المساعد الشخصي الرقمي

مشاهدة النسخة كاملة : إدراج الأولى للتمويل في البورصه !!



إنتعاش
21-02-2005, 12:09 PM
السلام عليكم ورحمة الله وبركاته

اخواني الكرام كما نعلم في قطر او قد تصل للفرد منا أنباء متفاوته

حول الاولى للتمويل واكتتابها او طرحها بالسوق

حيث كانت هناك اخبار انه عرضوا السهم للاكتتاب فيه بمبلغ 37 ريال تقريبا كما وصل لي

قبل 4 شهور تقريبا

ولكن بعدها اختفت الاولى للتمويل واختفت الاخبار عنها


لا اعلم هل مازالت هناك خطوات جاده لطرحها بسوق الدوحة للأوراق الماليه ام لا ؟


ياريت نشوف معلوماتكم فيها اذا احد يفيدنا جزاكم الله خير

alkaabi
21-02-2005, 12:19 PM
هلا انتعااااش

ولد حلال من شوي اسولف مع واحد من الربع عنها

واسهمها تتوزع الحين على 30 ريال تقريبا

وواحد من الكبارية اللي اعرفهم حصل 10 الاف سهم

وامس بلغنا بهالشيء

وهالخبر اكيد مليون في المية لاني اعرف الرجال تمام

ويقولون اللي عنده معرفة مع عيال ال ..... ........ يحصله كم سهم

وبعدها تنطرح في البورصة

بس الهوامير يخلصون نسبتهم من التأسيس

وسمعنا انه الدولة طالبتهم بتخفيض نسبة المؤسسين

ويعطيك العافية

إنتعاش
21-02-2005, 12:21 PM
يعني اخوي الكعبي

خلصوا التأسيس

وإلا مازال فيه كرسي فاظي ؟


ياخوي تكفى ياخوي

حمد
21-02-2005, 12:45 PM
والله انا واحد من الربع ... يانتعاش قالي ان في واحد من عايلة العــ........ يبي ايبع اسهمه في الاولى

بس على شرط كلها مع بعض .. اعتقد انه مؤسس ... تبي اسالك حاضر ... نو بربلم .....

بس عطني الاوكي .... وانا اتصل

حمد

إنتعاش
21-02-2005, 12:46 PM
شوفي لي اياه اخوي ياريت

وشوف كم عنده وعلى كم ريال يبيها

وعطني خبر الله يجزيك خير

الأستشاري
21-02-2005, 12:50 PM
تم الأنتهاء من توزيع أسهم الأكتتاب على الراغبين في الشراء والطلابات عليها كبير وسعر السهم 35 وراح تنزل البورصه في أول شهر ابريل.ومن المتوقع أن يصل سعرها الى 80 ريال في البورصة

إنتعاش
21-02-2005, 12:52 PM
اخوي الاستشاري متأكد انت من موعد طرحها ؟


لانه قريب جدا

ولا جابو له اي خبر بوسائل الاعلام

ومادري عندك فكره عن كيفية طرحها

يعني كيف تنطرح بالسوق وكل اسهمها ملك المؤسسين من تحت الطاوله ؟

حمد
21-02-2005, 01:16 PM
انتعاش

توني امسكر من المصدر ويقول ان لين الحين ايبيعون .... ومايبيعون الا اسهم كثيره ....

يعني وعلى كلامه مليون سهم وطالع ... وتكون مؤسس ... وقال اذا تبي باشوف لك ....

هذا كلامه .... والله اعلم ....

وقال تنباع على 35 ولما تنزل البورصه بتكون في الــ 40 ( توقع لا اكثر )

حمد

إنتعاش
21-02-2005, 01:48 PM
حمد

هلا فيك اخوي

اللي فهمته منك انه على تقدير عشان ادخل

اكتتب في مليون سهم بـ 35 ريال ؟

يعني 35 مليون ريال ؟

اذا كان ذا المبلغ صحيح

فقول للمصدر : مساك الله بالخير :p

ابوعلي اليافعي
21-02-2005, 02:27 PM
حمد

هلا فيك اخوي

اللي فهمته منك انه على تقدير عشان ادخل

اكتتب في مليون سهم بـ 35 ريال ؟

يعني 35 مليون ريال ؟

اذا كان ذا المبلغ صحيح

فقول للمصدر : مساك الله بالخير

هههههههههههههههههههههههههههههههههههههههههههههههههه هههههههههههههههههههههههههههههههههههه والله يانعاش ذبحتني من الضحك...حلوه مساك الله بالخير






