منتحل شخصيه سمو الامير الوالد ... وبعدين؟!!

[رهج السنابك]

الي عندهم تويتر اكيد مر عليه الاخ الي منتحل شخصيه والدنا حمد بن خليفه


وعنده فلورز 8 الالاف ويزيدون


اسلوبه منزفز ومستفز وماعنده شغله الا السعوديه


وانا متاكده انه سعودي ميه بالميه وساكن في السعوديه


رغم انه كاتب في صفحته انها من شخص محب وليست صفحه رسميه
لكن تغريداته عايش فيها الدور انه الامير
ويخاطب امراء السعوديه بالشقيق والاخ

في ناس وايد مصدقه

شلون داخليتنا ساكته عنه؟!!!

حتى الشيخ جوعان بنفسه سبق وكلمه ولا في فايده

سؤالي الاهم
بغض النظر عن قصده التشويه

هل الداخليه مالهم اي تدخل في جرائم الانترنت كانتحال الشخصيات او السب والشتم او التهكير

هل صعب القاء القبض على عابثين الانترنت او مافي قانون شامل لكل جرائم النت؟

[بوجاسم566]

سوو ريبورت سبام حق الاكاونت

[تاجر كشخة]

اسمحوا لي على هالكلام في أطفال و ناس حقيرة في تويتر تسوي اشياء وايد وفي ناس أغبية لحد الجنون يصدقونهم والمشكلة يتفاعلون معهم والناس الاغبيه هم أساس المصيبة في تويتر لانهم يعطونهم دافع قوي لتمادي في أفعالهم الحقيرة

[النواخذة]

استغفر اللة استغفر اللة

[بوحارب]

سوالف جهال لاتعطوها أكبر من حجمها

[شيخ الديرة]

الأنترنت مرتع خصب لأنتحال الشخصيات, هل تعلمين كم حساب تويتر لباراك أوباما وكلها تدعي أنها الرسمية, وكم حساب لرونالدو أو ميسي. المشكلة ليست بخبث المنتحلين, بل بغباء الملايين الذين يعتقدون أن الوحيد الذي يمكنه فتح حساب بأسم معين هو الشخص الحقيقي

[حسن]

اللي اعرفه تقدر الدوله تطالب باجراءات قانونيه

ويقدرون يجيبونه او يرفعون عليه قضيه

[khalid525]

اسفهوه

[الأصيلة]

الله يغربلهم سندرونا اصحاب الحسابات المزيفه

[قناص قطر]

الرجاء التنسيق مع الجرائم الالكترونيه

هاتف رقم 2347444

[مخطط قطري]

سمو الوالد الامير الشيخ حمد ومعالي رئيس مجلس الوزراء ليس لديهم اي حساب في تويتر والشي الغريب انه انتحال شخصياتهم جاي من قبل ناس كثيرين بس اشهرهم 2
اللي تفضلت فيه الاخت اللي عنده متابعين اكثر من 8000 والشخص الاخر حمدبن جاسم1
وعنده متابعين بالالاف
هالشخصين من المملكه العربيه السعوديه ومن الرياض بتحديد ومع الاسف انه الاخير اللي منتحل شخصيه معالي رئيس مجلس الوزراء القطري السابق الشيخ حمد بن جاسم
صار كلامه جدا قذر ويسب ويشتم وتركيزه على السعوديين وشتمه موجهه لهم وهو سعودي فدام السعوديه راضيه وهي بتاكيد تعرفه من يكون يعجبني تجاهل المسؤلين في قطر للشرذمه هذي اللي اعتبرهم انا مرضى نفسيين
والشيخ جوعان في حسابه الشخصي اثبت اكثر من مره انه لاعلاقه لهذا الحساب في ابوه عسى الله يطولنا في عمره

[رهج السنابك]

الحمدلله يعني توقعي صح انه سعودي

ماييوزون عن حركاتهم

[BuFaisal]

الحمدلله يعني توقعي صح انه سعودي

ماييوزون عن حركاتهم

يمكن شيعي متعصب يبي فتنة بين الاخوان ... خلها في بالك :)

[حنظلة]

التجاهل هو أفضل علاج لهذي النوعية من البشر

[ابن قطر]

:nice:
التجاهل هو أفضل علاج لهذي النوعية من البشر

[الأصيلة]

التجاهل هو أفضل علاج لهذي النوعية من البشر
لكن غيرنا مايتجاهل
ورح ياخذ الكلام على انه حقيقي ومنه رح ينفذ خططه
واكيد انه شيعي رافضي يريد
تفكيك العلاقات الاخوية بين البلدين
وانا قلت كل اللي قاعد يصير هو من بعد عملية درع الجزيرة في البحرين
( جيش متحد بين الدول )
اكيد رح يكون قوي يقف في وجهه أعداء المنطقة
لذلك زادت خزعبلاتهم وبدأوا ينشرون الأحقاد بين شعوب المنطقة

[بوخالد911]

وحتى حسابات بعض المشايخ مسروووقة

والبعض استغل هالشيء لضرب الطائفتين ببيعض واثارة الفتن

[رآعي موآجيب]

لو بغو ربعنا يقدرون يسحبونه من هدب عيونه :nice:

[حفيد الأنصار]

الحمدلله يعني توقعي صح انه سعودي

ماييوزون عن حركاتهم



هههههههههههههه :secret:

عاادي وشعليك منه .. انتي كذا سويتي له شوو
خليه يهذر زي مايبي بالنهاية الانسان العاقل يعرف انها شخصية منتحله
اغلب المشاهير تم انتحال شخصياتهم .. شي طبيعي

[أم نواري1]

الحقران يقطع المصران
أبد الأمير الوالد متفيق يقعد يسولف بتويتر وغيره
لا ترمى إلا الشجرة المثمرة
من قهرهم تطلع أفعالهم بسواد نفوسهم

[ولي العهد]

انا عندي تويتر بس مامر عللي هالاسم ليش ؟؟

[faisalqatar]

طيب عطونا اكاونته و كلنا انسوي له ريبورت سبام

[المحاميه]

في قسم متخصص حق جرائم الانترنت ويقدر يتابع الشخص ويطارده

ومعروف النت كله شلخ وسهل الواحد يألف وينتحل شخصية غيره

بس هالناس اللي تسوي جذي مريضه وفاضيه .. يعني شنو يستفيد؟ شالفراغه

[وطن]

الحساب الرسمي يكون عليه صح بالأزرق جنبه


سوي له ريبورت سبام

[ولي العهد]

عفوا وشو ريبوت سبام ؟؟

[السامـي]

عفوا وشو ريبوت سبام ؟؟
ميزة في تويتر،كل ما كثروا الضغط عليها المشاركين،إنلغى الحساب.