حملة ... زوجوا شيبانا وعيايزنا ...

[رهج السنابك]

السلام عليكم

وحده من معتقداتنا الغلط في المجتمع هي العمر المناسب والمقبول للزواج
الي يتعدا هالعمر عيب ومنقود عليه يتزوج!

سبب طرحي للموضوع هو تساؤل

ليش الشايب اذا كبر وخاصة الشيبه الوحداني ما نزوجه؟
وليش العيوز سواء ارمله او عازبه ما تتزوج والناس تاكلها لو بالغلط طرت زواج وكأنه خلاص صار مو من حقها

المعتقد الثاني
لو واحد كبير شوي بالعمر بدال مايتزًوج وحده من سنه اربعينيه ولا خمسينيه يقوم يدور له على بنيه ام قرنين؟!
يبي يتشبب على طفله

ليش يعتبر لو الوحده وصلت 47 او 50 نحكم عليها اعدام بانها تقعد طول عمرها بلا زواج ويافضيحتها لو تزوجت في هالسن
مع ان هالوقت وايد اربعينيات وخمسينيات قمة في الجمال والصحه ومايبان عليهم الكبر

ليش مجتمعنا قاسي في وضع قوانين مناهضة لحريات الناس

اتذكر قبل سنه مهندس امريكي بالدوام عمره 66 سنه كان يوري الموظفين صورة حبيبته العيوز ويقول انا رايح اقدم لها الخاتم ونتروج وبنقضي شهر عسل في اوروبا وحده مستانس ومفتخر والكل يبارك له

ناس عارفه تعيش حياتها صح بدون عكد :)


نبي نزوج شيبانا على عيايزنا ونخليهم يستانسون بعمرهم مع شريك يونسهم

لان الحين الكل لاهي في نفسه العيال مع حريمهم
والبنات مع رياييلهم

بس لازال البعض عقله متحجر ويرفض هالفكره
صارت قدامي بمجلس حريم وحده قالت لعيوز اشرايج ازوجج ابوي وحداني ويبي من يسليه
والعيوز وحدانيه مع ذلك رفضت قالت عيب ومايصير

يحرمون نفسهم من ابسط حقوقهم عشان العيب :)

حتى بعض الفقهاء اطلق مسمى زواج الاستئناس
خاصة للي هدفه من الزواج هو الاستئناس برفيق له بدال وحدته الي تقصر عمره في ظل اهمال كبير من العيال

يكسرون خاطري هالفئه :(

[New Vision]

خل بالاول انزوج شبابنا الي اوصلت اعماره ال40 وللحين مادخل دنيا

[رحال]

أنا سأجاوب على بعض ماأستنتجته من موضوعك الشيق " المعتقد الثاني " :


هل زواج كبار السن من فتيات في سن بناتهم زواج عادل ؟؟
فى الغالب لن يكون زواج عادل لانة غالبا يكون زواج قائم على شهوة الرجل من طرف ومن طمع البنت او اهلها من طرف اخر
ولعدم وجود التكافؤ بين الطرفين من تفكير وعقل ومن جميع النواحى

2) هل تعتبر هذه الزيجات في نظركم أنانية من الزوج ؟؟
لا لا تعتبر انانية لان الرجل لم يجبر المراة هى باختيارها وموافقتة

3) هل ترون أن موافقة الاهل على مثل هذه الزيجات ظلم لبناتهم ؟؟
بالتاكيد اكبر ظلم

4) هل سيكون هناك توافق عقلي وفكري بين الزوجين ؟؟
غالبا لا ولكن فى بعض الحالات تستطيع الزوجة بخلق التوافق


5) هل تتفقون مع من يعتبرون هذا الزواج جريمة بشعة في حق الفتاة ؟؟
بالتاكيد جريمة ان غصبها الاهل على الزواج او حتى هى برضاها قبلت


6) هل سيستطيع هذان الزوجان تكوين أسرة صالحة ؟؟
ممكن تكوين اسرة صالحة بالتفاهم والتنازل من الطرفين على بعض الافكار والمعتقدات وبالحب والتفاهم

وكل الشكر لك على هذا الطرح المميز ،،،

[panda]

مع الوقت ستتغير المعتقدات و ان شاء الله تتحسن امورهم و استأنسون

[طلعة الروح]

خل بالاول انزوج شبابنا الي اوصلت اعماره ال40 وللحين مادخل دنيا

شنو عذره اللي وصل هالعمر وما يبي يتزوج؟ البنت إذا كبرت وعنست شي طبيعي فهي في النهاية ماتقدر تخطب اللي تبيه ، لكن ريال وعنده كل الامكانيات والدولة ماعطته كل شي ومايبي يتزوج حط امية خط على القضية!

[رحال]

شنو عذره اللي وصل هالعمر وما يبي يتزوج؟ البنت إذا كبرت وعنست شي طبيعي فهي في النهاية ماتقدر تخطب اللي تبيه ، لكن ريال وعنده كل الامكانيات والدولة ماعطته كل شي ومايبي يتزوج حط امية خط على القضية!

:nice::nice::nice::nice::nice::nice::nice::nice::n ice:

[وطن]

معاج قلبا و قالبا

[ام ناصر1]

اعرف شي واحد بهالمسألة المرأة تقدر تنخطب باي سن لو كانت حرجة ومهتمة بنفسها ... يعتمد ع الشخصية

[أسد الجزيرة]

المشكلة الشياب طلباتهم صعبة يبون وحدة ترجعهم شباب حتى لو بغى يتزوج ما بياخذ وحدة كبيرة و لا نقدر نجبره انه ياخذها لانها حرية شخصية الا اذا وحدة فائقة الجمال و هذي ما تقعد على طول تنخطب
مثل وحدة تزوجت اربع مرات كلهم وصلتهم القبر بسلام

[عاشق العديد]

لي رده الحين مالي خلق ارد

[توشيبا]

الحمدالله أن الشايب مايعرف النت ؤلا كان سدح الثالثه بسبب هالموضوع

أنا ماعترض كلش بس اعترض علي أن شائب يتزوج وحده صغيره

يعني إذا الله كتب وجاب كم طفل منها. تعتقدي إذا أنولد الطفل كم سنه بيعيش هالشائب

ترا الولد في عمر المراهقه محتاج أب يوقف معه ويسانده حتى في دراسته ووظيفته

مب يوصل عمره 10 ؤلا 15 سنه واهو يتيم

[بوحارب]

الموضوع أشطول هذا يبيله يومين لين نفهمه ونجمع الأفكار :(

عطينا الزبده عشان نردددددد

[technical]

يا زين طاري العرس ويا زين طراويه لي صار عند شاب أو شيبه ، لكن مهب العمر الي يرد لكن العزوم . فأذا كان الشاب راعي عزوم راح وإذا الشيبه راعي عزوم راح واعرس . والعزيمة من ربنا سبحانه قال ذي الجلال والإكرام (وَلَوْ أَرَادُوا الْخُرُوجَ لَأَعَدُّوا لَهُ عُدَّةً وَلَٰكِنْ كَرِهَ اللَّهُ انْبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِينَ). نسأله سبحانه ان يجعلنا فيمن يحب ان يخرجوا لكل خير .

