مب حاله مع الخوف .. ساعدوني !

[بن خالدي]

ياجماعه ودي اسافر بس اخاف من الطياره :omg: حتى السفر بالسياره اذا كان الطريق طويل ... الي مرت عليه الحاله ياليت يفيدني :weeping: صادني اكتأب من التفكير :( :eek5:

[@north_star@]

خذلك حبة وارقد اخوي او حاول تلهي نفسك بالطيارة بقراءة القران أو شي ثاني علشان ما تحس بالوقت

[00soma00]

افضل حل انك تحجز بكرة وتسافر وتكسر الخوف اللى عندك

[معماري قطري]

ياجماعه ودي اسافر بس اخاف من الطياره :omg: حتى السفر بالسياره اذا كان الطريق طويل ... الي مرت عليه الحاله ياليت يفيدني :weeping: صادني اكتأب من التفكير :( :eek5:

خل عندك قناعة إن الطيارات وايد أأمن من السيارات وغيرها .. حسب إحصائيات نسبة الحوادث .. وتوكل على الله أول حتى لو مناطق قريبة .. كلنا نخاف بس نسلم أمرنا لله وندعوه السلامة.

أتوقع فيه علاج طبي لهذا الخوف وفيه ناس وايد مثلك وأكيد بتحصل ردود شافية من مختصين.

[بحر شرق]

اعرف كثير من الناس فيهم هذي الحالة وبعضهم تغلبوا على هذي الحالة بس فكر أن إلا نسان ممكن يموت في أي لحظه حتى هو نائم بس حالات سقوط الطاًءره نادره ممكن تقرأه قران أو تحاول تنام و بمر الوقت بسرعه

[تغلبية]

لازم تقرر في نفسك وبكامل وعيك انك تحب نفسك

وتبعد عنها الخوف (لانك قادر على هالشي)

يعني ما تكتفي بطرد الخوف .. لا ..

تكون الرغبة الحقيقية انك تسافر وتستمتع بالسفر

حالك حال الناس لأن السفر حلو ومتعة من متع الدنيا

بعطيك رابط فيه صوتيات لمتخصصين .. اختار اللي يناسبك والافضل انك تسمع اكثر من واحد

http://q9r.me/bgo1

[بن خالدي]

افضل حل انك تحجز بكرة وتسافر وتكسر الخوف اللى عندك

جربت ويعلم الله اني تحسفت لانه وقت الصج يتغير الكلام:weeping: وانا في الطياره عيني عالباب لين يسكر وقلبي يدف بقو وماتم فكره خايسه ماتجي على بالي :anger1:

[عزووز قطر]

قال تعالى : (( قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚوَعَلَى اللَّهِ فَلْيَتَوَكَّلِ الْمُؤْمِنُونَ ))


اللي الله كاتبه بيصير ،،، توكل على الله وعيش حياتك

[بن خالدي]

لازم تقرر في نفسك وبكامل وعيك انك تحب نفسك

وتبعد عنها الخوف (لانك قادر على هالشي)

يعني ما تكتفي بطرد الخوف .. لا ..

تكون الرغبة الحقيقية انك تسافر وتستمتع بالسفر

حالك حال الناس لأن السفر حلو ومتعة من متع الدنيا

بعطيك رابط فيه صوتيات لمتخصصين .. اختار اللي يناسبك والافضل انك تسمع اكثر من واحد

http://q9r.me/bgo1

يسلمو :victory:

[عبدالعزيز 101]

شي غريب !! ليش تخاف تركب الطيارة ؟ بالعكس الطيارة أأمن من طريق البر !!

انا عن نفسي اول ماركب الطيارة اتربع عالكرسي ولا اربط الحزام طول الرحلة من زود الثقة :nice:


قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ

توكل وعيش حياتك :nice:

[Locale]

شنهي الحبه اللي ترقد ؟
نفس حالتك قولوني من الخوف ينتفخ علي

[بن خالدي]

شنهي الحبه اللي ترقد ؟
نفس حالتك قولوني من الخوف ينتفخ علي

حاس فيك والله :(

[بن خالدي]

شي غريب !! ليش تخاف تركب الطيارة ؟ بالعكس الطيارة أأمن من طريق البر !!

انا عن نفسي اول ماركب الطيارة اتربع عالكرسي ولا اربط الحزام طول الرحلة من زود الثقة :nice:


قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ

توكل وعيش حياتك :nice:
ماشاء الله عليك ويابختك ياعزيز :weeping: اتمنى هالثقه وربي يحفظك

[محاسب]

أكل العنب حبه حبه.........
*بدء برحلات قصيره في الطياره
* سفره كل أسبوع لمدة يومين اوثلاثه
وبعدها بتلاحظ أن كل مألوف مايجي معاه خوف

[alsoq]

السلام عليكم

واحد من الاهل نفس حالتك وصاده اكتاب من كثر ما يفكر يحس انه الخط الطويل بصير فيه شي وطياره بعد

راج للطب النفسي صرفو له حبوب 4 شهور الحين ما شاء الله عليه من مكان لمكان

نصيحه لا تخلي الحاله طول عليك لان لها عواقب كبيره

[بن خالدي]

السلام عليكم

واحد من الاهل نفس حالتك وصاده اكتاب من كثر ما يفكر يحس انه الخط الطويل بصير فيه شي وطياره بعد

راج للطب النفسي صرفو له حبوب 4 شهور الحين ما شاء الله عليه من مكان لمكان

نصيحه لا تخلي الحاله طول عليك لان لها عواقب كبيره

زين وين اروح بالضبط وايش اسم الحبوب الله يخليك :telephone:

[البيت القديم]

اخوي هذا شي طبيعي ان الانسان يخاف..

