توظيف

[بوجسمه]

السلام عليكم بغيت حد يفيدني ولدي مخلص الثانوي هاي السنه وبنسبة 86% بغيت اقدم له على وظيفه وين اقدم له او احد سمع عن وظائف شاغلة

[بن غيث]

اوﻻ .. ﻻزم يكمل دراسته الجامعية ..
بالنسبة للتوظيف ..
العسكرية .. ممتازة ويسمحون له تكملة دراسته
القطاعين الحكومي والخاص .. ويقدم عن طريق وزارة العمل ببرج برزان

[بوجسمه]

العسكرية في وين اقدم له وجزاك الله خير وماقصرت

[why me]

نصيحتي لك من اعماق اعماق قلبي انك تقدم على جامعة قطر او اي جامعة من المدينة التعليمية
او حتى تسافر وتلتحق بالبعثه وتكمل دراستك الجامعيه وبعدها تتوظف براحتك!

انت توك صغير وهالفرصه ماتتعوض اذا اندمجت فالشغل بيكون صعب جداً عليك انك تتركه وتدرس
وهذي تجارب الاف مؤلفة من الشباب قالوا بنكمل بعدين وماعاد قدرو

[العملة النادرة]

الجامعه والدراسة افضل

[بوجسمه]

جزاكم الله الف خير على الرد

[أسد الجزيرة]

خله يروح بعثة معدله يأهله يروح بعثة كلها اربع سنين و يرجع مع الشهادة و لا انه يقعد جينير طول عمره و عقب يتحسف

[بوجسمه]

والله ياخوي كلمته بس الولد يبي الشغل وحاب العسكريه ويبي ترشيح

[H H]

كلم كم واحد من اقرباه من الي ماكملو جامعه اخواله او اعمامه او اي احد وكلمهم وخله يروح يقعد معهم وينصحونه
صدقني بيقتنع وبيغير افكاره , سماع النصايح من صاحب التجربه نفسه يغير قناعة الشخص تماماً حتى لو كان عنيد


صدقني حتى لو ضغطت عليه او اجبرته عشان يكمل دراسه اول مايتخرج ويشتغل بيشكرك وبيحمد ربه
الان الولد تفكيره بوظيفه ومبلغ حلو كل نهاية شهر وسياره اخر موديل وجوال كشخه ووناسه مايفكر ببعدين !!
حتى لو بينلك العكس

[بوجسمه]

ان شاءلله وتسلم اخوي على الكلااام الطيب

[NBA_]

الحين هذا وقت وقت الدراسة ف انا اشوف خله يكمل الدراسة ويشد على نفسه اربع او 5 سنوات وان شاء الله بيبيض وجيهكم

وبالتوفيق للجميع ..

[رهج السنابك]

نسبته حلوه قدم له على الجيش بعثه خارجيه

راتب يمشي له طول دراسته ٢٢ الف ريال

ويرجع بشهاده قويه

لا تطيعه بالشغل حرام بيقعد طول عمره متحسف انه لا يترقى ولا له مستقبل


طيعني يبه