طلبة الابتدائي يصلوا المنزل في الساعة 12

[بوحارب]

السلام عليكم


رسالة الى المجلس الأعلى للتعليم وعلى رأسهم وزير التعليم

قبل ساعة من الآن شفت طالبات المرحلة الابتدائية في منطقة الاحساء واصلين بيوتهم من المدرسة

ويمكن فيه طلبة وصلوا قبل الوقت اللي انا كنت موجود فيه

هنيئاً لهم الصراحة على الأقل يوصلون وعندهم وقت يقيلون فيه ويذاكرون دروسهم


فيه مجال يصير عندنا نفسهم ولا لازم الطالب ينحك في المدرسة لين قريب العصر !!

[بوجاااااسم]

ومن طلب العلا سهر القوايل يابوحارب

[حمد 2002]

يمكن اخوي بوحارب المدارس عندهم توها فاتحه والحضور غير منتظم من اول اسبوع ، فهدوهم علشان ايروحون بيوتهم نظرا لعدم انتظام الممدرسه ،، هذا والله اعلم ،،،

تحياتي لك ،،

[بوحارب]

ومن طلب العلا سهر القوايل يابوحارب



رأفت بحال طلبتنا ياخي

والله تشوفه يدخل البيت تعبان نفسياً

المشكلة آخر السنه راسب :(

[بوحارب]

يمكن اخوي بوحارب المدارس عندهم توها فاتحه والحضور غير منتظم من اول اسبوع ، فهدوهم علشان ايروحون بيوتهم نظرا لعدم انتظام الممدرسه ،، هذا والله اعلم ،،،

تحياتي لك ،،

ماظن

ماعندنا حد من الأعضاء من هل الحسا يفيدنا ؟؟

[مرتبش]

اشوفهم في الحسا يطلعون من وهل .. الله اعلم

لكن صدقا عيالنا كرهوا المدرسة بسبب هالدوام الطويل الى قريب العصر ( اللي يرجعون في باصات).

[بوحارب]

الله يكون في عون الطلبة

الله يرحم أيام قبل الساعة 12 ونص قدها متغديين وراقدين

[Locale]

ان شاء الله يطبقونه عندنا
قبل الوقت فيه بركه اما الحين مافي وقت حق اي شي

[بوحارب]

ان شاء الله يطبقونه عندنا
قبل الوقت فيه بركه اما الحين مافي وقت حق اي شي

الله المستعان

[V.I.P_QATAR]

اختلف نظام التدريس والمنهج وصارت المخرجات فاشله اما قبل الحمدالله اتعينة فلته والدراسه ممتازة بس كان فيها نقص من في الانجليزي الحين النقص في جميع المواد ماعدا الانجليزي هههههههههههه يبيون يعدلونها عموها ههههههههههه طفل يداوم من الساعة 7 الى 2 مو حرام احنا الكبار نشعر بتعب واحنا ماغير نخلص شغل في المكتب فا مابالك بطفل يحشون مخه من الساعه 7 الى 2

[محاسب]

للأسف طغت تمــــــــــــــــدرس المدرسه
ع تمدرس البيت ؟؟؟؟؟ التعليم الصحيح هو الي يحافظ ويوازن بين علاقت الطالب
بالمدرسه وعلاقته وترابطه بأسرته
من وين طالعين لنا بكلمة تمدرس

[moonبنتnight]

اختلف نظام التدريس والمنهج وصارت المخرجات فاشله اما قبل الحمدالله اتعينة فلته والدراسه ممتازة بس كان فيها نقص من في الانجليزي الحين النقص في جميع المواد ماعدا الانجليزي هههههههههههه يبيون يعدلونها عموها ههههههههههه طفل يداوم من الساعة 7 الى 2 مو حرام احنا الكبار نشعر بتعب واحنا ماغير نخلص شغل في المكتب فا مابالك بطفل يحشون مخه من الساعه 7 الى 2

خوش محشي يطلع اخر السنة هههههههه

[حفيد الأنصار]

وليه عندكم متى يطلعوون ؟؟

الله اعرفه بالسعودية الابتدائي مايطولون عن 12 ونص تقريبا
والمتوسط بعدهم واخر شي الثانوية يمكن يخرجون 1 ونص

اما الجامعات كلن ومحاضرته .. يمقن الظهر ويمقن العصر ويمقن بالليل :rolleyes2:

[Dana’1]