والخوف في هذي المواقف خوف مؤقت يعني ربع ساعه او عشرين دقيقه وبعدها بيروح وبتحس براحه..

[توشيبا]

شوف اخوي انا كنت اخاف من الطياره

المهم ركبت الطياره امس وسبحان الله صار لي اكشن

ابغي اروح للصين المهم اضطريت اروح من قطر لسريلانكا ومن سريلانكا لين تايلاند ومن تايلاند لين الصين

صح حسيت بخوف اول مره وانا مقلع من مطار الدوحه بس ياخوي شفت معي نساء واطفال يضحكون انحرجت من نفسي

والحمدالله اول مره اركب طياره وقلعت فيني ثلاث مرات وهبطت فيني ثلاث مرات وانفكت العقده

والحين مفتل في الصين علي الاخر وماعندي اي خوف اني ارجع علي طياره

[مستر بن]

اكسسرر الخووف وتوكل ع الله
احجز لكك ع مكةة وتوكل ع الله ^
واعتمر وارجعع تاخذ اجرر وتكسسر الخوف ^

[عاشق العديد]

مافي شـي يؤدي إلى الخـوف ..
خل قلبك قـوي ..

وبالعكس فلهـا ..

[شويهينــه]

انا كنت نفسك بس لازم تغصب نفسك مع الوقت بيروح الخوف

[الواافي]

افضل وسيله امانه الطائره

[Rosso]

قول حق المظيفة انك تخاف من الطيران مرات بتوديك عند الكبتن يقعد يسولف وياك ويطمنك :nice:

[وطن]

جربت ويعلم الله اني تحسفت لانه وقت الصج يتغير الكلام:weeping: وانا في الطياره عيني عالباب لين يسكر وقلبي يدف بقو وماتم فكره خايسه ماتجي على بالي :anger1:

هذا من الشيطان أخوي
يوسوس لك

هل الشيطان أقوى منك؟؟

تغلب عليه :victory:

[المهاجر]

اكسر هالخوف وتوكل على الله واذا ركبت الطياره

خلك بذكره والاستغفار

وان شاء الله يروح الخوف

[منتهى الذوق]

نصيحه اخوي تأخذ لك حبة
مهدئ للأعصاب و تلتزم ذكر
الله و الاذكار عشان يروح عنك
الروع

[بوحارب]

توكل على الله أخوي

[حسن]

يقول المثل اربط صبعك وكلن يوصفلك دووا

شوف نصيحه حاول واذا ماقدرت راجع دكتور نفسي

مره جلست مع دكتور نفسي كويتي

يقول يابوعلى

مره عالجت شخصيه كبيره عندهم ومن اصحاب المليارات وكان كثير من المشاريع تروح عليه خارج الكويت وكذالك مايقدر يحضر المعارض والاجتماعات

فا يقول عنه شي اسمه فوبيا مادري اذا في حد له خص بالطب النفسي يعرفه

فا عالجه ويقول وحجز لنا طياره ورحت معاه وكان يقول اول رحله المانيا
وعقبها الرجل عاش اوكيه

شوف ياخوك كان تبي تحجز لى ولياك انا حاضر

الله يشافيك من هذا المرض

[بن خالدي]

الله كريم ،،، ترا مايحس بالمشكله الا الي عايشها :(

[بن خالدي]

يقول المثل اربط صبعك وكلن يوصفلك دووا

شوف نصيحه حاول واذا ماقدرت راجع دكتور نفسي

مره جلست مع دكتور نفسي كويتي

يقول يابوعلى

مره عالجت شخصيه كبيره عندهم ومن اصحاب المليارات وكان كثير من المشاريع تروح عليه خارج الكويت وكذالك مايقدر يحضر المعارض والاجتماعات

فا يقول عنه شي اسمه فوبيا مادري اذا في حد له خص بالطب النفسي يعرفه

فا عالجه ويقول وحجز لنا طياره ورحت معاه وكان يقول اول رحله المانيا
وعقبها الرجل عاش اوكيه

شوف ياخوك كان تبي تحجز لى ولياك انا حاضر

الله يشافيك من هذا المرض

بحجز لك افا عليك بس تضمن اني اخف واتعالج :weeping:

[RE-Qatar]

احسن شي روح انت واثنين من ربعك او اهلك لدبي ويك اند ليلتين تمشي
وجرب لين تفك العقده
كلها التذكرة على بعض 820 ريال بس

[قلب قطر..!]

أنا نفسك :(

[AHMED A]

مرحبا اخوي

اخوي انا حالتي مشابهه تماما لحالتك ويمكن اكثر منك ،، تعالجت عند دكتور اسمه د عبد القادر سوداني في مستشفى الخور وهو يشتغل في الاستشارات العائلية ،، عطاني علاج دوائي لان عندي فوبيا وفي حالات الفوبيا لابد من العلاج الدوائي المهم استمريت على الدوا 6 شهور والحمد لله سافرت ولا حسيت بشي وإلا قبل ادوخ بس اتخيل الطياره او اشوفها بمكان ،، توكل على الله وروح تعالج والعلاج النفسي مب عيب ولا حرام ولا تنسى الدعاء والتوكل على الله وقوة الإرادة ،، صدقني اني الحين ما ودي اقعد ابي اسافر من بلد لبلد ،، اسمع نصيحتي وتذكرني بالدعاء

[عصير بو نص]

مالك الا انك تتعالج وتشيل الخوف من قلبك وفي في المستشفى الاهلي عيادة الطيران حتى اني استغربت من الاسم بس بعد موضوعك عرفت باهمية هالقسم وان شاء الله تكون من رواد السفر عقبها ترى مافي احلى من السفر وتغيير الجو بين كل فتره وفتره

[ريتويت]

اعتقد الحاله الي عندك مجرد فوبيا من فكره السفر والاماكن الطويله والاماكن المرتفعه..

