منع الرجال من الحصول على رخصة للسواقه بقطر تحت سن 21

[اللوز]

السلام عليكم ورحمه الله وبركاته*(( منع الرجال من الحصول على رخصه للسواقه بقطر تحت سن 21 )) نتمنى ماتعطي رخصه سواقه للرجال الا للي ضروفهم صعبه ؟ وماتعطي كل من هب ودب ليسن الا فوق 21 سنة ؟ هل تؤيد هذا القانون لأسباب اجتماعيه ؟ وهل هذا القرار يمكن ايحد من الزحمه بالشوارع ؟*يرجى التعليق وفقا لسياسه المنتدى وبدون الخروج عن اطار الموضوع وبدون التهجم على الرجال ولا النساء لكي مايغلق الموضوع ؟**تحياتي للجمييييع*

[حسن]

خلها 22 احسن

[شموخ دائم]

,

,


مرحبا


ما اتفق معاك

:)

كيف بيروح الجامعه !! او العمل !!

اذا خلص الثانويه وعمره 18 !!

ال 3 سنوات الباقيه

يروح مع السائق ؟؟

ما بيصير رجال ويعتمد عليه بهذي الطريقه لازم اهله يودونه ويجيبونه

مع الشكر لطرحك الموضوع

,

.


اخوك


شموخ

[النهار]

لا والف لا
الحين عيالنا يخلصون الثانويه وعمرهم 17 او18 سنه
في منهم يتوظف وفي منهم يدخل الجامعه
اكيد يبون مواصلات خاصه بهم

[بريق الحق]

اسمحلي مااتفق معاك احنا مانستخدم دريولية

[(بوطلال)]

لحل الخلاف اقترح ان يعطى الليسن لمن هو فوق 21سنه ويستثنى المحتاج سواء طالب جامعي او موظف وبدون وجود هذا العذر لايمنح الليسن.

[اللوز]

اسمحلي مااتفق معاك احنا مانستخدم دريولية

شكرا لمداخلتك
كيف مل تستخدم الدريوليه والعيال في المدارس؟

[اللوز]

خلها 22 احسن

اقتراح جميل
لان سن 21 يكون الانسان في السنة اﻷخيرة من النضج

[حمد 2002]

اخوي اللوز اذا انت عندك اولاد ولا اخوان ولا انت كنت وقت مراهقتك كنت غير ملتزم بنظم السير هالشيء راجع لك ، فلازم ما تعممه على الناس ، لان غلطك ما تقدر تعممه على الكل ،،

تحياتي لك ،،

[حسن]

اقتراح جميل
لان سن 21 يكون الانسان في السنة اﻷخيرة من النضج

النضج

:(
لوز ولا رطب

:funny:

[الإكسير]

أكيد لا.....أروح الشغل مع الدريول...فرضا شغال في دخان ولا راس لفان أخذ تكسي ولا باص كروه....اقتراحك غير مدروس

[مشاكل]

انا اعترض :court:
هذي النوعية من المواضيع ماركة مسجلة بإسم حمد2002 :anger1:

بخصوص الموضوع انا غير مؤيد لاقتراحك مع مطالبتي بتقليص السن القانوني للحصول على رخصة القيادة الى 16 سنة ،،، نبي عيالنا يشلون عنا شوي من مسؤوليات البيت اللي اقصمت ظهورنا :weeping:

[لاجل QT]

لا والف لا
الحين عيالنا يخلصون الثانويه وعمرهم 17 او18 سنه
في منهم يتوظف وفي منهم يدخل الجامعه
اكيد يبون مواصلات خاصه بهم

مع هذا الراي:)

ومع نصح ومتابعة ولى الامر لهذا السائق الصغير:)

[حسن]

انا اعترض :court:
هذي النوعية من المواضيع ماركة مسجلة بإسم حمد2002 :anger1:

بخصوص الموضوع انا غير مؤيد لاقتراحك مع مطالبتي بتقليص السن القانوني للحصول على رخصة القيادة الى 16 سنة ،،، نبي عيالنا يشلون عنا شوي من مسؤوليات البيت اللي اقصمت ظهورنا :weeping:

تصدق حتى انا فكرته حمد 2002 بس اكتشفت انه اللوز يمكن رد على موضوع سواقه الحريم

:(

[مشاكل]

