ما رايكم في الحلبه لحديثي الولاده؟؟ [الأرشيف]

مشاهدة النسخة كاملة : ما رايكم في الحلبه لحديثي الولاده؟؟

حبر وقرطاس

28-08-2013, 04:39 PM

سهم عتيج

28-08-2013, 04:46 PM

أمهاتنا اول كانوا يعطون حديثي الولادة لفائدتها الكثيرة
وكانوا يعطون الرضع لمدة اشهر لا أتذكر

ولكن ينتج عن ذلك رائحة تخرج من جلد الطفل قد تكون غير محببة طول الوقت وحتى انقطاع إعطاء الحلبة لهم بعد كم شهر

@north_star@

28-08-2013, 04:47 PM

@north_star@

28-08-2013, 04:48 PM

انا كنت اعطي ولدي يانسون بنسبة بسيطة وكنا نخلطها بالحليب

ولد الشحانية

28-08-2013, 05:04 PM

اليانسون زين للغازات

00soma00

28-08-2013, 05:07 PM

اخوي الامساك شي طبيعي عند الاطفال الرضع لانه الحليب يسويله امساك وخاصة الحليب المصنع غير الطبيعي ولكن الطبيعي يعتمد على حسب غذاء وأكل الام ...
تقصد اسهال لان الحليب الصناعى يسبب اسهال للاطفال

وبالفعل انا اشوف ان الينسون افضل لانه مهدئ للبطن

@north_star@

28-08-2013, 05:17 PM

تقصد اسهال لان الحليب الصناعى يسبب اسهال للاطفال

وبالفعل انا اشوف ان الينسون افضل لانه مهدئ للبطن

لا اختي الحليب الصناعي يسبب الامساك وتقدرين تتاكدين من النت أو من الاطباء :victory:

http://shefa2online.blogspot.com/2011/08/blog-post_03.html

تغلبية

28-08-2013, 05:21 PM

يعطون البيبي حلبة مخففة .. 4 حبات اتنقع في ماي ..

وتخلطون ماي الحلبة بالحليب

تقوي عظم الياهل وخاصة الولد تقوي ظهره وتسمنه

والام بعد لازم تاخذ حلبة تقوي ظهرها بعد الولادة

الغازات ينعطى لها ميلوبا .. او ينسون

Locale

28-08-2013, 05:28 PM

الغازات ينسون ينفع معها
الحلبه اذا الام ترضع تشرب منها يعطي تأثير على حليبها
اللي نفع ويا عيالي الينسون واحط فيه شوية عسل

R 7 A L

28-08-2013, 05:30 PM

:telephone:

خزامئ

28-08-2013, 09:11 PM

عيالي كلهم اغسل ربع ملعقه صغيره في ماء دافي طول اليل
والصبح اصفيها واخط معها حبه سكر نبات ممتازه
وحق الغازات. اعطيهم 3 اوراق نعنان منقع في ماء مغلي مع حبه سكر نبات
او يانسون

طبيب قطري

28-08-2013, 10:07 PM

افيدونا اخواني واخواتي

هل حد عنده خبره ومعلومات اكيده عن الحلبه للرضع من عمر شهر؟

هل تزيل الغازات والامساك للرضع؟

وين احسن مكان يبيعها وما طرق استخدامها

حبيت استفيد من خبراتكم لان النت بصراحه خبصه كل معلوماته مب اكيده

ناس تقول زينه وناس تقول شينه

افيدونااااا

لايستحسن اعطاء الطفل الرضيع اي نوع من انواع الاعشاب ، بدايه من عمر سته اشهر ممكن تعطيه ، الغازات والامساك راح تتحسن مع دخول الطفل الشهر الثالث، معروف ان الحليب الصناعي وخصوصا السيميلاك انه سبب للغازات والامساك ويخلي الطفل يصرخ من الالم وخصوصا في الليل..
الحليب الطبيعي احسن شيء في هذه المرحله العمريه والحلبه مفيده للام المرضعه لانها تساهم في ادرار الحليب..

