ما هو مصير الباقي من الطعام في المطاعم ؟؟!!!!!!!!!!!!

[حمد 2002]

الموضوع يحمل العنوان التالي

(( ما هو مصير الباقي من الطعام في المطاعم ؟؟!! ))

الكثير من العوائل القطرية اصبحت اليوم تتناول وجباتها الغذائية
في الظهر او الليل او "الصباح حتى" في المطاعم المنتشرة في كل مكان :eek5:

والملفت للنظر كشعب استهلاكي بدرجة أولى
يتم طلب طبق لكل شخص يسبق الطبق هناك مقبلات
او استارتز تطلب للتسلية لحين وصول الأطباق الرئيسية،، :shy:

فمع وصول الاطباق الرئيسة تكون البطون امتلأ الجزء الأكبر منها
حينها
قد تبي الاطباق الرئيسة كما هي او يأخذ منها بعض الشيء ،، :omen2:

انت ايها القارئ كيف تتعامل مع ما تبقى من الطعام :)
المتبقي من طبقك عند تناولك وجبتك في المطعم ؟ :):):)

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،

تحياتي للجمييييييييع ،،

[نوار قطر]

وااايد تصادفني هالحاله بس على طول اقول لهم حطو لي اياه تيك اوي واخذه معاي اعطي عمال النظافه الي ينظفون الطاولات في المجمع ... وعليه يكسرون الخاطر يشلون الاكل وينظفون الطاولات احسن ان يدخل في خاطرهم ومايقدرون يشترون ف استاجر فيهم واعطيهم الاكل والله انهم يفرحوون فيه ..

[تهامي باشا]

غالباً ما يبقى شي من الأكل لأني أطلب طبق واحد فقط وإذا ما شبعت أطلب زيادة
في بعض الأحيان يزيد شوية أكل وما أفتكر فيه، وفي أحيان نادره تزيد كمية كبيره آخذهه معاي للبيت

[حسن]

صباح الخير يابو شهاب

موضوع جميل مثلك يالحبيب

شوف استفدتت من السفره شي جديد وانا مار في المارين بلازا الا القى اثنين من الربع في الكوفي شوب كان ينادوني ويعزموني ويايهم على القهوه جات السوالف ولا واحد منهم راهي من الزين وجوازه خضر وموتره بنتلي وهو يسولف
يقول انا لما اروح المطاعم ومعلم عيالي اذا طلبنا سندويشات نخلي راعي المطعم يقصها نصين لانهاا يمكن تاكل نص وتخلي نص حتى اذا طلبنا مثلا همبرقر دجاج ولحم ويقول انا خاطري اكل من ذي شوي وذي شوي
يقول بعد الزياده ناخذها ويانا يااما للخدامات ولا ساعات نلقى في الطريق فقير ونعطيه اياها ويقول انا على طول هذه طرقيتي ومعلم عيالي عليها يقول الاكل حرام نقطه

الصراحه والله يابوشهاب رقم انه من المليارديريه بس فعلا حرام نخلى الزود وفعلا انعجبت من اسلوبه مهب عيب واكيد البعض بينظر وخيه هذه مايستحي ولا بخيل حتى الالكل بياخذه معاه ومن هل الكلام الحش والعقار لان وهو يقول القصه الصراحه انا كشيت في البدايه لاكن لما وصلنا الى النهايه تغيرت نظرتي كامل
ومن الان باسوي نفس طريقته وباعلم عيالى مهب في السفر فوائد اكتساب علم ومعرفه

اقولك يابوشهاب وايد تغيرت وايد

والله حدنا تماني الاول ولا الحسا

يبيلك

[كازانوفا]

اكيد باخذه معاي لاني شوفة عيني يحطو الصحون فوق بعض وبسطل الزباله اكرمكم الله
فليه ما اخده واعطيه حد

اتذكر اني سمعت قصه واحد من الصالحين وعنده ما شالله الخيرررر الكثير لما سالوه من وين لك كل هالخير
قلهم علمت نفسي وعيالي ان حتى الخبز اللى يطيح منا اللى كسرات الخبز ما نرميها نلمها وناكلها فكثر المال عندي واولادي تعلمو هالشي فتعلمت انا هالشي منه وعلمته لعيالي ولله الحمد فرقت معاي

[بوخالد911]

