من متى المواطن القطري اجنبي ؟؟!!

[لاجئ عاطفي]

http://im31.gulfup.com/62GiA.png

اليوم لقيت هالاعلان في احد الصحف القطرية واللي لفت انتباهي اللي اشرت عليه بالمربع الاسود هل المواطن القطري اصبح اجنبي؟؟ ابي احد يفسر لي هالكلام ؟

[عزووز قطر]

خطأ مطبعي
ومثل هالأخطاء واردة
بس أهم شي لحد يغتر بعروض البنوك الربوية

[لاجئ عاطفي]

ماعتقد خطأ مطبعي لان الفقره مكررة للمقيمين الاجانب؟؟ يعني القطريين اجانب والوافدين اجانب ماظنه خطأ مطبعي

[qatara]

نحسن الضن والخطاء وارد
والله يبعدنا عن الربا

[عـ العبيدلي]

اتوقع انه كلمة اجانب بالغلط ..
لانها لا تركب مع مواطنين اجانب .. او حتى مع وافدين اجانب .. لانه مافي وافدين مواطنين

[أم نواري1]

صحيح كلام الأخ قبلي أقرب للصواب
خطأ مطبعي والبنوك الربوية بلاء فلنبتعد عنها

[مرحوم قطر]

واضحه انها خطئ مطبعي مايبيلها فلسفه

بعدين لاحظ شلون مواطنين اجانب

كنك تقول حر بس برد

[لاجئ عاطفي]

واضحه انها خطئ مطبعي مايبيلها فلسفه

بعدين لاحظ شلون مواطنين اجانب

كنك تقول حر بس برد

اعلانات البنوك تدقق قبل النشر مليون مره لان اي كلمة محسوبه عليهم فمافي اي خطأ مطبعي او املائي الكلام سليم والدليل تكرر كلمة اجانب مع المواطنين والوافدين اثنينهم ( اجانب ) وهذا هو القصد والمطلوب من ادارة البنك اتفسر لنا شلون المواطن القطري اجنبي؟؟؟

[miss.qa]

اعلانات البنوك تدقق قبل النشر مليون مره لان اي كلمة محسوبه عليهم فمافي اي خطأ مطبعي او املائي الكلام سليم والدليل تكرر كلمة اجانب مع المواطنين والوافدين اثنينهم ( اجانب ) وهذا هو القصد والمطلوب من ادارة البنك اتفسر لنا شلون المواطن القطري اجنبي؟؟؟

المفروض حتى الجريده قبل لاتنشر الاعلان تدقق لكن شنقول صباح الليل ياعرب :weeping:
الا البنوك الربوية الله يبعدنا عنهم

[بشائر]

بالتأكيد خطأ مطبعي .. حسنوا النوايا :)

[لاجئ عاطفي]

المفروض حتى الجريده قبل لاتنشر الاعلان تدقق لكن شنقول صباح الليل ياعرب :weeping:
الا البنوك الربوية الله يبعدنا عنهم

الجريدة دققت فعلا قبل النشر ومالقت اي خطأ مطبعي لان مافي خطأ مطبعي ولكن في خطأ فكري لادارة البنك الاجنبيه في الاساس وامتعرف اتميز بين مواطن واجنبي :)

[بشائر]

الجريدة دققت فعلا قبل النشر ومالقت اي خطأ مطبعي لان مافي خطأ مطبعي ولكن في خطأ فكري لادارة البنك الاجنبيه في الاساس وامتعرف اتميز بين مواطن واجنبي :)


طيب اخوي لنفترض جدلا ً أن العبارة كانت صحيحة ... ثم ماذا ؟

[ام السعف]

نحسن الضن والخطاء وارد
والله يبعدنا عن الربا

نعم نحسن الظن واعتقد انه خطأ مطبعي مثل ما انا متأكدة ان الضن في مشاركة
كتارا خطأ مطبعي :shy:

[لاجئ عاطفي]

بعض لالاخون اهني يحتاجون لتدريس اللغة العربية من جديد لان للحين الاخوان مايعرفون شنو خطأ مطبعي ..

