خريج هندسة كهربائية قطري يبحث عن وظيفة

[اوتار]

السلام عليكم

انا خريج هندسة كهربائية من جامعة قطر

المعدل التراكمي 2

خريج سنة 2012 شهر 6

قطري الجنسية متزوج العمر 27 غير شاغر لاي وظيفة

قدمت على اكثر من جهه حكومية وخاصه بس للاسف مافي رد

او رد بالرفض بسبب المعدل

ارجوا حد يفيدني

[لقمان]

صباح الخير اخى العزيز
ممكن تقدم فى احد شركات البترول او التابعة لقطر للبترول عسى الله يرزقك من اوسع ابوابة

[بونووف]

جرب شل ولا دولفن وعندك اوركس ..والحين في شركة جديده اتوقع اسمها برزان جرب تمر صوب الابراج وتوع السي في .. والله يوفقك ان شاءالله

[المستعصم بالله]

أسأل الله عز وجل أن يسهل أمرك ويرزقك عملاً ورزقاً حلالاً طيبا ويقر عينيك بذرية صالحة تبرك في حياتك وبعد مماتك

يجب أن تكون أولوية التوظيف للمتزوج والله المستعان

[حمد 2002]

الله يوفقك ان شاء الله ،،،،،،،،

[قلبي الطيب]

الله يوفقك وتلاقي الوظيفة اللي تناسبك لاتياس حاول تلاقي أي دورات في مجالك التحق فيها واجتهد فيها عشان تدعم سي في مالك وتغطي على المعدل

[Abdulraman]

مهندس كهرباء ياخي اي مكان تروح يقبلونك وبدون واسطه
تخصصك مطلوب ف كل مكان
بالتوفيق

[383 STROKER]

اخوي ارسلت لك عالخاص

[عاشق العديد]

بالتوفييييييييييييييييييييييييييييييييييييييييييق

[عـ العبيدلي]

كلمت اغلب الشباب وقالوا مستحيييييييييل
بالحرف واحد قالي يلقى وهو يضحك ..

طرشت لك رساله فالخاص
وان شاء الله خير ..

[اوتار]

مهندس كهرباء ياخي اي مكان تروح يقبلونك وبدون واسطه
تخصصك مطلوب ف كل مكان
بالتوفيق

الموضوع صار له اكثر من سنه والتقديم بواسطه او بدون

بس للاسف مافي فايده

مشكور على المشاركة

[اوتار]

كلمت اغلب الشباب وقالوا مستحيييييييييل
بالحرف واحد قالي يلقى وهو يضحك ..

طرشت لك رساله فالخاص
وان شاء الله خير ..

مشكور اخوي وماقصرت

ويعطيك الف عافيه

[Rider]

قدم على اشغال

[شيخ الديرة]

الموضوع صار له اكثر من سنه والتقديم بواسطه او بدون

بس للاسف مافي فايده

مشكور على المشاركة

الله يكتبلك خير, وبمساعدة الطيبين.

[alnoida]

الله يوفقك و يعطيك من حيث لا تحتسب

في فترة البحث عن وظيفة
هل هناك مجال لتأسيس شركة تقوم بتمديدات المنازل
فيها خير كثير
لكن يعتمد على مدى استعدادك وتخصص

[رهج السنابك]

العبيدلي شنو الي مستحيل؟؟؟

حلوه هاي

حتى الاعداديه يلقون وظايف

وهذا مهندس وتقولون مستحيل

مهندس تعرفون شنو يعني مهندس


اخوي وين قدمت بالضبط وهل في اماكن تبيها وارفضوك؟؟؟

قدمت في اوريدو؟
حطيت اوراقك في وزاره العمل؟
دشيت مواقع التوظيف؟

[الدباسة]

السلام عليكم ورحمه الله

ارسل لى السيرة الذاتيه وفالك طيب

لا تحاتي

يومين واخليك اتسوي مقابله ان شاءالله

[فلتة زمانها]

لا تياس اخوي ما تدري كل تاخيره وفيها خيره ان شاءالله
الله يرزقك من حيث لا تحتسب

[اوتار]

الله يوفقك و يعطيك من حيث لا تحتسب

في فترة البحث عن وظيفة
هل هناك مجال لتأسيس شركة تقوم بتمديدات المنازل
فيها خير كثير
لكن يعتمد على مدى استعدادك وتخصص



مشكور اخوي على الاهتمام

لو راس المال موجود الافكار كثير

وعلى فكرة ترى اشتغل حاليا مسؤل عن احدى المطاعم لاحد الاقارب

بس لسد الحاجة

الله لايحوجنا لغير رب العالمين

[مضارب دوسري]