[خزامئ]

صح لاسانش
كلام حلو
من حق ذي الفئه العمريه يرتاحون اخر عمرهم
ويحصلون حد يقضون معه ايام الوحده

[توشيبا]

الموضوع أشطول هذا يبيله يومين لين نفهمه ونجمع الأفكار :(

عطينا الزبده عشان نردددددد


الزبده الله يسلمك أنها تبغي تزوج. الشايب الأعزب بعجوز مثله علي شأن يتونسون

بس المشكله أنها مأتعرف الشيبأن. أصلا إذا فكرتي تزوجين. شايب وقلتي البنت عمرها 19 سنه بيرفض مايتنازل عن عمر 18 وتحت :nice:

[بوحارب]

الزبده الله يسلمك أنها تبغي تزوج. الشايب الأعزب بعجوز مثله علي شأن يتونسون

بس المشكله أنها مأتعرف الشيبأن. أصلا إذا فكرتي تزوجين. شايب وقلتي البنت عمرها 19 سنه بيرفض مايتنازل عن عمر 18 وتحت :nice:

هههههههههه

والله انك صادق الحين الشيبة يبي وحدة صغنونه تشله وتعينه

مب ياخذله عيوز وينتكب فيها :)


أشكرك ع التوضيح وفرت علينا الوقت

[طلعة الروح]

هههههههههه

والله انك صادق الحين الشيبة يبي وحدة صغنونه تشله وتعينه

مب ياخذله عيوز وينتكب فيها :)


أشكرك ع التوضيح وفرت علينا الوقت

شايب وياخذله بنت بعمر المراهقه !!، الشرهه مب عليه بل على البنت وعلى أهلها ، الجميع هنا يشم ريحة المصلحة في القضية، الزواج غير متكافئ ومصيره يفشل رضينا أم أبينا.

[زقرتي ومزاجي]

اشكرج على النظرة الانسانية ... واهنيج على ايجابيات الفكر

انا مع وبقوه

[وليف الشوق]

ماتبون الحقيقة ولا حتى الواقع كلكم
ولو نكتشف الاوراق وحسب تجاربي السابقه روحوا للخطابات ومواقع الزواج وشوفي كم من بنات تجاوزن اعمارهن الثلاثين والاربعين ولا زالت تشترط بأن يكون الزوج كذا وكذا وكذا !!! واللي يرحم والديج فكيني من هالموضوع هذا _ وافهموا ان اكثر البنات المطلقات والارامل والعانسات لا يقلبن الزواج الا بشروط تعجيزيه وغير واقعية !!! تكفون خلكم واقعيين وبعدين قولي ليش شيابنا وعجايزنا مايتزوجون


اذا الارامل والمطلقات والعانسات يشترطون للزواج بشروط تعجيزيه !! عيل شلون البنات من عمر 18 الى 33 سنه

مااقول الا الله يرحم الحال ولا حول ولا قوة الا بالله العلي العظيم

[ام السعف]

مب موضوع ليش ما نزوجه

اصل الموضوع هل هو يبي يتزوج ولا لا ؟

اذا يبي يتزوج اهنيه نعينه على الزواج ونبحث له للي ترضى فيه وبعمره

لكن لو ما يبي يتزوج....> ما يصير نغصبه :(

اما العيوز .......................> الحين يقولون لج اربعين سنة ومنتهية صلاحيتها
تبينا نقول زوجوها علشان يقولون منفلتة وهي سكراب :(

[بوحارب]

شايب وياخذله بنت بعمر المراهقه !!، الشرهه مب عليه بل على البنت وعلى أهلها ، الجميع هنا يشم ريحة المصلحة في القضية، الزواج غير متكافئ ومصيره يفشل رضينا أم أبينا.

اتقي الله فيما تقولين :victory:

التوفيق في كل الأمور من الله وحده ولاتحكمين على الأمور من عقلج :)

[هبوب الكوس]

اتقي الله فيما تقولين :victory:

التوفيق في كل الأمور من الله وحده ولاتحكمين على الأمور من عقلج :)

بوحارب شكلك ناوي

لا تنسى اخوك :(

[حسن]

يابخت من وفق راسين بالحلال

انقول مبروك يابوحارب عطيت الرقم الوالده ولا لا


انت ماتبي تشارك بالحلال

[بوخالد911]

مطلب شرعي

ليش لأ؟

why not?

[captin]

فكرة طيبة لتزويج كبار السن

لكن في منهم زقرت ما يبون العرس يبون على طول
مسافرين اما دبي او بانكوك او الفلبين او المغرب
لين يابوا له طاري العرس قال ما أبي
هذا شيسون فيه

[بوحارب]

بوحارب شكلك ناوي

لا تنسى اخوك :(
ههههههه

الأعضاء اللي ما يشاركون في المنتدى مانزوجهم :(

يابخت من وفق راسين بالحلال

انقول مبروك يابوحارب عطيت الرقم الوالده ولا لا


انت ماتبي تشارك بالحلال

ههههههههههههه خلها مستوره يابوعلي

[بوخالد911]

يابخت من وفق راسين بالحلال

انقول مبروك يابوحارب عطيت الرقم الوالده ولا لا


انت ماتبي تشارك بالحلال

1000000 مبروك لبوحارب

يستاهل بو حرووووب:telephone::telephone::telephone:

[alsoq]