الخطأ المطبعي على سبيل المثال اذا طبعنا كلمة حياة / حيات هنا يصبح الخطأ مطبعي او املائي اما قطريين اجانب فوين الخطأ الاملائي فيها؟؟

[لاجئ عاطفي]

طيب اخوي لنفترض جدلا ً أن العبارة كانت صحيحة ... ثم ماذا ؟

ايوه ماذا؟؟

اذا ان ادارة البنك الموقرة وهو بنك بريطاني طبعا ويعمل في قطر مسؤوليه لا ييعرفون التركيبة السكانية لهذا البلد لذلك اختلط عليهم الامر واصبح المواطن في نظرهم اجنبي :) مادري اوصلت الفكره والا لا؟؟

[ام السعف]

ايوه ماذا؟؟

اذا ان ادارة البنك الموقرة وهو بنك بريطاني طبعا ويعمل في قطر مسؤوليه لا ييعرفون التركيبة السكانية لهذا البلد لذلك اختلط عليهم الامر واصبح المواطن في نظرهم اجنبي :) مادري اوصلت الفكره والا لا؟؟

زين يا اخوي ،،

كلم الجريدة علشان يكلمون البنك ويصححون الخطأ اللي اشوفه مطبعي مب إملائي
ولا نحوي ولا لغوي ( هذي وجهة نظري )

وان طلعوا متعمدين يساوون القطري بالاجنبي ويقولون عنه الاجنبي القطري

مستعدة اوقف معاك في مظاهرة سلمية جدام مطعم الزرقا
على الأقل نضمن لنا وجبة أكل لو يعنا ،،

[لاجئ عاطفي]

زين يا اخوي ،،

كلم الجريدة علشان يكلمون البنك ويصححون الخطأ اللي اشوفه مطبعي مب إملائي
ولا نحوي ولا لغوي ( هذي وجهة نظري )

وان طلعوا متعمدين يساوون القطري بالاجنبي ويقولون عنه الاجنبي القطري

مستعدة اوقف معاك في مظاهرة سلمية جدام مطعم الزرقا
على الأقل نضمن لنا وجبة أكل لو يعنا ،،

طيب يلا اكتبي لنا الجمله او الكلمه اللي فيها خطأ مطبعي على قولتج؟؟

[بشائر]

ايوه ماذا؟؟

اذا ان ادارة البنك الموقرة وهو بنك بريطاني طبعا ويعمل في قطر مسؤوليه لا ييعرفون التركيبة السكانية لهذا البلد لذلك اختلط عليهم الامر واصبح المواطن في نظرهم اجنبي :) مادري اوصلت الفكره والا لا؟؟

وصلت :)

[ام السعف]

طيب يلا اكتبي لنا الجمله او الكلمه اللي فيها خطأ مطبعي على قولتج؟؟

اعتقد انها المفروض تنكتب للمواطنيين القطريين والأجانب

لأن الاعلان بشكله الحالي ناقصه حرف العطف واو

فمن جذيه اعتقد انه خطأ مطبعي ،،

وان ما كان خطأ مطبعي ،، هذاني قلت لك كلم الجريدة واستفسر عن
الإعلان او كلم البنك نفسه واطلب خدمة العملاء خلهم يوصلونك
العلاقات العامة واقول لهم ليش الاعلان ياي بالططريقة هذي !!

[لاجئ عاطفي]

اعتقد انها المفروض تنكتب للمواطنيين القطريين والأجانب

لأن الاعلان بشكله الحالي ناقصه حرف العطف واو

فمن جذيه اعتقد انه خطأ مطبعي ،،

وان ما كان خطأ مطبعي ،، هذاني قلت لك كلم الجريدة واستفسر عن
الإعلان او كلم البنك نفسه واطلب خدمة العملاء خلهم يوصلونك
العلاقات العامة واقول لهم ليش الاعلان ياي بالططريقة هذي !!

سلامتج اقري الاعلان عدل هو حدد الاثنين المواطنين الاجانب والوافدين الاجانب والفقرتين تفصلهم واو العطف على قولتج :)

[ام السعف]

سلامتج اقري الاعلان عدل هو حدد الاثنين المواطنين الاجانب والوافدين الاجانب والفقرتين تفصلهم واو العطف على قولتج :)
راجعت اللي تقوله وطلع كلامك صح في التوضيح لكني اقول لك

روق بالك

ارجع و أأكد اني ما زلت اعتقد انه خطأ مطبعي
او كان مقصود فهو خطأ في كل الأحوال ،،

شنهو المطلوب الحين ؟

تصحيح الخطأ ...> صح ؟


يالله شد الهمة واتصل في الجريدة او البنك وصحح الخطأ
وربنا يجزيك خير الجزاء ،،

[q6ri_vip]

سلامتج اقري الاعلان عدل هو حدد الاثنين المواطنين الاجانب والوافدين الاجانب والفقرتين تفصلهم واو العطف على قولتج :)

