لماذا لا يعفى من بصمة الحضور من أمضى 15سنه فأكثر في عمله

[سعودالدوسري]

الحقيقة أن بصمة الحضور باالنسبه للموظفين أرى أنها طريقه تعسف على الموظف ومراقبه له في حضوره وانصرافه وبالتالي انعكست على نفسية الموظف واصبح همه توقيع البصمة فقط وقلت الأنتاجيه لديه عكس السابق عندما كان توقيع الحضور ورقي كان الموظف نشيط في عمله وينجز أكثر هذا من وجهة نظري ومن خلال احتكاكي ومعرفتي بعدد كبير من الموظفين عرفت ذلك

السؤال/ إذا كان لابد من جهاز البصمة لماذا لا يعفى من أمضى 15 سنه خدمه فأكثر من التوقيع بجهاز البصمة حيث أنهم اصبحوا كبار نوعا ما وقد يؤثر عليهم الجهاز لما ثبت من سلبيات له بهذا الخصوص أو حسب الدرجة الوظيفة مثلا من الدرجة الرابعة وأعلى أو الخامسة وأعلى يعفى

السؤال الثاني/ هل قرار تركيب جهاز البصمة من قبل الأمانة العامه وهي من فرضته أم كل وزاره وسياستها

الجواب إذا كان من الأمانة العامه لماذا لا يعمم على الجميع لان أرى بعض الجهات لا يوجد لديهم بدون ذكر
ولماذا لا يطبق التوقيع باالبصمه من أعلى هرم بالوزارة الي اقل موظف لان كثير لا يبصمون أو بعباره أخرى معفون

ونبي تعليقاتكم .......... مع العلم أني لم اكتب عن نفسي ولكن ما لمسته من شريحه كبيره من الموظفين

[MAZEN37]

الحين جهاز البصمه ياثر وجهاز بصمة السيارات ما ياثر
اتوقع الانصراف والحضور يطبق على الجميع

[حنظلة]

تقارير دخول وخروج الموظفين ترفع للمسؤؤل عنهم وهو اللي يحدد اذا هذا الموظف يستحق غض النظر عن التأخير او لا يستحق..وطبعا الحكم يكون عليه من خلال انجازه في العمل

[سعودالدوسري]

يا إخوان أنتو فهمتو غلط الموضوع ...... العمل عمل سواء بصمه أو بدون وهل الأعمال كانت متعطله قبل جهاز البصمة

هذي مجرد اقتراحات واستفسارات ووجهات نظر

[سعودالدوسري]

تقارير دخول وخروج الموظفين ترفع للمسؤؤل عنهم وهو اللي يحدد اذا هذا الموظف يستحق غض النظر عن التأخير او لا يستحق..وطبعا الحكم يكون عليه من خلال انجازه في العمل

أخوي لم افهم ما تعني

[سعودالدوسري]

الحين جهاز البصمه ياثر وجهاز بصمة السيارات ما ياثر
اتوقع الانصراف والحضور يطبق على الجميع

كلامك سليم أخوي ولكن هل هو موجود في المستشفيات للأطباء علشان نعرف إذا منه ضرر أو لا

انتظر ردك

[شيخ الديرة]

أين المشكلة؟ جهة العمل تطلب منك شي مجبور تسوي مادامك ملتزم بالوقت.

[aziz4z]

لازم الحضور و الانصراف , كيف أعرف من 3000 موظف مداوم من متى لمتى , و إذا محتاجين وقت إضافي و لا لا . ومرات يكون شغل الواحد مرتبط بالثاني أو يحتاج توقيعه
إذا جي مابيكون ملتزم من بداية الدوام و يجلس لك متأخر يقولك سويت وقت إضافي , لا يا شيخ
الله سبحانه خلقنا منظمين , حتة في الصلاوات مايصير تتأخر أو تقدم , لازم في وقتها, و الدنيا تحتاج تنظيم

[adel777]

الي مداوم وقلبه على الشغل انتاجيته مراح تقل او تزيد في البصمه اما الناس الي مانشوفها بس نسمع عنها يبيلهم بصمه كل نص ساعه

[سكرمر]

اخوي مع وجود هالاجهزه وللحين فى موظفيين يتهربون من وقت الدوام الرسمي ...

الامانه فى الدوام واوقات الدوام مهمه للصالح العام ...

وفى بعض الناس ينفع معاهم هالاسلوب ...