تصدق حتى انا فكرته حمد 2002 بس اكتشفت انه اللوز يمكن رد على موضوع سواقه الحريم

:(

هههه حتى انا والله عبالي هو يوم قريت العنوان حتى الاسلوب

[حسن]

هههه حتى انا والله عبالي هو يوم قريت العنوان حتى الاسلوب

ههههههه
نفس الوزن والقافيه

ههههههههه

راحت عليك ياللوز

[سيمباسون]

الصراحه انا مع وبنفس الوقت ضد

مع هالاقتراح لاني اشوف الصراحه اغلب المتهورين من الفئة العمريه اقل من21 الا من رحم ربي

وانا شخصيا ماخذت الليسن الا وانا بعمر 21 سنه وبنفس المر تعلمت السواقه وماضرني هالشي اني كنت اروح الجامعه وكان يوصلني مرات اخوي ومرات سايق ومرات حدا عيال عمي ومرات الوالد

وضد هالشي لان فعلا اللي بيتوضف في اماكن بعيدة مثل لفان او بوسمره او اي مكان بعيد بيتبهدل مع سايق

ولاكن في اقتراح احلى وهو ان ليش مايعطون الليسن للموظف او طالب الجامعه فقط ( اما البطالي العاطل { الطرطنقي مع احترامي } فمايعطونه ليسن لين مايشوف حق نفسه مهنه تنفعه) وفي حال تم مخالفته مخالفه كبيره مثل سرعه كبيره او تجاوز او حادث خشن هو الغلطان فيه يتم سحب الرخصه منه وحرمانه منهاحتى سن26 يعني خمس سنين وبعدين ياخذها بعد الخضوع لاختبار السواقه حسب قانون المرور واللي ينصاد بدون ليسن يتم سجنه مدة لاتقل عن 6 شهر يحفظ فيها على الاقل 6 اجزاء من القران الكريم ويكون فيها هالبند شرط انه يطلع من السجن ( عشان يختفي جي الدلع والميوعه اللي صرنا نشوفه في بلادنا للاسف )
هذا من وجهة نظري وماشوفه عيب او منقود لما يروح الجامعه او الشغل مع سايق

وهذي وجهة نظري والله ولي التوفيق

[بوحارب]

اشدعوة منزل الموضوع نحاسه حق حمد هههههه

الحين بعض الشباب عمره 18 أو 19 ويشتغل

هذا شلون بيروح الدوام ههههه

[غير البشر]

طمني اخوي اللوز عزمت على لندن او عادك :omen2:

[بوخالد911]

مع وضد بنفس الوقت

[الفــهد]

ياااااااخوي العزييييييييز اللووووووز

اقتراااااااااااااااحك طيييييييييب بس في ششششششباب صغار 18 ولا 19 سنه عاقليييييييين ممممماشاء الله

مممممممممماتخاف علييييييه اذا خذ الليييييييييييييسن يييييييييعني في فئه اتضرر انا معااااااااك اي ششخص

تحت 20 سنه مممممممايحترم اداب الطريييييييييق تنسحب رخصته لمدة سنه نوع من العقاااااااااااااب

[مضارب دوسري]

طبعا ضد الفكره

[abo0o0od QtR]

18 يصرفون لهم بطاقات اشتراك باصات كروة يصرفون نفسهم :nice:

21 يعطونهم الليسن

شرايكم حل وسط :tease:

[الشاكوش]

لا المفروض الليسن 40 وما يعطون الا المحتاج والشباب يداومون مع الدريوليه :nice::nice::nice:

[الشاكوش]

النضج

:(
لوز ولا رطب

:funny:




هههههههههههههههههههههههههههههههههههههههههههههههه

[النواخذة]

شباب قطر ما يحتاجون رخصة قيادة هم يسوقون من عمر 14 سنة من غيرها هههه

[aziz4z]

مستحيل , يوم دشيت الجامعة عمري 18 , إيش دعوة أروح مع دريول , يوم سألني الضابط ليش تبي الليسن , قلت له أروح للجامعة
حتى و لو استثنيت , الواحد يخلص المدرسة , يا يشتغل يا يكمل الجامعة , في كلتا الحالتين الليسن ضروري
شكله مؤثر عليك الفكرة منع بعض الفئات من السواقة لتقليل الزحمة ههه

[وطن]