انا اويد اذا كان الشخص قوي وصاحي من الامراض المزمنه
اما اذا كان مريض وعمره كبير لا اويد انه يتزوج يتعب زوجه
والارمله او العناس او البنت تبي تعيش حياه هنئه الارمله قد تكون مرت بها المرحله ولا تريد تجربتها مره ثانيه او المطلقه

[حسن]

انا اويد وبشده الزواج حق شرعي

بس انا اشوف بدون دقطقه ابرك سكيتي املك وشل عليه شهر عسل

اقضو حوائجكم بالكتمان

[رهج السنابك]

أنا سأجاوب على بعض ماأستنتجته من موضوعك الشيق " المعتقد الثاني " :


هل زواج كبار السن من فتيات في سن بناتهم زواج عادل ؟؟
فى الغالب لن يكون زواج عادل لانة غالبا يكون زواج قائم على شهوة الرجل من طرف ومن طمع البنت او اهلها من طرف اخر
ولعدم وجود التكافؤ بين الطرفين من تفكير وعقل ومن جميع النواحى

2) هل تعتبر هذه الزيجات في نظركم أنانية من الزوج ؟؟
لا لا تعتبر انانية لان الرجل لم يجبر المراة هى باختيارها وموافقتة

3) هل ترون أن موافقة الاهل على مثل هذه الزيجات ظلم لبناتهم ؟؟
بالتاكيد اكبر ظلم

4) هل سيكون هناك توافق عقلي وفكري بين الزوجين ؟؟
غالبا لا ولكن فى بعض الحالات تستطيع الزوجة بخلق التوافق


5) هل تتفقون مع من يعتبرون هذا الزواج جريمة بشعة في حق الفتاة ؟؟
بالتاكيد جريمة ان غصبها الاهل على الزواج او حتى هى برضاها قبلت


6) هل سيستطيع هذان الزوجان تكوين أسرة صالحة ؟؟
ممكن تكوين اسرة صالحة بالتفاهم والتنازل من الطرفين على بعض الافكار والمعتقدات وبالحب والتفاهم

وكل الشكر لك على هذا الطرح المميز ،،،



واشكرك على تحليلك الموضوعي المميز

المشكله هو معتقد فقط لا اكثر ان الرجل المسن يبحث عن صغيره ظنا منه ان الصغيره ستجدد له الشباب الذي اختطفه الزمن
من ناحيه علميه البنت المرأه الي عمرها 47 لا تختلف عن البنت ذات 18 سنه الا من ناحيه الانجاب فقط
من ناحيه اجتماعيه
التوافق الفكري بيكون ضعيف جدا لفارق العمر
الرجل الستيني يفترض ان يبحث في هذا العمر عن انيس له مب طفله تلعب فيه او يلعب فيها!

[رهج السنابك]

الموضوع أشطول هذا يبيله يومين لين نفهمه ونجمع الأفكار :(

عطينا الزبده عشان نردددددد

انت كله تبي الزبده

شايفني شركة لورباك ولا المراعي :anger1:

[رهج السنابك]

مب موضوع ليش ما نزوجه

اصل الموضوع هل هو يبي يتزوج ولا لا ؟

اذا يبي يتزوج اهنيه نعينه على الزواج ونبحث له للي ترضى فيه وبعمره

لكن لو ما يبي يتزوج....> ما يصير نغصبه :(

اما العيوز .......................> الحين يقولون لج اربعين سنة ومنتهية صلاحيتها
تبينا نقول زوجوها علشان يقولون منفلتة وهي سكراب :(




يبون وفي فئه كبيره يبون بس نظره المجتمع والعيب وشنو بيقولون الناس علينا خلت هالموضوع مستبعد عن بالهم

وشنو اربعين منتهيه

الاربعينيه هاي قمة الجمال والعقل

والحين والله اشوف حريم في 45 وكلش كلش مايبان عليهم وكأنها ام 25

انصدمت من وحده معاي بالدوام لما عرفت عمرها وانا كنت احسبها اصغر مني على بالي ام 20 سنه

الزمن تغير والجيل تغير

والاهتمام بالنفس زاد اكثر عن قبل

[ام السعف]

يبون وفي فئه كبيره يبون بس نظره المجتمع والعيب وشنو بيقولون الناس علينا خلت هالموضوع مستبعد عن بالهم

وشنو اربعين منتهيه

الاربعينيه هاي قمة الجمال والعقل

والحين والله اشوف حريم في 45 وكلش كلش مايبان عليهم وكأنها ام 25

انصدمت من وحده معاي بالدوام لما عرفت عمرها وانا كنت احسبها اصغر مني على بالي ام 20 سنه

الزمن تغير والجيل تغير

والاهتمام بالنفس زاد اكثر عن قبل

خلاص وينهم اللي يبون هاتيهم نسوي لهم قائمة وموقع خاص فيهم
ونعطيهم رموز وكودات وللجادين نقرر لهم موعد عن اسعاف :telephone:

[تغلبية]

أولاً ... أشكرج الارستقراطية على الاهتمام بغيرج ..:)
وكتابة موضوع خاص بهالفئة المهضوم حقها الله يجزيج خير

أنا معاج .. لا بد ان الكبار يعيشون حياتهم ..
وخاصة الارامل لان فقد احد الزوجين زوجه صعب وخاصة عند الرجال ..
المرأة أنيس للرجل وهذي سنة الحياة


بس أشوف في السنوات الأخيرة مثل ماقلتي صار اهتمام المرأة بنفسها أكثر ..
وام عمر 47 تظهر بشكل عمر 35 أو أقل حتى فما يمنع أبداً بالعكس ..

وفيه زواجات تستوي بعمر كبير بس لأنها سكيتية ما نحس فيها

أتمنى هالموضوع يكون بداية موفقة لتغيير موقفنا من زواج الكبار
وترى بالحن والزن عند الرافضين ممكن تلين روسهم ويروحون في نصيبهم


والله يهني سعيد بسعيدة :)

[عزووز قطر]

المشكلة في عيال الشايب أو العجوز ،،، ماتوقع يوافقون والسبب غير معروف !؟؟؟


بس الفكرة بشكل عام ممتازة ،، على الأقل الوسواس اللي عند الشياب بيروح اذا حصل له زوجة تهتم فيه وترجعه شباب ..

