قطر سيل والسيارات المستعملة

[زقرتي ومزاجي]

بسم الله الرحمن الرحيم


مما لا شك فيه ان المواقع التجارية على شبكة الانترنت تجذب عدد كبير من الزبائن في السنوات الثلاث الماضية
تضمن لك الاختيار والانتقاء والمقارنة بعناية


موقع قطر سيل هو الموقع الاضخم والاسم البارز في تجارة السيارات المستعملة على الشبكة العنكبوتية في دولة قطر ، من الملاحظ على الموقع ان اسعار العرض مبالغ فيها

هل انت مؤيد ام معارض (( اسعار قطر سيل )) وهل هي واقعية



لكم المايك :telephone:

[adel777]

ادارة قطرسيل ماتتدخل في الاسعار كل شخص يعرض بالسعر الي يشوفه مناسب

[زقرتي ومزاجي]

ادارة قطرسيل ماتتدخل في الاسعار كل شخص يعرض بالسعر الي يشوفه مناسب


يامرحبا .. منور
موضوعي واضح اتكلم عن اسعار العرض (( بتلقائيه )) ادارة الموقع (( يعطيهم العافية )) هم جهة ربحية لها سعر الاعلان فقط
اتكلم عن اسعار السيارات في الموقع اتوقع ان مبالغ فيها

[Riku3]

المشكله ان الناس صارت تشوف الموقع قبل عرض سياراتهم وتتوقع ان سياراتهم تجيب نفس السعر .. والمضحك لما تشوف سياره ٢٠١٠ بنفس سعر الشراء لانه يقارن ويقول شوفه في الوكاله بكم !.

[ابومبارك]

نفس اسعار المعارض تقريبا . وانا لي كم يوم شريت سياره من الموقع اقل من سعر السوق

[وليف الشوق]

اول شي تحياتي للعاملين على موقع قطر سيل بقيامهم بمجهودات رائعه وجباره لخدمه الشاري والبائع وانا من الناس بعت سيارتي عن طريق الموقع ولا تكمن المشكله في السعر لان السعر يتم اختياره وتحديدة من قبل البائع وليس اي جهة اخرى واعتقد ان السعر الذي تم وضعه مبالغ فيه لدرجه كبيرة ولكن حبي لموقع قطر سيل لها فوائد عدة منها :
السرعه في بيع السيارة
توصيل اعلان بيع السيارة لمئات الاف من المشترين
الجهد الذي يتكبده الشاري للبحث عن بائع
والجهد الذي يتكبده البائع للبحث عن شاري
اما بخصوص الاسعار فهذا يخص الشاري والبائع وعند الاتفاق بينهم وللجميع حرية الشراء او البيع

هذا من وجهه نظري

[بونووف]

الاغلب رافعين اسعار المواتر .. اقوى سعر شفته جمس مخصر 2006 ب 130

[بوحارب]

هلا وغلا اخوي زقرتي :)

اول امس بايع موتري عن طريق قطر سيل وكنت عارضه ب 39500 وراح ب 36000

واتفق معاك السيارات المعروضة سعرها أكبر من سعر السوق بس السعر قابل للتفاوض

[وبشرالصابرين]

احب اشكر موقع قطر سيل بصراحه احسن موقع

بخصوص الاسعار ترجع لصاحب السياره نفسه في ناس تعرض من باب التجربه تحط سعر مبالغ فيه قريب من سعر الوكاله ...

اما الشخص الجاد بيكون سعره معقول ولو تتصل عليه راح ينزل اكثر

( وفي ناس تعرض سياره مديل 2009 بسعر مثلا 50 الف وكان سعرها الحقيقي سنه 2009 50 الف ريال ) شي غير واقعي

يعني ماتبغي تخسر ولا ريال

[abo0o0od QtR]

الاسعار في هالموقع مبالغ فيها وتفرق عن سعر السوووق

وبتلاحظ تفاوت كبير في اسعار نفس السيارة ونفس الموديل بين المعارض والعرض الشخصي في الموقع

[النواخذة]

اغلب الي يعرضون السيارات في قطر سيل تحت اسم (شخصية) اقلبيتهم شريطية سيارات يلعبون علي الناس في الاسعار وأنا ايد راعي الموضوع الأسعار سيارات في الموقع مرتفعة واكثر الاشريطي الي يعرض سيارات يدور علي الناس البسيطة وألي ماتفهم في السوق والاسعار وينصبون عليهم في الاسعار

[مافي مثلي]

خل الي رافع سعره مواتر بالاشهر تم معروضه
واحلى شيء يبي يعرف. سيارته يكتب بالمنتدى ولا باي موقع الناس تقوله شوف قطرر سيل
مثلا فيكسار 2010 ب185 سعر قبل سنتين والله
كامري 2011 جي ال اكس فيل ابشن بدون فتحه اصفار كانت 77 الف
الحين تحصلها مستعمله ب70 !!!

[مشهور]

صحيح الأسعار مبالغ فيها نوع ما ، ولا كن البيع حر بين البائع والشاري .

[رافت]

السعر في الموقع دايم يكون مرتفع بس في النهايه السعر بيكون بين المشتري والبايع انا شريت سياره اف جي 2013من الموقع وكان سعرها 120 الف وخذتها ب116 الف
النقطه انه البايع دايم يزود السعر علشان يوصل بعد المفاصل للسعر اللي هو يبغيه طبعا في ناس تستهبل وتحط اسعار ما تدخل العقل ويكون السبب انه ما يبي يبيع الموتر وحاطه بس هياط

[لاجئ عاطفي]

هي تعتمد على العرض والطلب المواقع مالها صلاحية في الاسعار الاسعار يحددها اللي يعرضون سياراتهم فانا مثلا كان عندي رنج سبورت 2006 في احد المعارض في الدوحه وكنت حاده بـ 100 الف لقيت المعرض نفسه حاط اعلان لسيارتي في قطر سيل بـ 120 الف فالاسعار يحددها اللي يعرض سيارته

[عـ العبيدلي]

المشكله الوحيده في قطر سييل صور المواتر ..
بصراحه كنت اجوف الصور فالموقع الموتررر ورده .. ويوم اجوفه عالطبيعه ..
باب الموتر تفتحه يطلع صوت يبيله دبليو دي فورتي ..

وشي ثاني .. لو يحط خيار ورقة الفحص .. يعني لو واحد فاحص موتره يحط صورة الفحص مع العرض ..

بس اعرض موترك هناك بسعر معقول وان شاء الله بينباع لانه الموقع يختصر عليك كثير من المشاوير