لا حول ولا قوة الا بالله

[مضارب دوسري]

اخوي اوتار
بكره روح اوريكس
واطلب مقابلة مدير الموارد البشريه عبد الهادي برقان المري
رجال طيب وفيه خير ويحب يوقف مع اهل قطر
اطلب مقابلته شخصيا
وان شاء الله خير باذن الله


لا تنسى بكررره روووح لا تتاخر
تحياتي

والله يكتب لك الخير

[ولد الشحانية]

الله يوفقك

[00soma00]

الله يوفقك وتلقى الوظيفة اللى تتمناها

[المقاول]

افتح مكتب استشارات هندسية وراجع مخططات المصممين الغير مرخصين
وختم لهم ... وبتمشي امورك ... ليش لازم وظيفة ؟

[اوتار]

افتح مكتب استشارات هندسية وراجع مخططات المصممين الغير مرخصين
وختم لهم ... وبتمشي امورك ... ليش لازم وظيفة ؟


الموضوع يبيله خبرة يالغالي

الواحد وده يفتح اكثر من مشروع

وموضوع راس المال لاتنساه

بس الواحد لازم ينمي قدراته المهنية بالاول وبعدين يفكر بتجارة

وعلى باب الرزق ان شاء الله بينفتح

وربك ماينسى عبيده

لا اله الله محمد رسول الله

[اوتار]

لا اله الا الله حمد رسول الله

[المهندس عبدالعزيز]

قابل مدراء الإدارات بكهرماء المؤسسة العامة للكهرباء والماء

[اوتار]

تم الرد على الخاص

مشكور ين ياجماعة وان شاء الله يكون التوفيق من رب العالمين على يدكم

[الصغيره]

الله يسهل عليك ويوفقك يااارب

[saud.m]

كلمني على الخاص الشيخ

[اوتار]

تم الرد على الخاص

لا اله الا الله محمد رسول الله

الله يفتح لكم ابواب الرزق يارب

[عـ العبيدلي]

العبيدلي شنو الي مستحيل؟؟؟

حلوه هاي

حتى الاعداديه يلقون وظايف

وهذا مهندس وتقولون مستحيل

مهندس تعرفون شنو يعني مهندس


اخوي وين قدمت بالضبط وهل في اماكن تبيها وارفضوك؟؟؟

قدمت في اوريدو؟
حطيت اوراقك في وزاره العمل؟
دشيت مواقع التوظيف؟

كتبت مستحيل انه ما يلقى .. وكتبت يلقى وهو يضحك ..
بس شوي هدو اعصابكم ترى الدنيا ما تسوى .. ههههههه

والله يوفقك يا بش مهندس

[elders]

كيف يعني مهندس وقطري ومافي شغل لان المعدل 2. .لاتخليهم يزعزعوا ثقتك بنفسك وبمؤهلاتك. ..الح بالدعاء وحلينا
موفق يارب

[اوتار]

تم ارسال السيرة الذاتية

شكرا لكل من يحاول يساعدني

والله يكتب لنا الرزق والتوفيق على يدكم

لا اله الا الله محمد رسول الله

[Right]

لا اله الا الله حمد رسول الله





لا إله إلا الله محمد رسول الله

[نوار قطر]

الله يوفقك وييسر لك امورك ماشاء الله الشباب ماقصرو فيهم الخير ،،

[اوتار]

لا اله الا الله محمد رسول الله

الله يوفقك الجميع يارب

[اوتار]

لا اله الا الله محمد رسول الله

[almir357]

الله يوفقك

[عضو قديم]

اخوي اوتار
تبي واسطة علشان تتوظف طرش لي رقمك وان شاءالله ابشر وانا جاد بكلامي ان شاء الله
انتظر ردك

[اوتار]

اخوي اوتار
تبي واسطة علشان تتوظف طرش لي رقمك وان شاءالله ابشر وانا جاد بكلامي ان شاء الله
انتظر ردك

تم الرد على الخاص

والله يوفقني معاكم يارب

[vip-30003]

قدم في المجلس الاعلى للتعليم

[عبدالعزيز 101]

غريبة !! مستحيل ما حصلت !!