[الدوحي7]

خل بالاول انزوج شبابنا الي اوصلت اعماره ال40 وللحين مادخل دنيا

تقصدني انت،،:weeping::eek5::eek5:

[طلعة الروح]

اتقي الله فيما تقولين :victory:

التوفيق في كل الأمور من الله وحده ولاتحكمين على الأمور من عقلج :)

مشكور على الرد ، ونعم التوفيق من الله في كل الأمور.
مسألة أزوج بنتي اللي عمرها 18 سنة
من رجل عمره 50 سنة من وجهة نظري شي مستحيل من نواحي كثيرة...إذا بتتكلم عن أيام الصحابة والتابعين فهي تختلف عن معطيات ومتطلبات جيلنا الحالي ، يجب التفرقة.

نأسف اذا خرجنا عن صلب الموضوع.

[رهج السنابك]

المشكلة في عيال الشايب أو العجوز ،،، ماتوقع يوافقون والسبب غير معروف !؟؟؟


بس الفكرة بشكل عام ممتازة ،، على الأقل الوسواس اللي عند الشياب بيروح اذا حصل له زوجة تهتم فيه وترجعه شباب ..

العيال الي يرفضون تزويج ابوهم وهو عنده رغبه

ذي انانيه كبيره منهم :)

هم مستانسين مع حريمهم وحارمين ابوهم!!!

[رهج السنابك]

خلاص وينهم اللي يبون هاتيهم نسوي لهم قائمة وموقع خاص فيهم
ونعطيهم رموز وكودات وللجادين نقرر لهم موعد عن اسعاف :telephone:

الملا اسعاف اكيد مب مقصر مع احد هههههه

[ام السعف]

مشكور على الرد ، ونعم التوفيق من الله في كل الأمور.
مسألة أزوج بنتي اللي عمرها 18 سنة
من رجل عمره 50 سنة من وجهة نظري شي مستحيل من نواحي كثيرة...إذا بتتكلم عن أيام الصحابة والتابعين فهي تختلف عن معطيات ومتطلبات جيلنا الحالي ، يجب التفرقة.

نأسف اذا خرجنا عن صلب الموضوع.

مب عارفة شنهو التوفيق في ان الرجل يدفن بنته ام 18 سنة مع شايب بو 50
هذي مب قاعدة الواحد يستند عليها ،،

اخاف بس يقرون كلام بوحروب وينقزون لنا الشياب
راسهم وألف سيف الا نزوجهم بالتوفيق :shy:

[ام السعف]

الملا اسعاف اكيد مب مقصر مع احد هههههه

ابي ازوج بو حارب بالتوفيق

عندي وحدة ما شاءالله عليها صحيح قربت 60

بس روح الطفولة والنضوج والشباب والخفة والحركة يشعون منها شع

وينه حجي اسعاف ؟ :telephone:

[panda]

ابي ازوج بو حارب بالتوفيق

عندي وحدة ما شاءالله عليها صحيح قربت 60

بس روح الطفولة والنضوج والشباب والخفة والحركة يشعون منها شع

وينه حجي اسعاف ؟ :telephone:

هاهاهاها

[بوحارب]

مشكور على الرد ، ونعم التوفيق من الله في كل الأمور.
مسألة أزوج بنتي اللي عمرها 18 سنة
من رجل عمره 50 سنة من وجهة نظري شي مستحيل من نواحي كثيرة...إذا بتتكلم عن أيام الصحابة والتابعين فهي تختلف عن معطيات ومتطلبات جيلنا الحالي ، يجب التفرقة.

نأسف اذا خرجنا عن صلب الموضوع.

اختي من حقج ترفضين لكن مب من حقج تحكمين على الزوج هذا انه فاشل وماراح يتوفقون !



وبالنسبة للجماعة اللي قاعدين يخطبون لي في كل موضوع

أقولهم شدو حيلكم وابحثوا لي عن ذات المنصب والجمال :tease:

[رهج السنابك]

تبي منصب وجمال؟
بنخطب لك هيلاري كلنتون
مافيه اعلى من منصبها وجمالها
صح تعدت الستين بس مزيونه

[ام السعف]

اختي من حقج ترفضين لكن مب من حقج تحكمين على الزوج هذا انه فاشل وماراح يتوفقون !



وبالنسبة للجماعة اللي قاعدين يخطبون لي في كل موضوع

أقولهم شدو حيلكم وابحثوا لي عن ذات المنصب والجمال :tease:

اوووب عز الطلب

جمال سبحان الله تقول بنت ما صفعتها صفائح الحياة الطويلة اللي مرت فيها

لاحظ كلمة صفائح....> مرت علي في الكتاب اللي كنت اقراه :shy:

اما المنصب هي مديرة وممكن تتفرغ وتجابلك اربع وعشرين ساعة
وتقعد تردد وتقول

يا دوب مجابلتني اربع وعشرين ساعة

شد الهمة وجهز المهر يا معيريس :telephone:

[ام السعف]

تبي منصب وجمال؟
بنخطب لك هيلاري كلنتون
مافيه اعلى من منصبها وجمالها
صح تعدت الستين بس مزيونه

يا عيني عليج

لازم بو حارب يفرق ما بين الجمال والجاذبية

ترى الجمال يزول لكن الجاذبية تنخر نخر في المخ والفؤاد،،

بس هو بيتلكك وبيقول مب مسلمة

اللي عندي مسلمة ويا حليلها منقبة خاشة جاذبيتها عن العيون

بس لك النظرة الشرعية يا بو حروب من غير نقاب اشتبي بعد ؟

نطلب واحد
مباركين عرس الاثنين ؟:telephone:

[بوحارب]

ههههههههههههههههههههههههههه


خلوني افكر :)

[رهج السنابك]

ماتبون الحقيقة ولا حتى الواقع كلكم
ولو نكتشف الاوراق وحسب تجاربي السابقه روحوا للخطابات ومواقع الزواج وشوفي كم من بنات تجاوزن اعمارهن الثلاثين والاربعين ولا زالت تشترط بأن يكون الزوج كذا وكذا وكذا !!! واللي يرحم والديج فكيني من هالموضوع هذا _ وافهموا ان اكثر البنات المطلقات والارامل والعانسات لا يقلبن الزواج الا بشروط تعجيزيه وغير واقعية !!! تكفون خلكم واقعيين وبعدين قولي ليش شيابنا وعجايزنا مايتزوجون


اذا الارامل والمطلقات والعانسات يشترطون للزواج بشروط تعجيزيه !! عيل شلون البنات من عمر 18 الى 33 سنه