اذا مضطر تستخدم الحليب الصناعي والطفل عنده امساك وغازات ، اشتري من الصيدليه نقط دسفيلاتيل وعطيها للطفل نقطتين بالفم بعد كل رضعه..

أم علي 2010

28-08-2013, 10:16 PM

اخوي الحلبه مفيدة تقوي العظم وتربي اليهال

ما تزيل الغازات والامساك ،،

تاخذها حب من سوق واقف والله انا مادري لان الوالدة تاخذ لي هالسوالف

حب الحلبة تاخذ شوي كم حبه وتغسله و تحطه في دلة الماي اللي تسون منها الحليب

بس بتكون في ريحه الله يعزك في الحفاضه

عشان المغص والالم انا استخدم سنوت مع سكر نبات و احيانا ماي غريب

والله يعينك على الصياح لازم لين شهرين او 3

بس عمر شهرين في تطعيم يعطونه اليهال ينظف البطن ويمشيه ويقولون لك ان لازم تغسل يدك عدل

قلب قطر..!

29-08-2013, 01:12 AM

وايد زينة للطفل وامه

حبر وقرطاس

29-08-2013, 08:26 AM

لايستحسن اعطاء الطفل الرضيع اي نوع من انواع الاعشاب ، بدايه من عمر سته اشهر ممكن تعطيه ، الغازات والامساك راح تتحسن مع دخول الطفل الشهر الثالث، معروف ان الحليب الصناعي وخصوصا السيميلاك انه سبب للغازات والامساك ويخلي الطفل يصرخ من الالم وخصوصا في الليل..
الحليب الطبيعي احسن شيء في هذه المرحله العمريه والحلبه مفيده للام المرضعه لانها تساهم في ادرار الحليب..

اذا مضطر تستخدم الحليب الصناعي والطفل عنده امساك وغازات ، اشتري من الصيدليه نقط دسفيلاتيل وعطيها للطفل نقطتين بالفم بعد كل رضعه..

يخرب بيت السميلاك

مايقدرون يصنعون حليب مايسوي امساك افف

الأصيلة

29-08-2013, 09:20 AM

نص ملعقة حلبة مغسوله تنحط في ترمس الماي
اللي يسوون منه الحليب للطفل
وخلاص يتعود عليها وتكون مفيده لجسمه وعظمه
على الاقل الشهور الاولى فقط

كازانوفا

29-08-2013, 09:32 AM

انا كنت اعطي ولدي يانسون بنسبة بسيطة وكنا نخلطها بالحليب

حبيت انبه على اليانسون لا يعطى للطفل بكثره لانه يسبب بضعف بخلايا المخ
يفضل مره كل اسبوع او كل ثلاث ايام
بالنسبه للحلبه مفيده للطفل وامه واذكر في له ذكر بالطب النبوي
وما في نوع معين انا بجيبه من الجمعيه انقعه شوي بعد ما اغسله واتركه يغلي لفتره عشر دقائق وبعدين اشرب يفضل نقعه وبنفس المي اغليه لان فائدته بتنزل بالمي المتقوع فيه

E.h

29-08-2013, 09:55 AM

انا ماكنت اجازف في الشهور الأولى وأعطي بنتي اي شي

في حاله الغازات والامساك
أسوي لها يانسون بس لاحظت انه ما ترتاح عليه

قمت أعطيها قبل لا ترقد ماي مغلي أطفئ النار عنه وانقع النعنع وعقب تشربه يطلع الغازات وترقد براحه