أشدعوه اخوي لاجىء ركز بالأعلان عدل كاتبين المواطنيين الأجانب القطريين مب المواطنيين الاجانب فقط

والفقرة اللي تحتها كاتبين المواطنيين القطريين والوافدين الأجانب وهذي صحيحه

الكلمه الزايدة فقط الأجانب بين كلمتين المواطنيين القطريين وهذا شي بديهي أنه خطاء مطبعي وانحطت هالكلمه الاجانب بينهم

وكان الله غفورا رحيم

[لاجئ عاطفي]

عيزت اقنع ناس مهب راضية تقتنع خلاص ولا يهمكم خطأ مطبعي واملائي بعد :)

[لاجئ عاطفي]

أشدعوه اخوي لاجىء ركز بالأعلان عدل كاتبين المواطنيين الأجانب القطريين مب المواطنيين الاجانب فقط

والفقرة اللي تحتها كاتبين المواطنيين القطريين والوافدين الأجانب وهذي صحيحه

الكلمه الزايدة فقط الأجانب بين كلمتين المواطنيين القطريين وهذا شي بديهي أنه خطاء مطبعي وانحطت هالكلمه الاجانب بينهم

وكان الله غفورا رحيم

ياخوي معروف ان الوافد اجنبي والا عمرك سمعت بوافد مواطن؟؟؟ هههه الله يهديكم بس

[ام السعف]

عيزت اقنع ناس مهب راضية تقتنع خلاص ولا يهمكم خطأ مطبعي واملائي بعد :)

خلاص مب خطأ

الحين كلمت الجريدة او البنك علشان ما يغلطون مرة ثانية بالطريقة هذي ؟ :)

[q6ri_vip]

ياخوي معروف ان الوافد اجنبي والا عمرك سمعت بوافد مواطن؟؟؟ هههه الله يهديكم بس

انا رديت ع المضلل بالأسود أما بخصوص الوافد أنا معاك بهالشي واللي كاتبه دعله

[لاجئ عاطفي]

انا رديت ع المضلل بالأسود أما بخصوص الوافد أنا معاك بهالشي واللي كاتبه دعله

اما دعله في ذي صدقت هههههه

[دااانة قطر]

ماطلعت لصوره؟؟

[نوفة قطر]

واضح انه خطأ مطبعي لان النقطه اللي بعدها مكتوب المواطنين القطريين والوافدين من الاجانب

ليش عندكم احساس انكم مضطهدين ؟؟ الحمدلله ترى مب ناقصنا شيء صح عندنا ملاحظات بس هاي مايعني ان كل شيء حولنا ضدنا !

[بونووف]

هذي مؤامره اسرائيليه ماسونيه بريطانيه بنكيه

[لاجئ عاطفي]

هذي مؤامره اسرائيليه ماسونيه بريطانيه بنكيه

:secret: :eek5:

[نوفة قطر]

هذي مؤامره اسرائيليه ماسونيه بريطانيه بنكيه

هههههههه الاكيد انك تتغشمر

بس صج هاي تفكير اغلب القطريين

عبالهم كل الدنيا ضدهم وان الاجانب يبون يطردونهم من البلد

:rolleyes2:

[عاشق العديد]

اصلن متى كان المواطن قطري .. كلنا اجانب يارجال جرايدنا من صصصجك .. تقراها لحد الحين ..

صارلي سنه او اكثر مافتحت جريده .. وفال امهـا بلا اخبار بلا هـم ..

[النهار]

ههههههههههههههه
الي ترجم من اللغه الانجليزيه الي العربيه اكيد بابو ولاكمار
حطه في قوقل ونسخه :nice:

[النهار]

هذي مؤامره اسرائيليه ماسونيه بريطانيه بنكيه

:eek5: هو عكاشه باشا بيقرب لك حاجه ياحج :nice:

[عزووز قطر]

نطالب بمقاطعة البنك والصحيفة

[بوخالد911]

هلا

خطأ مطبعي

فنش الطباع يا حسين
:)

[دااانة قطر]

واضح انه خطأ مطبعي لان النقطه اللي بعدها مكتوب المواطنين القطريين والوافدين من الاجانب

ليش عندكم احساس انكم مضطهدين ؟؟ الحمدلله ترى مب ناقصنا شيء صح عندنا ملاحظات بس هاي مايعني ان كل شيء حولنا ضدنا !