مااقول الا الله يرحم الحال ولا حول ولا قوة الا بالله العلي العظيم


والله البنات ماعندهم الشروط المعقده بالمقارنه بالشباب


يعني بذمتك شنو شروط البنت ان كثرت كثرت قالت ابي وظيفتي
اما خرابيط حفل الزواج ذي ماتعتبر شروط تعجيز مقدور عليها


لكن الشاب شوفو شنو شروطه
ابيها طويله 170 ومافوق
بيضا مافيها ولا حبه خال
عيونها وحده زرقه ووحده خضرا
وزنها مايتعدا 50
خشمها سلة سيف
شعرها لين ركبتها اذا فوق الركبه مابيها
ضحكتها جذي هه هه هه اذا كانت هههههههههااااوووييهههه لا لا لا مرفوضه
ماتشتغل
ماتسوق
ماتسير
ماعندها بي بي حدها نوكيا 3310 الكحلي
ما تتكلم بس تأشر باصبع واحد الي تاشر باصبعين لا لا لا مرفوضه
طباخة ولازم تعرف تطبخ كل الاكلات الي بالعالم
ماتطلب عرس ولا مهر ولا ذهب تجيني بخلاقينها وتدش المطبخ تسبع المواعين
وعقب العرس بشهرين ان ماحملت طلقها


وانكر بعد ان الشباب ماعندهم على الاقل خمس او ست شروط من الي ذكرتهم

[panda]

هاهاهاها و الله وحدك انتي

[الكنترول]

في العصر الحالي سار العكس الشايب يتزوج وحدة صغيرة والشاب يتزوج وحده أكبر منه

يدور عن الحنان والإهتمام للي فاقدة .

والأمور ماشية حسب الإرادة والرغبة ,,,

[qatarman8008]

ماتبون الحقيقة ولا حتى الواقع كلكم
ولو نكتشف الاوراق وحسب تجاربي السابقه روحوا للخطابات ومواقع الزواج وشوفي كم من بنات تجاوزن اعمارهن الثلاثين والاربعين ولا زالت تشترط بأن يكون الزوج كذا وكذا وكذا !!! واللي يرحم والديج فكيني من هالموضوع هذا _ وافهموا ان اكثر البنات المطلقات والارامل والعانسات لا يقلبن الزواج الا بشروط تعجيزيه وغير واقعية !!! تكفون خلكم واقعيين وبعدين قولي ليش شيابنا وعجايزنا مايتزوجون


اذا الارامل والمطلقات والعانسات يشترطون للزواج بشروط تعجيزيه !! عيل شلون البنات من عمر 18 الى 33 سنه

مااقول الا الله يرحم الحال ولا حول ولا قوة الا بالله العلي العظيم

والله انك صدقت.. في كل حرف وكل كلمة..
تعليقي هذا من واقع تجربة شخصية.. ان حكينا ندمنا وان سكتنا قهر..

[ريم الشمال]

أنا معاك في هذا الامر للذي يريد
بس اعرف عجائز وشيبان يقولون لا ما يتزوج غير زوجة أو زوجها لأن يريدها أو تريده لها في الآخرة
يمكن ارستقراطية حب من شيابنا وعجائزنا ويبررونه بالعيب ... يمكن

[رمح الضعاين]

اشلكم خص بالعيايز والشياب حياتهم وعاجبتهم

اغلب الي يطالبون بزواجهم يبغون يفتكون من رعايتهم


بلا زواج بلاخرابيط وبروا آبائكم وبلا حجج واهيه اي والله حمله زوجو عيايزنا امعصي


اصلا عيايزنا وامهاتنا اكرم عليهم بعد وفاه الاب ماتفكر تتزوج نفس بنات هالوقت ماتصدق يموت او تطلق بعد العده تستخف تبي اتعرس وتهمل عيالها


اخوكم

[غايه الطواش]

والله البنات ماعندهم الشروط المعقده بالمقارنه بالشباب


يعني بذمتك شنو شروط البنت ان كثرت كثرت قالت ابي وظيفتي
اما خرابيط حفل الزواج ذي ماتعتبر شروط تعجيز مقدور عليها


لكن الشاب شوفو شنو شروطه
ابيها طويله 170 ومافوق
بيضا مافيها ولا حبه خال
عيونها وحده زرقه ووحده خضرا
وزنها مايتعدا 50
خشمها سلة سيف
شعرها لين ركبتها اذا فوق الركبه مابيها
ضحكتها جذي هه هه هه اذا كانت هههههههههااااوووييهههه لا لا لا مرفوضه
ماتشتغل
ماتسوق
ماتسير
ماعندها بي بي حدها نوكيا 3310 الكحلي
ما تتكلم بس تأشر باصبع واحد الي تاشر باصبعين لا لا لا مرفوضه
طباخة ولازم تعرف تطبخ كل الاكلات الي بالعالم
ماتطلب عرس ولا مهر ولا ذهب تجيني بخلاقينها وتدش المطبخ تسبع المواعين
وعقب العرس بشهرين ان ماحملت طلقها


وانكر بعد ان الشباب ماعندهم على الاقل خمس او ست شروط من الي ذكرتهم

هههههههههه\والله محد عارف للشباب غيرج

[w.qatar]

اذكر يوم كنت صغيره اقول لابوي و جدتي قاعده يبه زوجوا جدتي بوفلان طبعاً بو فلان هذا شيبه اكبر منها بشوي من اهلنا بالامارات وحداني و مرته متوفيه من سنين

المهم عصب علي ابوي و قال لي قومي روحي داخل ههههههههههههه :eek5:
بعض العيال يرفضون ان امهم تاخذ واحد غير ابوهم حتى لو ابوهم توفى و هم صغار

[Doha Sun]

معتقدات لازقة في المخ .. ومشكورة على الموضوع

[أم محمد 90]

ممكن اعرف من هو (الشيبة في نظركم) ؟

[أم محمد 90]

والله البنات ماعندهم الشروط المعقده بالمقارنه بالشباب


يعني بذمتك شنو شروط البنت ان كثرت كثرت قالت ابي وظيفتي
اما خرابيط حفل الزواج ذي ماتعتبر شروط تعجيز مقدور عليها