أؤيد

والسبب الاستهتار اللي نشوفه في الشوارع من المراهقين

[Qatar-supra]

ليش من قالك شباب قطر الي اعمارهم 18 مسوين زحمة في الشوارع ياشيخ حدهم المساكين كرك وفرارة في الفريج والي نشوفهم في الشوارع مسوين زحمة الاسيويين والحريم

اخوي الله يرضى عليك خلافاتك مع عضو ثاني او متناحس معاه لاتجي هنا وتحرق قلوب اعضاء المنتدى بااقتراحات مالها لزوم

واذا تقول دريول حبيبي الدريول هو الي يسوي الزحمة

[لاجل QT]

صاحب الموضوع قصدة الخوف على هالفئة من التهور والاندفاع اثناء القيادة

وليس المنع كليا او انة منحاز الى فئة اخرى

ياجماعة شبابنا خلصو من الحوادث

انا من راي ان قبل استلام الليسن يكون هناك شيخ دين يوعي الشباب الى عدم السرعة او الاستعرراض لانها تعتبر انتحار يكلمهم وينصحهم ويفقهم ان حياتهم وحياة الاخرين ليست لعبة

[qtr qtr]

ياناس حرام عليكم ظلمتوا الشبااب والله انهم مساكين الاكثريه وتعينهم فالمجالس مالهم مكان يروحونه انا راحوا المجمعات قلتوا عنهم يغازلون وان راحوا كاتارا يقلتوا عنهم خرفان وان سافروا دول الجوار قلتوا عنهم راحوا يخربطون .. وين تبون يروحون البحر سادين عليهم والملاعب مب متوفره والانديه لازم يدفع مبلغ وقدره يكسر اظهره .. وتبون يمنعون عنهم اليسن وهم لا متسببين الزحمه ولاشي ولا شفت منهم تهور يمكن 2 الى 3 % منهم واللي مسببين الزحمه الباصات والاسيوين وبعص الحريم

يعني لو بتحسب كم عدد الشباب اللي اعمارهم من 18 سنه الى 20 سنه مب اكثر من 30 الف تقريبا من مليون وثمانمئة الف معقوله هم اللي متسببين الزحمه والحوادث اذا احنا المواطنين ماقمنا نبين بين الاجانب تحس انك مسافر في شرق اسيا ويحن قلبك لا شفت قطري

[بصمة قطرية]

,

,


مرحبا


ما اتفق معاك

:)

كيف بيروح الجامعه !! او العمل !!

اذا خلص الثانويه وعمره 18 !!

ال 3 سنوات الباقيه

يروح مع السائق ؟؟

ما بيصير رجال ويعتمد عليه بهذي الطريقه لازم اهله يودونه ويجيبونه

مع الشكر لطرحك الموضوع

,

.


اخوك


شموخ

أتفق مع هالراي ..

ولدي إذا ساق إن شاء الله برتاح
لأن ما عدي دريول ..
و طبعاً ما بيسوق الا بعد الثانوية إن شاءالله .،
مع إني ما أتمنى لكن لا بد هالشي يصير ..
خلاص الولد لي كبر و كمل الثانوية وراه جامعة شغل ..!!
ما يصير يعتمد على غيره ..
الود ودهم من اليوم ياخذون الليسن

[معماري قطري]

والله ضحكني الموضوع .. اعرف ناس يسلمون عيالهم سيارات من أول اعدادي

[معماري قطري]

انا من رايي سن 16 مناسب بس بقوانين صارمة ومن يخالف بسرعة واستعراض يتعاقب عقاب رادع .. والمفروض الكيمرات تنتشر في كل شوارع وفرجان قطر .. كيمرات أمنية تضبط الوضع الأمني من سرعة وتحفيص وغيره.