فقول للمصدر : مساك الله بالخير

sulai6i
21-02-2005, 05:16 PM
اللي فهمته منك انه على تقدير عشان ادخل

اكتتب في مليون سهم بـ 35 ريال ؟

يعني 35 مليون ريال ؟

والله اول ما قريت هالجملتين .. قلت في قلبي ( الله يرزقك يا انتعاش بـ 35 مليون )

آمين

سوبر سهم
21-02-2005, 09:23 PM
حمد لازم نشتري مليون؟؟


والاكتتاب الاسهم العاديه كم سهم وبكم؟

ولوبغينا نسأل نستفسر عند من؟


بانتظارك

وتسلم

الجرناس
21-02-2005, 09:33 PM
الأولي موضوعها على الساحه منذ مايقرب من العام وتم الإكتتاب في اسهما بشكل سري ( من حت لتحت ) وتناقلت وكالة انباء يقولون ( كما يقولون الأن ) ان الأسهم تباع لدي بعض المشترين او مايسمون بالمؤسسين
منذ ذالك الحين وانا ابحث عن شخص جاد او محدد لم اتوصل الى شيء وكنت اتلقى اجبات او عروض مثل الذي عرضه الأخ حمد ( مع احترامي له ) وهو عرض تعجيزي أو كما يقولون ( طرده ) لأن مثل هذا العرض لايجعل للمشتري مجال للنقاش ويفضل الإنسحاب
اسف على الإطاله

الأستشاري
21-02-2005, 10:23 PM
تحياتي لكم الشركة الأولى طرحت أسهمفي أكتتاب خاص لمن يريد وعلى أساس أقل عدد أسهم ممكن الحصول علية هو 40000 سهم ونظرا للموافقه من قبل وزارة الأقتصاد على طرح الشركه في البورصه زاد الطلب على أسهمها مما ضطر الشركه الى تخفض عدد الأسهم اللممكن الحصول عليها الى 10000 سهم وقد أغلاق باب الأكتتاب الخاص وسعر السهم ب35 ريال وراح تنزل البورصه بسعر ل قل عن 80 ريال على أعتبار أنها شركة قائمه وتحقق أرباح . وهي تعمل في التمويل الأسلامي وبنفس عمل شركة الأ جاره والتى لم تحقق أرباح معقوله الى اليوم كما أن سعر سهمها 50 ريال فما بالك بالأولى

حمد
21-02-2005, 11:13 PM
والله شباب انا الشخص الي قالي قال جذي وبالضبط .... وهو مب راعي الاسهم لكن قريبه ....

واذا تبوني اوصلكم فيه ماعندي مشكله ...

بس سووا حطيه ... وكل واحد نص مليون ... وتعالوا ... انتوا الفلوس ... وانا الواسطه هههههه

....

والله هاي الي انقالي ...يمكن الكلام مب صحيح بس مب ذنبي انتوا سالتوا وانا سألت وجبت الاجابه

حمد

سوبر سهم
22-02-2005, 08:07 AM
مشكورين حمد والاستشاري

:) :) :)

إنتعاش
22-02-2005, 09:48 AM
حمد

لا اخوي

يسلم راسك يابوشهاب

وما قصرت لا في المعلومات ولا في السؤال

رايتك بيضا الله يطول بعمرك

ولنا عوده بموضوع الاولى هاللي صاير من خلف الكواليس !!

اعتقد بتقوم عليهم السالفه اذا الناس درت عنهم

لأنه شي غير طبيعي الصراحه

alkaabi
22-02-2005, 10:33 AM
هلا انتعااااش

مثل ماقالوا الاخوان اعتقد لازالت تتوزع اسهمها

واللي عنده معرفه بيحصل

واذا فيه اي شيء ببلغك ان شاء الله