خريجة قانون وصادني اليأس والاحباط

[باحثة]

السلام عليكم ورحمة الله وبركاته

خريجه قانون

خبرة سنتين -- وعضوة في لجنتين

وعندي دورات ولله الحمد

لكن شنو مشكلتي كنت مرتاحه بداومي اول سنة لين مابديت اكتشف اشياء كانت مخفية عني:(

ولا بالاصح كنت احاول اني اتجاهلها :anger1:

منها

اولا: تعلمت الشغل بنفسي وطورت نفسي بنفسي لين صرت الساعد الايمن للمدير ونص الشغل مستحيل يمشي بدوني (هذا على كلامه ولله الحمد):weeping:

ثانيا: من حقي كخريجة ومن كبار الموظفين... دورتين بالسنة بالخارج لكن طبعا لا الكل يقول نفسي نفسي ....صار لي سنتين وماشفت ولا دورة بالخارج اشلون بطور نفسي واذا انا محبوسة بنفس المكان ومهارات جديده ماقاعدة اكتسبها.

ثالثا: طلبت تغير المسمى الوظيفي وتحجج لي المدير نطري لين ينزل القانون الجديد ونزل القانون وطرشت له الايميل والايميل رقد عنده ولا طلع ولا شي:anger1::anger1:

احس اني وصلت لمرحله مب قادره اعطي ...اجبر نفسي اني اداوم واخلص شغلي غصب:weeping:

رابعا: اكتشفت اني اسوي شغل السكرتارية في لجنة المفروض اني اكون عضوة فيها وهاي كانت نقطة الانفجار عندي:anger1:

فقررت اني ادور لي على مكان ثاني وقدمت كذا مكان وانطر الرد وان شاءالله يردون علي

فياريت الي يعرف اماكن محتاجين خريجين قانون يعطوني خبر

واكون شاكرة لكم

[hassan51]

ربي يوفقج وييسر امورج ان شاء الله .. صبري وبتفرج باذن الله الواحد الاحد ، والله يعين العضو( اوتار ) ، شاب متزوج و جامعي في تخصص مطلوب في البلد ، وله سنه يدور وظيفه .

[qatari_xp]

اختي الكريمه

اولا حاولي تبعدين هالاحساس السلبي عنك لانه بيكون عائق لك في امور كثيره

ثانيا اجتمعي مع المدير وحاولي تتوصلين معاه لتوزيع المهام بحيث يكون دورك اكثر فاعليه من قبل

وبخصوص شغل السكرتاريه ترى مفيد يكون الشخص عنده المام في الجوانب ذات الصله في عمله ....

ومن ناحية الدورات رددي مطولك ياليل :secret:

وبالتوفيق ان شاء الله

[بوحارب]

خذي نفس عميق وكملي دوامج

ترى مب كل موظف يحصل حقوقه 100%

وبعد الصبر الفرج

[باحثة]

ربي يوفقج وييسر امورج ان شاء الله .. صبري وبتفرج باذن الله الواحد الاحد ، والله يعين العضو( اوتار ) ، شاب متزوج و جامعي في تخصص مطلوب في البلد ، وله سنه يدور وظيفه .

الللهم امين

والله يوفقة ويحصل مراده

[مبرمج QA]

بالتوفيق اختي ... واتوقع لج مستقبل باذن الله .. بما انج خريجة قانون وخبرة .. شركات البترول والغاز يحتاجون هالتخصصات وخاصة انج قطرية .. واعداد القطريين في التخصص هذا في هالشركات اعدادهم قليله.. ففرصة لج ... بس يحتاج لج ( فتامين "و" ) على الخفيف والدعاء .. والله ييسر

[باحثة]

اختي الكريمه

اولا حاولي تبعدين هالاحساس السلبي عنك لانه بيكون عائق لك في امور كثيره

ثانيا اجتمعي مع المدير وحاولي تتوصلين معاه لتوزيع المهام بحيث يكون دورك اكثر فاعليه من قبل

وبخصوص شغل السكرتاريه ترى مفيد يكون الشخص عنده المام في الجوانب ذات الصله في عمله ....