[اللوز]

شكرا للجميع لملاحظاتهم مع اني اتحفظ على بعض ردود الاعضاء
القصد من هذا الموضوع
زحمة الشوارع
فالسايق سوف يوفر خمس سيارات
فمثلا لو 100 سيارة ستصبح عشرين سيارة
فهكذا وفرنا مساحة كافية للطريق
نفس حافلات كروة

[QtrGate]

اذا تغير القانون بسبب هالموضوع
بتكون قطعت ارزاق الشباب
3 سنين مايقدرون يدورن وظائف وﻻ يقدرون يروحون لاعمالهم
وبتكون سديت حاجة للشياب ، الي ييعتمدون على عيالهم لاحتياجات البيت
وبتكون خسرت اهلهم ، ﻻن ﻻزم يجيبون دريول يوصل
وبتكون دخلت رجل اجنبي للبيوت ، الي هو الدريول
ووووو

[عزووز قطر]

والله شباب قطر مهب بحاجة الليسن علشان يسوقون

والشي الثاني الشباب اللي يشتغلون في دوريات المرور واللخويا والفزعة أغلبهم اعمارهم بين ال18 و ال22

يعني لو منعوا اللياسن في هالعمر من بيسوق الدوريات وبيخفف الزحمة عند الدوارات !!!!!؟

[اللوز]

يعني لو منعوا اللياسن في هالعمر من بيسوق الدوريات وبيخفف الزحمة عند الدوارات !!!!!؟

موجودين طال عمرك
وما بتكون هناك زحمة

[ام السعف]

ضـــــــد
:shy:

[ام السعف]

والله شباب قطر مهب بحاجة الليسن علشان يسوقون

والشي الثاني الشباب اللي يشتغلون في دوريات المرور واللخويا والفزعة أغلبهم اعمارهم بين ال18 و ال22

يعني لو منعوا اللياسن في هالعمر من بيسوق الدوريات وبيخفف الزحمة عند الدوارات !!!!!؟

يركبون باص جماعي ويلفون فيهم لفات سريعة على الشوارع
وكل وشطارته يخالف ....> دوعابة لحد يدقق عليها :(

[ضحية البورصة]

ألزحمة مب من رخص السواقة ،،

[توشيبا]

أنا اخوي في ثالث إعدادي وعنده سياره ئروح للمدرسه فيها

السبب الباص مائجي للبيت

[Dmy Enabi]

انا ما أؤيد هالشي
الولد ولا البنت من عمر 18 يأخذون الليسن وهذا الصح
المشكلة في التربية مب في التشريع

[حسن]

انا اؤيد من سن هذولا الشباب الحلوين
علشان يساعدون اهاليهم

:)


http://im40.gulfup.com/Q3KIH.jpg (http://www.gulfup.com/?xzAHew)

[Miss]

حسن :eek5:

ما أويد كلش
يعطونهم سيايير ويهدونهم في الشوارع
يدعس جنه متعلم يسوق من سنين ولا فيه صبر يلفلف يمين ويسار ويتدعس بين السيايير
:(

[اللوز]

انا اؤيد من سن هذولا الشباب الحلوين
علشان يساعدون اهاليهم

:)


http://im40.gulfup.com/q3kih.jpg (http://www.gulfup.com/?xzahew)

لا أويد وبشده

[ذيب ازغوى]

ياشيخ

شراايك نخليها 25 عشان تستااانس

[Qatarianes]

تدري شلون ٢٧

[النهار]

انا اؤيد من سن هذولا الشباب الحلوين
علشان يساعدون اهاليهم

:)


http://im40.gulfup.com/Q3KIH.jpg (http://www.gulfup.com/?xzAHew)

انا من المؤيدين بشده بشرط تكون السياره سوزوكي :nice:

[the engneer]

عفوا هل يوجد احصائيات عن نسبة المتسبيبين بالحوادث ومعدل اعمارهم خاصة تحت 21سنة. شكرا

[ممنوع اللمس]

ما اوافقك الراي
لان الحين 18 سنه ويبي يروح الجامعه او الدوام يعني مثلا مدني او عسكري والدريول يوصله الدوام ويرده والدريول وراه مشاوير بعد
وغير هذا نفرض انه وحيد اهله وماعنده امكانية يجيب دريول شبيسوي ينطر لين 21 سنه

وكل الشكر لك على الطرح اخوي

[اللوز]

ما اوافقك الراي
لان الحين 18 سنه ويبي يروح الجامعه او الدوام يعني مثلا مدني او عسكري والدريول يوصله الدوام ويرده والدريول وراه مشاوير بعد
وغير هذا نفرض انه وحيد اهله وماعنده امكانية يجيب دريول شبيسوي ينطر لين 21 سنه

وكل الشكر لك على الطرح اخوي

شكرا على مداخلتكم للموضوع
بامكان تعاون المؤسسات التعليمية على توفير وسائل النقل مستقبلا لتخفيف الزحمة

[عـ العبيدلي]

^^
الي اعمارهم 18 .. متزوجين وعندهم عيال .. شلون ما تعطيهم ليسن ..