الله يوفقك :)

[RE-Qatar]

اذا خلص موضوعك وتعينت عطنا خبر هني

والله يوفقك

[اوتار]

الله يوفقك الجميع
مافي شي غريب. او مستحيل
والي مب امصدق يرسل رقمه وبقوله عن الاماكن الي قدمت فيها
والردود الي كنت احصلها منهم

جاري البحث عن وظيفة
لكم جزيل الشكر والاحترام

[مخطط قطري]

ارسلي السي في ع الخاص

[هدوء العاصفة]

اخوي اذا تبغي تشتغل بوزارة ارسل لي السي في .. احنا نتمنى وجود قطريين يشتغلون عندنا حياك الله عزيزي :)

غريبة كهرماء ما ردوا عليك ؟

[قوي العزايم]

الله يعيينك يا أخوي ويوفقك ويرزقك إن شاء الله



أنا كذلك قطري وخريج في تخصص تكنولوجيا المعلومات - كمبيوتر



ومتخرج من جامعتين أجنبية ولدي شهادتيين كل منهما بتقدير جيداً جداً



ولدي دورات مهمة ومطلوبة من كليات أجنبية



وخبرة عملية أيضاً



ولكن لا حياة لمن تنادي



يبي لنا ندور واسطة من عند أبو عيون خضر وراس أشقر

[القطو السمين]

لا اله الا الله حمد رسول الله

لا اله الا الله محمد رسول الله لزم التنويه واسئل الله لكم التووفيق

[قطرة مسك]

الله يرزقك ويرزقني الوظيفة

[الجوكر90]

السلام عليكم
الحين الوزارات والمؤسسات والشركات مايدورون الشهاده فقط
ﻻ الحين يشوفون مستوى الطالب اشلون كان يعني transcript يببن للشغل هل الطالب شد حيله او تم يلعب
وهم يشوفون الغياب والانذارات اذا الطالب عليه وايد غياب الشركات مايبونه ﻻن ماراح ينفعهم خساير ع الفاضي
هالكلام سمعته من واحد يشتغل فشركه امريكيه فقطر
وبعدها سمعت فدوره عن السي في واشلون تقدم حق الوظيفه

فهل الحاله الواسطه مهمه

[DreamBox]

جرب مستشفى سدرة

عندهم مدير ادارة عنده اعدادية

[اوتار]

السلام عليكم
الحين الوزارات والمؤسسات والشركات مايدورون الشهاده فقط
ﻻ الحين يشوفون مستوى الطالب اشلون كان يعني transcript يببن للشغل هل الطالب شد حيله او تم يلعب
وهم يشوفون الغياب والانذارات اذا الطالب عليه وايد غياب الشركات مايبونه ﻻن ماراح ينفعهم خساير ع الفاضي
هالكلام سمعته من واحد يشتغل فشركه امريكيه فقطر
وبعدها سمعت فدوره عن السي في واشلون تقدم حق الوظيفه

فهل الحاله الواسطه مهمه

اخوي مشكور على المشاركة

بس هل الشخص المتخرج وحقق متطلبات جامعة قطر للتخرج

لا يستحق التوظيف من اي مؤسسة او شركة او هيئة فالدولة ؟؟

اذا مافي نظام او شروط واضحه للتوظيف اخوي عيل ليش يخرجونا؟؟

على العموم مشكورين والله بيفرجها بإذان الله

لا اله الا الله محمد رسول الله

[اوتار]

لا اله الا الله محمد رسول الله لزم التنويه واسئل الله لكم التووفيق

لا اله الا الله محمد رسول الله

اسف اخوي بس ماعندي الخبره فالتعديل على المنتدى

[الجوكر90]

اخوي مشكور على المشاركة

بس هل الشخص المتخرج وحقق متطلبات جامعة قطر للتخرج

لا يستحق التوظيف من اي مؤسسة او شركة او هيئة فالدولة ؟؟

اذا مافي نظام او شروط واضحه للتوظيف اخوي عيل ليش يخرجونا؟؟

على العموم مشكورين والله بيفرجها بإذان الله

لا اله الا الله محمد رسول الله
اي الشيخ
مثلا انا عندي 3 انذارات وغياب بتقولي في شركه تبيني
اكيد ﻻ
ﻻن محد يبي يوظف واحد دوم يغيب وايد وعادي مايخلص شغله فالوقت المحدد
يعني ليش هم دوم يعطون سبونسر حق الي فوق 3.5
ﻻن هو يجاهد نفسه ويدرس ويتعب
وموفق

[اوتار]

اي الشيخ
مثلا انا عندي 3 انذارات وغياب بتقولي في شركه تبيني
اكيد ﻻ
ﻻن محد يبي يوظف واحد دوم يغيب وايد وعادي مايخلص شغله فالوقت المحدد
يعني ليش هم دوم يعطون سبونسر حق الي فوق 3.5
ﻻن هو يجاهد نفسه ويدرس ويتعب
وموفق