المتبقي

للخدامة

او

اللي مكتوب له نصيب عمال / العمال بمحطات البترول / ناطور مبنى تحت التشييد

[عاشق العديد]

انا عن نفسي الفتره الي راحت اخذ الي على قدي ولو رحت مطاعم ماحب معني نادر ماروح مطاعم رسميه كللله فاست فود .. وحتى الفاست فود لو زاد اعطيه لحـد قدامي بطريققق

[ام السعف]

قبل كان عيب وانه بيخرب برسيتجي المصطنع اني ما يهمني الأكل ومب لازم اخذه معاي

وكنت استحي اطلبه وانحرج من اللي يخدموننا في المطاعم ،،

وكنت ما بين نارين نار ترك المتبقي من الأكل والفلوس اللي اندفعت فيه
ونار الخجل ونظرة اللي يشتغلون ،،

لكن من يوم ما رجع ولدي الثاني من كورس جامعي في الصيف في امريكا
وقال ان هناك لو طلبنا ستيك وبقى منه الربع الجارسون يسألنا اغلفه لكم ؟
يقول لنا كنا نقول لا يندهشون مننا ،،

فتعلمنا اللحين ما نخلي شي كلش ولو الود ودي اخذ الصحون بعد
بس مب لنا :shy:

[أم نواري1]

إذا كمية محترمة عادي آخذه البيت
وغالبا أحاول أطلب طبق لكل شخص ونشارك الأكل
حرام يزيد وينقط وغيرنا يتمنى فتات خبز يابس

[محمد 93]

قبل كان عيب وانه بيخرب برسيتجي المصطنع اني ما يهمني الأكل ومب لازم اخذه معاي

وكنت استحي اطلبه وانحرج من اللي يخدموننا في المطاعم ،،

وكنت ما بين نارين نار ترك المتبقي من الأكل والفلوس اللي اندفعت فيه
ونار الخجل ونظرة اللي يشتغلون ،،

لكن من يوم ما رجع ولدي الثاني من كورس جامعي في الصيف في امريكا
وقال ان هناك لو طلبنا ستيك وبقى منه الربع الجارسون يسألنا اغلفه لكم ؟
يقول لنا كنا نقول لا يندهشون مننا ،،

فتعلمنا اللحين ما نخلي شي كلش ولو الود ودي اخذ الصحون بعد
بس مب لنا :shy:






حلووو عيل يبيلي كورس جامعي في امريكا علشان اتعلم منهم هناك ولما ارجع ديرتي اطبق ما تعلمته من الشعب الامريكي :omen2:

[ام السعف]

حلووو عيل يبيلي كورس جامعي في امريكا علشان اتعلم منهم هناك ولما ارجع ديرتي اطبق ما تعلمته من الشعب الامريكي :omen2:

مب شرط تتعلم من الأمريكان،،

ممكن نتعلم من بعض ،، احنا شعوب استهلاكية فاهمة الرفاهية في الصرف دون تعقل
فلو مثلا صديقك القطري تطلع معاه وتشوفه يحرص انه ياخذ باقي الأكل
اكيد هالشي بيأثر عليك ،،


لكن المشكلة في مجتمعنا اللي نحاول نسايره بكل مافيه من عيوب حتى لو كان
على حساب جيوبنا وشكلنا جدام الناس ،،

ومثل ما قالت ام نورة ،، قبل كان كل واحد منا له طبق
اليوم لو طلعنا نحاول نتشارك في طبق واحد كل اثنين او واحد فينا ما يطلب
وياخذ من كل طبق حصته وما يبقى شي في الأطباق ،،

فهمت علي ؟

يعني انت مب محتاج تسافر لو صرت صديق العائلة
ممكن تتعلم منا :shy:

[محمد 93]

للرفع :omen2:

[دااانة قطر]

عن نفسي الأكل الزاايد اخذه معااي للبيت خااصة اذا صواالين وغيره
والشغااله ناخذ لها اذا ماكانت معاانا

[وطن]

نطلبه تيك اواي
ونعطيه لأي عامل داخل المجمع لو في مجمع

او اي عامل خارج المجمع لو كنا في مطعم خارجي

المهم ما ينقط !!

حرام نعمة الله
وناخذ فيهم اجر


وهالنظام مو بس البلاد نتبعه

حتى واحنا مسافرين

[محمد 93]

انا اخذ الاكل معاي :)