ومن ناحية الدورات رددي مطولك ياليل :secret:

وبالتوفيق ان شاء الله

انا مب سلبية ايجابية بس بعد الي شفته صرت سلبية

واجتمعت معاه وقت له عندك بدل السكرتيرة 2 انا مابسوي شغلهم اذا وحده غابت بس عمك اصمخ
:(:(:(

[باحثة]

خذي نفس عميق وكملي دوامج

ترى مب كل موظف يحصل حقوقه 100%

وبعد الصبر الفرج


سنتين وانا متحمله

ماقدر اتم في مكان انا مب مرتاحه فيه اشلون بقدر اعطي مابقدر طبعا مابقدر

حتى لو بعطي بيكون اقل من المستوى

وانا احب يكون كل شي مثالي وفوق المستوى

الله كريم بس :(

[باحثة]

بالتوفيق اختي ... واتوقع لج مستقبل باذن الله .. بما انج خريجة قانون وخبرة .. شركات البترول والغاز يحتاجون هالتخصصات وخاصة انج قطرية .. واعداد القطريين في التخصص هذا في هالشركات اعدادهم قليله.. ففرصة لج ... بس يحتاج لج ( فتامين "و" ) على الخفيف والدعاء .. والله ييسر


فيتامين (و) شغلته بس شكله للحين ماعطى مفعول

لازم يكون قوي هههههههههه

الله كريم ان شاءالله

وجزاك الله خير

[w.qatar]

حبيبتي انتي خريجة قانون المفروض تعرفين شنهي حقوقج و متطلبات شغلج في الوظيفه اللي تشغلينها من اول ما تتعينين عندهم

اذا هالسنتين حاطج سكرتيره له و ما خلاج تدخلين مجال القانون و تصيرين عضوه في لجنه قانونية في

اختصاصج اتوقع انه قاص عليج بالكلام يكبر راسج عشان تستانسين و ما تطالبين بحقج في العمل في مجالج الاساسي

وانتي من خلال ردودج اشوفج مفتخره بهالشي يوم يقول لج الشغل بدونج ما يمشي اختي غيري شغلج و ابتدي صح اعرفي اللي لج و اللي عليج عشان ترتاحين في شغلج

[عاشق العديد]

الله يوفقج ياختي واصبري وكل مجتهد نصيب
اقسم بالله اني كنت اشتغل 6 اشغال غير شغلي وماكنت اتذمر وبالعكس منظم وقتي اخلص كل شغل بوقتـه ..
والله يوفقججج .. اختي ..

[باحثة]

حبيبتي انتي خريجة قانون المفروض تعرفين شنهي حقوقج و متطلبات شغلج في الوظيفه اللي تشغلينها من اول ما تتعينين عندهم

اذا هالسنتين حاطج سكرتيره له و ما خلاج تدخلين مجال القانون و تصيرين عضوه في لجنه قانونية في

اختصاصج اتوقع انه قاص عليج بالكلام يكبر راسج عشان تستانسين و ما تطالبين بحقج في العمل في مجالج الاساسي

وانتي من خلال ردودج اشوفج مفتخره بهالشي يوم يقول لج الشغل بدونج ما يمشي اختي غيري شغلج و ابتدي صح اعرفي اللي لج و اللي عليج عشان ترتاحين في شغلج

شكلج فهمتيني غلط

انا شغلتي باحث .... ماسكة شغلي القانوني كله من اوله لي اخره :secret:

لكن السكرتارية الله يسلمج احنا عندنا 2 ولما وحدة تسافر الي هي خبرة يخليني انا اعدل على الشغل لان الثانية مايعجبه شغلها...وقلت له بالحرف انا مب سكرتيرة وهاي اخر مرة اسوي شغل فلانه وصرت بنفسي اناديها واقول لها سوي كيت وكيت ولا علي منه ...

وانا ياما تكلمت معاه لكن قلت عمك اصمخ لو اصرخ من اليوم لي بكرة مافي فايده

وسبق قلت اني عضوة في لجنتين ..

كل من يدور مصلحته وخاصة لو كان أجنبي ...

لو شنو مايعلم القطري الشغل الصح بيعلمج طراطيش بس ومقبلات مثل مايقولون

[باحثة]

الله يوفقج ياختي واصبري وكل مجتهد نصيب
اقسم بالله اني كنت اشتغل 6 اشغال غير شغلي وماكنت اتذمر وبالعكس منظم وقتي اخلص كل شغل بوقتـه ..
والله يوفقججج .. اختي ..


