تسجيل الدخول

مشاهدة النسخة كاملة : استفسار بخصوص وايرات الكهرباء


kuwari
30-08-2013, 08:49 AM
السلام عليكم ورحمة الله وبركاته

أبي استشارة منكم بخصوص وايرات الكهرباء

في نوع انجليزي وعماني

وإذا حد من الجماعة متعامل مع محل بخصوص الوايرات انه ما يقصر معاي .

ويعطيكم العافيه
اللوز
30-08-2013, 09:48 AM
الانجليزي لا يعلى عليه
ماركة دراكا Draka
موجود في محل الخوري للادوات الكهربائية بجانب معرض الواحة للسيارات بجانب اشارات المجنون بعد محلات اولمبيا للرياضة
مع عدم الاستهانة بكهرباء البيت مهما كلف الثمن
وبالتوفيق
شموخ دائم
30-08-2013, 04:48 PM
,


,


مرحبا


العماني موجود بالسوق من فتره طويله

وللامانه هو ممتاز جدا ومحد اشتكى منه

و80% من الفلل بقطر يستخدمونه

واذا تحب الانجليزي بيكون اكيد افضل

ولكن العماني ما منه مشاكل لانه يتبع المواصفات الانجليزيه

بالتوفيق لك

,

,


اخوك


شموخ دائم
Azizuk
30-08-2013, 07:42 PM
سالت كهربائي عن الواير الانجليزي وقالي ان الواير العماني جيد جداً ونفس مواصفات الواير الانجليزي

ويقول ان الواير العماني إذا 4 ملي معناته 4 ملي يجيك بدون العازل الخارجي البلاستيكي بس الانجليزي إذا 4 ملي معناته 3:75 ملي من ماده المعدن و 25 الباقي العازل الخارجي البلاستيكي

والواير العماني افضل من الواير الإماراتي

العماني مادة النحاس تجيك أكثر من الواير الإماراتي
وإلا مارتي يجيك مادة الرصاص أكثر ويصير حار بسبة مادة الرصاص و لان أرخص من النحاس
والنحاس موصل جيد للكهرباء

ونصحني بالعماني من ناحية الجودة والأسعار

بس بعد العمر الافتراضي للواير الانجليزي يعمر أكثر من 30 سنة

والله اعلم
kuwari
02-09-2013, 08:35 PM
يعطيكم العافيه على المعلومات القيمة
مهاجر
03-09-2013, 01:29 AM
العماني وبعده يجي الاماراتي والقطري كلهم مواصفات كهرماء وسعرهم منافس اما الانجليزي غالي وماله مكان كبير فالسوق حسب علمي.