بنتي من كم يوم تبكي على أبوها تبغى تروح مع خالتها للسعودية تقول بعيش عندهم لاسباب كثيرة من وجهة نظرها
ومن ضمنها العودة مبكرا للبيت... بالجبيل الصناعية يوصلون أبكر من غيرها لان الشوارع اخف زحمة
الساعة 11:45 تقريبا بنات أخوي يوصولون البيت
بس على فكرة هناك 6 -6:30 هم بالمدرسة وبادين الحصة


بصراحة أتعبوا الأطفال مو بقصة الروحة والردة بس ...أنتم شفتو وزن الشنطة زوجي إذا شال شنطة بنتة الصبح يقول يالطيف إيش هذا ايش الي فها؟!!
حرام عليهم اوزان مرهقة للطالب خصوصا بالصف الإبتدائي...مشينا عالجدول أخر شي قالوا لا جيبوا كل المواد كل يوم!!



شكرا عالموضوع ابوحارب

[بوخالد911]

يا ريت

بس اللي ما عنده دريول

هل شغله بيسمحون له يمشي من وهل؟!؟!؟!؟!؟

[ANONYMOUS]

يارجال وش وراهم

لاحقين على فن رن مهب طاير

[بحر شرق]

هذا غير الهوم ورك الواجبات اليومية متى يدرس الطالب متى يحل الواجب متى يلعب

[R 7 A L]

حتى الموظفين الحكوميين
بعد الصلاة يطلعون

[moonبنتnight]

حتى الموظفين الحكوميين
بعد الصلاة يطلعون

متأكد انهم بيطلعون 00
وزير مهدد موظفينه اذا تمت الزيادة بتطلعون 2 ولي يبي افرتايم يطلع ساعة 5 في نظره قطاع الحكومي بالزيادة صرنا شركة وهم رواتبهم ما تعدوا نصف راتب الشركات 00بالله عليك تتوقع يخليهم يطلعون يوصلون عيالهم 00

[عـ العبيدلي]

لااااااازم يكون في تفاوت في اوقات دوام المدارس الابتدائي 12ونص .. الاعدادي وحده .. والثانوي وحده ونص ..
عشان الزحمه بتشوفون العجب لمه تبدى المدارس قسم بالله .. كل واحد يجهز حبوب تهدأة اعصاب والي عنده موتر قير عادي يبيعه من احين عن الزحمه ..

امما التعب ونفسية الطلاب هاي حاال ثااااني .. ولد اخوي يدخل البيت 2ونص مع الباص والزحمه
ويطلع من البيت 5 ونص .. العساكر يداومون اقل ..

بس المشكله واحد يقولك عندي ولد فابتدائي وولد فاعدادي وولد فثنوي وما اقدر ..

انااااا وجهة نظري المتواضعه يخلون المدارس تبدى الساعه 9 :) .. وطبعا نفس المشكله الناس بيقولولك مانقدر نوصل عيالينا ..

من الاخر مستحييييييييييييييييل ترضي الكل ..

[بوحارب]

منورين الموضوع جميعاً

الوعد بكرة نشوف متى بيطلعون طلبة المستقبل :)

[طموحي عالي]

الحضور بالسعودية كاملة وماخص منطقة

الابتدائي يخلصون 12 ( عيال اهلنا بالرياض تقول الساعة وحده مغديتهم ونايمين)
الاعدادي والثانوي يخلصون الساعه 1

[طموحي عالي]

متأكد انهم بيطلعون 00
وزير مهدد موظفينه اذا تمت الزيادة بتطلعون 2 ولي يبي افرتايم يطلع ساعة 5 في نظره قطاع الحكومي بالزيادة صرنا شركة وهم رواتبهم ما تعدوا نصف راتب الشركات 00بالله عليك تتوقع يخليهم يطلعون يوصلون عيالهم 00

اي الله عليه هالوزير وصلتني سالفته :secret:

[عـ العبيدلي]

منورين الموضوع جميعاً

الوعد بكرة نشوف متى بيطلعون طلبة المستقبل :)

كل واحد يقولي كم الف ساعه بيوصل دوامه بكره ..

[طموحي عالي]

كل واحد يقولي كم الف ساعه بيوصل دوامه بكره ..

