من جرب الدكتوره لولوه الأنصاري لأطفال الأنابيب؟!

[أبشر]

السلام عليكم
الله يرزق كل محروم الذرية الصالحة
زوجتي محولينهاعلى قسم الأنابيب بمستشفى النساء والولاده
مدحوا الدكتور شحاته بس أنا أبيها تتعالج عن دكتوره مره

فشرايكم بـ لولوه الأنصاري اللي جرب عندها محاولات أطفال الأنابيب
مابي خبراتكم في المجالات الثانية ،
أبي بس في موضوع الأنابيب عشان ما يتشعب الموضوع ولا عليكم أمر

بانتظار آرائكم
لا حرمكم الله الأجر

[Aaziz]

ماعندي ما اضيفه سوى ربي يكتب لك الخير و يرزقه ذريه صالحه تقر بها عينك و عين زوجتك

[أبشر]

جزاك الله خير على الدعاء الطيب

[Locale]

الله يرزقكم الذريه الصالحه يارب
دام انها قطريه توكل على الله
دكاترة الانابيب القطريات كلهم زينين
عليك بالاستغفار سبب الرزق والدعاء ربي لاتذرني فردا وانت خير الوارثين

[Laffan]

الله يوفقك ويرزقك بالذرية الصالحة وخل ايمانك بالله قوي وان شاءالله تقر عينكم بالذرية

حبيت اتمنالك الخير ياخوي وان شاءالله باقي الاعضاء يفيدونك

[جارح]

الله يرزقك بالذرية الصالحة وعليك بالدعاء والرجاء منه سبحانه بجوف الليل عسى الله ان تقر عينك بذرية صالحة تخلفك وتكون بارة بك

[math~story]

ربي يكتب لك الخير و يرزقه ذريه صالحه تقر بها عينك و عين زوجتك
وعليك بالدعاء والاكثار من الاستغفار ...

[Bin Hood]

دعاء الذرية الشيخ صالح المغامسي

http://www.safeshare.tv/w/jzWRNPmPVf


عليك بالدعاء و بالصدقة

[ولد الزبارة]

انا متزوج سنة 2003 .
ولم يكتب لنا الله الذرية ، وفرينا جميع المستشفيات في قطر والخليج ، وما كتب الله ..

وبأذن الله بنقدم على اللجنة ، عشان نروح برا ، ويارب يوافقون ولا يردونا ..

نحن أماننا بالله كبير ، واللي الله كاتبه حن راضين به ...

فلا تنسوننا من الدعاء في ظهر الغيب ..

[رهج السنابك]

الله يرزقكم كلكم بالذريه الصالحه

سمعت قصه ذكرها احد الشيوخ نسيت نسمه اعتقد الدكتور خالد الجبير
عن زوجان بتمنون الاطفال من سنوات فنصحهم الشيخ بأن يبقوا على طهاره طول الوقت مع الاستغفار والصدقه ما مر شهر الا والزوجه حامل

[كود نمبر]

السلام عليكم
الله يرزق كل محروم الذرية الصالحة
زوجتي محولينهاعلى قسم الأنابيب بمستشفى النساء والولاده
مدحوا الدكتور شحاته بس أنا أبيها تتعالج عن دكتوره مره

فشرايكم بـ لولوه الأنصاري اللي جرب عندها محاولات أطفال الأنابيب
مابي خبراتكم في المجالات الثانية ،
أبي بس في موضوع الأنابيب عشان ما يتشعب الموضوع ولا عليكم أمر

بانتظار آرائكم
لا حرمكم الله الأجر

عسى الله لايحرمكم نعمت الاجناب
وتشوفونهم ويكبرون وتزوجونهم

في قطر ماعرف لكن هناك مستشفى سعد التخصصي في الخبر
واحد من الجماعه توفق معاهم ولله الحمد
والشي الثاني انصحك في بلجيكا فيها افظل دكاترة الانجاب

الله يوفقكم يارب

انا متزوج سنة 2003 .
ولم يكتب لنا الله الذرية ، وفرينا جميع المستشفيات في قطر والخليج ، وما كتب الله ..

وبأذن الله بنقدم على اللجنة ، عشان نروح برا ، ويارب يوافقون ولا يردونا ..

نحن أماننا بالله كبير ، واللي الله كاتبه حن راضين به ...

فلا تنسوننا من الدعاء في ظهر الغيب ..


الله يوفقك ولا يحرمكم نعمت الانجاب
اخوي انصحك في بلجيكا فيها افظل دكاترة الانجاب
قدم على الديوان وراح يوفقون لك على طول بس ود التقرير الطبي معك

[بوحــمد]

السلام عليكم
الله يرزق كل محروم الذرية الصالحة
زوجتي محولينهاعلى قسم الأنابيب بمستشفى النساء والولاده
مدحوا الدكتور شحاته بس أنا أبيها تتعالج عن دكتوره مره





عسى الله يرزقك ويرزق جميع المسلمين أخوي مب عيب تعرض المراة على دكتور
هذا شي في الطب ياخوي بالعكس شحاته معروف من قبل 35 سنه في هالمجال أعقلها وتوكل
وأسال مشايخ في العلم وبالعكس أن كان بيتحمل بعد الله بيدة ليش لا .