المشكله مب في اعمارهم .. المشكله في اهاليهم الي ماربوهم انهم يحترمون القوانين ..
تلقاه من وهو صغير ابوه يسوق ويسرع ويتجاوز الخ الخ الخ .. فيقول ابوي يسوي جي فبسوي نفسه ..

امما الي يعطون عيالهم سيارات وهم اقل من 18 ..
لا تزعلون لو صار حق عيالكم شي .. ترى في رقبتكم ..

اممما الموضوع احسه نحاسه حق موضوع حمد خخخخخخ

[اللوز]

^^
الي اعمارهم 18 .. متزوجين وعندهم عيال .. شلون ما تعطيهم ليسن ..



لربما تحصل استثناءات في الموضوع للمتزوجين

[بوحارب]

حسن والله انك ذيب والله يخلي هالحلوين يارب

ومني هدية صيخ موترلا حق حمود

بس انت اصمل انك تخبق الموتر وخل الباقي علي *•*

[اللوز]

حسن والله انك ذيب والله يخلي هالحلوين يارب

ومني هدية صيخ موترلا حق حمود

بس انت اصمل انك تخبق الموتر وخل الباقي علي *•*

ما هو رأيك يا ابا حارب بالموضوع ؟؟؟

[بوحارب]

قلت لك رأي في بداية الموضوع اختلف معاك تماماً

الحين الشباب في المدرسة وعندهم مواتر وفاكيين أهاليهم من الدريولية وعوار الراس

[تهامي باشا]

اعمل شبكة قطارات تربط المدن مع بعضها
اعمل شبكة مترو تغطي قطر كاملة وتصل بين مناطق السكن والعمل والتسوق والدراسة بأريحية
وفر مزود جديد لخدمة التاكسي وباصات النقل

حزتها ارفع السن للواحد والعشرين وافرض ضرائب على المواقف واستخدام الخطوط السريعة اذا تبي بعد

[اللوز]

اعمل شبكة قطارات تربط المدن مع بعضها
اعمل شبكة مترو تغطي قطر كاملة وتصل بين مناطق السكن والعمل والتسوق والدراسة بأريحية
وفر مزود جديد لخدمة التاكسي وباصات النقل

حزتها ارفع السن للواحد والعشرين وافرض ضرائب على المواقف واستخدام الخطوط السريعة اذا تبي بعد

سوف يتم في المستقبل انشاء الريل
وهناك مزود للتاكسي وهي شركة الاجارة

[اللوز]

قلت لك رأي في بداية الموضوع اختلف معاك تماماً

الحين الشباب في المدرسة وعندهم مواتر وفاكيين أهاليهم من الدريولية وعوار الراس

هي كم شهر
وبعدين بعض الشباب بيكونون مشغولين في الشيشة ولعب الورق

[QaTaR49999]

ماشالله يعني 18 عمره ومخلص الثانويه ويشتغل ومع دريول

[اللوز]

ماشالله يعني 18 عمره ومخلص الثانويه ويشتغل ومع دريول

اي نعم
على الاقل يرتاح من ضغط الزحمة

[العساس]

انا معاك في ااراي ورجاء من الاعضاء ابداء الراي فقط بنعم او لا

مع ذكر السبب

بس تكون هناك استثنأت للمحتاجين

وان تكون المرأة في سن 30

[العساس]

وعطاء كل بيت سائق واحد فقط
واجبار الابناء على ركوب الباص الا في بعض الحالات

[العساس]

كذا نكون حلينا مشكلة الزحمة

[اللوز]

صحيح
وان لا يتم تسجيل اي سيارة الا باسم شخص واحد فوق 30 سنةاو سيارتين بالكثير

[قهوجي]

اقتراح جميل
لان سن 21 يكون الانسان في السنة اﻷخيرة من النضج

نضج ههههههههههه في ناس 40 سنه تقول عمره 10 سنين
مو مقياس

[اللوز]

نضج ههههههههههه في ناس 40 سنه تقول عمره 10 سنين
مو مقياس
بس هو المتعارف

[7llo]

احنا ماعندنا دريول واخوي عمره 18 لو مثلن حطو هل القانون من بيوديه ويجيب من الجامعه كروه مثلن ؟
اكيد هل القانون ماينفع وبقوه

