للي يبي يروح تايلند

[ذيب ازغوى]

السلام عليكم ورحمة الله وبركاته

اليوم توني راجع من رحلتي من بانكوك وقعدت فيها 8 ايام

وعرفت الكثير عن البلااد وحبيت اخواني في المنتدى معلومات عن البلاد

بخصوص الشراء الكوبي ون

لاحظه ان المحلات العرب والهنود نصابين بشكل كبير واولهم المحل جواهر

اسعارهم مبالغ فيها بالنسبه للسوق الليلي ( نايت شوبنق ) ويقولون لك هذي كوبي ون وهي كوبي 9 والمعامله تعبانه جدا خاصه محلات السوريين

بخصوص اسعار الساعات الكوبي 2 هناك 100 الى 150 بات والكوبي ون من 300 بات الى 600 بات على حسب اتفاقك مع البايع

للعلم لما تساله عن الساعه كم سعرها يقولك 1200 بات ولو تقوله 200 بات ببيبعك

بالنسبه للاسواق في بانكوك انصحكم في سوق السبت والاحد ومن ثم سوق الليلي والباقي اغلبيتهم حرااميه وخاصه لما يعرف انك سائح يبدء برفع السعر عليك اضعاف

ورحت سوق طكيو المجمع العود في اشياء تقليد اسعاره مرتفعه ب 50 بات عن السوق الليلي ولاكن عندهم تنوع في الاغراض المعروضه

انصحكم بزيارة دريم بارك وحديقة الحيوانات في بناكوك

شاارع العرب شارع اللويث اشكال مانصحكم لزيارته وخاصه لو كنتم عوائل واصلا بشكل عام تايلند عائله ماينفع كلشش كلشش

ورحت بوكيت اللي ماعجبني فيها انه كل رحلاتها من 8 الصبح وماترجع الفندق الا 5 العصر ترجع تعباان والنووم سلطاان

وبتايا مسافتها بالسياره عن بناكوك 200 كيلو تقريبا

والمطاعم العربيه في بانكوك كلها رديئه وماتدري وشو تاكل فانصحكم بالاكل البحري وخاصه في المطاعم التايلنديه

واي استفسار عن بانكووك وتايلند حاضرر

[hasss1969]

العام الماضي كنت فيها،،،الحقيقة ماعجبتني ابدا خاصة شارع العرب ،،،،مطاعم تعبانة وريحة المكان كريهة ،،،،بعكس ماليزيا ،،،نظافة ونظام وبلد مسلم

[قطري 777]

الحمدلله على السلامه يذيب .

[الذيـــب]

انا بعد توني راجع شهر 8 بالعكس رحت مع العايلة واستانسنا في بوكيت وبانكوك بوكيت الرحلة البحرية بس المتعبة اما الباقي عادي الفنتازي وركوب الفيلة وجو كارت وبوكيت زوو وانصحكم اذا بتسكنون فبوكيت بعيد عن باتونغ في كمالا او بانغ تو الفيلا اللي سكنا فيها كل اللي حواليك مسلمين واما بانكوك فانا رحت شارع العرب مع الاهل بس قبل الساعة 12 ماشفت شي وانا اشوف تايلاند بشكل عام حلوة للعوايل والاطفال ويعطيك العافية

[ابوعلي]

الحمدلله على السلامه اخوي

المشكلة فينا

الخليجيين يدفعون ويفاشرون باللي يسونه من تصرفات الكل يطمع فيهم

ومشكلة اخوانا العرب استغلاليين ويستغفلونا خاصة كخليجيين


ومرت علي موااااقف واشوف اللامبالاة من الخليجيين في الدفع والاستغلال من اخوانا العرب

مثال بسيط النظارة في شارع العرب يقولك ١٨٠٠ بات وانزلهم وخذهم ٧٥ بات ولكن بعض الخليجيين اشوفهم ياخذون ١٢٠٠ بات

عصير الرمان ٤٠ بات والخليجيين ياخذون ١٠٠ بات

البعض يفكر ان المبلغ تافه وما يسوى ولكن المقصد المبدأ ليش الاستغلال وليش اللامبالاة

[رفيع الهامه]

حد يسافر شرق اسيا ,,,,, امحق دول ..



دول عربيه ... شرق اسيا .... ماتصلح للسياحه ...

[adel777]

الرأي والرأي الاخر

[FCB 123]

الحمد لله على السلامة

وأنا رحت لها مع الشباب اكثر من 10 مرات
و
مع الأهل اكثر من 4 مرات

والأمور طيبه وتقدر تتجنب الأماكن المشبوهة وانت مع هلك

بالتوفيق للجميع

[Abdullah_89]

مازرت الباتونام السوق

ولا بلاتينيوم

مارحت سيام بارك

والمطاعم النظيفه معروفه عندك المطعم اللبناني وعندك المطعم العراقي ومطعم الغواص ومطعم ناصر المصري وشهرزاد

الاسواق عندك بلاتينيوم مجمع 7 طوابق كل انواع الملابس وتتراوح الاسعر من 50 بات الى 500 بات ( ملابس رجاليه وملابس نسائيه وملابس اطفال واكسسوارات وفساتين وغيرها ... )

سوق الليل فيه سوقين

البات بونق وهو اللي تنباع فيه الساعات والشنط أفضل من شارع العرب ويفتح من 10 مساءا وحتى 2 صباحا
وسوق الليل بوبي ويفتح من 2 صباحا وحتى 6 الصبح وفيه كل انواع الملابس

اتمنى تكون استانست بالسفره والحمد لله عالسلامه

[hasss1969]

اعتقد في سوق اسمه سوق الحرامية..صديق لي خبرني عنه وقال اشترى منه اسوارة الماس بسعر رخيص وباعها هنا في قطر باضعاف مضاعفة...

[F A W A Z]

حد يسافر شرق اسيا ,,,,, امحق دول ..



دول عربيه ... شرق اسيا .... ماتصلح للسياحه ...

أقذر واوصخ بلد من كل النواحي

[كازانوفا]

شكرا على معلوماتك والحمدلله على سلامتك

[بصمة قطرية]

مازرت الباتونام السوق

ولا بلاتينيوم

مارحت سيام بارك

والمطاعم النظيفه معروفه عندك المطعم اللبناني وعندك المطعم العراقي ومطعم الغواص ومطعم ناصر المصري وشهرزاد

الاسواق عندك بلاتينيوم مجمع 7 طوابق كل انواع الملابس وتتراوح الاسعر من 50 بات الى 500 بات ( ملابس رجاليه وملابس نسائيه وملابس اطفال واكسسوارات وفساتين وغيرها ... )

سوق الليل فيه سوقين

البات بونق وهو اللي تنباع فيه الساعات والشنط أفضل من شارع العرب ويفتح من 10 مساءا وحتى 2 صباحا
وسوق الليل بوبي ويفتح من 2 صباحا وحتى 6 الصبح وفيه كل انواع الملابس

اتمنى تكون استانست بالسفره والحمد لله عالسلامه

:victory:
تايلند فيها مجمعات راقية وحلوة و ماركات أصلية
و فيها اللي كله كوبي ..

سيام براجون
تيرمينال 21
روبنسون
طوكيو

التقليد في
ام بي كي mbk



بصراحة تايلند ما تستاهل الواحد يروحها
لولا المستشفيات و العلاج كان ما رحناها

الشي الوحيد اللي حبيته
المطر
و أسعار الماركات الأصلية :victory:

شارع العرب من أقذر المناطق في بانكوك
رحته مرة العصر ولا فكرت أروحه مرة ثانية ..