مبروك حق اخونا الامارتين دخول اوروبا بدون فيزه

[jassim69]

الاتحاد الأوروبي يلغي تأشيرات الدخول لمواطني الإمارات

بندر الدوشي- سبق- متابعة: وافقت لجنة الحريات المدنية والعدل والشؤون الداخلية بالبرلمان الأوروبي، أمس، على تقرير يوصي بإلغاء تأشيرة دخول الاتحاد الأوروبي بالنسبة لمواطني دولة الإمارات العربية المتحدة، وذلك بحسب صحيفة "البيان" الإماراتية اليوم.

وقالت عضوة اللجنة ماريا غابريلي، والتي أعدّت التقرير في اجتماع اللجنة، إن الإمارات مهتمة بتعزيز العلاقات مع أوروبا، ولا يوجد خوف من الهجرة غير القانونية، كما أن مواطنيها يأتون إلى أوروبا للأعمال أو السياحة أو العلاج أو الدراسة، مؤكدة أن الإمارات ستلتزم بمعاملة مواطني الاتحاد بالمثل فيما يتعلق بالتأشيرات.

وقال مسؤول من المفوضية الأوروبية، خلال الاجتماع: إن المفوضية تحبذ إلغاء التأشيرة بالنسبة لمواطني الإمارات، وبهذا تكون أول دولة عربية يحق لمواطنيها دخول دول الاتحاد الأوروبي دون تأشيرة دخول.

وسوف تصوّت اللجنة على التقرير أواخر هذا الشهر، ثم يُعرض على البرلمان الأوروبي كله، ثم مجلس وزراء الاتحاد للموافقة النهائية مع منتصف العام القادم.

[بومتعب]

ماشاء الله عليهم .....

الاماراتين معفيين من فيزة بريطانيا ..... والحين الاتحاد الاوروبي


واحنا طوابيرررررررررررررر طويلة طرارة عند ابواب السفارات ....مع ان استثماراتنا في بريطانيا بالمليارات ....... وفي الاخر نوقف طابور من الفجر كانا نشحت منهم ....... الله المستعان

[بطل الفريج]

الف مبروك

[New Vision]

شي طيب ويحسب لاخوانا الاماراتين ويستاهلون اكثر

[بوخالد911]

1000 مبروك

وعقبالنا

وليش ما نصير مثلهم؟!؟؟!؟!؟!

أخس شي لما نبي فيزا بريطانيا

أستغفر الله
مذلة ما بعدها مذلة

[al-obaidly]

دوله الامارات دوله تستاهل كل خير

[ابوسعود]

يستاهلون اهل الامارات

[Aaziz]

الاماراتيين ناس يتكلمون كثير و يعملون كثير
احنا نتكلم كثير و نعمل اقل
و فيه ناس يتكلمون كثير و مايعملون شي

[الكنترول]

خبر خير هذا الشيء سار له سنه

[Fahad Alqahtani]

وبالمقابل دخول الأوربيين بدون فيزبا للإمارات ..
يدخلون بفيز ونشتكي منهم وشلون بدون فيز .. عز الله رحتم فيها

[عاشق العديد]

مرحب اخوي ..

عندك رابط رسمـي ..!؟

دخلت صحيفة البيان ادور ماعينت الخبـر !؟

[مخطط قطري]

الخبر صحيح والفال لنا

[asasasss]

باقي امريكا بعد

[طبيب قطري]

وبالمقابل دخول الأوربيين بدون فيزبا للإمارات ..
يدخلون بفيز ونشتكي منهم وشلون بدون فيز .. عز الله رحتم فيها

:victory::victory:

[بونووف]

وسوف تصوّت اللجنة على التقرير أواخر هذا الشهر، ثم يُعرض على البرلمان الأوروبي كله، ثم مجلس وزراء الاتحاد للموافقة النهائية مع منتصف العام القادم.

ليحن ماوفقوا..

عالعموم يستاهلون هل الامارات والفال لنا

[cavok]

اماراتي وراسي في السما مرفوع "" اماراتي واسمي بالفخر مطبوع
اماراتي غلاها ساكن بذاتي. """ أموت بها وراسي بالسما مرفوع

[Right]

يستاهلون أهلنا .. أهل الإمارات كل خير



يعملون بصمت بدون بروبقندا إعلامية .. فهم قول و فعل

[خزامئ]

الامارات لها حد يحكي ويدور حق شعبه
ويصون كرامته

[مشاكل]

في حال الغاء الفيزا الاوروبية علينا والبريطانية ،،، ربعنا كل ويك اند تحصلهم في اوروبا :omen2:
لا لا لا خلنا جذيه ابرك :discuss:

[rashid565]

وبالمقابل دخول الأوربيين بدون فيزبا للإمارات ..
يدخلون بفيز ونشتكي منهم وشلون بدون فيز .. عز الله رحتم فيها

للعلم الماني يدخل قطر بدون فيزا
والقطري مايدخل المانيا إلا بفيزا

[بحر شرق]