لكن الشاب شوفو شنو شروطه
ابيها طويله 170 ومافوق
بيضا مافيها ولا حبه خال
عيونها وحده زرقه ووحده خضرا
وزنها مايتعدا 50
خشمها سلة سيف
شعرها لين ركبتها اذا فوق الركبه مابيها
ضحكتها جذي هه هه هه اذا كانت هههههههههااااوووييهههه لا لا لا مرفوضه
ماتشتغل
ماتسوق
ماتسير
ماعندها بي بي حدها نوكيا 3310 الكحلي
ما تتكلم بس تأشر باصبع واحد الي تاشر باصبعين لا لا لا مرفوضه
طباخة ولازم تعرف تطبخ كل الاكلات الي بالعالم
ماتطلب عرس ولا مهر ولا ذهب تجيني بخلاقينها وتدش المطبخ تسبع المواعين
وعقب العرس بشهرين ان ماحملت طلقها


وانكر بعد ان الشباب ماعندهم على الاقل خمس او ست شروط من الي ذكرتهم

اخبرهم يدورون القصار وينشدون فيهم ويكتبون فيهم اشعار
ههه ههه هه

جي تضحك الدلوعة صح ؟ :tease:

[عاشق العديد]

الي ربي كاتبه لاي شخصص بيجيه ولو شنو مايصير والي ربي مب كاتبه مابيصير لو تسون ميه حمله ..

والله يوفقققق الكل ..

[رهج السنابك]

اشلكم خص بالعيايز والشياب حياتهم وعاجبتهم

اغلب الي يطالبون بزواجهم يبغون يفتكون من رعايتهم


بلا زواج بلاخرابيط وبروا آبائكم وبلا حجج واهيه اي والله حمله زوجو عيايزنا امعصي


اصلا عيايزنا وامهاتنا اكرم عليهم بعد وفاه الاب ماتفكر تتزوج نفس بنات هالوقت ماتصدق يموت او تطلق بعد العده تستخف تبي اتعرس وتهمل عيالها


اخوكم



ياشين اللي ينظر ويبحث عن كل زاوية سودة في كل شي بالدنيا :)

انا قلت الشيبه والعيوز الوحدانيين

عاد اذا انت متزوج لا تقول عايش عند امك وابوك مع مرتك وعيالك :)
واذا مب متزوج بتكبر وتتزوج وتطلع عنهم
واخوانك بيطلعون عنهم
ويتمون بروحهم

[رهج السنابك]

هههههههههه\والله محد عارف للشباب غيرج

هم شاطرين في كلمة

البنات شروطهم تعجيز

وان سألوهم شنو الشروط؟
قالوا يبون مهر
ويبون حفله
ويبون مطربه
ويبون شهر عسل


بذمتكم ذي شروط تعجيز؟؟؟
كلها مقدور عليها وفي متنازل الجميع


لكن شروطهم!!! طالعي شنو شروطهم كتبتها فوق

ها التعجيز وين؟!

[رهج السنابك]

اخبرهم يدورون القصار وينشدون فيهم ويكتبون فيهم اشعار
ههه ههه هه

جي تضحك الدلوعة صح ؟ :tease:



لا القصار قايم سوقهم في شرق اسيا بس ههه ههه ههه

[عاشق العديد]

هم شاطرين في كلمة

البنات شروطهم تعجيز

وان سألوهم شنو الشروط؟
قالوا يبون مهر
ويبون حفله
ويبون مطربه
ويبون شهر عسل


بذمتكم ذي شروط تعجيز؟؟؟
كلها مقدور عليها وفي متنازل الجميع


لكن شروطهم!!! طالعي شنو شروطهم كتبتها فوق

ها التعجيز وين؟!

خارج عن النص ..

انتي صرتي مثل بعض الناس الي هنيه ويانا بالمنتدى قمتي تصيرين لفئه لانج منهـم ..
من متى البنات شروطهم مب تعجيزيه .؟؟
قولي من متـى ولا وين عايشششششه انتي ولا نقص على بعضض ِ..
ابي مهرر وقدره وابي بيت وابي سايق وخدامه وانا مادش مطبخ وانا ماعرف اكوي وانا ابغي اسافر وانا وانا وانا وااناا لاتحطين انه البنات يقولون تعالو خذونا والريال تكون عنـده شروط .
شنو شروط الريال انه مرته يكون شعرها طويل انها تطبخ له انه وانها وانها .. هاذي شروط قبل مايخطبببب حتـى لانه هو يبي شريكة حياته كذا وفي بنات كذا .. لكن كوني منصصفه

[حسن]

ههههههههههههههههههههههههههه


خلوني افكر :)

بوحروب وش تفكر بعد يوم شفت الصج
صادك عقر بقر
وين طاق صدرك تبي وتبي

وعلى مايشهدون الاعضاء لك مني
تذكرتين درجه اولى الى جزر المالديف لمده اسبوع محمول مكفول

ها
انقول سيرو على بركه الله

:victory:

[بوحارب]

والله ياحسن انت شفتني امس في مجلسك

يعني بالله عليك واحد مزيون مثلي ياخذ وحده عمرها :(60

أصلاً ام السعف تبي تنتقم مني ولا هي تعرف من ابغي أخطب بس تتشرد

زين ما يصير تعطيني التذاكر الحين :)

[أم محمد 90]

خارج عن النص ..

انتي صرتي مثل بعض الناس الي هنيه ويانا بالمنتدى قمتي تصيرين لفئه لانج منهـم ..
من متى البنات شروطهم مب تعجيزيه .؟؟
قولي من متـى ولا وين عايشششششه انتي ولا نقص على بعضض ِ..
ابي مهرر وقدره وابي بيت وابي سايق وخدامه وانا مادش مطبخ وانا ماعرف اكوي وانا ابغي اسافر وانا وانا وانا وااناا لاتحطين انه البنات يقولون تعالو خذونا والريال تكون عنـده شروط .
شنو شروط الريال انه مرته يكون شعرها طويل انها تطبخ له انه وانها وانها .. هاذي شروط قبل مايخطبببب حتـى لانه هو يبي شريكة حياته كذا وفي بنات كذا .. لكن كوني منصصفه

كلامك صحيح بدون تحيز

[حسن]

والله ياحسن انت شفتني امس في مجلسك

يعني بالله عليك واحد مزيون مثلي ياخذ وحده عمرها :(60

أصلاً ام السعف تبي تنتقم مني ولا هي تعرف من ابغي أخطب بس تتشرد

زين ما يصير تعطيني التذاكر الحين :)

والله يابوحارب انت ماتنرد
وانا اعرف انت من تبي بس صج احذفتك
بعيد يعني ماحدتك الى على سقر
:)

[بوحارب]

خارج عن النص ..