[Dmy Enabi]

انا معاك في ااراي ورجاء من الاعضاء ابداء الراي فقط بنعم او لا

مع ذكر السبب

بس تكون هناك استثنأت للمحتاجين

وان تكون المرأة في سن 30

اشمعنى ؟

[اللوز]

احنا ماعندنا دريول واخوي عمره 18 لو مثلن حطو هل القانون من بيوديه ويجيب من الجامعه كروه مثلن ؟
اكيد هل القانون ماينفع وبقوه

باص الجامعة هو الحل

[الرادار]

المفروض نفس امريكا من سن 16 سنة يحصل على الرخصة
بعض الولايات من سن 14 ياخذ ليسن تحت التعليم
http://en.wikipedia.org/wiki/Driver's_license_in_the_United_States

[كب كيك]

الصراحه انا مع وبنفس الوقت ضد

مع هالاقتراح لاني اشوف الصراحه اغلب المتهورين من الفئة العمريه اقل من21 الا من رحم ربي

وانا شخصيا ماخذت الليسن الا وانا بعمر 21 سنه وبنفس المر تعلمت السواقه وماضرني هالشي اني كنت اروح الجامعه وكان يوصلني مرات اخوي ومرات سايق ومرات حدا عيال عمي ومرات الوالد

وضد هالشي لان فعلا اللي بيتوضف في اماكن بعيدة مثل لفان او بوسمره او اي مكان بعيد بيتبهدل مع سايق

ولاكن في اقتراح احلى وهو ان ليش مايعطون الليسن للموظف او طالب الجامعه فقط ( اما البطالي العاطل { الطرطنقي مع احترامي } فمايعطونه ليسن لين مايشوف حق نفسه مهنه تنفعه) وفي حال تم مخالفته مخالفه كبيره مثل سرعه كبيره او تجاوز او حادث خشن هو الغلطان فيه يتم سحب الرخصه منه وحرمانه منهاحتى سن26 يعني خمس سنين وبعدين ياخذها بعد الخضوع لاختبار السواقه حسب قانون المرور واللي ينصاد بدون ليسن يتم سجنه مدة لاتقل عن 6 شهر يحفظ فيها على الاقل 6 اجزاء من القران الكريم ويكون فيها هالبند شرط انه يطلع من السجن ( عشان يختفي جي الدلع والميوعه اللي صرنا نشوفه في بلادنا للاسف )
هذا من وجهة نظري وماشوفه عيب او منقود لما يروح الجامعه او الشغل مع سايق

وهذي وجهة نظري والله ولي التوفيق


كلام سليم 100% ...الحين بعض العيال توه مخلص الاعدادي ويفج حلجه يبي السياره اونه صار كبير وبروح ثانوي , تكفوووووووووون وقفوا هالمهزله اللي صايره .الموضوع مش عشان زحمه ولا غيره الموضوع اكبر من جذي ,الموضوع ارواح تروح بغمضة عين .اتمنى يشددون بموضوع الليسن والله

[نتفـه]

عجبني هالموضوع لانه على وزن الموضوع اللي تفلسفوا فيه عن سواقة الحريم ف نفس الناس اللي أيدو ان الحريم لازم يقعدون بالبيت وما منهم الا الزحمه والخرابيط زعلوا يوم عممت على الشباب الصغار وقالوا حرام تظلمون !
حلال عليهم وحرام على بنات خلق الله هههههههه

ياليت يوعونهم قبل ما يسوقون وما يخلونهم هايتين 24 ساعه لان كل همهم السرعه والاستعراض والدليل الحوادث الشنيعه اللي تصير لهالفئة العمرية بالذات!