انا ماكنت اتذمر بس لو انت تسوي الشغل كللللللللللللللللللللة وتخلصه قبل بوقته ويكون مثل ماتبي واحسن

واخر شي يقول لك يافلان ليش جي ليش مانتهبت

انزين على الاقل يعطيك العافية لانك مخلص شغل ادارة كاملة بنفسك بالاضافة الى شغل لجنة بنفسك

حزتها صج بتنفجر

[عاشق العديد]

انا ماكنت اتذمر بس لو انت تسوي الشغل كللللللللللللللللللللة وتخلصه قبل بوقته ويكون مثل ماتبي واحسن

واخر شي يقول لك يافلان ليش جي ليش مانتهبت

انزين على الاقل يعطيك العافية لانك مخلص شغل ادارة كاملة بنفسك بالاضافة الى شغل لجنة بنفسك

حزتها صج بتنفجر

اي والله صصادقه وووصصصلت المرحله الي انتي تتكلمين عنهـها ..

لكن في مره من المرات وانا رايح الدوام الصبح كانو حاطين دكتور على راديو يتكلم عن الاخلاص فالعمل .. والله هو الي خلاني ما اتذمر وخلاني اسوي ادري انه عاجبهم ولكن يروني انه مب عاجبهم .. حركات .. لدرجه قدمت استقاله 3 مدراء قالو يالذيب حنا نبغيك فالقسم .. لكن هونت وقلت بقعد عند نفس المدير ..

[w.qatar]

شكلج فهمتيني غلط

انا شغلتي باحث .... ماسكة شغلي القانوني كله من اوله لي اخره :secret:

لكن السكرتارية الله يسلمج احنا عندنا 2 ولما وحدة تسافر الي هي خبرة يخليني انا اعدل على الشغل لان الثانية مايعجبه شغلها...وقلت له بالحرف انا مب سكرتيرة وهاي اخر مرة اسوي شغل فلانه وصرت بنفسي اناديها واقول لها سوي كيت وكيت ولا علي منه ...

وانا ياما تكلمت معاه لكن قلت عمك اصمخ لو اصرخ من اليوم لي بكرة مافي فايده

وسبق قلت اني عضوة في لجنتين ..

كل من يدور مصلحته وخاصة لو كان أجنبي ...

لو شنو مايعلم القطري الشغل الصح بيعلمج طراطيش بس ومقبلات مثل مايقولون


اها الحين وضحت الصورة

اختي بعد انتي غلطانه لا تخلينهم يستغلونج في اي شغله ثانيه غير اختصاصج هذا اللي يخليهم يتعودون عليج عقب بيشوف انج تمشين الشغل احسن من السكرتيره فبيعتمد عليج و يحرمج من امور كثيره بحجه ان انتي اللي تمشين الشغل مثل ما هو صاير وياج

الانسان ما يتعلم شي بلاش من اليوم غيري و حاولي تقومين بالشغل اللي من اختصاصج و بس

و دام انه اجنبي الله يعينج انا اعرف تفكير هالاشكال يشغلج بالامور التفافهه اللي مب شغلج اصلا عشان ما تكسبين خبره في مجالج و هو في اعتقاده ان كذا الدوله ما بتستغني عنه لان محد يعرف الشغل غيره لانه ما علم حد اساسا مع انه مطالب بتدريب الجدد و نقل الخبرات لهم بس شنسوي محد يحاسبهم ولا يراقبهم

[باحثة]

اي والله صصادقه وووصصصلت المرحله الي انتي تتكلمين عنهـها ..

لكن في مره من المرات وانا رايح الدوام الصبح كانو حاطين دكتور على راديو يتكلم عن الاخلاص فالعمل .. والله هو الي خلاني ما اتذمر وخلاني اسوي ادري انه عاجبهم ولكن يروني انه مب عاجبهم .. حركات .. لدرجه قدمت استقاله 3 مدراء قالو يالذيب حنا نبغيك فالقسم .. لكن هونت وقلت بقعد عند نفس المدير ..