اليوم زحمه فالله يستر من بكره:weeping: بطلع 6 عشان اوصل 8
لو اداوم في بو سمره ابرك :(

[علي1]

يوالله حرررررررررررررررررررررررررررررررررام وكثرررررررررررررررررره الكلام الي ماحد يسمعه مصيييييييييييييييبه كبيره

[kitmat]

اختلف نظام التدريس والمنهج وصارت المخرجات فاشله اما قبل الحمدالله اتعينة فلته والدراسه ممتازة بس كان فيها نقص من في الانجليزي الحين النقص في جميع المواد ماعدا الانجليزي هههههههههههه يبيون يعدلونها عموها ههههههههههه طفل يداوم من الساعة 7 الى 2 مو حرام احنا الكبار نشعر بتعب واحنا ماغير نخلص شغل في المكتب فا مابالك بطفل يحشون مخه من الساعه 7 الى 2

والله صاجين المناهج اهيه نفسها ليش الدوام صار طويلً

[النهار]

منورين الموضوع جميعاً

الوعد بكرة نشوف متى بيطلعون طلبة المستقبل :)

حسب المسج الي جاني اليوم
من الساعه 7 صباحا وينتهي الساعه 10 صباحا

[البحار00]

ودي اعرف الوقت بعد الانتظام لطلاب الابتدائي

[بوحارب]

نفس المسج جاني اخوي النهار بس الوعد الأسبوع الجاي نشوف كيف الوضع

[الدمعه]

جايني مسج من مدرسة خديجة يطلعون 10 ( كانوا بناتي فيها بس للحين تجيني مسجاتهم )

وجاني من مدرسة الفلاح يطلعون 11ونص

مادري ليش الفرق في الوقت ساعه ونص. على شنو

لا وخديجه بيسوون حفل استقبال لطلبة الصف الاول كعادتهم كل سنه

والفلاح راقدين على اذنهم مادري متى بيتعدلون ،،، ويرفهون على الطالبات شوي ،،،

هذي بدايتهم الله يعين على تاليهم. ،، لو اقدر ارجع بناتي لمدرستهم

القديمه جان ماترددت لحظه ،،،

[alsoq]

بو حارب

لاتنسى يشفون حل للشنظ اللي توزن 4 و5 كيلو يحطونها على ظهورهم

اتمنى يحطون خزانه لكل طالب يطع الكتب فيه وياخذ ما يدرسه اليوم الثاني من باقي دول العالم التي التعليم فيها يساوي تعليم عندنا مليون مره

[النهار]

بو حارب

لاتنسى يشفون حل للشنظ اللي توزن 4 و5 كيلو يحطونها على ظهورهم

اتمنى يحطون خزانه لكل طالب يطع الكتب فيه وياخذ ما يدرسه اليوم الثاني من باقي دول العالم التي التعليم فيها يساوي تعليم عندنا مليون مره

لاياخوي بالغت كثير بالوزن
وزنت شنطت ولدي في الصف الثاني الشنطه فيها اكثر من 10 كيلو :(

[alsoq]

لاياخوي بالغت كثير بالوزن
وزنت شنطت ولدي في الصف الثاني الشنطه فيها اكثر من 10 كيلو :(

ويقلون ليش الولد ظهره يعوره

[بوحارب]

اليوم ثاني يوم دوام وللحين ما يعرفون متى وقت الانصراف !!!!

[بوحارب]

السادة أولياء الأمور الكرام,,
نحيط سيادتكم علماً بأن دوام الطالبات ابتداءً من يوم الأحد الموافق 15/9/2013 سيكون من الساعة السابعة صباحاً وحتى الواحدة والنصف ظهراً,,
شاكرين تعاونكم,,



هذا المسج وصلني اليوم من مدرسة بنتي

والله الوقت طويل وماله داعي يعني وش بيعلمون الطلبة

طول هذا الوقت

والمشكلة في المرحلة الابتدائية !!

[بوحارب]

مع العلم الباص ياخذ البنت 6,30

احتسبي الأجر يا وضوووح هههه

[القحطاني505]

كلامك صحيح

طلبة الابتدائي في السعودية يخلصون 12

قالي هالكلام زملاء سعوديين

[بوحارب]

وعندنا وحده ونص !!!!

[qatari_qtr]

وزارت التربيه والتعليم احسن من المجلس الاعلي

[qatari_qtr]

المدارس الحكومية احسن من المستقلة المدارس الحكومية كانت شادة علي الطلاب امه المدارس المستقلة المدرسين هم الي. يغششون الطلاب .

[بوحارب]

الله كريم اخوي قطري شنسوي بعد !!