ملاحظه النعناع المغلي مب زين للطفل ،فقط منقوع النعناع

والله يعينكم هالثلاث شهور مع البيبي

elders

29-08-2013, 10:31 AM

لاتعطي الطفل شي. ..خلي الأم تشرب حلبه وشومر وكمون وماتاكل شي بينفخ

قطرية مثقفة

30-08-2013, 10:41 AM

الحلبة زينه تقوي عظام الرضيع @@ والأفضل ان المرضعة تشرب حليب بالحلبة وترضع طفله

شرقاويه

30-08-2013, 09:18 PM

لا حرام موزينه قويه على الكلى خاصه انه صغير هذا كلام الدكاتره

بنت مريخ

30-08-2013, 09:27 PM

حليب ميلوبا ممتاز مأيسوي غازات
جربته لولدي

مهرة

15-09-2013, 11:36 AM

يخرب بيت السميلاك

مايقدرون يصنعون حليب مايسوي امساك افف

اخوي في الله .. يفضل طبعاً الحليب الطبيعي وعشان ادراره لازم شرب الحليب والعصائر الطازجة الشوربات وأكل البروتين المكسرات النية والفواكة المجففة وحبذا انكمله بالفيتمينات اللازمة ..

اما اذا كان شر لا بد منه الحليب الصناعي فالأفضل هو الآبتاميل ومن بعده البيوميل وبنصيحة اكثر من دكتور ,,معروف السيميلاك والبروجرس يجيبون الأمساك .. الله يعين البيبيات

والحلبة الي معرووف عنها وليش تنعطى للبيبيز هي للتسمين وعشان البيبي يبين بصحة وكبير ومن زمان جداتنا يؤمنوون بهالشي ولين الحين يحبونه ..!:rolleyes2:

اما بالنسبة للغازات مثل ماتفضلوا فيه بعض خواتي الينسوون وخاصة براند ميلوبا لأنه مخفف ومهيأ للرضع .. ولا بأس من اشوية نعناع مع ماي وسكر بس او سنوت (كمون) اشوي بعد مع ماي وسكر وينعطى البيبي في اليوم مرتين او ثلاث فقط ..! وماعليك من أدوية الصيدليات

وأهم نصيحة للكل لا تخلطووون اي أعشاب أو دوا مع حليب البيبي لأنه بيتغير عليه وبيكره الحليب انتبهوو ..

والله يعافي البيبيات كلهم وحطووهم على بطنهم وايد بتسمعوون أصوات حلوة وبتشمون عطور بعد حلوة وبتقولون هالكلمة المعروووفة فديـــــــــــــــــــــــــــــــت ......الخ !!:nice:

بصمة قطرية

15-09-2013, 12:32 PM

الحلبة قوية ما أفضلها للمولود
عقب شهور ممكن
و بعدين الحلبة ما لها علاقة بالإمساك و الغازات
كل اللي يعطون عيالهم حلبة ماشاء الله
الياهل يكون متختخ ..
سكر نبات و ينسون و كراوية مافي أحسن منهم للياهل
كل عيالي كنت أشربهم ينسون و كراوية الكراوية هي السنوت
طبعاً الطريقة الصحيحة
ننتقع ملعقة صغيرة في كوب ماي كار مع قطعة سكر نبات صغيرة
الياهل يرتاح بعدها
هالكلام عن تجربة
يفضل الواحد يبدا بيها بعد شهرين أو ثلاث شهور
و لو ممكن يأخر بعد أحسن
الطفل لما يرضع طبيعي ياخذ كفايته من كل شي لعمر ست شهور ..
الحليب الصناعي لازم يسبب غازات
السيميلاك جداً قوي على معدة الطفل ومليان غازات
لازم الطفل يتجشأ عدل عشان يتخلص من الغازات بعد الرضاعة
و بعدين في فترة ما بعد الولادة ( العقا ) هو اللي يتعب الطفل
و يخليه يتمغص طول اليوم ..
الأعشاب الخفيفة المنقوعه في الماي جداً ممتازة ..
أخطر شي لما نطبخ الأعشاب لازم تتفوح
و مع الوقت ممكن نشربه نعناع منقوع في ماي ..

سارآ

15-09-2013, 07:27 PM

ماشاء الله ودي اعطيكم شهادة تقدير
احسكم اخصائين تغذيه تبارك الرحمن :secret:

وثاب

16-09-2013, 12:46 PM

الطفل امانه

ما نعرضه للتجارب

المفروض اذا فيه شي يعرض للدكتور

الله يحفظ لك طفلك

وما يشوف شر