[بونووف]

خذ لك دوا كحه قبل البوردينق وحاول تكون من اول الناس يدخلون الطياره لانه راح تشوف الناس تدخل ويبيلهم وقت لين يستعدون للطيران في هالفتره انت خذت راحتك وبدى مفعول دوا الكحه يأثر وسليييب لين ماتنزل الطياره ..طبعا اختار لك رحله قصيره مثل البحرين كبدايه

[Aaziz]

تاكد 100٪ ان الموضوع موضوع تعود لا اكثر. كلنا اول مره نركب الطياره نخاف ، بس خوف مش في محله ابدا بدليل ان الشخص منا هو و معاه اثنين ولا ثلاثه يخافون و باقي الركاب عادي.

بقول لك قصه صارت لي لها علاقه بالطيران و التعود على الطياره.

كنت في سفر لبلد احنبي و قضيت شهر كنت يوم اسافر بالطياره و يوم اريح كانت مده الرحله 45 دقيقه اذا الرحله مباشره و احيانا يكون مافيه حجز فا اظطر اخذ رحله لبلد مجاور و ارجع للبلد الي شغلي فيه . كنت في البدايه استغرب من الاجانب شلون ينامون و مده الرحله 45 دقيقه ، لدرجه توقعت انهم يمثلون دور النايم كنوع من الاسترخاء خصوصا ان جو الطياره الصغيره مش جو مناسب للنوم.

عشان ما اطولها عليك اذكر في اخر الايام تهاوشت مع شخص بعد ما حسيت بضربه قويه على راسي !!!!

تخيل نمت و بعمق لدرجه ان الطياره نزلت على المدرج و ماصحيت و جسمي مال في الممر بين الكراسي و الشخص كان يبي ينزل من الطياره و ضرب راسي بشنطته في يده ، مع العلم اني من الاشخاص الي نومهم صعب اذا غيرت الغرفه يصيدني ارق ؟ طيب ليش نمت في الطياره ؟ لاني تعودت على اجوائها.
فالمسئله مسئله تعود لا اكثر.

نصيحتي لك سافر لبلد بعيد لاتقل الرحله عن 7 ساعات. لسبب
الرحلات البعيده تكون طياراتها كبيره و الطياره الكبيره اريح في السفر من الطياره الصغيره. من ناحيه الاقلاع و الهبوط و المطبات الهوائيه.

[بوجاااااسم]

لا حياء في العلم
الي فيك أعراض رهاب
وعلاجه سهل وآمن
إستشير أي دكتور نفسي متمكن
(( أنصحك بوضع إستشارة نفسية في الشبكة الإسلامية ))
وستلقى النتيجة والنصيحة الآمنه من قبل دكاترة متمكنين
حتى وإن وصف لك علاج دوائي
توكل على الله وخذه
وفي العادة سيوصف لك حبوب مضادة للإكتئاب
لأن 90% من أمراض القلق والتوتو والوساوس منشأها الإكتئاب ...

[الجوكر90]

اما
عيل بقولك انت ضيعت نص عمرك

ابو نسيبي يشتغل فالمطار ويشوف الطيارات وهي صاعده ونازله وهم يخاف
ابوي حاول معاه الحين صارله سنتين يحاول معاه مافي فايده

شوف اغلب الامراض تكون نفسيه فالدرجه الاولى عشان جي روح مستشفى الامراض النفسيه اتوقع مكانهم غالسد عند السنتر وصدقني بعد ما تتعالج راح تقول اما انا كنت حابس نفسي عن الوناسه والسفرات عشان الخوف

وتذكر اخوي اذا تعالجت اشكر الله وﻻ تعصيه فالسفر ﻻنها نعمه وكنت محروم منها ورب العالمين الي سهلك هالنعمه يقدر ياخذها منك
وبالتوفيق

[بن خالدي]

اما
عيل بقولك انت ضيعت نص عمرك

ابو نسيبي يشتغل فالمطار ويشوف الطيارات وهي صاعده ونازله وهم يخاف
ابوي حاول معاه الحين صارله سنتين يحاول معاه مافي فايده

شوف اغلب الامراض تكون نفسيه فالدرجه الاولى عشان جي روح مستشفى الامراض النفسيه اتوقع مكانهم غالسد عند السنتر وصدقني بعد ما تتعالج راح تقول اما انا كنت حابس نفسي عن الوناسه والسفرات عشان الخوف

وتذكر اخوي اذا تعالجت اشكر الله وﻻ تعصيه فالسفر ﻻنها نعمه وكنت محروم منها ورب العالمين الي سهلك هالنعمه يقدر ياخذها منك
وبالتوفيق





لا حياء في العلم
الي فيك أعراض رهاب
وعلاجه سهل وآمن
إستشير أي دكتور نفسي متمكن
(( أنصحك بوضع إستشارة نفسية في الشبكة الإسلامية ))
وستلقى النتيجة والنصيحة الآمنه من قبل دكاترة متمكنين
حتى وإن وصف لك علاج دوائي
توكل على الله وخذه
وفي العادة سيوصف لك حبوب مضادة للإكتئاب
لأن 90% من أمراض القلق والتوتو والوساوس منشأها الإكتئاب ...