[اللوز]

كلام سليم 100% ...الحين بعض العيال توه مخلص الاعدادي ويفج حلجه يبي السياره اونه صار كبير وبروح ثانوي , تكفوووووووووون وقفوا هالمهزله اللي صايره .الموضوع مش عشان زحمه ولا غيره الموضوع اكبر من جذي ,الموضوع ارواح تروح بغمضة عين .اتمنى يشددون بموضوع الليسن والله

مب بس موضوع ارواح
يجب ان نشجع موضوع المواصلات ومن ضمنها كروة

[بوحارب]

اللوز انت للحين صامل عالموضوع ههههههه

[حسن]

اللوز انت للحين صامل عالموضوع ههههههه

:funny:

[مشـــــاعر]

ياناس حرام عليكم ظلمتوا الشبااب والله انهم مساكين الاكثريه وتعينهم فالمجالس مالهم مكان يروحونه انا راحوا المجمعات قلتوا عنهم يغازلون وان راحوا كاتارا يقلتوا عنهم خرفان وان سافروا دول الجوار قلتوا عنهم راحوا يخربطون .. وين تبون يروحون البحر سادين عليهم والملاعب مب متوفره والانديه لازم يدفع مبلغ وقدره يكسر اظهره ..


والله والله لو تحبسهم في سجن تحت الأرض إلا يطلعون ويغازلون ويخربطون

محد كرّهنا في كتارا إلا هالشباب المغازلجية الله ياخذهم إن شالله
كل مكان في شباب أغلبيتهم لاذوق ولا إحترام :anger1:

إعنبوا جنهم نمل كل مكان يروحونه يدورون طول يومهم لاشغلة ولا عملة أفففف :anger1:

وغير اللي يتسابقون في الشوارع جنه شارع أبوووهم

لو بيدي قسم بالله العظيم أسوي أكبر محل كرك في (الرويس) وساحة حق الإستعراض وشيشة وكل شي يبونه وأفتك من 3 أرباعهم وتفضى الدوحة شوي :nice:..
ونقفل عليهم هناك عشان مايردون خخخخخخخخخخخخخ

[اللوز]

والله والله لو تحبسهم في سجن تحت الأرض إلا يطلعون ويغازلون ويخربطون

محد كرّهنا في كتارا إلا هالشباب المغازلجية الله ياخذهم إن شالله
كل مكان في شباب أغلبيتهم لاذوق ولا إحترام :anger1:

إعنبوا جنهم نمل كل مكان يروحونه يدورون طول يومهم لاشغلة ولا عملة أفففف :anger1:

وغير اللي يتسابقون في الشوارع جنه شارع أبوووهم

لو بيدي قسم بالله العظيم أسوي أكبر محل كرك في (الرويس) وساحة حق الإستعراض وشيشة وكل شي يبونه وأفتك من 3 أرباعهم وتفضى الدوحة شوي :nice:..
ونقفل عليهم هناك عشان مايردون خخخخخخخخخخخخخ
اقتراح جميل بان يتم تخصيص اماكن للشباب خارج المدينة
مثل اللي حاصل في شيش السعودية تكون خارج المدينة بعشرين كيلومتر

[hanayen]

للأسف ما في بيت في الدوحة اللي فيها وفاة أو أصابه بليغة أو اعاقه دائمة القصد مب من التقليل من قيمتكم بس الخوف عليكم
أنا اكتب والدمعة في عيوني
أخوي توفي في حادث وهو18
الله يحفظكم من التهور

[مليونيرة مفلسة]

اتمنى الحريم يمنعون عنهم الليسن الا للضرورة او اذا عندها ظروف و ماعندها حد يوصلها للعمل
و اللي مضطرة تسوق لازم ماتغطي ويهها لأن تغطية الوجه تسبب ضعف في الرؤية اثناء القيادة و تؤدي الى زيادة نسبة الحوادث المرورية

[hanayen]

للأسف لو في رياييل في البيوت مب مشكله كله على هالهنود اللي محد يقدر يكلمهم إلا رفعوا صوتهم علي حريمكم وأخواتكم ولا حد يقدر يكلمهم لانه حاجتنا عندهم الله يرحم انقرضوا الرجال اللي تغار على حريمكم كلن لاهي في المجالس ومع الربع

[حسن]

الحين المفروض نركز على ليسن البطبطه احسن من السياره
خلاص تمملنا من السواقه كفايه اسرع للعمل واسهل في ضل هل الزحمه الخانقه كا فراق سهيل من الارض
حط ثوبك في السورال وتلثم دقايق وانت في العمل

[بوحارب]

للأسف ما في بيت في الدوحة اللي فيها وفاة أو أصابه بليغة أو اعاقه دائمة القصد مب من التقليل من قيمتكم بس الخوف عليكم
أنا اكتب والدمعة في عيوني
أخوي توفي في حادث وهو18
الله يحفظكم من التهور

الله يرحمه ويغفرله يارب