[ام السعف]

اتمنى يلغون اجازات اليومين في الاسبوع
ويخلونه يوم واحد بس

ونرجع مثل قبل 12 الكل يخلص
ويردون البيت على سفرة وحدة وصينية عيش وحدة
وضرب ومضارب على قطعة الدياية واللي امه تحبه بيلحق على تمصص العظامة
والقلاص الواحد كل يشرب منه وانت قايم تشوت ذيه وتفرص ذاك
ويكمل عليك ابوك بالهوز ،، وتصيح واخوك يعيب عليك من وراه ،،

ويأذن العصر والكل ينام في سلام

:(

[رجل الجزيرة]

@Hassan_alsai 42m
لجميع الطلبه فقط ..

١/١٠/٢٠١٣

الدوام بالمواعيد الجديده

غدا سيعمم ع المدارس .. انتظروا

================

إذا قناة الريان عندهم خبر بإلي قاله الأستاذ: حسن الساعي فأكيد بذيعونه الليلة.

[بوخالد911]

@Hassan_alsai 42m
لجميع الطلبه فقط ..

١/١٠/٢٠١٣

الدوام بالمواعيد الجديده

غدا سيعمم ع المدارس .. انتظروا

كنت بنشره

ولكن سبقتني

والله الموفق
:nice:

[ولد شرق]

والمدارس الخاصه اللي تحت اشراف وزارة التربيه والتعليم او المجلس الاعلى
ليش دوام الأول ابتدائي لين 2؟

الله يوفق الوزير الجديد في مهامه لأن ماسمعنا عنه إلا كل خير...

[ام حمد ومحمد]

الوقت الحضور مناسب للطالب حتي يتاقلم على جو الدراسة بس المشكلة فى وقت الروحه تخيلو الباص يمر ع بنتي الساعة 5وربع اشدعوة وتري بينا وبين المدرسه خطوتين والعذر مافي غير باص واحد بس حق كل المناطق ... قلت دام قريب مانبي منهم باص ولاشي بخلي زوجي يوصلها
وتفائلو خير ان شاء الله يوم ترد وزارة التربية والتعليم بيصير التعليم افضل
تري وايد نشوف تغير فى البلد للاافضل والحمدلله
الله يحفظها يارب ويجعلها بلد الامن والامان

من وجة نظري اشوف الياهل مايحتاج يقيل العصر ,,, انا مسوية جدول ولاحمدلله مرتاحة وايد عليه يوم يجون من المدرسه يتسبحون يبدلون ويتغدون اتركهم يطالعون التليفزيون واستلمهم الساعة 4 دراسة لين الساعة 6 او 7 عقب يتعشون ويرقدون ع طول لان الياهل فى مرحل نمووو وجسمه محتاج وعقلة للتكوين وياخذ كفايته من النوم ويقعدون 5 وهم مرتاحين ،،،، الخميس والجمعة راحة والعاب ،،، السبت دراسة


وسلامتكم

[الغلا81]

أبشركم وصل التعميم وانصدمنا الدوام من الأحد الى الأربعاء ٧ حصص يطلعون الطلبه الساعة ١.٤٥ اما الخميس ٦ حصص ويطلعون ١ وربع ويوم الثلاثاء والأربعاء بكون حصة إثرائه

[ام حمد ومحمد]

بو حارب

لاتنسى يشفون حل للشنظ اللي توزن 4 و5 كيلو يحطونها على ظهورهم

اتمنى يحطون خزانه لكل طالب يطع الكتب فيه وياخذ ما يدرسه اليوم الثاني من باقي دول العالم التي التعليم فيها يساوي تعليم عندنا مليون مره

وليش تنحط ع الظهر شنطة بعجلات يسحبها وخلاص انا مرة قالو لى ممنوع ماسالت عنهم وين ولدي يشيل هالوزن يبون يصيده شي محد بينفعني تري

[بن موسى]

بحثت عن اسم بوحارب وطلع لي هذا الموضوع لم اقرى تفاصيله ولا الردود عليه

لان المهم عندي الاطمنان عليك وعلى صحتك يابو حارب

عساك بالف خير

[بوحارب]

الله يسلمك اخوي بن موسى

أبشرك طيب ولله الحمد واحستي الكرك في الهايدبارك.... حياك ^*^

[بن موسى]

الله يسلمك اخوي بن موسى

أبشرك طيب ولله الحمد واحستي الكرك في الهايدبارك.... حياك ^*^

عسى دوم يابوحارب الله يمتعك بالصحة والعافية عليك وعلى من تحب

فقدتك وحبيت الاطمئنان عليك

[الواثق باالله]

الله يكون بعون الأطفال...اولادي يطلعون 30’5 الصبح يرجعون 2 الضهر

صديقي بيتي ابعد من بيتي ع المدرسة يطلعون 5 الصبح يرجعون البيت 3 الضهر دايخين

الله المستعان