لكن من ناحيه الاظرار الى تكون سببها هالاجهزه ماعندي خلفيه عن هالشي

[تاجر كشخة]

شباب لو تشوفون لكم مصلحة في الاعمال الحرة في التجارة كان ابرك لكم

[رهج السنابك]

انا اتفق معاك

يعني موظف خدم ١٥ سنه في جهه وحده بصراحه يستاهل الاعفاء من البصمه بس اذا كان مدير اوً رئيس قسم لازم يداوم على الوقت حتى لو معفي عشان يكون قدوه لمن تحته

اما الي مب في منصب انا مع اعفاءه ومع المرونه في دوامه

[أسد الجزيرة]

الموظف الملتزم اخر اهتماماته جهاز البصمة لانه ملتزم بالوقت فليش الاعفاء

[برويقن]

انا مع جهاز الحضور ولانصراف هو مفيد الكل يحاول يحضر في الوقت المحدد اما على ايام الورق الموظف يحضر الساعه 8 ولكن يكتب في الورق 7:30 او يخلي زميله يحظره او حتى الفراش يعطيه بخشيش ويكتب له حضور وانصراف وهالشي صار وصادوهم

بعض المسؤولين الكبار يطلبون تقرير شهري للحضور والانصراف والنظام الإلكتروني أسهل لطباعة التقرير وبعضهم يطلب أسبوعي وبعضهم يطلب يومي

وازيدك من الشعر بيت

الحين بيركبون كاميرات مراقبه على الأجهزة واحتمال يركبون جهاز بصمه العين

[وحيد-الشوق]

وليش البصمة بس على الموظفين مدير ادارتنا يدوام على كيفه مره 9 او 9:30 ترى حاله من حالنا المفروض حتى الوزير يحطون له جهاز :)

اخ متى نفتك من الواسطات والمحسبويات

[رحال]

يات على البصمه ..

صار لي 28 سنه خدمة ودرجتي الأولى ومازلت أبصم !

[khalid525]

لازم يبصم ليش يتميز عن غيره ؟

[فهد111]

لو جيت فالوقت وطلعت فالوقت مابينقص منك شي ان شاءلله ويكون راتبك حلال ان شاءلله ولا تعطلون امور حد ان شاءلله

[ولد العلي]

يات على البصمه ..

صار لي 28 سنه خدمة ودرجتي الأولى ومازلت أبصم !

ما شاء الله

أطال الله بقاءك على طاعته

[راعي الدتسن]

لايكون على راسه ريشه .. الالتزام واجب على الموظف اللي صار سنه او ثلاثين سنه ..
بقولك اذا أنت ملتزم في دوامك ايش تأثير البصمه عليك..؟
.
.
.
والاضرار الصحيه انا واحد دووورت وسألت وكانت الاجابة واحده انه لاتوجد اي اثار سلبيه للجهاز..!
عندك شي أكيد .. نورنا أخوي

[CH Engineer]

اخوي انت تتعذر حق الي صارله 15 سنه وتقول لاتبصمونه لانه ملتزم
طيب دامه ملتزم ليش تحرمه من انه يبصم ويثبت نفسه!

[حمد 2002]

اي بالله انك صادق يالدوسري ؟ اشلون شيبه رجال كبير ويبصم حاله حال الموظفين الجداد ؟ احسها مب حلوه ؟

تحياتي لك يالذيب ،،،

[بونووف]

كانك تقول .. اللي له 15 سنه خدمه .. عادي يتسيب فالدوام

[عـ العبيدلي]

يات على البصمه ..

صار لي 28 سنه خدمة ودرجتي الأولى ومازلت أبصم !

قدوه في ذمتي :victory:

//

ترى البصمه ما تاخذ دخول وخروج على بعض ربع دقيقه .. فجدا شي عادي لا يزيد ولا يقلل من الشخص .. واسرع من توقيع الحضور والانصراف ..

[أم علي 2010]

البصمة وسيله لضبط الحضور

صدقني لو مافي رقابه على الحضور بتشوف التاخير وانواع الاعذار

[Al-Kuwari]

عليكم مواضيع ههههه

[Qa10]

المشكلة فالزحمة والأعمال اللي مب خالصة في قطر

[الحاقول]

صح

لماذا لا يعفى من بصمة الحضور من أمضى 15سنه فأكثر في عمله

فكره حلوه طيبه

[مراد2015]

البصمة زينة

يثبت انة منضبط وملتزم في عملة يمكنه البعض منهم ابو (15) سنة هذا عمرة ما ماجاء على وقتة عدل


تبصيييييييييييييييييييييم وجزاك الله خير على الفكرة

[شروووق]

عادى
احس البصمه تساعد عل حفظ حقوق كل موظف
ﻻن فيه ناس نايمه وناس تداوم على طول الخط
هاليستوى اﻻعمى والبصير
او الظﻻم والنور
اوالذين يعملون والذين ﻻيعملون

[بوحــمد]

التوقيع فيــه تــلاعب ومعروف قصدي أم البصمه لا وبالتوفيق

مجرد رآي