[أم علي 2010]

ربي لا تذرني فردا وانت خير الوارثين


الله يرزقكم بالذريه الصالحه يا رب

[المريخي77]

توكل على الله. وكله توافيق بغض النظر عن الشخص دكتور او دكتوره. لان نسب النجاح تختلف بالحاله وليس بالدكتور.

الدكتور او الدكتوره مهمته فقط سحب وترجيع البويضات. اما في المختبر وهي اهم عملية في الحقن ومراحل الانقسام والاندماج
والدكتوره او الدكتور ليس لها دخل فيها.

والله يوفقكم ويقر عينكم ويعطيكم على قد نيتكم.

[أبشر]

بيض الله وجيهكم على الادعية الطيبه
يكفينا ان احنا اكتسبنا هالدعوات
لا عدمناكم

بخصوص العلاج برا
قالوا مشكلتنا ما تستدعي برا

الله يسوق اللي فيه الخير

ياليت اللي يعرف احد تابع عند هالدكتوره ياليت يفيدنا
صحيح كل شي بأمر الله
بس السحب والارجاع مثل ما قريت عملية موب سهلة
تبي لها خفة يد ومهارة

الله يوفق الجميع

[ولد البدر]

الله يرزقكم الذرية الصالحة ويوفقكم

[فاضل العنزي]

اسأل الله سبحانه وتعالى أن يرزقك ذرية صالحة
وان يرزق جميع المحرومين

[الأصيلة]

انا متزوج سنة 2003 .
ولم يكتب لنا الله الذرية ، وفرينا جميع المستشفيات في قطر والخليج ، وما كتب الله ..وبأذن الله بنقدم على اللجنة ، عشان نروح برا ، ويارب يوافقون ولا يردونا ..

نحن أماننا بالله كبير ، واللي الله كاتبه حن راضين به ...

فلا تنسوننا من الدعاء في ظهر الغيب ..

وهل لجأت إلى ملك الملوك
فإن الله يحب الإلحاح ...عليك بالإستغفار الدائم بنية أن يرزقك الله الذرية
وأبدأ بحفظ كتاب الله أنت وزوجتك بنية الإنجاب
وتأكد بأن الله لن يخذلك
طريقة مجربة ونتيجتها 100%

[قطرة مسك]

الله لا يحرمكم من الذرية يارب ،، ويرزق كل من يبي

[al-obaidly]

الله يسهل اموركم

[shgawia]

في الدكتوره مريم فلامرزي ممتازه عن تجربة والله يرزقك بالذرية الصالحة ويرزق كل من يتمنى

[15hat]

الله يرزقك ويرزق جميع المسلمين بالذرية الصالحة ان شاء الله

[الجوكر90]

السلام عليكم
اللهيرزقك بالذريه الصالحه
الشيخ بقولك قصتين

الاولى
فزمن سيدنا موسى عليه السلام
جاته مره قالت له ادعي لي ربك انه يرزقني بطفل طبعا هي مؤمنه بنبوة موسى
موسى عليه السلام دعا ربه ورب العالمين قال اني كتبت انها ماتجيب عيال وقالها رب العالمين ماكتب لج العيال
جاته بعد سنه ونفس الشي دعا ربه وجاه نفس الرد
جاته بعد سنتين وهم نفس الشي
وجاته بعد 3 سنين وفايدها طفل سالها موسى عليه السلام من هاي قالت ولدي
موسى عليه السلام سال ربه اشلون رزقتها وانت كاتب لها انها ماتجيب عيال
رب العالمين قال كل يوم تقول يارحيم فرحمتي غلبت قدرتي.....

القصه الثانيه

اثنين متزوجين ومايجيبون عيال وفروا العالم ومافي فايده
سالوا شيخ دين شالحل قالهم كل يوم قعدوا مع بعض ساعه وكونوا ع طهاره واقعدوا استغفروا
بعد 6 شهور جات حامل فالشهر الثاني او الثالث

انا بقولك فضل الاستغفار بكل بساطه
قال تعالى ( "فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً ")

سبحان الله

[أبشر]

جزاكم الله خير على هالنصايح
كلامكم على العين والراس
وخلا الواحد يتفاءل
ويبتدي يومه بكلام طيب

واحنا بإذن الله بناخذ كل الأسباب
- الاستغفار
- الدعاء
- الرقية
- الأذكار
- الطهارة
- العلاج

وربكم رؤوف رحيم

ولا زال السؤال قائم
هل أحد جرب الدكتوره أو يعرف أحد
لأن الحرمه خذت موعد وحاولت تغير الدكتور رفضوا

ياليت اللي عنده تجارب معاها يقول لنا

ومشكورين ما قصرتوا على تفاعلكم الطيب

[((غلا قطر))]

ربي يكتب لك الخير و يرزقكم ذرية صالحة تقر بها عينك و عين زوجتك