مرحبا اخوي

اخوي انا حالتي مشابهه تماما لحالتك ويمكن اكثر منك ،، تعالجت عند دكتور اسمه د عبد القادر سوداني في مستشفى الخور وهو يشتغل في الاستشارات العائلية ،، عطاني علاج دوائي لان عندي فوبيا وفي حالات الفوبيا لابد من العلاج الدوائي المهم استمريت على الدوا 6 شهور والحمد لله سافرت ولا حسيت بشي وإلا قبل ادوخ بس اتخيل الطياره او اشوفها بمكان ،، توكل على الله وروح تعالج والعلاج النفسي مب عيب ولا حرام ولا تنسى الدعاء والتوكل على الله وقوة الإرادة ،، صدقني اني الحين ما ودي اقعد ابي اسافر من بلد لبلد ،، اسمع نصيحتي وتذكرني بالدعاء


مالك الا انك تتعالج وتشيل الخوف من قلبك وفي في المستشفى الاهلي عيادة الطيران حتى اني استغربت من الاسم بس بعد موضوعك عرفت باهمية هالقسم وان شاء الله تكون من رواد السفر عقبها ترى مافي احلى من السفر وتغيير الجو بين كل فتره وفتره

الله يجزاكم خير يارب وشكلي بروح لدكتور نفساني :(

[jasjar85]

ياجماعه ودي اسافر بس اخاف من الطياره :omg: حتى السفر بالسياره اذا كان الطريق طويل ... الي مرت عليه الحاله ياليت يفيدني :weeping: صادني اكتأب من التفكير :( :eek5:

انصحك ببرنامج "كن شجاعا" للدكتور صلاح الراشد

[نتفـه]

اعاني من نفس الاعراض .. والله المستعان ان شاء الله

[alsoq]

زين وين اروح بالضبط وايش اسم الحبوب الله يخليك :telephone:

السلام عليكم

تروح عياده الطب النفسي وتسوي موعد وتقابل الدكتور وبيجلس معاك وتقول له كل شي تحس فيه يمكن من اول جلسه ما يعطيك شي في الجلسه الثانيه بيكون حدد لك المشكله واكيد بيعطيك حبوب تشيل ها الخوف والتفكير منك

وترى الطب النسي شانه شان عياده القلب والاعصاب وغيرها من الاقسام لا احد يهمل نفسه لحد ما تطور الحاله وماتشوف شر ان شاء الله

[Roo7MooT]

اخوي الحل أنك تسافر قروب مع ربعك

وفي شي في داخلك أذا كسرته خلاص بتتغلب على جميع مخاوفك مستقبلا

قبل الطيارة شوف شي صغير وتخاف منه حاول تتغلب عليه

وبعدها شوف لك سفرة معغ ربعك وصفي مخك سولف مع فلان وعلان

وان شاء الله تتغلب على الخوف

[Chambray]

الي فيك مرض نفسي طبيعي جداً يعانون منه شريحه كبيره من الناس
اسمه ( فوبيا الطيران )
لازم تتعالج عن طبيب نفسي .. وامورك طيبه ان شاء الله

[حسن]

بحجز لك افا عليك بس تضمن اني اخف واتعالج :weeping:

قول باذن الله

شوف ياخوك انا كنت نفسك اذكر اول مره ركبت الطياره مع ابوي ومعانا الشيخ عبدالله الانصاري الله يرحمهم جميعا

كانت السفره ضروريه لان عمي دعم له شخص في ابها وهو رايح العمره
فرحنا نشوفه ونخلص الموضوع رغم المصاب كان في الانعاش

فاذكر اني قعدت اصيح في الطياره واخبر ابوي قالي تبي انزلك قلت له لا
فصارت عندي عقده وكره للسفر وهذا كان طبع خذته من ابوي ماكان يحب يسافر

وبعدين بحكم العسكر سافرت غصب وتقبلته لا نا كنا مجموعه كبيره
والى الان مااحب السفر بس مش خوف لاني مرتاح ومستمتع في بلادي
سفراتي القريبه دبي الحساء البحرين عادي
كلها يوم ولا يومين وراجع

بس الحين صار فيني طبع اذا باسافر تقول مودين الاعدام
لكن لين وصلت المكان ماودي ارجع البلاد

:con2:

فصار عندي رده فعل عكسيه والسبب المراه
كل مابي اسافر تقول وين تروح وتخلينا

:)

[khalid525]

اخوي اذا فيك فوبيا الطيران لا تضيع وقت روح حق دكتور نفسي او اخصائي
انت الاحساس اللي يتحكم في خوفك اقوى من ارادتك فما فيه فايده الا انك تنزع هالفوبيا من اللاوعي عن طريق دكتور .

[القطو السمين]

هالحاله عادية جدا وتصيب العشرات ولايبي لها دكتور نفساني اول ماتقعد الكرسي الطيارة اطلب حبة مهدئه من عند الطيار والامور طيبة

[بنت مريخ]

مريت بنفس حالتك
٢٠٠٧ كنا رايحين سوريا والطياره متروسه وحده معانا قعدت تصيح دخلني روع الله يسامحها
عقبها اشوي اشوي راح الخوف و صرت اتربع على الكرسي و مسباحي في يدي و أجوف فلم بعد
الله يعينك

[بريق الحق]

روح طب من برجة السد او روح طعس العطية وامورك طيبه

[ولد البدر]

انا ايجيني خوف من الطيارة لكني ما خليت بلد مارحت ويزيد خوفي عند الهبوط والاقلاع والمطبات الهوائية دايما اشوف وجه المضيفات والمسافرين اذا فيه علامات خوف ورعب ولا عادي عندهم وإذا كانت الطيارة كبيرة ارتاح واذا صغيرة يصيدني تشاؤم ولا احب اسولف مع احد وخاصة وقت المطبات الهوائية والهبوط حتى نهبط بسلام

[بريق الحق]

انصحك ببرنامج "كن شجاعا" للدكتور صلاح الراشد

شدعوة داي الشجاع هع

[بن خالدي]

اخوي اذا فيك فوبيا الطيران لا تضيع وقت روح حق دكتور نفسي او اخصائي
انت الاحساس اللي يتحكم في خوفك اقوى من ارادتك فما فيه فايده الا انك تنزع هالفوبيا من اللاوعي عن طريق دكتور .

