من عنده واسطه يساعدني ..؟؟

[zaid]

والله حالتي تازمت حيل:weeping: والشكوي لله

المدير اللحين حاط على حطه ويقول ساعات العمل ما تطلعين للجامعة

انزين اذا كانت ساعات العمل 8 ساعات من 7 الى 3 يعني متي اروح للجامعة :(

خلصت اللحين مشوار بالجامعة يجي يحطمي كذا هذا بس عشان ما عندي واسطة

شاسوي اللحين ولا فيه دوام الا رزيت وجهي عندهم ابي سبونسر او نص دوام

ولا احد عاطني وجه:(

[AL-MAYSTRO]

على حسب اذا مديرج المباشر او مدير ادارتج هم اللي حاطين عليج حطه
تقدرين تكتبين كتاب للرئيس التنفيذي للشركه او المؤسسه اللي انتي فيها
وتشرحين له عن الموضوع وانج خلصتي مشوار فالجامعه وتبين تكملين
وفي حاجه الشغل وتجيبين الجدول ويخلون دوامج منسق مع حسب الساعات فالجامعه
وان شاء الله يوافقون على الموضوع .. واتمنى لك كل التوفيق

[عـ العبيدلي]

لو مخلص اكثر من 60 ساعه و المعدل فوق الـ 3 اتوقع ياخذون كسبونسر ..

البنوك ياخذون فوق الـ 2.5 بس طبعا بنوك ربويه ..

[عاشق العديد]

نفس الحاله في مكان شغلي في بنت قدمت استقاله مسكينه والسبه المديير رفض انها تكمل دراستها وتشتغل

[الزعفراني]

وين ابوج والا ريلج والا أخوج يكلمونه ويفهمونه الموضوع ؟

[zaid]

على حسب اذا مديرج المباشر او مدير ادارتج هم اللي حاطين عليج حطه
تقدرين تكتبين كتاب للرئيس التنفيذي للشركه او المؤسسه اللي انتي فيها
وتشرحين له عن الموضوع وانج خلصتي مشوار فالجامعه وتبين تكملين
وفي حاجه الشغل وتجيبين الجدول ويخلون دوامج منسق مع حسب الساعات فالجامعه
وان شاء الله يوافقون على الموضوع .. واتمنى لك كل التوفيق

لو رفعت كتاب بيحطون على حطه عدله :) خصوصا كلهم ربع :secret:

[zaid]

لو مخلص اكثر من 60 ساعه و المعدل فوق الـ 3 اتوقع ياخذون كسبونسر ..

البنوك ياخذون فوق الـ 2.5 بس طبعا بنوك ربويه ..

معدلي فوق 2.5 وشكلي بدور في البنوك شاسوي بعد ولا اقعد كذا

[zaid]

نفس الحاله في مكان شغلي في بنت قدمت استقاله مسكينه والسبه المديير رفض انها تكمل دراستها وتشتغل

مادري هل هم بيدفعون شي من جيبهم بس طبعا الى يبغونه عطوه والى مايبغون

يعطونه حاطين عليه حطه:)

[zaid]

وين ابوج والا ريلج والا أخوج يكلمونه ويفهمونه الموضوع ؟

:tease:تكلموا ووصلوا لاكبر شخص ولا فيه فايده يقولون تخصصج مب مرغوب فيه

تخصص ادارة ومحاسبة:)

[monatee]

كالعاده الي ماعنده واسطه لازم يتملحس ويتمسكن

قابلي مديركم العود وشرحيله الموضوع ،، طبعا بدون ماتغلطين على المدير اللي امنعج

تمسكني واكسري خاطره واذا فيج دمعتين بعد يفضل تنزلينهم جدامه

مايمشي معاهم الا هالاسلوب ،،، لو بترفعين كتاب اواطالبين بالدراسه ومادري ايش

كلهم بيقلبون عليج وفوق هاي القانون في صفهم


والله يعينج

[AL-MAYSTRO]

لو رفعت كتاب بيحطون على حطه عدله :) خصوصا كلهم ربع :secret:

ماعليج .. لكل مجتهد نصيب ومايصح الا الصحيح
محد ضارج ولاحد بيقدر يسوي لج شي انتي تقدمتي بطلب رسمي
لا اكثر ولا اقل وهاي من حقج كموظفه انج تطالبين بهالشي
وربع فبيتهم هاي شغل مافيه ربع .. ماعليج ولاتخافين
قدمي لانه من حقج تطلبين هالشي و

[عـ العبيدلي]

معدلي فوق 2.5 وشكلي بدور في البنوك شاسوي بعد ولا اقعد كذا

جربي فاللجنه الاولمبيه ..

لو هندسه في شركات ياخذون

[شبح الصمت]

في مدراء حازمين في هالامور ما يحب انه يجيه الكلام ويعطي احد وعقب يجيه غيره ويقول عطيت

من باب تجربه هذا هو الشيء عند بعض المدراء لانه لو فضلج راح يجونه ناس ويقولون احنا بعد نبي .. !!

الله يعينج اختي ما احبطج بس من واقع تجربة وعمل هذا هو الحاصل والحمد لله على كل حال ..

[zaid]

كالعاده الي ماعنده واسطه لازم يتملحس ويتمسكن

قابلي مديركم العود وشرحيله الموضوع ،، طبعا بدون ماتغلطين على المدير اللي امنعج

تمسكني واكسري خاطره واذا فيج دمعتين بعد يفضل تنزلينهم جدامه

مايمشي معاهم الا هالاسلوب ،،، لو بترفعين كتاب اواطالبين بالدراسه ومادري ايش

كلهم بيقلبون عليج وفوق هاي القانون في صفهم


والله يعينج

والله شرحة وتكلمت والدمعتين نزلت بس والله مب تمثيل بس ما احد هامه

[zaid]

ماعليج .. لكل مجتهد نصيب ومايصح الا الصحيح
محد ضارج ولاحد بيقدر يسوي لج شي انتي تقدمتي بطلب رسمي
لا اكثر ولا اقل وهاي من حقج كموظفه انج تطالبين بهالشي
وربع فبيتهم هاي شغل مافيه ربع .. ماعليج ولاتخافين
قدمي لانه من حقج تطلبين هالشي و

والله سواه شخص وقلبوا عليه واللحين تحول للعمالة الفائضة مع انه شباب

بس لانه تكلم ورفع كتاب

[كازانوفا]

ربي يفرجها عليكي من عنده
عليكي بالدعاء بجوف الليل.. سبحانه علم الغيب عنده
لعله خير لك