الله كريم

[باحثة]

اها الحين وضحت الصورة

اختي بعد انتي غلطانه لا تخلينهم يستغلونج في اي شغله ثانيه غير اختصاصج هذا اللي يخليهم يتعودون عليج عقب بيشوف انج تمشين الشغل احسن من السكرتيره فبيعتمد عليج و يحرمج من امور كثيره بحجه ان انتي اللي تمشين الشغل مثل ما هو صاير وياج

الانسان ما يتعلم شي بلاش من اليوم غيري و حاولي تقومين بالشغل اللي من اختصاصج و بس

و دام انه اجنبي الله يعينج انا اعرف تفكير هالاشكال يشغلج بالامور التفافهه اللي مب شغلج اصلا عشان ما تكسبين خبره في مجالج و هو في اعتقاده ان كذا الدوله ما بتستغني عنه لان محد يعرف الشغل غيره لانه ما علم حد اساسا مع انه مطالب بتدريب الجدد و نقل الخبرات لهم بس شنسوي محد يحاسبهم ولا يراقبهم


شفتي اشلون ماقول الا الله المستعان بس:(

[حمد 2002]

قدمي في هيئه المتاحف ،

[OREO]

من وجهة نظري انتي ما تنفعين لمناصب عليا لأن كل همج بأن الدورة تكون خارجية و ما يهم المضمون ،،

موفقه ان شاءالله ،،

[وليف الشوق]

من خلال قراءتي لموضوعك صدقيني ارتحت وحسيت ان الدنيا بخير واحساسي كان في اخلاصك ووفائك وذمتك وحرصك الدؤووب لعملك ،، وانتي انسانه تبين تطورين من نفسك في عملك بكل اخلاص وتفاني وهذا العشم في عيالنا وبناتنا ،، والله يكثر من امثالج
ماعندي شي اقوله غير الله يرفع من مقامج يااااااارب وويفقج ويسر امرك
وامانه اصبري وراح تفرج

[باحثة]

من وجهة نظري انتي ما تنفعين لمناصب عليا لأن كل همج بأن الدورة تكون خارجية و ما يهم المضمون ،،

موفقه ان شاءالله ،،

وجهة نظر احترمها.
ومن حقي كموظفه قطريه بهالدورات
انت تركت كل الكلام الي انا قلته وركزت على الدوره الخارجيه
الواحد اشلون بيطور نفسه مب الدورات جزء من عمليه تطوير الموظف
وفي دورات ماتنطرح بالبلاد وهي جزء اساسي في عمليه التطوير
يعني اخوي ياريت تقرا موضوعي مره ثانيه وبتشوف في ردودي انا تكلمت عن الدورات الخارجيه ولا لا
وانت لو مكاني بتسوي نفسي
واعتقد في عضو طرح هالموضوع

ولو ماكنت قد المناصب العليا على كلامك
ماعينوني عضوه في لجنه حساسه عندنا
وكل واحد يطمح للاحسن

[باحثة]

قدمي في هيئه المتاحف ،

وهاي الي اسويه حاليا
جزاك الله خير

[باحثة]

من خلال قراءتي لموضوعك صدقيني ارتحت وحسيت ان الدنيا بخير واحساسي كان في اخلاصك ووفائك وذمتك وحرصك الدؤووب لعملك ،، وانتي انسانه تبين تطورين من نفسك في عملك بكل اخلاص وتفاني وهذا العشم في عيالنا وبناتنا ،، والله يكثر من امثالج
ماعندي شي اقوله غير الله يرفع من مقامج يااااااارب وويفقج ويسر امرك
وامانه اصبري وراح تفرج

الله يجزاك خير على الكلام الطيب
واحنا عيال البلد ومحد يبي مصلحه البلاد غيرنا
ورفعت معنوياتي بعد ماحطمها الاخ الي قال ماتنفعين ههههههه
الله يرفع مقامك بالدنيا والاخره

[فااارس قطر]

ممكن ترسلين ايميلج على الخاص

[بريق الحق]

خلج فالبيت ابرك لا قانون ولا خرابيط
موفقه

[الامير]

هل تجدين لغه الانجليزيه

[OREO]

وجهة نظر احترمها.
ومن حقي كموظفه قطريه بهالدورات
انت تركت كل الكلام الي انا قلته وركزت على الدوره الخارجيه
الواحد اشلون بيطور نفسه مب الدورات جزء من عمليه تطوير الموظف
وفي دورات ماتنطرح بالبلاد وهي جزء اساسي في عمليه التطوير
يعني اخوي ياريت تقرا موضوعي مره ثانيه وبتشوف في ردودي انا تكلمت عن الدورات الخارجيه ولا لا
وانت لو مكاني بتسوي نفسي
واعتقد في عضو طرح هالموضوع

ولو ماكنت قد المناصب العليا على كلامك
ماعينوني عضوه في لجنه حساسه عندنا
وكل واحد يطمح للاحسن