جزاك الله خير ونفس ماقلت خوفي اقوى من ارادتي

[AHMED A]

اخوي اعتذر ما اقدر ارد على رسالتك لان مشاركاتي ما تجاوزت ال 50 بس مثل ما قلت لك تواصل مع الدكتور عبد القادر وتقدر تروح له مركز الاستشارات العائلية والعلاج من الطبيب بعد ما يسمع حالتك بيكتب لك العلاج ولازم تمشي مع الدكتور خطوة بخطوة وانا مدة علاجي كانت 6 شهور والي سألوني عن مخاطر العلاج ومضاعفاته بعد العلاج الدوا ما سبب لي اي مضاعفات بس مره أهملت العلاج أسبوعين وكنت احس بدوخه مستمره بس بعد الانتهاء من العلاج لازم ما نوقفه فجأة في مراحل يكتبها الدكتور والحمد لله الامور طيبه ولا تهملون أنفسكم أنا كنت أخاف من كل شي حتى الطرق البعيدة والأماكن المسكرة والمرتفعات حتى الطيارة وهي طائره بالسما ما كنت اقدر ارفع راسي واشوفها كنت ادوخ والحمد لله الحين مافي اي شي من هال كلام اول سفره لي كانت في رمضان عمره وتوني راد من تركيا وابشركم طلعنا قمة الجبل وركبت التل فريك وجدا استمتعت والحمد لله لا تنسوا العلاج والتوكل على الله والدعاء المستمر بالشفاء وراح انتظر مشاركتكم في المنتدى تبشرونا

[الحاقول]

وأكَّد مُختصون على أن هذه الحالة تُعد حالة مرضيةً تُسمَّى "فوبيا الطائرة"، مُضيفين أنَّها تتطلَّب علاجاً نفسياً على يد طبيب مختص لتزول آثارها، ويصبح المريض بعد ذلك قادراً على السفر بالطائرة دون خوف أو وجل.

وقال "د.طاهر شلتوت" - طبيب نفسي -: "الفوبيا مرض من الأمراض النفسية الشهيرة والشائعة"، مُضيفاً أنَّ المخاوف النفسية تنقسم إلى عدة أنواع منها المخاوف الاجتماعيَّة، والمخاوف من الأماكن المرتفعة أو المُعلَّقة، مُوضحاً أنَّ الخوف من ركوب الطائرات غير مُبرَّر حتى الآن، إذ لم يتمكَّن علماء النفس من إيجاد تفسير واضح له، مُشيراً إلى أنَّ الفرد يشعر بخوف عند اقترابه من مكان صعود الطائرة، وتصاحب ذلك علامات جسديَّة، مثل: زيادة نبضات القلب وإفرازات العرق، إلى جانب الشعور بعدم القدرة على تحمُّل هذا الموقف، مِمَّا يدفعه إلى تجنُّب المواقف التي قد تدفعه إلى السفر، وقد يزداد الوضع سوءاً فيمتنع عن السفر بشكل تام، مُبيِّناً أنَّ هناك عدَّة نظريات تفسر الخوف بشكل عام، ومنها النظرية العضوية التي تعتقد أنَّ الخوف يحدث بسبب نقص في مادة كيميائية بالدماغ تسمى "الناقلات العصبية الكيميائية"، إلى جانب وجود تفسيرات أخرى مثل: "النظرية السلوكية" التي تُؤكِّد أنَّ هذه المخاوف نشأت نتيجة ارتباطات خاصة في حياة الإنسان في فترة ما.

وأضاف "د.شلتوت" أنَّ المريض يشعر أنَّه لن يستطيع الدخول إلى حيِّز الطائرة، وأنَّه إذا دخل وبدأت تتحرك به لن يستطيع التنفس، وأنَّ قلبه سيتوقف، إلى جانب شعوره أنَّه متى ماحدث ذلك فإنَّه لن تكون هناك وسيلة متوفِّرة لإسعافه، مُوضحاً أنَّ هذا الخوف من الممكن أن يتحوَّل إلى حالة ذعر شديدة، الأمر الذي يمكن أن يعوق حركة إقلاع الطائرة، مُشيراً إلى أنَّ هذا الشعور لا يستمر سوى مدة زمنية تتراوح بين (15) و(30) دقيقة، قبل أن يعود الشخص إلى حالته الطبيعيَّة، لافتاً إلى أنَّ وسائل العلاج تتعدَّد طبقاً للنظرية المتبعة، فأصحاب النظرية العضوية من الأطباء النفسيين يستخدمون أدوية المضادة للاكتئاب والقلق، بينما توجد وسائل أخرى تندرج تحت عنوان العلاج السلوكي، وتُسمَّى "الإغراق" أو "الفيضان"، وتعتمد على ضرورة أن يواجه المريض خوفه بشكل كامل حتى تمر الفترة الزمنية الحرجة للخوف، والتي لا تتعدى نصف ساعة في الغالب، مُبيِّناً أنَّ الطبيب هنا يساعد المريض بعمل تجارب بالتخيُّل، أو بواسطة أفلام مُعدَّة لذلك، أو عن طريق الممارسة الحقيقيَّة لهذا الموقف.

