كراج لتصليح الجير أوتوماتيك ؟

[فارس الكلمة]

يا شباب أحد يعرف و يدلني على كراج لتصليح الجير أوتاماتيك خاص بالكروزر ..

و كم سعر التصليح مع القطع غيار ..؟ :con2:

شكراً .. و بارك الله فيكم ..

[23سلطان]

1. هذا السؤال مكانه قسم السيارات مو العامة

2. احسن كراج هو وكالة التويوتا صاحب الخدمة السيئة في التعامل مع الزبائن

3. اذا مصمم على كراج فدكار في شارع 10

4. صلحت كلش الفي اكس اري ب 8000 ريال

والله يعينك

[الأختصاصي]

يا شباب أحد يعرف و يدلني على كراج لتصليح الجير أوتاماتيك خاص بالكروزر ..

و كم سعر التصليح مع القطع غيار ..؟ :con2:

شكراً .. و بارك الله فيكم ..
اخوي ما انصحك تودي السياره اي كراج غير الوكاله
لان الجير الاتماتيك محتاج ميزانيه على الكمبيوتر وصحيح
ان سعر الوكاله اكثر ولاكن بتاخذ
ضمان وهذا اهم مافي الموضوع
وبالتوفيق اخوي

[المخلب]

الصراحه مالك الا الوكاله ..

لان القير ان مانضبط من اول مره .. راحت عليك وطي ..

[Chambray]

ماقصروا الشباب
إذا تبي قيرك يروح وطي وده مكان خارج الوكالة

[فارس الكلمة]

شكراً يا شباب ..

مشكلة الوكالة هو الوقت و التطويل في تصليح السيارة .. و بعدين السعر المبالغ فيه ..

بأنتظار البقية من الآراء ..

[لمت داون111]

ودي افيدك وانصحك في كراجات للتصليح

بس والله مالك الا الوكاله , خاصه اذا السياره الي بتصلحها تبيها لاستعمال سنين قداام

مره اخوي ودا موتره كراج معروووف في الصناعيه عشان يبطل نص المكينه ويسوي الصبابات ليروح الدخان الابيض وعقب ماخلص موتره وضبط له الصبابات وراح الدخان الابيض طلعها بنفضه في الريس والبريك يعني لما يدعس الريس حده تحس بنفضه بالريس والله كره موتره وحس انه قديم مع انه موتره موديل 2002

واخرتها طلع راعي الكراج انه متعبث بكهربا السياره مع انه ماله شغل فيها , واخرتها اخوي دخلها الوكاله وبرمج كمبيوتر المكينه من يديد , يعني نص المبلغ الي كان بيوفره من دخول السياره الوكاله من البدايه راااح وفوقه حبتين :)

ادري رويت لك قصه :) بس عشان احذرك من الكراجات الخارجيه ومثل ماقالو لك مالك الا الوكاله يالغالي :)

والله يعينك علي نفض جيبك

[الهيل]

انصحك توديها الوكاله اخوي

وحاول تخليهم يعملون لك تخفيظ .. لان تقدر تنزلهم وايد من اجمالي السعر

[لمت داون111]

انصحك توديها الوكاله اخوي

وحاول تخليهم يعملون لك تخفيظ .. لان تقدر تنزلهم وايد من اجمالي السعر
دش علي مديرهم الايراني محمد أمين وان شاء الله بيسويلك خصم:)

كل شي يتصلح برع الا القير والمكينه وخذها قاعده اخوي في هالاثنين مالك الا الوكاله:nice:

[عيون قطر]

دش علي مديرهم الايراني محمد أمين وان شاء الله بيسويلك خصم:)

كل شي يتصلح برع الا القير والمكينه وخذها قاعده اخوي في هالاثنين مالك الا الوكاله:nice:

:nice: :nice: :nice: :nice: :nice:

كلامك عدل 100% صح والله انا كان عندي GX الكارونة انكسرت وديتها برع الوكالة الكراجات المعروفة كل معدلتها طبت مره ثانية والله تقريبا 4 مرات اخر شي وديتها الوكالة اضبطت معاي 100% فرق بالسعر عن الكراجات اللي برع 500 ريال تقريبا ونصيحة لك

[doha_vip]

اخوي روح الامارات واشتر لك قير ..تلقاه تقريبا في حدود 6000 ... والله يوفقك

[لمت داون111]

اخوي روح الامارات واشتر لك قير ..تلقاه تقريبا في حدود 6000 ... والله يوفقك
سلامه عمرك الشيخ :)

االجديد اقل سعر تحصله ممكن بحدود ال13 الف تونا ماخذين واحد من هناك من كم اسبوع :)

[لمت داون111]

اخي العزيز فارس الكلمه

ليش ماتقولنا شسالفه القير

وليه تظن انه خربان , يمكن السبب مايطلع من داخل القير !!

جايز الكلش ولا شي بسيط :)

[الأختصاصي]

اذ تحب البطيخ الصيفي عليك بالوكاله
لانها راح تبرد على قلبك بالتصليح والضمان

[فارس الكلمة]

و الله ما قصرتوا يا شباب ..

أمرنا لله .. بنروح للوكالة .. و بنشوف .. مشكورين يا جماعة ..