اولا اختي شكراً على احترامج لرايي الشخصي ،، ثانياً يا اختي باحثة انتي تدعين انج قانونية و المفروض من الموظفة القانونية تكون دقيق في سرد مشكلتها و تدعم مشكلتها بالادلة كالقوانين و الانظمة المتبعة لدى الجهة المعنية و الا كيف احنا كأعضاء نكون محايدين نفصل في الموضوع المطروح بدون اي ادلة و لا قوانين و الخ ،،

اختي الباحثة هل انتي من النوع اللي تحبين الناس تطبل لمشكلتج بجهل مفرط ام تحل مشكلتج و تساندج بالحق ؟

اختي الباحثة ودي اساعدج كون انج بنت بلادي لكن ماقدر كون ما اعرف عن قوانين الجهة اللي تشتغلين فيها ،، فلذا اعذريني اختي و ربي يوفقج ان شاءالله و اهم شي ما تشلين بخاطرج من رايي الشخصي و ما قلت الا لاني محايد و مريت بالمراحل اللي تكلمتي فيها لكن بشروط و قوانين جهة عملي ،،

[Bin Hood]

أختي بالإضافة الى محاولتك تغيير شغلك

لدي نصيحة من تجربة سابقة لا تكونين سلبية

لانها تأثر عليك سلباً وعلى من يحبك حولك

بالإضافة إذا حصلتي شغل راح تنسين هذا الهم بالمرة

أوافق كلام الأخت الكريمة w.qatar في ما قالت

[Bin Hood]

خلج فالبيت ابرك لا قانون ولا خرابيط
موفقه

بوعابد كيف حكمت ان البيت افضل لها ؟

أنا بالعكس أشوف الشغل افضل للمرأة في كثير من الحالات

[باحثة]

خلج فالبيت ابرك لا قانون ولا خرابيط
موفقه

@@

اقعد في البيت ليش تعب الاربع سنين عيل ليش

ههههههههه

يعطيك العافيه

[باحثة]

هل تجدين لغه الانجليزيه

اي الحمدالله عندي شهاده لغه انجليزيه

:nice:

[باحثة]

اولا اختي شكراً على احترامج لرايي الشخصي ،، ثانياً يا اختي باحثة انتي تدعين انج قانونية و المفروض من الموظفة القانونية تكون دقيق في سرد مشكلتها و تدعم مشكلتها بالادلة كالقوانين و الانظمة المتبعة لدى الجهة المعنية و الا كيف احنا كأعضاء نكون محايدين نفصل في الموضوع المطروح بدون اي ادلة و لا قوانين و الخ ،،

اختي الباحثة هل انتي من النوع اللي تحبين الناس تطبل لمشكلتج بجهل مفرط ام تحل مشكلتج و تساندج بالحق ؟

اختي الباحثة ودي اساعدج كون انج بنت بلادي لكن ماقدر كون ما اعرف عن قوانين الجهة اللي تشتغلين فيها ،، فلذا اعذريني اختي و ربي يوفقج ان شاءالله و اهم شي ما تشلين بخاطرج من رايي الشخصي و ما قلت الا لاني محايد و مريت بالمراحل اللي تكلمتي فيها لكن بشروط و قوانين جهة عملي ،،


ماقدر اسرد لك قوانين واقول لك كيت وكيت

لان يطبق علينا قانون الموارد البشريه

يعني مافي شي غير

بس بعطيك مثال واحد من الامثله الي انا عانيت منها

في دوره اجباريه للقانونين لازم ياخذونها من وزاره العدل

لحد الان ماخذتها انا اشرايك مع اني متخرجه صار لي 3 سنين من الجامعه

واشتغل من سنتين

ومن حقي اخذها بس دوامنا لازم تيب لهم القانون الي يبين لهم ان هالدوره اجباريه وجبته لهم بس اجلت الموضوع لين اطلع من عندهم

^ـ^

[باحثة]

أختي بالإضافة الى محاولتك تغيير شغلك

لدي نصيحة من تجربة سابقة لا تكونين سلبية

لانها تأثر عليك سلباً وعلى من يحبك حولك

بالإضافة إذا حصلتي شغل راح تنسين هذا الهم بالمرة

أوافق كلام الأخت الكريمة w.qatar في ما قالت


بالعكس انا مب سلبيه

لو كنت سلبيه جان طلعت من زمان من عندهم

لكن متحمله

بس ساعات ماتقدر تتحمل اكثر

والزم ما علي الواحد راحته علشان يقدر يعطي وينتج

[بشائر]

أسأل الله لك التوفيق والسداد ، وواضح من كلامك إنك إنسانة مجتهدة وحريصة على عملك وعلمك ..
وفي رأيي الشخصي التأقلم مع المكان وفريق العمل عنصرين أساسيين للإبداع والتميز ..