وبيَّن "محمد ممدوح" - صيدلي - أنَّ هناك مجموعة من الأدوية تُعطى لمرضى "فوبيا الطائرات" بعد استشارة الطبيب، ومن أبرزها: دواء "البرازولام"، واسمه العلمي (Prazolam) ويُسمَّى تجارياً (Xanax)، حيث يتوفَّر منه أقراص وشراب وحقن، مُضيفاً أنَّه يستخدم أيضاً لعلاج اضطراب الفزع والقلق والأرق، مُوضحاً أنَّ له بعض الأعراض الجانبية، مثل: تسبُّبه بالنعاس والخمول والكسل والتعوُّد، إلى جانب الصداع، مُشيراً إلى أنَّه لا ينصح باستعماله لمدة طويلة خوفاً من الإدمان عليه.

يذكر أنَّ هناك كتباً نافعة قد تُفيد من يُعانون من هذا الاضطراب، ومن أهمها: كتاباً بعنوان "تغلَّب على الخوف من الطيران"، لمؤلفته "د.ميف بايران كرانجل"، ومن تعريب "وسيم هاشم"، وأشارت المؤلفة في مُقدِّمة الكتاب إلى أنَّها قابلت العديد من الأشخاص مِمَّن فوتوا على أنفسهم فرصاً رائعة لسنوات نتيجة الخوف من الطيران؛ لذا جاء تأليفها لهذا الكتاب لتساعد بذلك أولئك الأشخاص المترددين حتى يستمروا في السفر جواً، ولتُمكِّن أولئك الذين لا يطيرون أبداً من بين الملايين على قهر الخوف من التحليق، مُوضحةً أنَّ العديد من الخائفين من الطيران رفض ترقيةً أتته، أو استقال من منصبه الهام الذي يستلزم منه سفراً جوياً متكرراً، مؤكِّدةً على وجود العديد مِمَّن لديهم اشتراط مُسجَّل في عقودهم مع مستخدميهم يقضي بعدم إجبارهم على الطيران مهما كانت الظروف، مع اعتراف هذه الشريحة وإقرارها أنَّ خوفها من السفر جواً غير عقلاني أو منطقي. وتضمَّن الكتاب فصولاً عن "الديناميكية الهوائية"، وهو علم يبحث في حركة الهواء والسوائل الغازية، مُعزَّزاً بشروحات عن تغيرات ضجيج المحرك خلال الرحلة الجوية والاضطراب الجوي، وعن كيفية اختيار طاقم الطائرة وطريقة إعدادهم لحالات الطوارئ، وذكرت المؤلفة دراسةً أجرتها شركة "بوينج" الأميركية قبل عشرين عاماً، إذ أثبتت أنَّ أكثر من (500) مليون شخص في العالم يعانون من خوف شديد من الطيران، ومن بينهم (25) مليون أميركي يخافون هذه الوسيلة، مُشيرةً إلى أنَّه تمَّ عمل دراسة حديثة في بلدان مثل: "أستراليا" وأثبتت أيضا أنَّ (20%) من سكانها يعانون هذه المشكلة، بل وثبت أنَّ نصف عدد سكان "هولندا" لم يُحلِّقوا أبداً.

ولفتت المؤلفة إلى أنَّ أسباب الخوف من الطيران تعود لعدة عوامل منها: التأثيرات العائلية، والارتباط بتجربة سابقة سيئة حدثت أثناء الطيران، مُوضحةً في هذا الصدد السمات الذاتيَّة للشخص الذي يهاب الطيران، والذي تُدرجه الكاتبة في سياق الأشخاص الميَّالين إلى الاضطرابات النفسية، والهلع المرضي، كما تعزوها أيضا إلى تأثيرات الطفولة عندما يُحذَّر الأهل أبناءهم من الأماكن العالية، أو عند قيادتهم لدراجاتهم الهوائية، أو نصحهم بعدم الجلوس في نهاية الحافلة خوفا من حصول حادث ما، غير آبهين أنَّ مثل هذه التحذيرات والإفراط بالحرص على حمايتهم سيجعل أطفالهم حذرين بشكل متطرف في المستقبل، مُشيرةً إلى أنَّ النساء أكثر تخوُّفاً من الرجال في هذا الشأن؛ لأن غريزة الأمومة والحماية لديهن أكبر.

وتنصح "د.كرانجل" الخائفين من الطيران أنَّ العلاج الطبيعي لهذه الحالة هو الاسترخاء وعدم التفكير في عواقب الرحلة، مُضيفةً أنَّ الطيارين يعتبرون أنَّ أخطر مرحلة عندهم هي قيادتهم لسياراتهم الخاصة أو ركوبها من بيوتهم إلى المطار، لافتةً إلى أنَّ على الخائفين من التحليق التغلُّب على خوفهم من هذه الوسيلة، والتصميم على عمل ايجابي للتعامل مع هذه المشكلة، ومواجهة هذا الهاجس وتعلُّم كيفيَّة التعامل معه، وبحسب الإحصاءات التي ذكرتها "د.كرانجل" في كتابها الذي ضمَّنته العديد من الإرشادات والنصائح والتمارين، يظلُّ السفر عن طريق الجو في النهاية أكثر أمناً من البر والبحر والسكك الحديدية.