كلامك عين العقل اخوي بس في شي اسمه مقابله في شي اسمه امتحان تحديد مستوى في معاير للتخرج من قبل الجامعه نفسها ولو ان الطالب مايستاهل ان يكون خريج كان ماخرجوه

وثانيا بخصوص ان السبونسر والمعدل اكثر من ال3.5 ابشر بعدم وجود قطريين فالوظايف بالمستقبل للاسف لان معدل هذا قليل ماتشوف فيه قطريين انا اتكلم عن الهندسة

وعلى العموم ياريت يكون حال التوظيف لغير القطريين بنفس المنهاج الي تقول عنه

لا اله الا الله محمد رسول الله

[اوتار]

جاري البحث عن وظيفة

[باحثة]

اخوي قدم في كهرماء

عن طريق الموقع الالكتروني

لان يبون مهندسين

حط الرحمن في قلبك ولا تيأس

وخلك متفائل اذا كنت متشائم فشي طبيعي بتشوف ان مالك فرصه

والله يوفقك

[الدوحه1]

هل قدمت على هالاماكن:
1- شبكة الجزيره
2- تلفزيون قطر + قناة الكأس + قناة الريان.
3-سهيل سات.
4- الجيش والشرطه.

[بشائر]

مستحيل قطري وجامعي ماتلاقي وظيفة

لكن اصبر واستعن بالله وبتتيسر ..
اسأل الله أن يرزقك الرزق الحلال الطيب ..

[اوتار]

لا اله الا الله محمد رسول الله

[اوتار]

جاري البحث عن وظيفة

[بازار]

الله يوفقك ويفتح لك ابواب الرزق

[نوفة قطر]

اكثر من عضو قالوا بيتوسطون لك وفي ناس قالوا ارسل لهم رقمك وناس عطوك اسماء مدراء بيساعدونك

وانت للحين تقول جاري البحث عن وظيفه ,, هل تواصلت مع هالاعضاء ؟ والا لا ؟

[اوتار]

اكثر من عضو قالوا بيتوسطون لك وفي ناس قالوا ارسل لهم رقمك وناس عطوك اسماء مدراء بيساعدونك

وانت للحين تقول جاري البحث عن وظيفه ,, هل تواصلت مع هالاعضاء ؟ والا لا ؟


مشكورين جميع الاعضاء على المساعده

وتم التواصل مع الجميع

وتم ارسال السيرة الذاتية

ولحد الان لا يوجد رد بمقابل او عرض عمل

لان هذا الامر لايحدث في يوم وليلة

فمازال جاري البحث عن وظيفة

[اوتار]

الله يوفقك ويفتح لك ابواب الرزق

الله يوفق الجميع يارب ويفتح ابواب الرزق لهم

لا اله الا الله محمد رسول الله

[اوراق]

السلام عليكم

طرشت لك ايميلي ... وما وصلني cv

شكرا

[هدوء العاصفة]

عزيزي التوظيف ما يصير في دقايق او في يوم .. ارسلت لك عدة ارقام ارجوا منك التواصل خلالها وان شالله خير ..

[اوتار]

السلام عليكم

طرشت لك ايميلي ... وما وصلني cv

شكرا


السموحه اخوي المشكلة الظاهر من الايميل

بطرشة لك مرة ثانيه

رحم الله والديك ومشكور

[اوتار]

عزيزي التوظيف ما يصير في دقايق او في يوم .. ارسلت لك عدة ارقام ارجوا منك التواصل خلالها وان شالله خير ..


هذا شي اكييييد اخوي

بس مب ان اتاخر اكثر من سنه

مشكور اخوي وسيتم التواصل

[اوتار]

لا اله الا الله محمد رسول الله


للرفع

[اوتار]

لا اله الا الله محمد رسول الله

للرفع

[بوخالد911]

طمنا وشصاررر

[اوتار]

طمنا وشصاررر

كثير من الاعضاء ماقصروا اتصلوا طرشت لهم الاوراق المطلوبة

وكلن وعدني بالخير ان شاء الله

بس للاسف لحد الحين ماصار شي رسمي

وان شاء الله بتفرج الوموضوع مايصير يوم وليلة

اتمنى الموضوع يتم مرفوع ولو بدعوة طيبة

وانا متابع الموضوع اول باول مع وزارة العمل

والاعضاء الي قاعدين يحاولون يساعدوني و الشركات الي انا متابع وياهم مباشرة

الله يفرجها على الجميع ويوفقهم

لا اله الا الله محمد رسول الله

دعوة طيبة اقل الايمان

[المستعصم بالله]

يرفع رفع الله قدرك في الدارين ورزقك رزقاً حلالاً طيبا

[math~story]

الله يوفقك يارب وتلاقي الوظيفة اللي ترتاح لها عليك بكثرة الاستغفار والدعاء

[Right]

لو أنك أجنبي كان توظفت من زمان !!!