انتي صرتي مثل بعض الناس الي هنيه ويانا بالمنتدى قمتي تصيرين لفئه لانج منهـم ..
من متى البنات شروطهم مب تعجيزيه .؟؟
قولي من متـى ولا وين عايشششششه انتي ولا نقص على بعضض ِ..
ابي مهرر وقدره وابي بيت وابي سايق وخدامه وانا مادش مطبخ وانا ماعرف اكوي وانا ابغي اسافر وانا وانا وانا وااناا لاتحطين انه البنات يقولون تعالو خذونا والريال تكون عنـده شروط .
شنو شروط الريال انه مرته يكون شعرها طويل انها تطبخ له انه وانها وانها .. هاذي شروط قبل مايخطبببب حتـى لانه هو يبي شريكة حياته كذا وفي بنات كذا .. لكن كوني منصصفه


الاستقراطية يبيلج صيانة حق الجبهة هههههههههههههههههههههههههههههههههههههه

[بوحارب]

والله يابوحارب انت ماتنرد
وانا اعرف انت من تبي بس صج احذفتك
بعيد يعني ماحدتك الى على سقر
:)

الله كريم :weeping:

[ام السعف]

والله ياحسن انت شفتني امس في مجلسك

يعني بالله عليك واحد مزيون مثلي ياخذ وحده عمرها :(60

أصلاً ام السعف تبي تنتقم مني ولا هي تعرف من ابغي أخطب بس تتشرد

زين ما يصير تعطيني التذاكر الحين :)

صدقت يا بو حارب:)

فاحسن لك شل الفكرة من راسك ،، لأني اليوم شفت مزيونة سبعينية
تصغرني بعشر سنين بس كأنها تصغرني باربعين سنة
بس عيبها اسنانها تركيب زراعة لكن الزين كله عندها
وفيها سحر يخليك تمشي وترسمها في الهوى وعلى الطوف والبينان :telephone:

[ام السعف]

الإستقراطية

لو قلنا ان طلبات البنات مب تعجيزية الا انها تسخيفية من الدرجة الأولى

عيل وحدة على قدها تقول ما بي عرسي الا في القصار او الريتس او حياة جراند

عيل اللي عيونهم مليانة شنهي شروطهم ؟

نعم يقدر شباب اليوم يوفرون للبنات هالشروط لأنهم اكيد ما طلبوا
ريش جنكيز خان علشان يتغربون ويروحون اييبونه ،،

بس الطبات هذه سخيفة تجحد المعرس وتخليه يتمنى انها تقول ما بي عشى
علشان يوفر فلوسه ،،

ضحكني ولدي يوم قال لي :
" يمى مب مشكلة ادفع 30 الف كوشة ،، لكن اشوف اشلون احنا اغبية
نحط 30 الف كوش حق ارب ساعات "

وبالفعل اليوم اقول من الغباء الأمور السخيفة اللي تصير اليوم
ومن الاسخف اننا احنا نجرف وراها جرف السيول المتكونة من الأمطار الغزيرة ،

وعطوني واحد

طمني بس
:(

[رهج السنابك]

خارج عن النص ..

انتي صرتي مثل بعض الناس الي هنيه ويانا بالمنتدى قمتي تصيرين لفئه لانج منهـم ..
من متى البنات شروطهم مب تعجيزيه .؟؟
قولي من متـى ولا وين عايشششششه انتي ولا نقص على بعضض ِ..
ابي مهرر وقدره وابي بيت وابي سايق وخدامه وانا مادش مطبخ وانا ماعرف اكوي وانا ابغي اسافر وانا وانا وانا وااناا لاتحطين انه البنات يقولون تعالو خذونا والريال تكون عنـده شروط .
شنو شروط الريال انه مرته يكون شعرها طويل انها تطبخ له انه وانها وانها .. هاذي شروط قبل مايخطبببب حتـى لانه هو يبي شريكة حياته كذا وفي بنات كذا .. لكن كوني منصصفه



عاشق يبه
خلونا منصفين مثل ماتقول
وخلك من القيل والقال
لما تخوض التجربه بنفسك وتقرر تتزوج وتخطب رسمي بتعرف اذا البنات لهم شروط تعجيز مثل ماتقول وتسمع او لا :)
وانا ابصم لك من الحين انك مابتلقى ولا شرط تعجيزي كله كلام وقصص الف ليله
هو في بنت لما تنخطب تقول ماعرف اكوي او ماعرف اطبخ؟ وان افترضنا قالت مع انه مايحصل هل هو شي تعجيزي ؟!
الحين الريال يحط الخدم لمرته قبل حتى لا تجيب عيال
بخصوص المهر كم مهور بنات قطر؟؟؟
ميه ميتين؟!
هل الحين حد عاجز عنها؟!!!
الكل بخير ونعمه
لو بنت طلبت حفله عرس بقاعه معينه قول ان كثرت بتكلف كم؟ ميه؟
طيب يبه مب ذي كلها شروط ماديه؟
ترا اسهل شي هو الشرط المادي
وفي العرس كل القبيله تتعاون وكلن يعطي عنيات
بعض المعاريس مايتكفلون بشي ابد من العنيات الي توصله
والله ياعاشق ان خضت التجربه بنفسك بتتذكر كلامي :) وبتعرف ان الي يبي يتزوج وجاد وعازم مافي شي تعجيزي بيواجهه

[رهج السنابك]

ام السعف بعطيج عشرين مب واحد
عاد مدري اشتبين بالضبط


اتفق معاج ان هالشروط تسخيفيه

اصلا البنت الي تتشرط باي شرط مثل مكان القاعه او مبلغ المهر تطيح من عيني لانها تافهه ونظرتها مظاهر وفلوس

لكن جوابي تحديدا على هل هي تعجيز؟؟؟ هل فعلا تعجيزيه هالشروط؟؟؟
لا مب تعجيزيه حتى ان كانت سخيفه

