اليس الافضل لكم الأعمال الحرة

[تاجر كشخة]

موضوع لنقاش الكثير يشتكي من وضيفته يا المسؤل ناشب في حلقة يا محاسبة على التأخير أو التقصير أو يخليه يشتغل ساعات إضافية يا ما فيه إجازات
ليش ما تجمعون لكم راس مال وتشوفون لكم تجارة كأن تأجرون شاحنات أو معدات ثقيلة حق شركات أو تشترون لكم كم من محل تترزقون من وراهم وتفكون نفوسكم من عوار الراس راحة واجازة على كيفك :nice: أو الاوضاع ما تساعد ؟


اترك لكم الموضوع لنقاش الجاد والهادف :victory:

[عزووز قطر]

ولو كل القطريين اشتغلوا بالأعمال الحرة

من يخدم بلادنا ويحفظ ثرواتها ويساهم في تطورها ؟

[شموخ دائم]

,

,



مرحبا


لكل انسان توجهه ولكل انسان قدراته ولكل انسان طبعه

ووضع اجتماعي معين

والوظيفة ( مضمونه ) الدخل ومافيها مخاطر ولها نظام التقاعد

فهي ( امان ) لكل شخص ولكل رب اسرة

ومافي مقارنه بينها وبين التجاره من هذه النواحي

ولازم المجتمع يكون فيه تجار ويكون فيه موظفين


,

,


اخوك


شموخ دائم

[هدوء العاصفة]

انت شفت الايجارات بكم ؟ اقل محل في مكان تعبان تلاقيه يبغي خلو ميتين الف والايجار 15 الف ريال واذا مكتب ايجاره لا يقل عن 10 شهريا .. عدا باقي المصاريف الشهرية والتجهيزات الثانية .. لا يوجد دعم حقيقي للشباب للبدء في المشاريع وكل ما تسمعه من هناك وهناك في مجال دعم المشاريع هو (شو) ولا يساعد احد

[النهار]

يالله على يدك ياخوي مستعدين ندخل في عالم الاعمال الحره

[qtr qtr]

كلامك صحيح التجاره زينه بس اللي لحق ما قبل 2005 اما الوقت الحالي صعبه مع غلا الاجارات والخلو

وبعدين كبار التجار ماخلو لنا شي .. وكل شي محتكر وممنوع .. ولكن الوظيفه الحكوميه او الخطاع الخاص التاجر مايقدر يستغني عنها لان التجاره فيها ربح وخسااره ومتضمن والدلييل الضربه الاقتصاديه العالميه في سنة 2008 خير مثاال .

حتى الجماارك محكرين لنا يقول ماتدخل اكثر من سيارتين فالسنه .

خلها على الله والحمدلله على كل حال

[أبوفهد666]

لي اصدقاء ومعارف قطريين

بيني وبينهم تعامل وصفقات في المعدات الثقيلة

وماشاء الله ناجحين الله يوفقنا وياهم

مع العلم انهم ليسو موظفين

بس من بغى الرزق لقاه

بس يبي لها رجل يتوكل على الله ويجمد قلبه

[mubarak750]

لي اصدقاء ومعارف قطريين

بيني وبينهم تعامل وصفقات في المعدات الثقيلة

وماشاء الله ناجحين الله يوفقنا وياهم

مع العلم انهم ليسو موظفين

بس من بغى الرزق لقاه

بس يبي لها رجل يتوكل على الله ويجمد قلبه


لا فض فوك

[Bin Hood]

أوافقك الرأي التجارة افضل من الوظيفة

[New Vision]

المشكله القانون ماسيمحلك تشتغل الا فالتجاره الخسرانه اما الرابحه موقفينها او ممنوعه يعني في ظل هذا الاحتكار الفضيع في كل المجالات مانصح حد يشتغل فالتجاره لانه اكيد بيكون خسراااااااان

هذا الكلام ينطبق على الدول المتقدمه الي مافيها اي نوع من انواع الاحتكار والمنافسة فيها شريفه

[تاجر كشخة]

,

,



مرحبا


لكل انسان توجهه ولكل انسان قدراته ولكل انسان طبعه

ووضع اجتماعي معين

والوظيفة ( مضمونه ) الدخل ومافيها مخاطر ولها نظام التقاعد

فهي ( امان ) لكل شخص ولكل رب اسرة

ومافي مقارنه بينها وبين التجاره من هذه النواحي

ولازم المجتمع يكون فيه تجار ويكون فيه موظفين


,

,


اخوك


شموخ دائم

صحيح كلامك أخوي بس تنويع مصادر الدخل ايضا يجعلك تشعر بالامان

[تاجر كشخة]

لي اصدقاء ومعارف قطريين

بيني وبينهم تعامل وصفقات في المعدات الثقيلة

وماشاء الله ناجحين الله يوفقنا وياهم

مع العلم انهم ليسو موظفين

بس من بغى الرزق لقاه

بس يبي لها رجل يتوكل على الله ويجمد قلبه

هذي الناس الي تعجبني عسى الله يوفقكم

[بيبيب]

ايش المشروع الي راس ماله بسيط و ممكن تفتح فية محل ايجارة اغلى من بضاعتك !!!!!!