الله يوفقك ويرزقك من حيث لا تحتسب .. آمين

[Bin Hood]

أخوي أوتار فالك الوظيفة الي تسرك

[اوتار]

مشكورين اخوانا وخواتي على الدعوات الطيبة

ولكم مثلها يارب واكثر

تمت اول مقابلة من بعد هذا الموضوع

مع مؤسسة قطر (Qatar Fundation)

بشكل عام وبانتظار مكالمة لمقابلة اخرى مع القسم المطلوب

شكرا للجميع بس ترى الي جاني اتصالات وارسلت السيرة الذاتية للجميع

لكن لايوجد اي مكالمة لمقابلة لحد الان.

الله يفتح باب الرزق للجميع يارب

لا اله الا الله محمد رسول الله

بتواصل معاكم اول باول بإذن الله حتى اول يوم دوام لي ان شاء الله

[هدوء العاصفة]

احنا متابعين موضوعك .. اجراءات التوظيف تاخذ وقت شي طبيعي لكن تأكد ان شاءالله انك كقطري ومهندس مكانك موجود ومحفوظ .. بالتوفيق ان شاءالله.

[اوتار]

احنا متابعين موضوعك .. اجراءات التوظيف تاخذ وقت شي طبيعي لكن تأكد ان شاءالله انك كقطري ومهندس مكانك موجود ومحفوظ .. بالتوفيق ان شاءالله.

انا متاكد من هذا الشي اخوي وعارف ان الاخوان حريصين على مصلحتي لان بالنهاية انا اخوهم الصغير وولد ديرتهم بس الي بحالتي واليأس الي بدى يصيدني حاب ان يكون الموضوع باسرع وقت
ولكم جزيل الشكر والاحترام

لا اله الا الله محمد رسول الله

دعوة طيبة اضعف الايمان لاخو صغير بضيقه

[الدبلوماسي]

الله يوفقك يارب ويسهل عليك امورك يارب

[اوتار]

الله يوفق الجميع يارب

ويفتح لهم باب الرزق

لا اله الا الله محمد رسول الله

[غايه الطواش]

متاكد ماقد نعرضت عليك وظيفه؟؟
ماعندك شروط معينه فالتوظيف

[اوتار]

متاكد ماقد نعرضت عليك وظيفه؟؟
ماعندك شروط معينه فالتوظيف

هههههه اخوي لو انعرضت علي وظيفة جان قاعد فالبيت لحد الان

السالفه ومافيها ان موضوعي يتوقف عن شؤؤن الموظفين والتوظيف

بسبب المعدل او بدون اسباب في بعض الاحيان

وبالنسبة للشروط والله ماعندي شروط يعني حتى ماعندي مانع اني اشتغل

فالبحر خارج الدوحة ومهما كان المكان

انا خريج بدون خبرة فمالي حق اني اتشرط لاني ادور على المكان مناسب احصل من وراه راتب

وفي نفس الوقت والاهم اخذ خبرة وتطوير للمهارات الشخصيه والتقنية

وفي هالايام الرواتب كلها واضحه والامور تختلف من مكان لاخر على حسب الجهه

ولك جزيل الشكر والاحترام

لا اله الا الله محمد رسول الله

[اوتار]

لا اله الا الله محمد رسول الله

[MBI]

الله يوفقك

[علي مهنا]

موفق اخوي

[اوتار]

تم رفض اوراقي بمؤسسة كهرماء

بسبب المعدل التراكمي

الى متى ؟؟؟؟

لا مؤسسات لا شركات ولا هيئات

لازم اكون صاحب واسطه !!!!!

او اكون مليونير عشان اتوظف !!!!!!

الله يسامح اي شخص كان سبب في رفض طلبي في اي جهه من الجهات

الحمدلله ان الرزق بيد رب العالمين مب بيدهم

لا اله الا الله محمد رسول الله

[بوحارب]

الله يوفقك ياخوي

عليك بالأستغفار والصبر الى ان يزينها رب العالمين