لكن بالمقارنه شروط الريال احيانا يقعد سنين يلف ويلف ويخطب من كل بيت لانه مالقى المواصفات او مالقى شروط معينه يبيها وغالبا الشروط تعجيزيه مب شي ينشرى بفلوس
مثلا يبي بنت من قبيله معينه وعمرها جذي
وتكون بيضا او سمرا او زرقا
المهم شروط ماتنشرى بفلوس

البنت عمرها ماشرطت ابي شكله جذي ووظيفته جذي وعمرها جذي
اللي يطق بابها وقالوا لها اهلها عنه انه زين رضت
ولكل قاعده شوااااذ

[القحطاني505]

والله ودي ان الدولة تدعم الزواج من الثانية سواء الشباب او الشيبان

والله صرنا أقلية يا اهل قطر

[بريق الماسه]

الأرستقراطيه

احين زواج الأستئناس بس حق الشياب ؟

[بوحارب]

صدقت يا بو حارب:)

فاحسن لك شل الفكرة من راسك ،، لأني اليوم شفت مزيونة سبعينية
تصغرني بعشر سنين بس كأنها تصغرني باربعين سنة
بس عيبها اسنانها تركيب زراعة لكن الزين كله عندها
وفيها سحر يخليك تمشي وترسمها في الهوى وعلى الطوف والبينان :telephone:

الوصف يقتل هههههههههههههههههههههه

[تحداني]

الله يكثر من امثالج ام السعف
انتي وايد زينه .. ترى الي يوفق راسين بالحلال له اجر عظيم
شدي الهمه .. وانا بوزع اكروت العرس


يارب يتوفقون
على الاقل تطلعين بإنجاز عظيم من هالمنتدى بدل الكتابه والكتابه والكتابه
:(

[بوحارب]

الله يكثر من امثالج ام السعف
انتي وايد زينه .. ترى الي يوفق راسين بالحلال له اجر عظيم
شدي الهمه .. وانا بوزع اكروت العرس


يارب يتوفقون
على الاقل تطلعين بإنجاز عظيم من هالمنتدى بدل الكتابه والكتابه والكتابه
:(

بس الكروت

نبي الدي جي بعد :tease:

شكلج خطابه تحداني :omg:

وولكم باك يا مدير

[ام السعف]

الله يكثر من امثالج ام السعف
انتي وايد زينه .. ترى الي يوفق راسين بالحلال له اجر عظيم
شدي الهمه .. وانا بوزع اكروت العرس


يارب يتوفقون
على الاقل تطلعين بإنجاز عظيم من هالمنتدى بدل الكتابه والكتابه والكتابه
:(

ترى الكلمة الطيبة صدقة والنوايا الصادقة عند كتبتها بعد صدقة

فإن شاءالله نتصدق واحنا نستخدم الكتابة والكتابة والكتابة في هالنتدى

ووحش كبير ياكلج
وعطوني واحد
مرحيب مرحيب مرحيب

[ام السعف]

ام السعف بعطيج عشرين مب واحد
عاد مدري اشتبين بالضبط


اتفق معاج ان هالشروط تسخيفيه

اصلا البنت الي تتشرط باي شرط مثل مكان القاعه او مبلغ المهر تطيح من عيني لانها تافهه ونظرتها مظاهر وفلوس

لكن جوابي تحديدا على هل هي تعجيز؟؟؟ هل فعلا تعجيزيه هالشروط؟؟؟
لا مب تعجيزيه حتى ان كانت سخيفه

لكن بالمقارنه شروط الريال احيانا يقعد سنين يلف ويلف ويخطب من كل بيت لانه مالقى المواصفات او مالقى شروط معينه يبيها وغالبا الشروط تعجيزيه مب شي ينشرى بفلوس
مثلا يبي بنت من قبيله معينه وعمرها جذي
وتكون بيضا او سمرا او زرقا
المهم شروط ماتنشرى بفلوس

البنت عمرها ماشرطت ابي شكله جذي ووظيفته جذي وعمرها جذي
اللي يطق بابها وقالوا لها اهلها عنه انه زين رضت
ولكل قاعده شوااااذ

مب تعجيزية لكن وراها ديون في الكثير من حالات الزواج

اما اللي شروطه زايدة يقتنع بأقل المتطلبات اخر الأمر ،،

نعم الشاب يبي البنت الصاروخ صاحبة المقاسات المعينة والملامح المعينة
مع ان كل المقاسات والاحجام تفيد المطلوب ،، بس هوس الفكر والبال
والخيال والإحلام ينحصر في هالمواصفات بالذات ،،

اما بنت من هالقبيلة او هالقبيلة اشوف من حقه فحرام نبخسه هالحق :weeping:

[ام السعف]

الوصف يقتل هههههههههههههههههههههه

مقتول في الوصف :(

[تحداني]

بس الكروت

نبي الدي جي بعد :tease:

شكلج خطابه تحداني :omg:

وولكم باك يا مدير




بقول لك شي انزين
انا والله مره من المرات قلت حق الناس اهني
ايها الناس انا عندي اشكثر بنات اشزينهم
فيهم تقريبا المواصفات المطلوبه .. ان شاء الله
تبون انزوجكم
كلهم قالوا اي والله اي .. هاي المطلوب وهاي الي نبيه
عاد ان اسمع من اهني وطلع من اهناك

نطرت .. نطرت .. يوم .. يومين .. ثلاث
ابد اعيونك ما اتشوف الا النور
لا حس ولا خبر

قلت تدرين يا تحداني
هذيلن ما عندي ما عند جدتي
بس كلام
غسلت يدي منهم .. قلت ان شاء الله ادورون لين ما اضروسكم اطيح انا اشعلي منكم
انتوا ما عندكم مصداقيه ولا تبون شي غير الحنه والزنه
وكلامكم مأخوذ خيره
لا انتوا اخواني ولا خوالي اشعلي منكم
قلت بكسب اجر .. لا كسبت اجر ولا خذوا مني شي
بس والله


:)

مب تطنز على ردي ترى بزعل




ترى الكلمة الطيبة صدقة والنوايا الصادقة عند كتبتها بعد صدقة

فإن شاءالله نتصدق واحنا نستخدم الكتابة والكتابة والكتابة في هالنتدى


انزين :weeping:
انتي بس هاي الي شاطره فيه


ووحش كبير ياكلج
وعطوني واحد
مرحيب مرحيب مرحيب




مرحيب مرحيب مرحيب

[شروووق]

الله يوفق الجميع