انا اشوف ان التجارة في قطر للمبتدئيين صعبه

الله يعين

[khalid525]

لو صحيح كلامك ليش اكثر التجار اللي عندهم مشاريع صغيرة ومتوسطة متعلبشين في الوظايف الحكومية

[تاجر كشخة]

لو صحيح كلامك ليش اكثر التجار اللي عندهم مشاريع صغيرة ومتوسطة متعلبشين في الوظايف الحكومية

صحيح كلامك في ناس وجهه تقول وجه فقر وملعوز نفسة بس تعال شوف رصيده :nice:

[نووون]

الوظيفة الحكومية مضمونة في الحياة وبعد الممات

الاعمال الحرة .. مغامرة ممتعة حتى لو فيها خسارة .. مانتعلم اببلاش :victory:

[STAR2012]

العمل التجاري الحر لايقارن بالعمل الحكومي او الخاص لانك بالعمل الحكومي او الخاص مرتبط بدوام وحضور ومناوبات والخ واغلب الناس يقول الامان وفيها تقاعد وتامين طبي وغيره من هالكلام وهذا غير صحيح ( الامان والرزق من رب العالمين ) ممكن تدخل بمشروع يكون ربحك فية يعادل رواتب سنتين من العمل والدوام رايح جاي

نقاط ماتساعد على نجاح المشاريع المتوسطة و الصغيرة في قطر "

1- السوق على كثرة المشاريع محتكر من الاسماء التجارية ( الهوامير) والتاجر الصغير يبداء براس مال محدود لايمكن ينافس ناس لهم 30 عام فالمجال نفسة
2- اكبر رافد لاي اقتصاد في العالم هي المشاريع الصغيرة ( امريكا 60% من الوظائف في المشاريع الصغيرة والمتوسطة )
3- عدم تقديم برامج جادة للمشاريع الصغيرة ودعمها بالتمويل والاستشارة وتخفيض الرسوم
4- عدم الاهتمام من الوزارات الحكومية والشركات الكبرى بدعم حاضنات الاعمال الصغيرة
5- ارتفاع اسعار العقارات مثلا مطعم يقدم اكلات شعبية براس مال محدود يحتاج لنجاحه موقع مميز وهذا الموقع لايمكن تحصل علية الا بمبلغ مرتفع + رواتب عمالة + رسوم + لو افترضنا دخل هذا المطعم 60 الف ريال هامش الربح راح يكون قليل لان عندك اجار شهري 30 الف + رواتب عمال 15 الف + مصاريف مواد 10 الاف المتبقي لصاحب الحلال 5 الاف وهذا مايشجع على عمل اي مشروع تجاري

[تاجر كشخة]

العمل التجاري الحر لايقارن بالعمل الحكومي او الخاص لانك بالعمل الحكومي او الخاص مرتبط بدوام وحضور ومناوبات والخ واغلب الناس يقول الامان وفيها تقاعد وتامين طبي وغيره من هالكلام وهذا غير صحيح ( الامان والرزق من رب العالمين ) ممكن تدخل بمشروع يكون ربحك فية يعادل رواتب سنتين من العمل والدوام رايح جاي

نقاط ماتساعد على نجاح المشاريع المتوسطة و الصغيرة في قطر "

1- السوق على كثرة المشاريع محتكر من الاسماء التجارية ( الهوامير) والتاجر الصغير يبداء براس مال محدود لايمكن ينافس ناس لهم 30 عام فالمجال نفسة
2- اكبر رافد لاي اقتصاد في العالم هي المشاريع الصغيرة ( امريكا 60% من الوظائف في المشاريع الصغيرة والمتوسطة )
3- عدم تقديم برامج جادة للمشاريع الصغيرة ودعمها بالتمويل والاستشارة وتخفيض الرسوم
4- عدم الاهتمام من الوزارات الحكومية والشركات الكبرى بدعم حاضنات الاعمال الصغيرة
5- ارتفاع اسعار العقارات مثلا مطعم يقدم اكلات شعبية براس مال محدود يحتاج لنجاحه موقع مميز وهذا الموقع لايمكن تحصل علية الا بمبلغ مرتفع + رواتب عمالة + رسوم + لو افترضنا دخل هذا المطعم 60 الف ريال هامش الربح راح يكون قليل لان عندك اجار شهري 30 الف + رواتب عمال 15 الف + مصاريف مواد 10 الاف المتبقي لصاحب الحلال 5 الاف وهذا مايشجع على عمل اي مشروع تجاري

كلامك صحيح ومنطقي جدا المشاريع الصغيرة مصيرها الالتهام من التجار الكبار:secret:
ولكن هالشي ما يمنع انه الواحد يشوف له مشروع آخر

[حمد 2002]

سؤال خارج سياق الموضوع ويمكن بسياقه ؟ اخوي تاجر كشخه ؟ شنو نوع تجارتك الكشخه ؟ :shy: :secret: ،،


تحياتي لك يالذييب :victory:

[الزعفراني]

الوظيفة " وجاهة اجتماعية "

[أبوفهد666]

الوظيفة " وجاهة اجتماعية "

وبعد التقاعد وشي يصير على الوجاهة !!

