النوافذ والابواب [الأرشيف] - منتديات شبكة الأسهم القطرية

ولد المنصور

06-09-2013, 03:52 PM

طبعا على حسب راعي البيت ,,, ولا فيه مقاسات معينه ,, انت ذوقك ...
بس ابتعد عن المربع صار قديم ,, والقوس ,, الاسلاميه حلوه بذات اللي طويله من تحت والاسلامي من فوق اكبر اشوي ..

معماري قطري

06-09-2013, 03:53 PM

السلام عليكم
شخباركم يالربع ممكن أستفسار أبغي اعرف كم تكون قياسات الابواب والنوافذ ولا على حسب البيت
وشكرا

مقاسات الألواح 1.22 متر في 2.44 متر والأبواب للمقاسات البشرية الطبيعية تتدرج من 70 وحتى 60 سم في بعض الحالات إلى متر وبعضهم يكبرون الى متر و20 سم .. كقياس مريح لفتحة الباب انا دوم أخليها 90 سم في 220 سم ارتفاع .. بس بعد تركيب الفريم طبعاً تصغر شوي.

فيه ناس تسوي بيوت بارتفاع عالي وأبواب بارتفاع عالي كذلك .. نظام قصور .. وهذي مبالغة ما اشوفها في محلها.

للمداخل ظرفتين بقياس اجمالي 1.8 متر كعرض وبارتفاع 2.2 متر حلو وممكن تخلي فوقه قطعة ثابتة خشب وزجاج معشق أو زجاج يدخل النور شفاف.

النوافذ حسب التصميم، وملاحظ في أغلب الدول العربية يصغرون النوافذ ولا يستغلون الشمس وخصوصاً نوافذ تكرم الحمامات مع ان الزجاج المحبب يضمن الخصوصية.