[بن خالدي]

الله يجزاكم خير ويشفيني

[بحر شرق]

الله يشفيك ان شالله لكن فكر بان الحياه مافي احد مخلد فيها كلنا رايحين عنها ، تبي نصيحتي داوم على الصلوات والصيام والتصدق للفقراء ولا تظلم احد وآمن برب العالمين عشان تنام وتصحى وتموت مرتاح بانك راح تواجه ربك بأي لحظه في حياتك في طياره ام على السرير أو تشاهد تلفزيون الله اعلم المهم انك تكون مستعد للخاتمه ، الله يرزقنا بحسن الخاتمه

[بنت المطر]

شعور طبيعي اختي نفس الشيء كانت تخاف ووتتخيل ان مافيه نفس وضيقه

لين مأجربت وركبت وحبت الطيارة وراح الخوف


خذ لك قلم وورقة وسجل فيها كل المشاعر والأحاسيس التي تخاف منها

بعد شق الورقة وحاول تطرد الأفكار السلبية

وصدقني راح تحب الطيارة وترتاح

[مبتدئه]

بصراحة موضوعك بكبرة يخوف انا بعد اخاف من ركوب الطيارة ومستحيل افكر اسافر, واخاف من الذهاب للطبيب ،لو كشف عادي ممكن ،مقرر لي عملية من اكثر من ثمان سنوات لكن من الخوف ما تابعت حالتي ،عندي مواعيد وضرورة لزيارة لطبيب الاسنان بعد الخوف يمنعني ،يعني متوكله على الله ومتبعة الرقية الشرعية والعلاجات الطبيعية ،لكن احس حالتي تستدعي لزيارة طبيب وعاجله لكن اخاف يقولون فيني شي يستدعي جراحة ، في نفسي من الخوف عادي اصبر واتحمل الالم لين اموت على إني اخضع لاي عملية كانت، هل هذا يعتبر مرض نفسي

[w.qatar]

الله يشفيك و يعافيك اتوقع كنت دايم تشوف برامج كوارث الطائرات و الرحلات الجويه ؟

المهم اخوي تبي نصيحتي لا تاخذ ادويه لان البعض يدمن عليها و ما يقدر يهدها بعدين

كلنا نخاف هذا شي طبيعي بس حاول تروح سفره قريبه كم يوم و لا تقعد عند الدريشه من تدخل الطياره خلك في ذكر و اقرا قران لين تهدا نفسك و بتحس ان الخوف اختفى .

[نوار قطر]

ويه انا من اشوف الطياره انشكح .. الابتسامه شاقه حلجي من الوناسه... ممممم في حالات وايد جذي وامي منهم .. امي ماتسافر اماكن بعيده والسبه الطياره واذا اضطرت انها تروح تسوي لنا حفله من غير كيك من التعب والخوف والرجفه الي تصيدها شوي وبيوقف قلبهاا .. مع انها من قبل كانت تسافر عادي.. لازم وحده منا احنا البنات تقعد احذاها وتلهيها بالسوالف عشان يروح الوقت عليها... بس فيه نوع من الادويه المهدئه تقدر انك تاخذها قبل لاتسافر .. جرب مره واكسر حاجز الخوف توكل على الله .. عقبها بيصير عادي عندك

[علي رشيد]

السلام عليكم ..

الحل بسيط .. في حبوب اسمها فينرجان .. موجوده في مستشفى حمد

حبتين قبل الطياره بــ 6 ساعات ..

احتمال كبير انك تسوق الطياره بعدها !! ههههههههههههههه

انا جربتها .. لا تحاتي و توكل على الله

[المحاميه]

قل لن يصيبنا إلا ماكتب الله لنا

اللي ربك كاتبه بيصير يعني لاتقعد تفكر وايد وتخوف نفسك ..

وصج كلنا نخاف بس عادي نعديها ونسافر ونحاول مانفكر وايد فالموضوع .. اصلا شوف الطياره مليانه ناس .. اللي قاعد يقرا واللي ياكل واللي يصور واللي يشوف التلفزيون الخ .. كلن لاهي بشي عشان مايقعد يوسوس ويفكر ..

توكل على الله وخلاص

[المحاميه]

السلام عليكم ..

الحل بسيط .. في حبوب اسمها فينرجان .. موجوده في مستشفى حمد

حبتين قبل الطياره بــ 6 ساعات ..

احتمال كبير انك تسوق الطياره بعدها !! ههههههههههههههه

انا جربتها .. لا تحاتي و توكل على الله

هاي حبوب شنو؟

[بن خالدي]

هاي حبوب شنو؟

شسم هالحبوب :weeping:

[محاسب]

شسم هالحبوب :weeping:

اخوي أنت مازلت تعاني وتسأل عن العلاج ........... بصراحه ظنيتك سافرت وستمتعت في رحلتك .............
المشكله بسيطه وكثير من البشر على مر الزمان مرت عليهم أعراض المخاوف وسيطرو عليها وانتهت ...
أخوي..
,,, إذا ودك بعلاج نهائي ..,,.. يعطي تأثير أكبر وأقوى من أي علاج .... خلنا نبدأ بطريقه عمليه
ولاتحاتي الموضوع بسيط
أولها : أحب أسمع منك أو من يعاني من نفس المشكله ( المخاوف) إجابه عن
س ــــ متى تبدأ أعراض المخاوف تعيق الأنسان ؟؟؟؟ وكيف ؟؟؟
.
.
.

