهم ماخبر امي وأبوي يخلونا مع خدم كله طلعاتنا للالعاب معاهم
والحين انا أودي بنتي والعبها والعب معاها

[E.h]

احيك على هذا الموضوع الطيب

للاسف

هذا نشوفه بشكل كبير جدا اصبحت عندنا الشغاله هي الاهم في البيت

باقولك شغله حصلت من يومين وانا ورايح لواحد من الربع في شارع المشاه في ميونخ

لما وصلت له الا ذي الطفله اللي معاه وقاعده تصيح

وش السالفه يابوخالد

الا يقول لقيتها تصحيح وشكلها خليجي وقفت معها وقلت اكيد مضيعه اهلها

زين وش اسمك يابابا
غاده
وين امك مااعرف وين ابوك مااعرف عندك رقم التلفون مااعرف
جلسنا في نصف الشارع وكان زحمه من الناس تقريبا حوالى ربع ساعه

شوي الا ذاك اللي شالها مره وحده ومحتظنها تلها من يدنا

تقول نازله عليه من السماء بعد لحظات سلم علينا وشكرنا على الموقف
المهم

قلت له المفروض ان يكون معاها على الاقل كرت في تلفوناتكم وعنوان الفندق

لمثل هذه المواقف وانت في بلد غربه مهب في بلادك
المهم تركنا وراح وكانت فرحتنا احنا اكثر منه يوم البنت لقت هلها
فااسولف مع واحد عن الموقف

يقول تعرف لو استلموها الامان كان غرمو اهلها غرامات ماليه كبيره
قلت له ليش

يقول هذا يسمونه اهمال والقانون يعاقب عليه في اوروربا

قلت بل
لو هل القانون يطبق عندنا كان بيسير عندنا فائض في ميزانيه الدوله

اشكرك

بس للاسف المجتمع عندنا سلبي العلم بدون تطبيق كانك جاهل

يعني يابوزيد كانك ماغزيت

:)

في ألمانيا يا خوي عندهم قوانين صارمه من اجل حماية الطفل ،الياهل لو ضربته ولا زعقت عليه تنسجن وياخذون الياهل يعطونه لشخص محروم من الأبناء

عاد هاي سالفه صارت لحماتي فالفندق تصرخ ع بنتها ما تقعد كل يوم نفس الحال ،عاد يوم من الأيام دقو عليهم الباب شسالفه !من عقبها أمسكت نفسها وهي تشوف بنتها تتشيطن ماتقدر تتكلم فيها حبس

[حسن]

في ألمانيا يا خوي عندهم قوانين صارمه من اجل حماية الطفل ،الياهل لو ضربته ولا زعقت عليه تنسجن وياخذون الياهل يعطونه لشخص محروم من الأبناء

عاد هاي سالفه صارت لحماتي فالفندق تصرخ ع بنتها ما تقعد كل يوم نفس الحال ،عاد يوم من الأيام دقو عليهم الباب شسالفه !من عقبها أمسكت نفسها وهي تشوف بنتها تتشيطن ماتقدر تتكلم فيها حبس

الصراحه انا مع هل القانون واؤيد وش المشكله اذا الدوله تربي عيال الهمل
تبيهم بكره يسيرون يامجرمين ولا مرضى نفسيين في المجتمع
الاصلاح مطلوب ودام الهدف خلق نشى متربي ومتعلم افضل من جيل صايع ضايع

ايها تختار الصح ام الخطاء

هذه دول متقدمه ماحطت القوانين من عبث شفنا ولا زلنا نشوف الاهمال ولا من مجيب
ولا من مستمع
وياما شفت اباء مهملين تخيل اب ماشاف ولده عشرين سنه
واذا الولد راح رد عليه الابو من الانتر كم ويقوله وش تبي
وكان زين يفتح له الباب

هذا الاب مايبيله الدوله تربيه وتعالجه بقوه قانون

:)

[رهج السنابك]

أختي بقول لج شي في بعضهم ما تعبت لا في حمل ولا في ولاده
ترى صدق لاحظت اللي والده قيصري (البعض)من اللي حولي كانت ما تعطي اهتمام كبير لضناها ويوم ولدت طبيعي حست انه روحها طلعت ،وغير إبر الظهر شاله اغلب الألم لو مافي إبر ظهر جان والله أنهم حسو شنو معنى الأم اللي روحها طلعت وبتجابل عيالها
والشي الثاني بعضهم ما يحبون يتحملون مسووليه يهال بس جو خطاب وأمها مستانسه بنتي بتعرس لكن أهلتها للحياه القادمة لا طبعا ،فتكون حياتها قبل الزواج نفسه عقب الزواج باضافه أنها تعيش رومانسية نور ومهند
وبعد ما نخلي مسووليه الأب بعد يتحمل هالشي
ليش ما يروح معاها الألعاب يلعبون عيالهم ماخبر امي وأبوي يخلونا مع خدم كله طلعاتنا للالعاب معاهم
والحين انا أودي بنتي والعبها والعب معاها




هو صحيح الي ماتولد طبيعي ماتحس بالي تحسه غيرها
لكن ماتوقع هذا سبب
والي مب كفو تربيه لا تقعد تبكي وتولول على الاطفال ولما يرزقها ربي ماتدري عن هوا دارهم
كل همها انها جابت عيال خوفا من سبع البرمبه يشرد
فالعيال بنظرها كسر ظهر للريال ويعطي اكثر استقرار للزوجين حتى لو استقرار مغصوبين عليه اثنينهم
لكن الاثنين الي حاطين خدامه مربيه للعيال مافيهم خير واثنينهم عليهم الملامة
الاطفال امانه في رقبة كل اب وام