بجاوب على السؤاال نفسه
لأن الأجنبي شاايف نفسه عالموااطن
ويحسس الموااطن بأنه الأفضل وله الحق قبل الموااطن

[بـوحـمـد]

عيزت اقنع ناس مهب راضية تقتنع خلاص ولا يهمكم خطأ مطبعي واملائي بعد :)

الله يعينك والله
الناس كلهم خطا وانت الصح

[faisalqatar]

هههههههه اسف اخوي بس و الحين تأكدت ان في ناس بس خاطرهم ينزلون اي شي و يكتبون موضوع وخلاص

يمكن مؤامرة انجليزية و يبون يحتلونا نفس قبل :(

[الزعفراني]

بعض لالاخون اهني يحتاجون لتدريس اللغة العربية من جديد لان للحين الاخوان مايعرفون شنو خطأ مطبعي ..

الخطأ المطبعي على سبيل المثال اذا طبعنا كلمة حياة / حيات هنا يصبح الخطأ مطبعي او املائي اما قطريين اجانب فوين الخطأ الاملائي فيها؟؟

اللي أعرفه ان الخطأ المطبعي تزيد حرف مثل :

الحيياة

أو تنقص حرف مثل :

محمو ( والقصد اسم محمود )

أو
تحط نقطة فوق الصاد وفي الاصل هو صاد ..

( يعتبر الضقر من الطيور ... إلخ )

أما الخطأ الإملائي هو أن تكتب كلمة يظن بهذه الطريقة ( يضن )

مادري احس اني تفلسفت ههههههه

يمقن صح يمقن غلط بس هذا اللي فهمته

[h9466]

ايش هالموضوع ياخوي اللي شغلتنا فيه،،،،
واضح انه خطأ مطبعي بدون شك او جدال

[السكين]

خطأ مطبعي واضح طالما ماله تفسير منطقي !!

وفيه أخطاء اشوفها فادحة بالجرائد أكثر من هالخطأ .

[نوفة قطر]

بجاوب على السؤاال نفسه
لأن الأجنبي شاايف نفسه عالموااطن
ويحسس الموااطن بأنه الأفضل وله الحق قبل الموااطن

اهني يجي دور المواطن .. خل يطور من نفسه ويثبت انه الافضل وبجدارته يقدر يطير الاجنبي من جدامه ويبقى هو فالمقدمه

عددنا قليل احنا كمواطنين واكثر من نص الشعب اذا انا مب غلطانه نشتغل بشهادات ثانويه فشي طبيعي يجيبون لنا ناس من برى ترأسنا وتكون فوقنا

لكن المهندس والدكتور وحملة البكالريوس او غيرها .. لهم اماكنهم بس خل يشدون حيلهم شوي وبيكونون هم المدراء

القطري يبي يوصل الدوام 10الساعه محد يكلمه < ماقول الكل
القطري يبي يطلع اجازه وقت مايحب ومحد يوقف فدربه < ماقول الكل

و وايد اشياء ثانيه

فـ احيانا يكون الحل هو الاستعانه بناس من برى يكونون تحت كفالة جهة العمل ومايتحركون الا بأمرهم

هاذي بلادنا واحنا لازم نطورها بس ياريت لو كل واحد فينا يشتغل ع نفسه شوي ويطور من قدراته عشان يمسك منصب

[ريم الشمال]

ايوه ماذا؟؟

اذا ان ادارة البنك الموقرة وهو بنك بريطاني طبعا ويعمل في قطر مسؤوليه لا ييعرفون التركيبة السكانية لهذا البلد لذلك اختلط عليهم الامر واصبح المواطن في نظرهم اجنبي :) مادري اوصلت الفكره والا لا؟؟


الخطأ الفكري إلي الكل لا يريد الاعتراف به


وصلت وجداً واضحه الحركة والتي تريد ترسيخ فكر هم في بلادهم لا يقومون به ولا يطبقونه
لأن الاصل البلاد للمواطن المنتمي له والذي جذوره فيه ولا يحق لإي من كان أن يقوم بفرض مساواه غير منطقية و غير مطبقة في بلاده ولا إي بلد في العالم ولكن يريد تطبيقها في بلادنا ويكمم افواه من يعارض هذه التسوية الغير سوية

[السامـي]

لاجىء،
راح نأخذ الأمور بحسن نية،لأن النقطة اللي عقب اللي أنت مأشر عليها تقول:
"فترات سداد تصل إلى 72 شهراً للمواطنين القطريين و48 شهراً للوافداين من الأجانب".
ذلك يجعلني أجزم بإنه خطأ غير مقصود.

[عـ العبيدلي]

نزلوا الاعلان مره ثانيه اليوم وعدلوا الخطأ ..

والله ولي التوفيق