الجبس المغربي

[ام راشد 1]

السلام عليكم

بدينا مرحلة التشطيب و الله يعين.

عندي في الخرائط بارتشن بين الصاله و ممر داخل الفيلا بطول 8 متر تقريبا و فيه فتحة مدخل، حسب المواصفات المكتوبة هو من الجي ار سي، انا ابي اصبغه مثل المغربي، مقاول الجبس يقول هذا باسوية جبس مش جي ار سي، لان الفينشنك يطلع احلى و اصلا الجي ار سي حق بره فقط. ويقول ان المواصفات فيها خطاء مطبعي، لازم تكون grg مش grc

السؤال: هل من الممكن نعمل ديكور مغربي على الجي ار سي و الا ما يصير؟ و ايهما الافضل؟ حسب علمي ان الجي ار سي اقوى.

اللي عندة علم لا يبخل علينا بالنصح و المشورة وجزاكم الله خير.

[قطري 777]

السلام عليكم

بدينا مرحلة التشطيب و الله يعين.

عندي في الخرائط بارتشن بين الصاله و ممر داخل الفيلا بطول 8 متر تقريبا و فيه فتحة مدخل، حسب المواصفات المكتوبة هو من الجي ار سي، انا ابي اصبغه مثل المغربي، مقاول الجبس يقول هذا باسوية جبس مش جي ار سي، لان الفينشنك يطلع احلى و اصلا الجي ار سي حق بره فقط. ويقول ان المواصفات فيها خطاء مطبعي، لازم تكون grg مش grc

السؤال: هل من الممكن نعمل ديكور مغربي على الجي ار سي و الا ما يصير؟ و ايهما الافضل؟ حسب علمي ان الجي ار سي اقوى.

اللي عندة علم لا يبخل علينا بالنصح و المشورة وجزاكم الله خير.

هلا وغلا ام راشد الله يعينج انا بعد مثلج اشطب وحاس بلي تحسين فيه بخصوص الشغل المغربي هم يستخدمون بودرة جبسسس ويشكلونها وينقشونها امى داخل البيت جبسسس والجي ارسي فعلا يستخدم برى ومايصلح داخل مب حلووو والجبس اذا داخل ماعليه خووف يالله هانت يم راشد ومنزل مبارك ان شاء الله .

[شموخ دائم]

,

,


مرحبا


اختي الكريمه

الي فهمته من رد المقاول والله اعلم بالنيات

انه يبي ( يوفر ) مبلغ بهذا ( البند ) لو سمعتي كلامه

فرق كبير بين سعر ال grc وبين الجبس مافي مقارنه نهائيا

طبعا ال grc سعره اعلى بكثير وهو الافضل من كل النواحي

وكل الاشكال موجوده من مغربي الى اسلامي الى حديث مودرن

وحقك ان ركبتي ( جبس ) تاخذين فرق السعر اذا هو راعي حق

:)

واذا تسامحتي معاه هذا من ( كرمك ) وليس من حقه

كل شي بالخريطه وهو عاين الخريطه وكان المفروض يقول من البدايه

ما بحط grc بحط جبس هذا باب الامانه قبل توقيع العقد

تكون هذي الامور مذكوره ( بالمواصفات )

الان امامك خيارات

جبس بورد

grc

اسمنت بورد

1- grc هو الرقم واحد من ناحيه السعر والجماليات وتنوع الاشكال

2- الجبس هو الارخص والاقل متانة ومتعدد الاشكال والخيارات

3- الاسمنت بورد هو الاقوى والاكثر متانه وقليل الاشكال والجماليات

اذا تبينه فقط حائط الامر واضح لك الاسمنت بورد

اذا تبينه حائط وشكل جمالي الامر واضح لك ال grc


للعلم

سعر متر ال grc تقريبا 350 ريال وحسب الرسمه

سعر الجبس ما يتجاوز 80 ريال للمتر


ماده ال grc ماده تختلف في صناعتها عن الجبس اختلاف كلي

,

,


اخوك


شموخ دائم

[معماري قطري]

ما شاء الله الأخ شموخ دايم ما خلى لي شيء

كفى ووفى .. بس إذا مكتوب في المواصفات grg فهذا الاختصار يعني جبس مقوى بخيوط الفايبر وهو يختلف عن الجبس العادي .. وإذا grc فهذا اسمنت أبيض مقوى بخيوط الفايبر وهو الأفضل والأقوى وممكن عمل نقوشات رفيعة منه وصعب ينكسر.

إذا مذكور في المواصفات وموضحة مساحته في الرسومات فمن الأفضل طلبه قطعة وحدة لو المساحة صغيرة أو قطع تثبت ببراغي في بعض.

لا ترضون بجي ار سي مصبوغ والصبغة لازم تكون مخلوطة مع خلطة الجي ار سي، ولازم يوفر رسومات للموافقة وتكون الشركة مختصة لأن الجي ار سي الغش فيه وايد. .. ويبين بسهولة بتحصلون فيه خيوط ظاهره أو صبغ ينشمخ بسهولة .. ممكن الأطراف مكسورة .. حتى صوت الضرب على قطعة الجي ار سي مميز مثل صوت الزجاج.

[ام راشد 1]

جزاكم الله خير و بيض الله وجوهكم
انا رح اخليه يلتزم بالمواصفات و يخليه جي ار سي
السؤال الحين: هل ممكن اخليه نقشة مغربية مع صبغ الوان. والا ما يصير الجي ار سي الا لون ابيض.؟

[شموخ دائم]

,

,


مرحبا

انا بخلي معماري قطري يجاوب على السؤال لان عيونه حاره
اخاف ينضلني
:)

وين ندور اغسال الماي بعدين او نكسر بيضه عند عتبه المنتدى
ههههه


,

,


اخوك

شموخ دائما

[ام راشد 1]

,

,


مرحبا

انا بخلي معماري قطري يجاوب على السؤال لان عيونه حاره
اخاف ينضلني
:)

وين ندور اغسال الماي بعدين او نكسر بيضه عند عتبه المنتدى
ههههه


,

,


اخوك

شموخ دائما

:) في انتظار رد معماري قطري

وايضا لا تبخل علينا بأرائك شموخ دائم :nice:

فأختلاف الامة رحمة :)

[اللوز]

يا ام راشد
جاهز البلاليط حق فطوري
ههههه

انصحج اختي اتمرين محل الديكور الاندلسي / طريق سلوى بعد محل dhl
شغل محترم
وعندهم افكار كثيرة
وبالتوفيق