الام الي تروح الدوام وعيالها عند خدامه اي شي يصير لهم الام هي المحاسبه عليه عند رب العالمين لانها ضيعت الامانه
نادر الي حامدة ربها وقاعده في بيتها بدون خدامه ولا وظيفه نااااااادر
عندي لو الوحده كبروا عيالها وصاروا بسن مدارس اهني مب مشكله تشتغل لان عيالها مب بيد خدامه في غيابها
بس الي تولد وطفلها يادوبه لحمه حمره ترميه بيد خدامه بروحه في البيت ولا عند العيوز امها وتروح الدوام فهي انسانه ماتستحق تكون ام بل اعتبرها مجرمه

[حسن]

هو صحيح الي ماتولد طبيعي ماتحس بالي تحسه غيرها
لكن ماتوقع هذا سبب
والي مب كفو تربيه لا تقعد تبكي وتولول على الاطفال ولما يرزقها ربي ماتدري عن هوا دارهم
كل همها انها جابت عيال خوفا من سبع البرمبه يشرد
فالعيال بنظرها كسر ظهر للريال ويعطي اكثر استقرار للزوجين حتى لو استقرار مغصوبين عليه اثنينهم
لكن الاثنين الي حاطين خدامه مربيه للعيال مافيهم خير واثنينهم عليهم الملامة
الاطفال امانه في رقبة كل اب وام

الام الي تروح الدوام وعيالها عند خدامه اي شي يصير لهم الام هي المحاسبه عليه عند رب العالمين لانها ضيعت الامانه
نادر الي حامدة ربها وقاعده في بيتها بدون خدامه ولا وظيفه نااااااادر
عندي لو الوحده كبروا عيالها وصاروا بسن مدارس اهني مب مشكله تشتغل لان عيالها مب بيد خدامه في غيابها
بس الي تولد وطفلها يادوبه لحمه حمره ترميه بيد خدامه بروحه في البيت ولا عند العيوز امها وتروح الدوام فهي انسانه ماتستحق تكون ام بل اعتبرها مجرمه


:ok:

:ok2:

:victory:

[OREO]

الخطأ من الرجال لأن لا يحمل صفة الرجولة و القيادة ،،

[لاجل QT]

تصرف خاطئ من الاب والام

المفروض الطلعات تكون عائلية او يقرون في البيت دامهم مهب قد المسؤولية الاثنين الاب والاب

الحين يعنى كاسر خاطرها ولدها طلعتة مع الخدامة تلعبة...وهو مسكين مقهور من تعامل الخدامة

للعلم الاطفال يفرحون فرح مش طبيعي لما امهم وابوهم يشوفونهم وهم يلعبون يحسون بمتعة غريبة حتى هالشعور عيزانين توصلونة لفلذات قلوبكم

دوم اقول واردد اي اهمال في البيت يرجع سبب للراس العودة الرأس الكبير عمود البيت وهو الزوج

اللى مايتابع هلة ويهملهم هالنتيجة

[OREO]

تصرف خاطئ من الاب والام

المفروض الطلعات تكون عائلية او يقرون في البيت دامهم مهب قد المسؤولية الاثنين الاب والاب

الحين يعنى كاسر خاطرها ولدها طلعتة مع الخدامة تلعبة...وهو مسكين مقهور من تعامل الخدامة

للعلم الاطفال يفرحون فرح مش طبيعي لما امهم وابوهم يشوفونهم وهم يلعبون يحسون بمتعة غريبة حتى هالشعور عيزانين توصلونة لفلذات قلوبكم

دوم اقول واردد اي اهمال في البيت يرجع سبب للراس العودة الرأس الكبير عمود البيت وهو الزوج

اللى مايتابع هلة ويهملهم هالنتيجة


الجملة الاولى ما اايدج فيها اما الثانية قلباً و قالباً،،لان العصمة و القيادة بيد البعل ..

[لاجل QT]

الجملة الاولى ما اايدج فيها اما الثانية قلباً و قالباً،،لان العصمة و القيادة بيد البعل ..



نعم تصرف خاطئ من الطرفين الاب اللى يجعل تصرف جميع امور البيت في يد الزوجة تصرف خاطئ

حتى لو الام هى من تذهب بالاطفال الى الالعاب تصرف خاطئ من الاب هامل اهل بيتة يمكن تتعرض لمضايقات اولا غير فرحة اليهال والزوجة راح تكون ناقصة لعدم وجود البعل:)

الامر الذي يؤدى الى تقليد الزوجة للزوج في هذا الامر (الاهمال) بان تتخلى عن مسؤولية الاطفال للخدامة

فالاثنين وقعوو في خطأ سببة الرئيسى الراس الكبير البعل المعلم والمربي(كلكم راع وكلكم مسؤول عن رعيتة:)

[طلعة الروح]

الموضوع كبير وشائك .. في النهاية إن دل على شيء دل على مستوى الوعي والإدراك لدى الزوجين .. مستحيل حد يخلي عياله ويهملهم بهالطريقة إلا اذا كان جاهل بالحياة ومافيها ومنعمي بملهيات أخرى عن عياله .. تربية الزوجين وبيئتهم الاسرية تلعب دور .. ونعم هناك عينة كبيرة جدا من هالفئة لا يستهان بها.. نقدر نقول من شب على شي شاب عليه واذا ما تغيرت العقليات ماراح يتغير شي ..إحنا الشعب عندنا قليل مع ذلك أتمنى محد يجيب عيال إذا بيهملهم وبيخلف لنا نماذج شاذه بالمجتمع لكن المسألة أكبر من التمني.. هاذي وجهة نظري..