القطرين بعد دخول فرنسا وبريطانيا من غير فيز

[hamad almohd]

يستاهلون اخوانا الإماراتيين بس بعد الأوربيين يدخلون الأمارات بدون فيزا يعني لو يصير لنا نفس الشي والله لاتنترس البلاد من اهل اوروبا وخاصه اوروبا الشرقيه لا والله خلنا جذي ابرك لنا

[بنت المطر]

حظهم :) تبارك الله

عقبالنا

[New Vision]

القطرين بعد دخول فرنسا وبريطانيا من غير فيز

احنا نحتاج فيزة لدخول فرنسا وبريطانيا وهم مايحتاجون لان عندهم واسطه:rolleyes2:

[علي1]

الله المستعان

[لاجل QT]

يستاهلون اخوانا

واحنا متى؟؟؟

[al-obaidly]

يستاهلون اخوانا

واحنا متى؟؟؟

مع محطه القطار الجديده

[الكنترول]

عسى ندخل الدول الأوربية بدون فيزا

والله وناسة

[(بوطلال)]

سبحان الله نبارك لهم ونتمنى دخول هالدول بدون فيزا .

ليش؟

[لاجل QT]

مع محطه القطار الجديده

هههههههه

الا صج وين مكانها محطة القطار ماشفنا سكك حديد ماسمعنة طوووووط:secret:

[نصير المظلوم]

الفأل للشعب القطري وألف مبروك للإمارات

[(بوطلال)]

سبحان الله نبارك لهم ونتمنى دخول هالدول بدون فيزا .

ليش؟

[حسن]

سبحان الله نبارك لهم ونتمنى دخول هالدول بدون فيزا .

ليش؟

والله يابو طلال انا مهب مؤيد كلش وش نبي نروح لهم كله دول فسق وامور تسير في الشوارع جدامنا

يعني لهذه الدرجه شالين همها مافي وش نبي فيهم مهب كفار ومشلحين في الملابس
انا واحد مابي لان واذا ابي اروح اخذ فيزه
وهو ولع بس كل يوم راز الويه في بلادهم

[مهره]

لا شلون نصير مثلهم احنا وايد تقريبا 10 ملايين مايصير

استغفر الله بس

[(بوطلال)]

والله يابو طلال انا مهب مؤيد كلش وش نبي نروح لهم كله دول فسق وامور تسير في الشوارع جدامنا

يعني لهذه الدرجه شالين همها مافي وش نبي فيهم مهب كفار ومشلحين في الملابس
انا واحد مابي لان واذا ابي اروح اخذ فيزه
وهو ولع بس كل يوم راز الويه في بلادهم

وفي غيرها من الدول الاسلاميه احسن من اوروبا بمليون مره البوسنه شمال تركيا وعندك جورجيا بعد بلاد ملتزمه رغم انها مب اسلاميه وطبيعه وجمال عندك اندنوسيا ماليزيا جبالها بارده . يعني الخيارات كثيره .والله يرحم ايام اجازة الربيع في البر والصيف مصر ويتم الواحد يفوشر شهر عقب مايرد منها .

[مونتانا]

لازم حكومتكم اتكلم مع الاوروبيين عشان الغاء الفيزا. بس وش اللي حادهم اذا الواحد تجيه الفيزا لين بيته اما المواطن العادي يقبض الدور غصبا عنه رضا ولا مارضا.

[مواقف النجادة]

لازم حكومتكم اتكلم مع الاوروبيين عشان الغاء الفيزا. بس وش اللي حادهم اذا الواحد تجيه الفيزا لين بيته اما المواطن العادي يقبض الدور غصبا عنه رضا ولا مارضا.

حكومتكم !!

ليش؟ انت وين حكومتك؟

[لاجل QT]

زين صفو لنا الدول الاجنبية اللى ماندخلها بفيزا واللى بفيزا؟؟

[OREO]

الاوروبيون و البريطانيون لا يرضون بشعوب لاتُجيد القراءة و الفهم..

[حسن]

وفي غيرها من الدول الاسلاميه احسن من اوروبا بمليون مره البوسنه شمال تركيا وعندك جورجيا بعد بلاد ملتزمه رغم انها مب اسلاميه وطبيعه وجمال عندك اندنوسيا ماليزيا جبالها بارده . يعني الخيارات كثيره .والله يرحم ايام اجازة الربيع في البر والصيف مصر ويتم الواحد يفوشر شهر عقب مايرد منها .

اي والله يابو طلال ذكرتني بايام الربيع يازين ذيك الايام وشلون فرحتنا اذا نزلنا البر
وايام ام بركه والبر مخضر والله يا انه السفر ماندري عنه ولا حد يجيب طاريه
اما الحين مايصدقون مايحصلون يومين دفوه برع

زادت الخرده يابوطلال

:)

[حسن]

الاوروبيون و البريطانيون لا يرضون بشعوب لاتُجيد القراءة و الفهم..

شدعوه يااوريو بيكتبون موضوع انشاء عن رحلتهم جائت مريم من لبنان

انزين لغه الاشاره ماتنفع
:)

الحمدلله انا امشي حالي انجليزي هندي بتاني نطقطق ايراني مش حالك المهم يفهموني وافهمهم مثل سالفه اللي يبي يبلغ الرسبشن عن الفار اللي عنده في الغرفه
قال ترا جيري عندي في الغرفه

ههههههههههه

:victory:

[OREO]

شدعوه يااوريو بيكتبون موضوع انشاء عن رحلتهم جائت مريم من لبنان

انزين لغه الاشاره ماتنفع
:)

الحمدلله انا امشي حالي انجليزي هندي بتاني نطقطق ايراني مش حالك المهم يفهموني وافهمهم مثل سالفه اللي يبي يبلغ الرسبشن عن الفار اللي عنده في الغرفه
قال ترا جيري عندي في الغرفه

ههههههههههه

:victory:

المقصد يابوعلي بأن السالفة كلها توصيات X توصيات ،، و البعض يهلل و يبارك و يرقص على ماميش ،، :shy:

الواحد يبارك لكن وقت اتخاذ القرار و مهب وقت رفع التوصيات و هذا دليل البعض ماقرا الموضوع من الاساس ولا فهم المغزي من نشر الخبر بهذا الوقت ،،

الحروب الاعلامية بدت بين الاخوان و ربي يحفظ الجميع و يبعدنا عن الفتن ان شاءالله ،،

[حسن]

المقصد يابوعلي بأن السالفة كلها توصيات x توصيات ،، و البعض يهلل و يبارك و يرقص على ماميش ،، :shy:

الواحد يبارك لكن وقت اتخاذ القرار و مهب وقت رفع التوصيات و هذا دليل البعض ماقرا الموضوع من الاساس ولا فهم المغزي من نشر الخبر بهذا الوقت ،،

الحروب الاعلامية بدت بين الاخوان و ربي يحفظ الجميع و يبعدنا عن الفتن ان شاءالله ،،

يارجال نهاوش على فيزه شدعوه بنغال
انا عندي مبدا حط فلوسك في الشمس واقعد في الضلال

هين قرشك ولا تهين نفسك

بعدين يمكن في الطريق ولا المركب الجاي

الصبر مفتاح الفرج

:)

[math~story]

الفأل للشعب القطري وألف مبروك للإمارات

[الزعيـم]

انجاز عظيم تفتخر فيه الشعوب العربيه والاسلاميه ..!

[شروووق]

الذيب مايهرول عبث
ﻻن اﻻمارات كانت كارهه حكم المسلمين في مصر
وقدمت المساعده للسيسى في قتل المسلمين
وﻻ حست بمعانات المصريين
المساكيين
الفقراء
الى يطالبون بحقوقهم
والى نصهم ساكنين المقابر
والشوارع
والكل يعرف هذا الشي

[رفيع الهامه]

لا مانبي الا بعد خمس سنوات



انا من فتره ماخذ فيزة خمس سنوات ودافع دم قلبي 3500 ريال ... لا تقولون يلغونها وتروح علينا فلووووووووووووووسنا:tease:

[ولد شرق]

في حال الغاء الفيزا الاوروبية علينا والبريطانية ،،، ربعنا كل ويك اند تحصلهم في اوروبا :omen2:
لا لا لا خلنا جذيه ابرك :discuss:

غلطان ياخوي
تقدر اتقدم على فيزا 5 سنوات واطير على لندن ويك اند

على فكره ترا اعرف ناس اتروح ويك اند لندن :)

[VX.R]

الذيب مايهرول عبث
ﻻن اﻻمارات كانت كارهه حكم المسلمين في مصر
وقدمت المساعده للسيسى في قتل المسلمين
وﻻ حست بمعانات المصريين
المساكيين
الفقراء
الى يطالبون بحقوقهم
والى نصهم ساكنين المقابر
والشوارع
والكل يعرف هذا الشي

بل بل بل ...
وش ذا الحقد على الإمارات ؟؟

عموما

الصحف الإماراتية العام الماضي " ونشر الخبر في هذا المنتدى " أعلنت أنها سوف توقع اتفاقيه مع دول اليورو ، يعني قبل عهد مرسي ..

فكيف تربط هذا الإنجاز الدبلوماسي ، بالأحداث ما بعد عهد مرسي ؟

[فارس قطر333]

الفال لنا ان شاء الله

[عذايب قطر]

مبروك علينا يالامارات

في تقدم مستمر

تحياتي لكم

[saud.m]

انا مب عارف ليش تباركون للحين ما انلغت الفيزا عليهم توصيات و للحين في تصويت ثلاث مرات من اللجنة و البرلمان الاوروبي و بعدين مجلس وزراء الاتحاد الاوروبي
و بعد معاملة بالمثل يعني اي دولة عضو في الاتحاد الاوروبي مواطنيها لهم حق يدخلون الامارات من غير فيزا يعني من هب و دب