أتمنى أن تجدي الأفضل ..وعليك بالاستخارة .
وعلى فكرة الاستخارة ليست فقط بمعنى أيهما أفضل ولكن فيها أيضا ً طلب التيسير من الله وتحقيق مافيه خير لك .

[Rider]

هيئة الاشغال

[بوخالد911]

حاولي مراسلة وزارة العمل
http://www.molsa.gov.qa/Arabic/Pages/nmdd.aspx

والله الموفق

[دستور]

مساء الخير للأخت باحثة وللأعضاء الكرام

اتضح لي إنش تعانين من مشكلتين
الدورات وتغييير المسمى

الدورات مسأله جوازية لجهة الإدارة
ونتي اصبري وبتحصلينها إن شاء الله قريب

أما السمى الوظيفي فإذا أنتي تعملين في جهة خاضعة للقانون ( 8 ) لسنة 2009 بشأن الموارد البشرية فإنه وفقا" لقرار وزير الدولة لشؤون مجلس الوزراء رقم ( 17 ) لسنة 2010 يجب أن يكون المسمى الوظيفي باحث قانوني ثالث
أما عضوية اللجنة فالعضوية تخضع لقرار التشكيل ( رئيس , عضو , مقرر , سكرتير )
فإذا أنتي عضو فـ مش من إختصاصش سكرتارية اللجنة إلا إذا أنتي راضية بها

[Right]

الله يعيينج إن شاء الله



دوري لج على الحرف السحري " و "



وموضوعج خالص

[bu 3li]

اختي بكل اختصار عندج واسطه بتلقين اللي تبين
واذا ماعندج حتى لو لج حق مب طايلته وهالكلام عن تجربه
فحاولي تتأقلمين عالوضع لو قدرتي او قدمي بنفسج واطلبي التوفيق من الله

[faisalqatar]

خريجين القانون مطلوبين في كل شركة وكل وزارة وكل مكان ..
خاصة اذا مستواج الانجليزي جيد

قدمي ولا اتمين في مكان ما يقدرونج و بتحصلين بدالهم الف

نصيحتي ابدي بشركات الغاز والبترول و اللي اعرفه ان قطر فاونديشن عندهم وظايف قانونية مفتوحة الى الان

بالتوفيق

[باحثة]

جزاكم الله خير

وبشوف شيصير معاي
الله المستعان

[المحاميه]

الله يعينج
شكله محد مرتاح

[المحاميه]

ماقدر اسرد لك قوانين واقول لك كيت وكيت

لان يطبق علينا قانون الموارد البشريه

يعني مافي شي غير

بس بعطيك مثال واحد من الامثله الي انا عانيت منها

في دوره اجباريه للقانونين لازم ياخذونها من وزاره العدل

لحد الان ماخذتها انا اشرايك مع اني متخرجه صار لي 3 سنين من الجامعه

واشتغل من سنتين

ومن حقي اخذها بس دوامنا لازم تيب لهم القانون الي يبين لهم ان هالدوره اجباريه وجبته لهم بس اجلت الموضوع لين اطلع من عندهم

^ـ^

المفروض يعرفون عن الدوره من نفسهم ويطرشونج لانها اجباريه ..
شكلهم مايبون يطرشون !!

[فااارس قطر]

كان ودي ارسل لج على الخاص ايميل الجهة اللي طالبين فيها باحث قانوني قطري ولديه خبرة بس ماقدر ارسل لج على الخاص بسبب عدد مشاركاتي اقل من 50 ، عموما موفقة أن شاء الله ، تحياتي لج اختي باحثة

[باحثة]

المفروض يعرفون عن الدوره من نفسهم ويطرشونج لانها اجباريه ..
شكلهم مايبون يطرشون !!


اي اقول لج احنا عندنا كل شي بطلعه الروح

:weeping::weeping:

[نوآف]

قدمي آستقآلتج دآم مب عآجبج آلدوآم

محد بيركض ورآ حقج آنتي تركضين ورآه ,

دآم عندج " آلقآنون " رزيه عندهم بلآ تتآجيل :)