اما التجارة فهي اوجه بكثير من الوظيفة في شبابك ومشيبك

اذا الله وفّق

وتعيش حر تنام متى ماتبي وتقوم متى ماتبي ولا احد يحاسبك ليش تأخرت وليش وليش وليش ... !!

وتسافر متى ماطقت براسك ..

هذي هي مزايا الاعمال الحرة ..

[KHALiDiSH]

تصدق صارلي فترة افكر اترك العمل واتجه للتجارة.

وتصدق قمت احسبها بالوقت... احتاج ساعة ذهاب وساعه عودة من البيت الى العمل... يعني اضيع ساعتين من عمري يومياً فقط في الشارع...

و العمل اصبح متطلب ومحبط جداً وساعات العمل الكثيرة هذا غير الفساد الي يصير قدام عينك ووتتكلم ولا حد يعطيك اعتبار...

الوالد الله يرحمة كان تاجر ولم يكن هامور عود... لا معاش تقاعد ولا هم يحزنون.... والبيت عامر وكان يصرف على عايلة تزيد عن 20 نفر في بيت واحد من ضمنهم الخدم والعيال.

وعلى راتب التقاعد.... ما ابيه حلال عليهم... على ما يصير عمري 60 اكون ودعت الدنيا... وخل معاش التقاعد لهم.

[تاجر كشخة]

سؤال خارج سياق الموضوع ويمكن بسياقه ؟ اخوي تاجر كشخه ؟ شنو نوع تجارتك الكشخه ؟ :shy: :secret: ،،


تحياتي لك يالذييب :victory:

crazy خليها على الله يا حمد

[تاجر كشخة]

ولو كل القطريين اشتغلوا بالأعمال الحرة

من يخدم بلادنا ويحفظ ثرواتها ويساهم في تطورها ؟

أخوي المشاريع الصغيرة والكبيرة الاعمال الحرة بشكل عام تساهم في زيادة نمو أقتصاد البلد لما يكون في نمو اقتصادي معناتها ان العملة القطرية بتقوى اكثر :victory:

[ولي العهد]

بالنسبة لي ولله الحمد منذ مبطي رحت لي احد الدول المجاوره وفتحت لي سجل تجاري وحاليا امارس التجارة واموري في الروب واجار المحلات يابلاش على الاقل اذا خذت تقاعد يكون عندي شي استند علية

[تاجر كشخة]

تصدق صارلي فترة افكر اترك العمل واتجه للتجارة.

وتصدق قمت احسبها بالوقت... احتاج ساعة ذهاب وساعه عودة من البيت الى العمل... يعني اضيع ساعتين من عمري يومياً فقط في الشارع...

و العمل اصبح متطلب ومحبط جداً وساعات العمل الكثيرة هذا غير الفساد الي يصير قدام عينك ووتتكلم ولا حد يعطيك اعتبار...

الوالد الله يرحمة كان تاجر ولم يكن هامور عود... لا معاش تقاعد ولا هم يحزنون.... والبيت عامر وكان يصرف على عايلة تزيد عن 20 نفر في بيت واحد من ضمنهم الخدم والعيال.

وعلى راتب التقاعد.... ما ابيه حلال عليهم... على ما يصير عمري 60 اكون ودعت الدنيا... وخل معاش التقاعد لهم.

فكر فيها يا الذيب ترى السالفة تحتاج ووووايد تفكير وتحتااج دراسة معمقة وفوق هشكل تحتاج تعاون بين افراد عائلتك يتشاركون معاك
بس في النهاية السالفة تستاهل كل تعب ممكن تتعبه فكر فيها ليل والنهار
وبعطيك معلومة شفت الهنود الي في الشارع هذيلا ممكن تستفيد من خبراتهم في السوق ترى هم افهم مني ومنك انا اتكلم عن الهنود وليس البنجال

[حمد 2002]

اخوي تاجر كشخه ،، تنصحني ادخل شراكه مع هنود ،، والارباح النص بالنص ؟

[يوسف0]

ولو كل القطريين اشتغلوا بالأعمال الحرة

من يخدم بلادنا ويحفظ ثرواتها ويساهم في تطورها ؟

الاجنبي الي مفضلينه في كل مكان

[نتفـه]

والله في طور البحث .. لكن يبي لها دراسة جدوى وسوالف لها اول مالها تالي وعزيمه وناس تتحرك وتشوف الشغل تتابعه .. كل الامور كلام لكن اخاف انصدم ف الواقع !
لكن ما يمنع ناخذ منكم افكار اذا عندكم اكيد ..
جزاك الله خير على الموضوع ..

[تاجر كشخة]

اخوي تاجر كشخه ،، تنصحني ادخل شراكه مع هنود ،، والارباح النص بالنص ؟

مب شراكة تاخذ منهم خبراتهم :telephone: