ابي مشورتكم بخصوص الفرش في الصين

[بنت سعادة السفير]

السلام عليكم ورحمة الله وبركاته

صبحكم الله بالخير، ابسالك عندي صديقه تعز علي وعندها ميزانه اثاث الفيلا في حدود 200 - 230. الف ريال قطري لاثاث جميع الفيلا من اسره و اطقم جلوس وطاولات طعام وستاير و.......الخ .

وخذت راي قلت لها روحي الصين من كثر مااسمع الكل يمدح اثاث الصين وانتوا شرايكم وربي يهنيكم ويسعدكم ويتمم عليكم على خير .

وربي يجزيكم الخير كله

[V.I.P_QATAR]

انا انشاءالله رايح بشهر 12 وعندي كذا شخص من ربعي راحو والحمدالله يمدحونها والله يوفقنا

[خزامئ]

واجد يمدحون الصين انا شفت ناس مثثين من هناك
وفرق السعر واجد
هنا اذا بتثث بيت كامل من هنا مش اقل من نص مليون اذا تبي جوده وزين
وفي النهايه كله من الصين فحسن لها تروح والله يوفقها
انا ناويه اذا الله يسر اثاثي من الصين

[الدوحة 2010]

خلها تروح السوق الصيني اللي في دبي تشوف الاسعار والجودة وفي توصيل لين الدوحة

[ولد المنصور]

انا اختلف عن الاخوان ,, لان الصيني درجات والدرجات الاولى غاليه طبعا ارخص من الدوحه بس السفره يبيلها مزانيه بعد ,, عموما محلات الدوحه جيده وفيها اثاث حلو ومعقول ,,,
اكيا عندها اثاث حلو ومعقول سعره ,,,, وطريق سلوى فيه كم محل واسعارهم معقوله يعني الطقم مايتعدى 10الاف ...

[ll vip ll]

من رايي مايسوى عليج لان تكاليف التذاكر والسكن والشحن ومشاوير التاكسي والمترجم والبعض يبي عموله احسبيها شوفي المبلغ مب مبسيط
وماتفرق وايد الاسعار اللي عندنا وبعض الدول المجاورة ،،


هذه مواضيع حصلتها من النت يمكن تفيدج من تجارب بعض الاشخاص :)

1
تجربتي رحلة جوانزو لشراء تشطيبات المنزل.. موضوع ملغم بالصور ،، اضغط هنا (http://avb.s-oman.net/showthread.php?t=1594789)

2
رحلتى الى الصين لشراء الاتات للافاده ،، اضغط هنا (http://forum.sedty.com/t636000.html)

3
مرحلة شراء أغراض البيت ،، اضغط هنا (http://www.s-oman.net/avb/showthread.php?t=731423)

4
بالصور لكل من اراد التشطيب من الصين ،، اضغط هنا (http://www.hawamer.com/vb/showthread.php?t=1042193)


بالتوفيق

[E.h]

أختي انا افضل تاخذ من دبي ولا السعوديه افضل لها
انا أثاث بيتي اغلبه من الصين اول ما وصل اشيا ناقصه والكراسي والله كذا طقم كلهم جهه يسار مافي ثنين يركبون ع بعض وغير الأثاث اللي ماصار له كم شهر وتكسر وغير البيبان حاشهم ماي تشققو والدرايش ادخل غبار وغيرناهم سيده ،الأثاث اللي تختارينه لازم توقفين فوق روسهم للشحن وايد نصابين وما تقدرين تردين الاثاث ،ووحده من هلي بعد راحت الصين واثثو ونفس الشي اشيا ناقصه واشيا وصلت مكسوره وفيها عيب

أما لما تروح تاخذ شوي شوي من دبي والسعوديه اثاثهم حلو وراقي وارخص منا

[معماري قطري]

أختي انا افضل تاخذ من دبي ولا السعوديه افضل لها
انا أثاث بيتي اغلبه من الصين اول ما وصل اشيا ناقصه والكراسي والله كذا طقم كلهم جهه يسار مافي ثنين يركبون ع بعض وغير الأثاث اللي ماصار له كم شهر وتكسر وغير البيبان حاشهم ماي تشققو والدرايش ادخل غبار وغيرناهم سيده ،الأثاث اللي تختارينه لازم توقفين فوق روسهم للشحن وايد نصابين وما تقدرين تردين الاثاث ،ووحده من هلي بعد راحت الصين واثثو ونفس الشي اشيا ناقصه واشيا وصلت مكسوره وفيها عيب

أما لما تروح تاخذ شوي شوي من دبي والسعوديه اثاثهم حلو وراقي وارخص منا

معاك في اللي قلته

أعرف كثيرين تورطوا .. منهم اللي شحن أثاث مكلف عن طريق البحر لبيت كبير .. قصر الله يهنيه .. وتسرب ماي من البحر واخترب أثاثه وبعد تدخل السفارة عوضوه قليل.

لي صديق اشترى نوافذ يو بي في سي وطلعت المقاسات غير والنوعية أي كلام واحتد يدفع مرتين قبل ليركبها.

من رايي تأثث الغرف الضرورية والصالات والمجلس .. غرف النوم حلو تاخذ لها من كنغ كويل وممكن تنجد ظهر السرير مثل الستاير لو حبت وتسوي سكرتنغ أو تنجيد للجزء التحتي من نفس النوع .. وقطع كوميدينو تاخذ جاهزة .. الخزاين ما فيه أحلى وأوسع من اللي تتفصل للحايط مثل الخزاين الاوربيه والامريكية واللي عند المتحدة.

الكراسي الله يعينها أغلب الموجود غش وصيني.

[بنت سعادة السفير]

الله يجزيكم خير

[Bozizoo]

انا قررت اروح الصين قريب باخذ ام زيزوو معاي وبشتري الاثاث كاامل من هناك
بس ادور ارض و اشتريها و ابنيها
و الي شجعني على الذهاب الى الصين تجارب الشباب
ومثل ما احنا كلنا نعرف ان 85% البضائع الي في السوق صينيه