[حـمد]

اكتب فاليوتيوب الخوف من الطيران الدكتور خالد المهندي عنده اكثر من حلقه تتناول هالموضوع

[عاشق العديد]

هلا اخـوي ..

ان انصصصحك تاخذ لك طياره طويله يعني 14 ساعه بالكثير ..

ومن شنو تخافف معاك ناس فطياره سولف واضحك ولا خذلك حبوب منومـه بترتاح ..
انا اخبر اول سفره لي كانت 7 ساعات الي معاي مسافرين من قبل لكن هم خايفين وانا عادي لانه من المره الاولى ماخفت منها وخليتها شي عادي
السفره الثانيه كانت لي 16 ساعه .. هنيه رضيت بالامر الواقع وخلاص يعني مالك مفررر بتعيش جو الطياره .. فا الي كنت احاتيه شلون بنسدح بين الكراسي وانام ماهمتني الطياره ولا جوها .. فا فلها وخذللك حبوب منومـه

[قطريه22]

اخوي انت فيك فوبيا
راجع دكتور وقوله ان فيك فوبيا من الطياره وبيعطيك حبه مهدئ تاخذها قبل السفر بيومين ولازم حد يسافر معاك لان يمكن تفقد اعصابك من الخوف

وحده من الاهل فيها نفس حالتك وتاخذ حبوب مهدئ والحمدلله قدرت تسافر بس الخوف موجود فيها ولازم حد معاها..

[R 7 A L]

كان فيني هالخوف
بس بعد ما تذكرت ان الكورة الأرضية بكبرها تسبح في الفضاء هانت كل الأمور

[بن خالدي]

ابشركم سافرت

[بصمة قطرية]

أنا جداً خوافه
وأخاف من كل شي
و خوفي من الطيارة مش طبيعي
قبل سفري لتايلند رحت العيادة اللي في المطار
و خذت حبة الريلاكس
صج هديت شوي بس لخوف ما راح طول الرحلة أعصابي مشدودة
عقبها رحت رحلات طويلة
السنة سافرت مرتين وكل رحلة أكثر من سبع ساعات
الحمدلله بدا يخف الخوف
الرحلات القصيرة كانت تزيد من خوفي
ما نفعتني كلش بالعكس توتر اكثر
إسمع كلامي و روح رحلة طويلة و توكل على الله
إشغل نفسك في الطيارة ..
سو مثلي إقعد عن الدريشة و صور :nice:

[بصمة قطرية]

ابشركم سافرت

مبروك :nice:
وين رحت ..؟
أوصف حالتك ..؟

[Tamuq]

القرأن

[خايف الله]

نفس الشعور الصراحه .. صحيح إن الطيارات وايد أأمن من السيارات لكن السياره على الارض والطياره معلقه في السما

[تغلبية]

ابشركم سافرت

http://www.aljalawi.net/wp-content/uploads/2012/12/Screen-Shot-2012-12-16-at-12.23.08-PM.png

مبروووك .. ننتظر تقولنا شلون كانت السفرة

[إينشتاين]

ابشركم سافرت

ليكون على القطرية لدبي الي كانت بتطيح ؟؟؟؟


ههههههههههه دعابه دعابه

الحمدلله على السلامة وعقبال ماتصير طيار :nice:

[الـقـاسـي]

موضوع الخوف من الطيارات اخوي موضوع عادي ومافي احد مامر عليه هالخوف ف لاتكبر الموضوع ..

يعني انت فكر بينك وبين نفسك شمعنى هالناس كلهم يسافرون بالطياره وأنت لا ,
هل هم أقوى منك ؟
هل هم أجراء منك ؟
ماتوقع يعني ترا حالهم من حالك ؟؟ يعني فكر في هالعمال اللي يجون بلادنا يمكن اغلبهم بعمره ماركب سياره وركب طياره مره وحده ووصل لبلادنا ووضعه طبيعي جدا ..

في دكتوره جدا ممتازه وعالجت كثير من هالحالات مب عيب تروح لها ترا
موجوده في مستشفى حمد العياده النفسيه اسمها اميره ال اسحاق خذ موعد عندها ومراح تندم موضوعك بسيط جدا ولا تضيع على نفسك متعه السفر ..

[تحداني]

انا أخاف وايد بس بعد أسافر
ما ادري اشلون جي


كل الي افكر فيه انا وين رايحه

شي غريب :(

[تحداني]

موضوع الخوف من الطيارات اخوي موضوع عادي ومافي احد مامر عليه هالخوف ف لاتكبر الموضوع ..

يعني انت فكر بينك وبين نفسك شمعنى هالناس كلهم يسافرون بالطياره وأنت لا ,
هل هم أقوى منك ؟
هل هم أجراء منك ؟
ماتوقع يعني ترا حالهم من حالك ؟؟ يعني فكر في هالعمال اللي يجون بلادنا يمكن اغلبهم بعمره ماركب سياره وركب طياره مره وحده ووصل لبلادنا ووضعه طبيعي جدا ..

في دكتوره جدا ممتازه وعالجت كثير من هالحالات مب عيب تروح لها ترا
موجوده في مستشفى حمد العياده النفسيه اسمها اميره ال اسحاق خذ موعد عندها ومراح تندم موضوعك بسيط جدا ولا تضيع على نفسك متعه السفر ..



معاك حق

100% بعطيك " درجه كامله " اليوم

[Abdulraman]

كلنا نخاف من الطياره ولكن مجبورين والخوف يختلف من شخص الى شخص

[مشاكل]

اقل حالات الحوادث في الطايرات وتعتبر أأمن وسيلة للنقل
توكل على الله ولن يصيبك الا ماكتب الله لك